ليش اغلب المواضيع فيها مشاحنات؟؟

[احب قطر]

السلام عليكم ورحمة الله وبركاته ، وكل عام وانتوا بخير واسأل الله تعالى ان يبلغكم رمضان وان يتقبل منكم صيامكم وقيامكم وسائر اعمالكم .

في الفترة الاخيرة ومع زيادة الاعضاء وزيادة انتشار المنتدى في دولة قطر وخارجها (أصبح الان من اكثر 20 موقع دخولا في دولة قطر) كثرت المشاحنات والردود اللي تقلب كل موضوع رأسا على عقب وتنتهي يا ام بتوقيف بعض الاعضاء او باغلاق الموضوع .

انا اللي اعرفه عن المجتمع القطري انه مجتمع ((سمح)) وهذي الميزه ولله الحمد مازالت موجودة ولكن للاسف بدأ المجتمع يفقدها شيئا فشيئا ، فتلاحظ حتى لم الواحد يسوق السيارة يا ام واحد حاشر الناس بالهرانه او بالليتات او يلف على واحد ...وكل يوم هالظاهرة في ازدياد.

وانا بصراحة ودي من الاخوان انهم اولا يراجعون نفسهم ويتحلون بالصبر قبل لايكتبون اي رد ، وياما انكتبت مواضيع عن طريقة الردود وعن الاسلوب المقنع واتمنى من الاخوان جميعا انهم يثقفون نفسهم عن اساليب الحوار لانها ان شاء الله راح تفيدهم سواء داخل المنتدى او خارج المنتدى .

واتمنى لكم كل التوفيق ان شاء الله...

[المقهوره]

اغلب المشاحنات يختلقها من يريد فرض رأيه اجباري سواء صح ام خطأ

وغالبا تكون في الفئه العمريه الصغيره

[شيط ويط]

اعتقد (حرارة الصيف) الملتهبة هذا العام .. كان لها دور في هذه المشاحنات :)
ترى صج أكلمك ما أتغشمر

[AL3NA]

تسلم على الطرح المميز

ولاكن المنتدى مب كل اللي فيه قطريين هذي نقطه

النقطه الثانيه المشاحنات يختلقها الشخص الضعيف اللي يبي يفرض رايه على الاخرين بالقوه
مثل ما قالت اختي المقهوره


وتسلم يالغالي

[احب قطر]

اغلب المشاحنات يختلقها من يريد فرض رأيه اجباري سواء صح ام خطأ

وغالبا تكون في الفئه العمريه الصغيره

مايصير ان احد يفرض رأيه بالقوه ، ولازم يكون الشخص يتقبل الرأي الاخر ويكون منفتح لتغيير رأيه اذا لقى الرأي الاخر مقنع اكثر ، ويشيل عنه العصبية..

شاكر مرورج...

[s o s o]

وين المشاحنات ..؟

عطنا امثلة مثلا اذا تكرمت ..

[احب قطر]

اعتقد (حرارة الصيف) الملتهبة هذا العام .. كان لها دور في هذه المشاحنات :)
ترى صج أكلمك ما أتغشمر

كل الناس اللي يكتبون قاعدين تحت المكيف في البراد ، ...شكرا عالمرور

[المقهوره]

مايصير ان احد يفرض رأيه بالقوه ، ولازم يكون الشخص يتقبل الرأي الاخر ويكون منفتح لتغيير رأيه اذا لقى الرأي الاخر مقنع اكثر ، ويشيل عنه العصبية..

شاكر مرورج...

طيب واذا انت طرحت موضوع او رديت على مووضوع وانت صح 100%
ويجي شخص مب مقتنع لمجرد انه مب مقتنع ويقعد يجادلك طوووووول النهار
شراح يكون رده فعلك؟؟؟


اانا اقعد اجادل اجادل الين اشوف اخرتها وعقب اضرب طناش جامد

[قطرية حنونه]

اي والله !!!!!!!!

[احب قطر]

وين المشاحنات ..؟

عطنا امثلة مثلا اذا تكرمت ..

ادخل على المواضيع اللي في الحوار العام ، تقرا العنوان تلقى موضوعه يجذبك ، وبعدها تلقى الردود ان الموضوع اصبح له ردود شخصية مابين الاعضاء ما له علاقة بالموضوع.

وماودي اذكر أمثله...

[احب قطر]

طيب واذا انت طرحت موضوع او رديت على مووضوع وانت صح 100%
ويجي شخص مب مقتنع لمجرد انه مب مقتنع ويقعد يجادلك طوووووول النهار
شراح يكون رده فعلك؟؟؟


اانا اقعد اجادل اجادل الين اشوف اخرتها وعقب اضرب طناش جامد

مش مجبورة انج تغيرين رأي الشخص الاخر ، اكتبي ردج ولاتحولين الموضوع الى شي شخصي ، وفي النهاية في ناس تفكيرهم مختلف وفي ناس يقرون وفي النهاية كل شخص يحكم عالموضوع حسب نظرته.

[ابو محمد7]

البعض يؤمن باللي يسمونه بالحقيقة المطلقة يعني رأيي صح 100 % ورأي غيري خطأ 100 %

يفترض الانسان يدخل النقاش وهو يؤمن بالمقولة " رأيي صواب يحتمل الخطأ , ورأي غيري خطأ يحتمل الصواب "

المشكلة الاخرى ان البعض يعتمد اسلوب مهاجمة الرأي الاخر والاستهزاء به محاولة لاضعافه ويمكن هالاسلوب يقتنع فيه بعض المتابعين اذا كان هدفك اصلا انك تثبت ان انت صح وتنتصر

ولــــــكـــــــن

الطرف الاخر غالبا راح يزيد تمسكا برأيه وبالتالي ماراح تستفيد اذا كان هدفك انك تفيد الناس وتهديهم للحق

المشكلة الاخرى ان البعض يظن انه اذا دخل النقاش لازم يقنع الطرف الاخر ولازم يثبت انه صح !

المطلوب تدخل تعبر عن رايك وتكتب وجهة نظرك بشكل وافي وتكتفي بهالشي مب لازم دايما تدخل في جدال وسجال ماينتهي بفايدة

الحوار والنقاش والاقناع فن ومهارة واساليب تدرس

مب كل شي بالحماس والعاطفة

وختاما طبعا هالاخطاء انا نفسي اقع فيها كثيرا واحاول اتجنبها

[المقهوره]

مش مجبورة انج تغيرين رأي الشخص الاخر ، اكتبي ردج ولاتحولين الموضوع الى شي شخصي ، وفي النهاية في ناس تفكيرهم مختلف وفي ناس يقرون وفي النهاية كل شخص يحكم عالموضوع حسب نظرته.

ادري بس اذا كان موضوع يخص الدين

هنا المفروض مايناقش فيه جاهل

هذا هو الموضوع

[s o s o]

ادخل على المواضيع اللي في الحوار العام ، تقرا العنوان تلقى موضوعه يجذبك ، وبعدها تلقى الردود ان الموضوع اصبح له ردود شخصية مابين الاعضاء ما له علاقة بالموضوع.

وماودي اذكر أمثله...

اشلون يعني ماودك اخوي ..

لازم تدعم الموضوع باالاحداث والمشاحنات اللي تشتكي منها ..

صح والا انا غلطانة ؟

علشان نعرف نوع المشاحنات ..هل هي مجرد اختلاف في الرأي والا امور شخصيه مثل ماتكرمت ؟

:)

[miss cute]

المشاحنات تكون بسبب:
في اشخاص ماعندهم اسلوب فالحوار
وفي ناس تحب احد يجادلها عشان جي تكتب رد مستفز
وفي ناس اصلا يدشون عشان يبردون حرتهم والمنتدى يسمح للشخص يعبر عن رايه بكل حريه
وبعد مثل ماقال al3na اغلبهم مب قطرين
ومثل ماقلت المقهوره من فئه عمريه صغيره
وتسلم ع الموضوع

[احب قطر]

البعض يؤمن باللي يسمونه بالحقيقة المطلقة يعني رأيي صح 100 % ورأي غيري خطأ 100 %

يفترض الانسان يدخل النقاش وهو يؤمن بالمقولة " رأيي صواب يحتمل الخطأ , ورأي غيري خطأ يحتمل الصواب "

المشكلة الاخرى ان البعض يعتمد اسلوب مهاجمة الرأي الاخر والاستهزاء به محاولة لاضعافه ويمكن هالاسلوب يقتنع فيه بعض المتابعين اذا كان هدفك اصلا انك تثبت ان انت صح وتنتصر

ولــــــكـــــــن

الطرف الاخر غالبا راح يزيد تمسكا برأيه وبالتالي ماراح تستفيد اذا كان هدفك انك تفيد الناس وتهديهم للحق

المشكلة الاخرى ان البعض يظن انه اذا دخل النقاش لازم يقنع الطرف الاخر ولازم يثبت انه صح !

المطلوب تدخل تعبر عن رايك وتكتب وجهة نظرك بشكل وافي وتكتفي بهالشي مب لازم دايما تدخل في جدال وسجال ماينتهي بفايدة

الحوار والنقاش والاقناع فن ومهارة واساليب تدرس

مب كل شي بالحماس والعاطفة

وختاما طبعا هالاخطاء انا نفسي اقع فيها كثيرا واحاول اتجنبها

كلام سليم 100% وودي اضيف على كلامك ان لازم الانسان مايحول المواضيع الى مواضيع شخصية ، ولكن يفكر في الهدف اللي بيوصل له من رده ، ولازم يكون يهدف الى شي يفيد القارئ ...

[ابو محمد7]

طيب واذا انت طرحت موضوع او رديت على مووضوع وانت صح 100%
ويجي شخص مب مقتنع لمجرد انه مب مقتنع ويقعد يجادلك طوووووول النهار
شراح يكون رده فعلك؟؟؟


اانا اقعد اجادل اجادل الين اشوف اخرتها وعقب اضرب طناش جامد

ممم بقول لج رايي

اذا حسيتي الشخص يتناقش بس علشان يجادل ويعيد ويزيد بدون هدف او حسيتي انه يتناقش بس علشان يطلع هو صح خلاص انسحبي بهدوء وخليه

بس اذا حسيتي انه يبحث عن الحق حتى لو كان مخطيء ممكن تعطينه شوي من وقتج

وفي النهاية المهم يكون في اسلوب راقي واحترام للطرفين ولجميع الاراء

[احب قطر]

المشاحنات تكون بسبب:
في اشخاص ماعندهم اسلوب فالحوار
وفي ناس تحب احد يجادلها عشان جي تكتب رد مستفز
وفي ناس اصلا يدشون عشان يبردون حرتهم والمنتدى يسمح للشخص يعبر عن رايه بكل حريه
وبعد مثل ماقال al3na اغلبهم مب قطرين
ومثل ماقلت المقهوره من فئه عمريه صغيره
وتسلم ع الموضوع

وممكن بعد في ناس تفكيرهم سلبي وفي وفي وفي...بس اعتقد ان بيد كل عضو في المنتدى انه يطور من اسلوب الحوار ويحاول يثري الموضوع ، وبعدها راح تسود ثقافة عالمنتدى باسلوب مميز للحوار...سواء للقطري او غير القطري او الكبير او الصغير..

[احب قطر]

ممم بقول لج رايي

اذا حسيتي الشخص يتناقش بس علشان يجادل ويعيد ويزيد بدون هدف او حسيتي انه يتناقش بس علشان يطلع هو صح خلاص انسحبي بهدوء وخليه

بس اذا حسيتي انه يبحث عن الحق حتى لو كان مخطيء ممكن تعطينه شوي من وقتج

وفي النهاية المهم يكون في اسلوب راقي واحترام للطرفين ولجميع الاراء

للعلم انا رجال مش امرأه ...

[بـــــــنت النوخـّــــذه]

في فرق بين مشاحنات واختلاف في الرأي

ولازم يكون اختلافات عشان الكل يعرف وين الصح ووين الغلط وتتنوع المداخلات

والاهم من هذا وذاك ان الاختلاف في الرأي لايفسد للود قضيه 00وانا اشوف هالاختلافات تعطي نكهة للمواضيع 000بس بدون قذف وسب وشتم :)

[@ vip @]

اخوي احب قطر

بصراحة انا ما الوم هل قطر على المشاحنات

تخيل اخوي

جدامي سيارة فيها هندي او باكستاني او اي جنسية ثانية وحتى القطري

يسوق سرعته 60 والشارع يقولك السرعة فيه 100

بصراحة ما يحترق قلبك والله لا احشره بالليتات والهرانه حتى اخلي شعره ينفش

والحل هو عطه طراق على وجه بس لا تضرب اهرانه ولا ليتات

على العموم اشكرك على الموضوع

يا شباب نريد نتحلى بالصبر مم

[عربسات]

بعض الاسباب عدم مراعاة شعور الاخرين والبعض الاخر يكتبون لمجرد خالف تعرف ؟؟؟؟؟

[ابو خولة]

أتفـق العرب على ألا يتفقوا:whistling:

[ابو محمد7]

للعلم انا رجال مش امرأه ...

رجال ونعم فيك بعد

انا اقتبست كلام اختنا المقهورة وحبيت اعلق

[ابو خولة]

اخوي احب قطر

بصراحة انا ما الوم هل قطر على المشاحنات

تخيل اخوي

جدامي سيارة فيها هندي او باكستاني او اي جنسية ثانية وحتى القطري

يسوق سرعته 60 والشارع يقولك السرعة فيه 100

بصراحة ما يحترق قلبك والله لا احشره بالليتات والهرانه حتى اخلي شعره ينفش

والحل هو عطه طراق على وجه بس لا تضرب اهرانه ولا ليتات

على العموم اشكرك على الموضوع

يا شباب نريد نتحلى بالصبر مم



هاه:eek5:

[المقهوره]

ممم بقول لج رايي

اذا حسيتي الشخص يتناقش بس علشان يجادل ويعيد ويزيد بدون هدف او حسيتي انه يتناقش بس علشان يطلع هو صح خلاص انسحبي بهدوء وخليه

بس اذا حسيتي انه يبحث عن الحق حتى لو كان مخطيء ممكن تعطينه شوي من وقتج

وفي النهاية المهم يكون في اسلوب راقي واحترام للطرفين ولجميع الاراء

:victory:

اقدر اقول اللبيب بالاشاره يفهم

[Index Signal]

اخوي احب قطر

بصراحة انا ما الوم هل قطر على المشاحنات

تخيل اخوي

جدامي سيارة فيها هندي او باكستاني او اي جنسية ثانية وحتى القطري

يسوق سرعته 60 والشارع يقولك السرعة فيه 100

بصراحة ما يحترق قلبك والله لا احشره بالليتات والهرانه حتى اخلي شعره ينفش

والحل هو عطه طراق على وجه بس لا تضرب اهرانه ولا ليتات

على العموم اشكرك على الموضوع

يا شباب نريد نتحلى بالصبر مم




عفوا الشيخ .. ما تلاحظ إن السطر الأخير من ردك ماله علاقه نهائيا بالسطور إللي قبله ..؟! :looking:

بخصوص الصبر ..!!

[ابو محمد7]

:victory:

اقدر اقول اللبيب بالاشاره يفهم

المهم الانسان تكون نيته صافية ولا شرايج وكلنا نخطىء

[OTOsan]

عفوا الشيخ .. ما تلاحظ إن السطر الأخير من ردك ماله علاقه نهائيا بالسطور إللي قبله ..؟! :looking:

بخصوص الصبر ..!!

عبالي انا الوحيد اللي لاحظت !



مشكور اخوي احب قطر وماقصرت -----> بغيت رقم مميز ماعليك امر:shy:

[المقهوره]

المهم الانسان تكون نيته صافية ولا شرايج وكلنا نخطىء

اكيد النيه صافيه
في النهايه مسلمين ومن أمه محمد يا ابو محمد :)

[المقهوره]

عفوا الشيخ .. ما تلاحظ إن السطر الأخير من ردك ماله علاقه نهائيا بالسطور إللي قبله ..؟! :looking:

بخصوص الصبر ..!!

بس انا اشوف ان الرد بكبره ماله خص بالمووضوع اساسا

[إينشتاين]

اشلون يعني ماودك اخوي ..

لازم تدعم الموضوع باالاحداث والمشاحنات اللي تشتكي منها ..

صح والا انا غلطانة ؟

علشان نعرف نوع المشاحنات ..هل هي مجرد اختلاف في الرأي والا امور شخصيه مثل ماتكرمت ؟

:)


ولا يهمج اختي انا اعطيج مثال.....

واحد من الإخوان كتب موضوع ينصح فيه الشباب يخفون من الكروش لأنه لاحظ ازدياد نسبة المكرشين من الشباب،،، الموضوع تحول إلى ساحة حرب.

وهذا كان ردي في الموضوع...





طفح الكيل يا اعضاء المنتدى.... :anger1::anger1::anger1:

ليش أي موضوع بسيط ينكتب أو نصيحة يتحول إلى ساحة معركة ؟؟؟

ليش صرنا نتحسس من أي كلمة تنكتب أو رأي ينقال ؟؟؟

ياحبايبي ياحلوين خلونا ناخذ الحياة ببساطة وأريحية :)

[فلتة زمانها]

المشاحنات سببها انه الاعضاء مايحترمون اراء البعض
ويقتبسونها بهدف السخريه وفرض المثاليه فالاخير كل انسان حر برايه
ومحد يفرض رايه على حد

[المقهوره]

المشاحنات سببها انه الاعضاء مايحترمون اراء البعض
ويقتبسونها بهدف السخريه وفرض المثاليه فالاخير كل انسان حر برايه
ومحد يفرض رايه على حد

اساسا مافيه انسان مثالي

[ANONYMOUS]

[quote=احب قطر;6209977]

فتلاحظ حتى لم الواحد يسوق السيارة يا ام واحد حاشر الناس بالهرانه او بالليتات او يلف على واحد ...وكل يوم هالظاهرة في ازدياد.

Quote]


يعني الغلطان الحين المفروض نصبر عليه.. لين متى..

يعني تبون الناس تمشي بالعكس

الغلطان يتمادى في الخطأ

واللي يسوق بذوق وفن واخلاق.. يسكت ويتحمل حماقة الاخرين..

مالوم المرور.. طالما هذا رايكم.. في مرتبكي الجرائم المروريه

هذا مايخص السواقه

اما بخصوص المنتدى فاختلاف الراي لايفسد للود قضيه

فقط المطلوب ضبط النفس

[شيط ويط]

كل الناس اللي يكتبون قاعدين تحت المكيف في البراد ، ...شكرا عالمرور

يارجال المكيفات ما قامت (تدق سلف) خصوصا إذا سبليت :)

[سيف قطر]

السلام عليكم ورحمة الله وبركاته ، وكل عام وانتوا بخير واسأل الله تعالى ان يبلغكم رمضان وان يتقبل منكم صيامكم وقيامكم وسائر اعمالكم .

في الفترة الاخيرة ومع زيادة الاعضاء وزيادة انتشار المنتدى في دولة قطر وخارجها (أصبح الان من اكثر 20 موقع دخولا في دولة قطر) كثرت المشاحنات والردود اللي تقلب كل موضوع رأسا على عقب وتنتهي يا ام بتوقيف بعض الاعضاء او باغلاق الموضوع .

انا اللي اعرفه عن المجتمع القطري انه مجتمع ((سمح)) وهذي الميزه ولله الحمد مازالت موجودة ولكن للاسف بدأ المجتمع يفقدها شيئا فشيئا ، فتلاحظ حتى لم الواحد يسوق السيارة يا ام واحد حاشر الناس بالهرانه او بالليتات او يلف على واحد ...وكل يوم هالظاهرة في ازدياد.

وانا بصراحة ودي من الاخوان انهم اولا يراجعون نفسهم ويتحلون بالصبر قبل لايكتبون اي رد ، وياما انكتبت مواضيع عن طريقة الردود وعن الاسلوب المقنع واتمنى من الاخوان جميعا انهم يثقفون نفسهم عن اساليب الحوار لانها ان شاء الله راح تفيدهم سواء داخل المنتدى او خارج المنتدى .

واتمنى لكم كل التوفيق ان شاء الله...
يعطيك العافية اخوي احب قطر
المشكلة في الفرق بمستوى التفكير ورجاحة العقل .

[سيف قطر]

عبالي انا الوحيد اللي لاحظت !



مشكور اخوي احب قطر وماقصرت -----> بغيت رقم مميز ماعليك امر:shy:

:telephone: :victory:

[احب قطر]

اخوي احب قطر

بصراحة انا ما الوم هل قطر على المشاحنات

تخيل اخوي

جدامي سيارة فيها هندي او باكستاني او اي جنسية ثانية وحتى القطري

يسوق سرعته 60 والشارع يقولك السرعة فيه 100

بصراحة ما يحترق قلبك والله لا احشره بالليتات والهرانه حتى اخلي شعره ينفش

والحل هو عطه طراق على وجه بس لا تضرب اهرانه ولا ليتات

على العموم اشكرك على الموضوع

يا شباب نريد نتحلى بالصبر مم

طيب هذا الشخص اللي جدامك ماتعرف انت ظروفه ليش ماشي بهالسرعة سواء كان قطري او غير قطري ، ولو كان غير قطري وانت كنت في بلاده تسوق هل راح ترضى يعاملك بهالطريقة؟؟؟... هنا القصد من الكلام ان الصبر زين...

[احب قطر]

عبالي انا الوحيد اللي لاحظت !



مشكور اخوي احب قطر وماقصرت -----> بغيت رقم مميز ماعليك امر:shy:

ماطلبت شي...طرش لي رقمك وبيجيك احلى رقم من الشاشة ;)

[بنت قطريه]

أخوي لازم في اي نقاش لازم يصير شد ونزاع لو بسيط وهالشي طبيعي ومستحيل تغيره انت لو لا حظت اخوي لازم تمر عليك ايام تزعل مع زوجتك مثلا في اي موضوع ويصير نقاش وحتى مع الاخوان والخوات يعني انا صار لي موقف مع اخوي الكبير وهو غلطان وقطعنا بعض لمده سنة الله لايعيدها ذيج الايام ويسامحني يعني اللي ابي اوصله ان الدنيا ماتخلو من المشاحنات بس اهم شي ما تتعدى حدود الادب والاخلاق

[*جواهر*]

السبب الرئيسي الذي يقلب مواضيع النقاش الى مشاحنات هو جهل الاطراف بكيفيه بناء نقاش هادف لاقناع جميع الاطراف باسلوب حضاري بعيد عن الاحقاد والهجمات بدل من تقديم الراي باسلوب واضح و مفيد (الكلمه الطيبة صدقه)

ولو كل واحد حط في باله الموضوع من جميع النواحي مثلا الاختلاف بين الناس في رؤيتهم وحكمهم بتكون النتيجه نقاش حضاري جاد يرضي جميع الاطراف باذن الله.

الموضوع مهم جدا يستاهل النقاش :nice:

[احب قطر]

يعطيك العافية اخوي احب قطر
المشكلة في الفرق بمستوى التفكير ورجاحة العقل .

أكيد بس لكن في آية تقول (( لايغير الله في قوم حتى يغيروا مافي انفسهم )).. يعني لازم اي عضو بيكتب اي مداخلة يشيل مشاعره شوي ويستخدم عقله ، بعدها بفترة بتلاحظ ان اسلوب الردود كلها تغيرت مهما اختلف اسلوب التفكير ورجاحة العقل...يعني راح تتغير ثقافة الردود في المنتدى ...

[احب قطر]

أخوي لازم في اي نقاش لازم يصير شد ونزاع لو بسيط وهالشي طبيعي ومستحيل تغيره انت لو لا حظت اخوي لازم تمر عليك ايام تزعل مع زوجتك مثلا في اي موضوع ويصير نقاش وحتى مع الاخوان والخوات يعني انا صار لي موقف مع اخوي الكبير وهو غلطان وقطعنا بعض لمده سنة الله لايعيدها ذيج الايام ويسامحني يعني اللي ابي اوصله ان الدنيا ماتخلو من المشاحنات بس اهم شي ما تتعدى حدود الادب والاخلاق

اختي احنا بشر ومااحد معصوم من الخطأ ، بس القصد من الكلام ان المشاحنات اصبحت كثيرة ومش فقط على مستوى المنتدى وحتى خارج المنتدى ، ووصلت الامور الى مواصيل الله لايرجعها ، فلازم يكون في ضبط للنفس ولازم الواحد يراجع نفسه علشان ماتكون ثقافتنا ثقافة الشد والنزاع والمشاحنات... انما تكون ثقافة السماحة والعقل والثقافة...

[احب قطر]

السبب الرئيسي الذي يقلب مواضيع النقاش الى مشاحنات هو جهل الاطراف بكيفيه بناء نقاش هادف لاقناع جميع الاطراف باسلوب حضاري بعيد عن الاحقاد والهجمات بدل من تقديم الراي باسلوب واضح و مفيد (الكلمه الطيبة صدقه)

ولو كل واحد حط في باله الموضوع من جميع النواحي مثلا الاختلاف بين الناس في رؤيتهم وحكمهم بتكون النتيجه نقاش حضاري جاد يرضي جميع الاطراف باذن الله.

الموضوع مهم جدا يستاهل النقاش :nice:

بارك الله فيج...