بخصوص يبحثان العلاقات في الجرايد

[كلاسيك قطر]

السلام عليكم ورحمه الله وبركاته

شخباركم شمسويين انا عندي الموضوع اليوم

يملل ويزهق ومامنه فايده اليوم

انا اشوف كل الجرايد القطريه

مثال الامير يزور الرئيس الفرنسي ويبحثان العلاقات

وله فهمنه شي

انزين ع الاقل قولو شي وله غيرو الكلمه

كل مادخل موقع جرايد الشرق وله الوطن وله الرايه وله العرب

اشوف هاي لكلمه

الأمير والأسد يبحثان العلاقات والقضايا الإقليمية والدولية

هذا الموضوع

http://www.raya.com/site/topics/article.asp?cu_no=2&item_no=553817&version=1&template_id=18&parent_id=17


اشلون الله يخليكم غيرو الكلمه

وانتو ماتلاحضون وله لا

[كلاسيك قطر]

للرفع

[بـــــــنت النوخـّــــذه]

يعني تبغيهم يكتبون المحادثات السريه الي صارت ؟؟؟:omen2:

بعد خير الكلام ماقل ودل واهي فعلا قضايا اقليميه ودوليه جات على هالعنوان

00انزين اذا تبغيهم يغيرون شيكتبون مثلا؟؟ <<<سؤال فضول :) 000

[كلاسيك قطر]

لا انا م اعرف الجريده يبحثان العلاقات

وزهقنا من الجريده

[OTOsan]

شي طبيعي اخوي ،،

كل مايدور بين الرؤساء هو بالفعل (بحث علاقات) .. مهما اختلفت اسباب الزيارات !

[لاجئ عاطفي]

الاخبار اللي تنشر في الجرايد ترسل من وكالة الانباء القطرية وممنوع عالجرايد تغيير اي حرف في الخبر تنشر مثل ماهي فعشان جذي تلقونها بنفس الصيغه في كل الجرايد وهالكلام يمشي على الامير المفدى وولدي العهد ورئيس مجلس الوزراء وحرم سمو الامير

[كلاسيك قطر]

اذا كذا اوكي واسمحولي ع الموضوع

[Index Signal]

يعني تبيهم يقولون إنهم جايين يطلبون سلف ..؟!

وإلا طالبين نقسط عليهم طلبية الغاز ..؟!

صعبه .. و بعدين أي علاقات إللي نبحثها .. إحنا عبد المأمور .. يمين يمين .. شمال شمال ..

الأمر كله عند المعزب العود بو حسين هو إللي يبحث العلاقات و يقرر إللي فيه الخير له و إحنا نقول له تم .

[Index Signal]

اذا كذا اوكي واسمحولي ع الموضوع




escape :funny:

[شيط ويط]

هذا (عُرف) صحفي في صياغة مثل هالاخبار

[s o s o]

بكرة تتطور العلاقات وتخرج من طور بحث العلاقات الى توصيات وقرارات

ربك كريم

[كلاسيك قطر]

اشكركم والله ويزاكم الله الف خير