جريدة الراية تعرض وظائف شاغرة بشكل مستمر ... فلماذا التذمر

[البدع]

كل يومين تطلع جريدة الراية باعلان مطلوب وظائف

وأخرها كان وظائف في الجيش والشرطة قبل 3 ايام

فلماذا التذمر من قلة الوظائف للثانوية العامة

بعض الشباب للاسف

يبي الوظيفة تجيه وهو في فراشه

مايبي يراكض

[جوال 11]

صعود الجبال الى القمة يبدأ من القاع والشخص يجب عليه الرضى خاصة إذا مؤهل التعليمي ضعيف ،
أحدهم في هذا المنتدى طلب وظيفة ولو مقهوي أو طباخ وعندما حصل على جندي
مع الأسف طلب مرشح ضابط ورفض الجندي .

وهذا نص قوله
تكفى يا اخوك

ما ابي عريف

ابي جندي ممكن

المهم الوظيفة

بلا شروط

ولا رتبه

حتي لو مراسل

والا مقهوي

والا طباخ

ممكن

[البدع]

جوال

الاحظ وظائف كثيرة في الجريدة منذ اكثر من شهرين

وظائف متنوعة سواء ثانوية او جامعة

هناك حتى وظيفة في الهلال الاحمر القطري

ولكن عندما ادخل المنتدى الاقي التذمر الوان واشكال من البطالة

هل الذين يشتكون يقدمون لعدة شركات ولا بس شركة او شركتين

[باسكن روبنز]

جميعنا نطمح للاعلى ،

لكن قليل من يرضى بنصيبه بالواقع ،

ولكل مجتهد نصيب ،

والي بيحط يده على خده ينطر الوظيفه ماقول الا ربي يعينه ،

يعطيك العافيه يالبدع ، :)

[لمعة الالماس]

كلمت سنتين وانا اقدم وللحين ما توظفت

وهذا مو حالي حال وايد بنات نفسي


ادعوا لي اشتغل :(

[البدع]

ممكن تشرحين كلمتي من ??

وقذمتي لمن ??

[المتحدث الرسمي]

اعلانات التوظيف مجرد show لا اكثر ولا اقل الا من رحم ربي

ما في احد قدم على الوظايف الي في الجرايد كثري

تميت قاعد في البيت سنه تقريبا و الله انه محد رد علي مع انه عندي بكالوريوس هندسه :eek5:.

والقهر متى ردو ؟؟ لما اشتغلت :rolleyes2:

[كرستال]

الاعلانات هذي تكون متأخرة طال عمرك

قد هم مجهزين من الي بيكون بالوظيفة

والسالفة تغطية بس


ياما راسلنا .. مايردون عليك
او الايميل المحطوط (فل) ما يستقبل رسائل جديدة
او الحجم المطلوب للسيرة الذاتية ما يكفي .. يبون مختصر المختصر

الجدية في الموضوع وايد محدودة الا ما رحم الله

ان شاء الله تصدق هذي الاعلانات عشان الواحد يحس بالمن الوظيفي والمصداقية على الاقل

[الصريحه]

الاعلانات هذي تكون متأخرة طال عمرك

قد هم مجهزين من الي بيكون بالوظيفة

والسالفة تغطية بس


ياما راسلنا .. مايردون عليك
او الايميل المحطوط (فل) ما يستقبل رسائل جديدة
او الحجم المطلوب للسيرة الذاتية ما يكفي .. يبون مختصر المختصر

الجدية في الموضوع وايد محدودة الا ما رحم الله

ان شاء الله تصدق هذي الاعلانات عشان الواحد يحس بالمن الوظيفي والمصداقية على الاقل

هههه
صح حتى في المدارس المستقله اكثر الوظائف ممسوكه للي لهم واسطه

[بـــــــنت النوخـّــــذه]

كل يومين تطلع جريدة الراية باعلان مطلوب وظائف

وأخرها كان وظائف في الجيش والشرطة قبل 3 ايام

فلماذا التذمر من قلة الوظائف للثانوية العامة

بعض الشباب للاسف

يبي الوظيفة تجيه وهو في فراشه

مايبي يراكض




التذمر الله يسلمك لانها كلام جرايد يعني قول بدون فعل 00000000 يعني دعايات اعلانيه :)

[nouar]

ما حد يتذمر ..
لكن من كثر الوظائف ما في تعيين ...


يعني ماتصدقين كل واحد حط اعلان في الجريده انه راح يعين ممكن يريد يجيب موظف من بره بس لازمن انه يحط اعلان في الجريده منشان يقنع انه لافي فنيين في قطر ...:)

[monatee]

من باب التجربه قدم في كذا وظيفه من هالوظايف اللي معلنين عنها في الجرايد

وتعال قولنا اذا ردوا عليك

[بلوتنيوم]

حلو وش رايكم يكون هالموضوع حق اعلانات الوظايف
يعني اي اعلان ينحط بالجريدة
نحطه هنيه ونشوف من بيقدم عليه بس بشرط تكون مؤهلاته مناسبة للوظيفة
ونشوف وش الاستجابة
وبهاي الطريقة بنعرف من الجاد ومن الى مب جاد بالعروض

[مسك روز]

اكثر الوظايف المعروضه

يبون خبره ماتقل عن 3 او 5 سنوات !

يعني الواحد توه متخرج ، من وين بياخذ الخبره ؟

[qatari 111]

هاذولا يبغووون شروط تعجيزيه الخبره واللغه
انا انسان خريج جديد فالثانويه من وين اجيبلكم الخبره واللغه
حتى خريج الجامعه بعد نفس الموضوع
يبون واحد فل ابشن جلد فتحه رنجات عشرين تشغيل عن بعد وغيرها من هالمواصفات التعجيزيه

والاعضاء مثل ما ذكروا كلها اعلانات فقط والا اصل هم موظفين الناس من قبل الاعلان

ما في غير العسكريه فقط والشباب والبنات مساكين كل واحد عنده طموحات بس للاسف ينصدم بحاجز كبير لا يقوى عليه غير رب العالمين
والنتيجه يرضى بالامر الواقع وهو محبط داخلييا

الله المستعان

[الراقيه سبشل]

كله كلام جرايد

نقدم واذا صار نصيبنا نسوي الانترفيو .. وبالنهاية مافي رد ................:weeping:

[كاتم الاحزان]

نعم وانا عانيت من نفس الموضوع وانا اشوف ان اعلانات الوضايف اللي في الجريده اهلها معروفين من قبل لا يعلنون عنها فالجريده بس هذا علشان لو سئلهم احد يقولو ن احنا حطينا اعلان فالجريده واهو قدم الطلب وقبلناه وبلاصل اهو لا قدم عن طريق الجريده ولا شي اوراقه ماخذينها منه وهو فالبيت

وشكرا وانا اسف لو طولت عليكم والله مقهور

[STAR]

انا مايحروني فالاعلان الا سالفة خبرة ثلالث سنوات او خمس سنوات..‏!!‏

من وين اجيبهم؟! مايكفي خبرة دراسة اربع سنوات؟!!‏

[OREO]

كل يومين تطلع جريدة الراية باعلان مطلوب وظائف
وأخرها كان وظائف في الجيش والشرطة قبل 3 ايام
فلماذا التذمر من قلة الوظائف للثانوية العامة
بعض الشباب للاسف
يبي الوظيفة تجيه وهو في فراشه
مايبي يراكض


سبحان الله دووم توقف ضد اخوانك و خواتك الاقطريين ..

سؤال اخوي البدع .. فيك عقده من اهل قطر لا سمح الله .؟

لأن ما عمري شفت لك موضوع زي الناس .. دوووم تتذمر من اهل قطر سواء بطريقة مباشره او غير مباشره ..

سؤال اخوي البدع ..

في حد من اهل قطر مضايقك بشي ؟

او

في حد من اهل قطر ماكل حلالك ؟

اخوي البدع .. اعرف كثير من القطريين اللي يتصلون ويراسلون اصحاب الاعلانات .. لكن للاسف ما تجيهم النصيب الا نادرا 0.0001 % و السبب بسيط طال عمرك ..

السبب يا اخوي البدع بأن اصحاب الاعلانات يتجنبون امور المحاسبه و التدقيق من قِبل
الدولة و طريقة الاعلانات هي طريقة من الطرق الملتوية للخروج من المأزق هذا و كأنهم
يقولون شوفونا ترانا نتبع سياسية الدوله في التقطير و الخطه الخمسيه و بالاضافة
( للشو) و الفات النظر لمسؤولين الدوله بأن المؤسسه او الشركه الفلانيه بحاجه الى
كوادر قطريه من الجنسين و الخ .. و في الاخير المقبولين في الوظايف المعلنه هي مجموعه من الكنادر .. ( لكن بطرق قانونيه ) ,,


اتمنى ربي يوفقك على قد نيتك ان شاءالله ,,

[مستوى الدعم]

أنا أبصم على كلام الأخوان اللي قالوا إن هالإعلانات استعراضية

وانه اصحابها متعينين من قبل حتى ما يروح الإعلان للجريدة..

اتذكر كان عندنا شاغر في جهة عملي... وكانوا خلاص بطريقتهم ضبطوا اشخاص للوظيفة..ولكن تفاجأوا ان الوزير طلب منهم يعلنون هالشواغر في الجرايد ..

صار الإعلان.. وقدموا ناس على هالوظايف.. وسووا مقابلات..

وفي النهاية تعينت اللستة الأولية .. اللي من قبل الإعلان