المساعد الشخصي الرقمي

مشاهدة النسخة كاملة : بسألكم يالربع عن البورش كاييــن


Chambray
20-03-2006, 06:15 PM
أبي أسألكم عن البورش كايين شلون ؟؟ وشلون خرباته وقطع غياره وما إلى ذلك من خدمات ..

وشنو يفرق بين موديل 2006 والموديلات السابقة ؟؟

وكم سعره في الوكالة S
وكم سعره مستعمل ؟؟؟

هل تنصحوني فيه أو لاء ؟؟
BURBERRY
20-03-2006, 06:21 PM
مرحبا اخوي الدبلوماسي

انا كنت بخذ بورش لكن وايد ناس مانصحوني فيها .. يقولون قطع غيارها غاليه و تشييكها غالي في الوكاله

و الله يسلمك اسعارهم تبداء حووول 180الف هذا بالنسبه للكاين اس 2004 و على حسب النظافه
Chambray
20-03-2006, 06:26 PM
هلا اخوي العاشق المحروم

شلون القطع غالية والصيانة ؟؟؟

وشلون خراباته

انت مافدتي

لاني شكلي راح اشقلي واحد من الوكاله
BURBERRY
20-03-2006, 06:42 PM
حسبت ما سمعت ان السفايف تقريبا بـ 4000 الف و تبديل الايل كل 1000 كيلو و تبديله في الوكاله بـ 500 ريال

البورش حلوه لكن طالح كرتها ..
Chambray
20-03-2006, 10:37 PM
حسبت ما سمعت ان السفايف تقريبا بـ 4000 الف و تبديل الايل كل 1000 كيلو و تبديله في الوكاله بـ 500 ريال

البورش حلوه لكن طالح كرتها ..

سفايف ب 4000 :eek3:
BURBERRY
20-03-2006, 10:54 PM
اخوي شرأيك تأخذ انفينتي اف اكس احلى من البورش و مب منتشره وايد في الدوحة :nice: البورش شكثرها في الدوحة
صقر بلادي
21-03-2006, 12:04 AM
تحمل وخر عن البورش نصيحه لك اخوي
لمت داون111
21-03-2006, 12:20 AM
بل سفايف ب 4 الاف

4 الاف تشتري فيهم درزنين سفايف كروزر والله ههههههههههههه واسرع واضرب بريك لين ماتشبع :d
s55
21-03-2006, 12:39 AM
اخوي هاذي سفايفها غير مب نفس التيوتا والنيسان تعال ولصق وخلاص
مصرف
21-03-2006, 12:45 AM
احم احم
بخصوص اللي يذمون البورش كايين انتوا جربتوا الموتر ولا كلام بس :anger1:
Chambray
21-03-2006, 09:37 AM
احم احم
بخصوص اللي يذمون البورش كايين انتوا جربتوا الموتر ولا كلام بس :anger1:


هذا الكلام الي يجمد على الشارب :D

كلامك صحيح اخوي

نبي حد عنده الموتر وجربه ويقول لنا تجربتــه بكل صراحـــه :app:
البنز
21-03-2006, 10:00 AM
جربنا الكيان والإنفنيتي والرنج والمرسيدس واللكزس والأكس 5 و و و ..

كلها حديد آخرتها في السكراب ..

و إذا تبي الصج أبركهم اللكزس الفورويل 2006 ، شيك في جيبكـ وما تعترف في الصناعية .. وعقبها الرنج ..

لكن الكيان يا خوي فيها وعورة .. كأنك راكب حصان ..
Chambray
21-03-2006, 11:18 AM
جربنا الكيان والإنفنيتي والرنج والمرسيدس واللكزس والأكس 5 و و و ..

كلها حديد آخرتها في السكراب ..

و إذا تبي الصج أبركهم اللكزس الفورويل 2006 ، شيك في جيبكـ وما تعترف في الصناعية .. وعقبها الرنج ..

لكن الكيان يا خوي فيها وعورة .. كأنك راكب حصان ..


يعني تنصحني في الرنج ؟؟ :eek3:
ترى صرت مجنون رسمي :anger2:

الفكسار اخاف اخذه يتغير شكله
الرنج يقولون خراباته وايد ومال دلع يعني ماتسافر فيه :anger2:
البورش قطع غياره غالية ووعر :anger2:
الاكس فايف راح يتغير شكله السنة الجاية ووعر ايضاً :anger2: :anger1: :anger1:
ال ML شكله لك عليه لكن عيبه بدون شاشه وإذا جات عليه شاشه تكون نظام ملاحة بس يعني لاتلفزيون ولا دي في دي ..
اللكزس نفس الفكسار .. وايضاً اخاف اخذه ويتغير شكله

:eek3: :eek3: :eek3: :eek3: :eek3:
ابي موتر يتم معاي .. لأني مب من النوع الي ابيع واشتري .. فأيش تنصح اخوك في الله ؟؟
البنز
21-03-2006, 11:29 AM
ياخي إذا تغير شكله رجّعه للشركة وخذ الشكل الجديد ،، فيه واحد في السيارات المستعمله

إسمه حلمي مر عليه ( الله لا يهينك ) وتأكد من الموضوع ،، و100% بياخذون سيارتك بسعر

ممتاز .. لأنها لكزس زباينها الله مكثرهم ..

على فكره : الرنج موب راعي مشاكل مثل الكيان ..

الله يوفقك يا الدبلوماسي ،، شكلك ( زبّـاي ) مثلي ههههههههههه
Chambray
21-03-2006, 12:47 PM
على فكره : الرنج موب راعي مشاكل مثل الكيان ..




يعني تنصحني في الرنــج السبورت الجديد ؟؟


ضمان 3 سنوات أو 100 ألف كيلو !؟

انزين ليش مب لمت مفتوح ؟؟ :eek3:
البنز
21-03-2006, 01:25 PM
إذا خلوهـ لمت مفتوح حق الرنج عقب أقل من سنه وبيسكر الفردان الشركة ..

لكن الـ B M W بس لهم لمت مفتوح إلى ثلاث سنوات ..

لا تحتار يا خوي ولا تستعجل ،، وأستخير وما راح تندم إن شاء الله ..

وبالتوفيق ،،
Chambray
21-03-2006, 01:30 PM
إذا خلوهـ لمت مفتوح حق الرنج عقب أقل من سنه وبيسكر الفردان الشركة ..

لكن الـ B M W بس لهم لمت مفتوح إلى ثلاث سنوات ..

لا تحتار يا خوي ولا تستعجل ،، وأستخير وما راح تندم إن شاء الله ..

وبالتوفيق ،،


الله كريم ان شاء الله يعني افهم من كلامك ان الرنج خساير في خساير ..

وانا انسان وراي بنيان ومو فاضي اخسر في سيارة :eek3:
مواطن
21-03-2006, 01:35 PM
هلا الشيخ بصراحه أنا خاطري في البورش والشباب اللي عندهم بورشات يمدحونها السفايف كل 40000 كم تقريبا والأيل كل 10000 أو 15000 تقريبا وأنا أعرف كذا واحد ما باعوها ومرتاحين عليها
hamoor4ever
21-03-2006, 03:05 PM
اخوي اسمع الكلام السنع .. الكيان اعرف ناس وايد شرووه وباعوه بعد شهر ..

الموتر تمام بس مشاكله انه وعر وبعدين خدمته خايسه من تبديل ايل وغيره ..

يعني انا انصح بالرنج العادي احسن منه اذا تبي تكشخ

اما اذا انت من النوع اللي يشتري ومايبيع .. بصراحه لاتزعل مالك الا الكروزر واللكزس
واشوف بعض الناس تمدح وايد بالطوارق وبصراحه انه مادري عنه ولا اعرف حد عنده طوارق
بس اشوف اكثر الناس تمدح بالكروزر ويقولون اللي بعده طوارق

وانت استفسر اخوي ولاتستعجل المبلغ اللي بتحطه وايد .. وبصراحه احس كل المواتر اللي قلت لك عنهم احسن من الكيان والله اعرف ناس باعووه وردو حق الكروزر يقولون ابرك واريح
ام حبيبتي
21-03-2006, 03:28 PM
احم احم صج اني انا بنت مااعرف وايد في السيارات :shy: بس اقولك في النهايه

ماللك الا المرسيدس (s500) او البي ام دبليو (750li( :nice:

وهاي افضل السيارات شكلا ومضمونا ورفاهيه وتقنيا وتكنولوجيا :deal: :eek2:

الا اذا تبي فورويل فاقولك مالك الا التويوتا وبس ;)
BURBERRY
21-03-2006, 05:25 PM
يعني تنصحني في الرنج ؟؟ :eek3:
ترى صرت مجنون رسمي :anger2:

الفكسار اخاف اخذه يتغير شكله
الرنج يقولون خراباته وايد ومال دلع يعني ماتسافر فيه :anger2:
البورش قطع غياره غالية ووعر :anger2:
الاكس فايف راح يتغير شكله السنة الجاية ووعر ايضاً :anger2: :anger1: :anger1:
ال ML شكله لك عليه لكن عيبه بدون شاشه وإذا جات عليه شاشه تكون نظام ملاحة بس يعني لاتلفزيون ولا دي في دي ..
اللكزس نفس الفكسار .. وايضاً اخاف اخذه ويتغير شكله

:eek3: :eek3: :eek3: :eek3: :eek3:
ابي موتر يتم معاي .. لأني مب من النوع الي ابيع واشتري .. فأيش تنصح اخوك في الله ؟؟

اقولك اخذ انفينتي اف اكس 45 ولا 35 و الف اكس 45 يجي فيها شاشه و دي في دي و تلفزيون و تلفون و كيمرا خلفيه و يقولون 2006 فيها كيمرا جدام و الانفينتي هو المنافس الياباني لـ البورش و الطوارق و الام ال و الاكس فايف .. و شكل الانفينتي احلى بوايد من هذولا السيارات

و اذا انت تبي موتر عملي عملي.. حق بر و بحر و طعوس .. خذ فيكسار

هذا رأيي و انت صاحب القرار

و حاضرين :nice:
lwfabs
21-03-2006, 06:16 PM
احم احم صج اني انا بنت مااعرف وايد في السيارات :shy: بس اقولك في النهايه

ماللك الا المرسيدس (s500) او البي ام دبليو (750li( :nice:

وهاي افضل السيارات شكلا ومضمونا ورفاهيه وتقنيا وتكنولوجيا :deal: :eek2:

الا اذا تبي فورويل فاقولك مالك الا التويوتا وبس ;)
:nice: :nice: :nice:
Chambray
21-03-2006, 07:46 PM
هلا الشيخ بصراحه أنا خاطري في البورش والشباب اللي عندهم بورشات يمدحونها السفايف كل 40000 كم تقريبا والأيل كل 10000 أو 15000 تقريبا وأنا أعرف كذا واحد ما باعوها ومرتاحين عليها


هههههههههههههههههههه

كلام الناس متناقض

إذا على كلامك فالبورش :nice:
ملكة البورصة
21-03-2006, 11:37 PM
شوف يالدبلوماسي البورش مايسوى والله حرام اول شي وعر ومن داخل مافيه وسع وسياره ممله وماتصلح الا اذ بتمسك خط وتحس انك تبي توصل بسرعه عشان تنزل من السياره اسأل مجربه................
اما احسن شي الطوارق والنعم والله مافي احسن منها والله سياره عجيبه وغير وعره مثل الكاين والاكس فايف وسياره ماشاء الله تمشي معاك تهد وياك ماشاء الله وثابته عالخط ومتوازنه يعني لو انك مسرع ان شاء 220 وتبي تتفادى شي بس حركه بسيطه والا انت لاف اما لو سياره ثانيه لا قدر الله كانك منقلب..............
السفايف اشوف اسعارها اوكي تقريبا مثل البورش بس تعيش ومن داخل وايد اوسع واشرح من الكايين

اما الرنج يعطيك مستوى غير ثابت من الفخامه لو تقارنها بالكروزر او اللكزس فوروييل يعني لو ترسم لك سياره مسار تحصل مسار التيوتا واللكزس ثابت لمده طويله ماينزل اما مسار الرنج بعد سنه او سنتين بالكثير لمت داوون مشاكل وتلعوز...............

انصحك بالدفع الرباعي على شوراعنا الحلوه ولا تفكر بالصالون الا اذ تبي يصيدك الديسك لا قدر الله من هالحفر او يصيدك الضغط من الناس اللي عندهم فور ويل ويركبون فوق سيارتك كانهم عميان مايشوفون حد تحس انك نمله فالشارع لو شنو كانت سيارتك لو مرسيدس او بي ام وصالون بتنداس..... انا اتكلم من تجارب مؤلمه :)

بالنسبه لل ام ال هاي مادري شلون منزلينها اول موديل كانها سياره اسعاف والحين تقول را فور بس عليها علامه المرسيدس ..............

بالنسبه للانفنتي روعه وجربتها وسياره سبورت ثابته ماشاء الله عالطريج بس حرام سرها مقارب للطوارق وفرشها من داخل سبورت عادي مايسوى عليك خذ شي فخم والماني احسن لك

انت حر فالاخير انت اللي بتدفع بس كلمه حق خدمه الشركه تعيسه جدا وان شاء الله تتحسن.......
BURBERRY
22-03-2006, 12:55 AM
بالنسبه للانفنتي روعه وجربتها وسياره سبورت ثابته ماشاء الله عالطريج بس حرام سرها مقارب للطوارق وفرشها من داخل سبورت عادي مايسوى عليك خذ شي فخم والماني احسن لك

انت حر فالاخير انت اللي بتدفع بس كلمه حق خدمه الشركه تعيسه جدا وان شاء الله تتحسن.......

اختي صج الانفينتي مافيها تيك .. بس كروم لكن ديكورها و كراسيها حلوه و مريحه و خاصه لون الكرك .. و للعلم سعر الطوارق يطيح بسرعه يعني انا محصل طوارق موديل 2005 فل ابشن شاشة و تلفون و هيدوليك بـ 150 الف و محصل انفينتي اف اكس 45 موديل 2005 بـ 200 الف

الانفينتي كشخه و سبورتيه

و تسحر كل من يراها >>> اشفيه انقلب عربي فصحى :nice:
مزيون_قطر
22-03-2006, 02:34 AM
شوف بعطيك نصيحه وانت برايك شوف الموتر الجديد الفورويل اللي بينزل وخلك اول

واحد ياخذه اهو الاودي الفورويل الجديد شكل ورفاهيه واكيد بيكون كشخه بس انا

اشوف بعد المرسدس الصالون كشخه صدقني وبعد عندك الرنج السبورت حلوو

وكشخه وتقدر اتظبطه عند محل بداخل محطة التيسير من دبات ورنجات يعني بيطلع

شي وانت بكيفك اخوي بس البورش ابتعد عنه وخصوصا التيربو اتقول حاطين شفاطة

ايل فيه يشفط ايل عكس المواتر بشرب البترول وبعدين تشييكه غالي ومايجيب ذاك

السعر .
الوحيد
22-03-2006, 07:56 AM
الصراحة ما في احسن من الطوارق في الرمل والطعوس والشارع والسفر ( مجرب السيارة ).

اما عن السعر اعتقد ان السيارة مطلوبة في الوقت الحاضر وشوف المعارض .

الانفنيتي 4.5 تقريبا 200.000 ( ثمانية سلندر ) 2005
والطوارق ( الثمانية سلندر ) فل ابشن 200.000
والطوارق ( الستة سلندر ) فل ابشن 2005 من 150.000 الى 160.000 ريال
واسأل في المعرض ان حصلت.

ترى توني جاي من الدمام ورحت الوكالة اسعارهم اقل من الدوحة تقريبا من 30.000 الى 35.000 ريال.
RayeG
22-03-2006, 08:33 AM
http://www.whatcar.com/Car/LandRover/RangeRoverSport/1455348531.jpg

شهر 6 راح اقولك رايي في الحبيب اللي فوق ... :D
راعي النيسان
22-03-2006, 08:55 AM
انا بس قاعد اناظر الناس واشوف تعليقاتهم ، غريبة يعني محد وصف النيسان سوبر سفاري ليش ،، كل شي فيه متوفر جلد وجبي آراس ودفي دي ، سيارة و لأورع 8 جمبيناات يعني لو تعبر فوق جبل ما يهزك ريح ، انا جربت الطوراق وجربت الكرروز ، الطوارق ما قعد معاي اكثر من شهرين وصرفته ما ارتحت لمشيته كلش ، والكرورز والنعم بس مب في فخامة النيسان سوبر سفاري ، وخصوصا انه سعره على فخامته بيكون وايد رخيص مقارنة بباقي المواتر ، أما البورش فانا اقولك لا والف لا ،، ابعد عن الشر وغنيه له ،،، انا مستغرب بورش ويحرق آيل بسرعة ، ايش خلى حق المازادا هههههههههههههههه المواتر السريعة تصرف بترول يمكن بس آيل ، هذه اول مرة اسمع فيها ، وبعدين شنو السفايف اللي تخليني اركبها بين كل فترة وفترة بسعر 4000 ريال ,,, ولا خدمة ما بعد البيع ازفت مما يمكن يعني علشان تشيك السيارة لازم تحجز موعد وبعدها لما تودي سيارتك للوكالة يعني يالله يالله تستلمها بعد اربعة ايام ،، شنو قاعدين يسووون في هذه الاربعة أيام ، حشى مب فحص فني ،،، شكله عملية قيصرية ههههههههههههههه
BURBERRY
22-03-2006, 07:01 PM
انا بس قاعد اناظر الناس واشوف تعليقاتهم ، غريبة يعني محد وصف النيسان سوبر سفاري ليش ،، كل شي فيه متوفر جلد وجبي آراس ودفي دي ، سيارة و لأورع 8 جمبيناات يعني لو تعبر فوق جبل ما يهزك ريح ، انا جربت الطوراق وجربت الكرروز ، الطوارق ما قعد معاي اكثر من شهرين وصرفته ما ارتحت لمشيته كلش ، والكرورز والنعم بس مب في فخامة النيسان سوبر سفاري ، وخصوصا انه سعره على فخامته بيكون وايد رخيص مقارنة بباقي المواتر ، أما البورش فانا اقولك لا والف لا ،، ابعد عن الشر وغنيه له ،،، انا مستغرب بورش ويحرق آيل بسرعة ، ايش خلى حق المازادا هههههههههههههههه المواتر السريعة تصرف بترول يمكن بس آيل ، هذه اول مرة اسمع فيها ، وبعدين شنو السفايف اللي تخليني اركبها بين كل فترة وفترة بسعر 4000 ريال ,,, ولا خدمة ما بعد البيع ازفت مما يمكن يعني علشان تشيك السيارة لازم تحجز موعد وبعدها لما تودي سيارتك للوكالة يعني يالله يالله تستلمها بعد اربعة ايام ،، شنو قاعدين يسووون في هذه الاربعة أيام ، حشى مب فحص فني ،،، شكله عملية قيصرية ههههههههههههههه

انا كان عندي نسيان سفاري 2005هو فخم من داخل و سواقته حلوه و رييف و خفيف .. و ما عليه كلام في الطعوس .. عيبه انه يصرف بترووول وايد في الشهر بين 1000 إلى 1200 ريال :court:
>>> حتى الهنود الي في المحطات صارو يعرفوني من كثر ما اصب :eek2:
هالعيب ما يظهر من اول ما تشتري الموتر .. هالعيب يظهر بعد 10 شهور أو بعد ما تتعدى15 الف كيلو :deal:
راعي النيسان
23-03-2006, 08:22 AM
انا كان عندي نسيان سفاري 2005هو فخم من داخل و سواقته حلوه و رييف و خفيف .. و ما عليه كلام في الطعوس .. عيبه انه يصرف بترووول وايد في الشهر بين 1000 إلى 1200 ريال :court:
>>> حتى الهنود الي في المحطات صارو يعرفوني من كثر ما اصب :eek2:
هالعيب ما يظهر من اول ما تشتري الموتر .. هالعيب يظهر بعد 10 شهور أو بعد ما تتعدى15 الف كيلو :deal:

والله يا طويل العمر ،،، لا تدور وايد بالموتر ،،، وصدقني ما راح يصرف معاك ،،، انا اصب بترول بسيارتي النيسان كل خمسة ايام مرة تناكي واحد بحدود 70 ريال تقريبا ويمكن اقل بشوية يعني الشهر في اربعة اسابيع الحسبة كلها ما تطلع اكثر من 280 ريال بالشهر ، خلنا نقول لو درنا بالموتر دواره يالله يالله بيصير الصرف عندك 560 ريال في الشهر ... ولو انه المبلغ وايد كبير ،،، فانا بعد اقول النيسان احسن خيار ...
BURBERRY
23-03-2006, 10:13 AM
والله يا طويل العمر ،،، لا تدور وايد بالموتر ،،، وصدقني ما راح يصرف معاك ،،، انا اصب بترول بسيارتي النيسان كل خمسة ايام مرة تناكي واحد بحدود 70 ريال تقريبا ويمكن اقل بشوية يعني الشهر في اربعة اسابيع الحسبة كلها ما تطلع اكثر من 280 ريال بالشهر ، خلنا نقول لو درنا بالموتر دواره يالله يالله بيصير الصرف عندك 560 ريال في الشهر ... ولو انه المبلغ وايد كبير ،،، فانا بعد اقول النيسان احسن خيار ...

الله يسلمك انا ما ادور وايد .. لكن كل يوم اروح للجامعه 40 كيلو رايح و جاي هذا غير المشاوري و طلات يوم الخميس و الجمعه ماتبيه يصرف .. و للعلم الموتر يصرف بترول اكثر اذا تم واقف عند زحمة دوار ولا اشارة و خبرك شوارعنا كلها زحمه.
لمت داون111
25-03-2006, 02:49 AM
صباح الخير

الظاهر افتر راسك من كلام الناس يالدبلوماسي هههههههه والله يعينك علي الحوسه والفرفره بالوكالات والله اكره شي الواحد يقعد يحوس ويدور بالبدايه ومابترتاح الا عقب ماترسي علي قرار

عموما انا مانصحك الا في تويوتا وبس بتسألني ليش بجاوبك !

كشخه ورزه وعملي وتضبيطه تقدر تغير شكله وسعره يعتبر مثل الشيك المفتوح في مخباك حتي لو تغير شكله وبترجعه الشركه وبتاخذ البدي الجديد ماراح تخسر 20% من قيمه شرائك الاصليه للموتر وفوق ذي كله يستحمل وحمار شغل ومايقول لا وحافظ عليه شوي وبيعيش معاك اكثر من عمره الافتراضي وينفع حق كل شي بر وبحر ويمكن جو بعد لو ركبو له جناحات مستقبلا هههههههه

عندي جي اكس ار 2001 ماخذه من الوكاله اصفار علي يدي وعلي كثر مالعنت شكله وخسرت فيه ما شاء الله اشوف الخساير قليله جدا جدا مقارنه بباقي المواتر ! مثلا غيرت له باور سترينغ وجامبينات واشياء خفيفه من بعد حك وكرف 5 سنوات كله ماطلع علي بـ 6 الاف ريال ! ولو ماخذ كيان ولا رنج مثلا من سنه 2001 ولاعن والدينهم خسايرك في تصليحهم بتطوف نص قيمه السياره الاصليه وبدون مبالغه والله !

وانا اقولك اضرب لك جي اكس ار 2006 اصفار بالوكاله بتحصله بالتضامن عقب الخصم وتقردن المدير بـ 165 ألف والله ييعطيك خيره ويكفيك شره مقدما :deal:

واي استفسار حاضرين يالغالي
لمت داون111
25-03-2006, 02:53 AM
علي فكره نسيت لاقولك صج النيسان حلو فخم بس هذا كان اول بالمقارنه مع الفي اكس ار ال2006 ! وتقدرون تروحون الوكالتين وتقارنون بانفسكم بدون محد يقولكم وبتشوفون الفرق الواضح شلون :nice: وغير ذي سعر النيسان ينزل اكثر من التويوتا والدليل من كثره بالمعارض محذوفين صج انهم ينباعون ومايطولون بالمعرض بس والله ماتم قيمته فيه نفس مايحافظ الكروزر علي سعره !

كفايه الفكسار 8 سلندر وعزمه اقوي من النيسان وصرفيت البترول اقل في الخطوط وفوق ذي كله الجديد فيه نظام نفس نظام الالماني انه يشتغلون 4 سلندر في سرعه معينه ويشتغلون ال8 سلندرات علي دعسه الريس ! يعني لو تمشي سلولي بالدوحه وصوب الكورينش صرفيته عباره عن صرفيه كامري وحق السفر 8 سلندر ويوفر بترول اقل من الجكسار والجي اكس

بس بصراحه بعد افضل الجي اكس ار ومادري ليش .. مجرد وجهه نظر .. وبالتوفيق يالدبلوماسي
سهم البورصة
25-03-2006, 07:37 AM
الرنج وبس ولاتفكر

والسعر ثابت

وصار اكثر من التويوتا

والخدمة مية مية (( الفردان وبس.............!))

اسال مجرب

انا عندي واحد من 2005 ومش معي زي العسل وسعرة في مستوى ثابت في حدود 220الف ريال

الخدمة في شركة الايل 420 ريال كل عشرة الف كم ترى الايل هو الغالي مش الفلتر الفتر بحدود 60 ريال
السفايف 400 ريال جدام وتقربيا نفس شي وراء

الدرام ويل جدم 1200ريال

البترول 600 كم اذا كان الخزان فل تعبي 70ريال

تلفزيون |+ ماجلان + فخمة + كشخة ............الخ
Abu Omar
25-03-2006, 01:54 PM
صباح الخير

الظاهر افتر راسك من كلام الناس يالدبلوماسي هههههههه والله يعينك علي الحوسه والفرفره بالوكالات والله اكره شي الواحد يقعد يحوس ويدور بالبدايه ومابترتاح الا عقب ماترسي علي قرار

عموما انا مانصحك الا في تويوتا وبس بتسألني ليش بجاوبك !

كشخه ورزه وعملي وتضبيطه تقدر تغير شكله وسعره يعتبر مثل الشيك المفتوح في مخباك حتي لو تغير شكله وبترجعه الشركه وبتاخذ البدي الجديد ماراح تخسر 20% من قيمه شرائك الاصليه للموتر وفوق ذي كله يستحمل وحمار شغل ومايقول لا وحافظ عليه شوي وبيعيش معاك اكثر من عمره الافتراضي وينفع حق كل شي بر وبحر ويمكن جو بعد لو ركبو له جناحات مستقبلا هههههههه

عندي جي اكس ار 2001 ماخذه من الوكاله اصفار علي يدي وعلي كثر مالعنت شكله وخسرت فيه ما شاء الله اشوف الخساير قليله جدا جدا مقارنه بباقي المواتر ! مثلا غيرت له باور سترينغ وجامبينات واشياء خفيفه من بعد حك وكرف 5 سنوات كله ماطلع علي بـ 6 الاف ريال ! ولو ماخذ كيان ولا رنج مثلا من سنه 2001 ولاعن والدينهم خسايرك في تصليحهم بتطوف نص قيمه السياره الاصليه وبدون مبالغه والله !

وانا اقولك اضرب لك جي اكس ار 2006 اصفار بالوكاله بتحصله بالتضامن عقب الخصم وتقردن المدير بـ 165 ألف والله ييعطيك خيره ويكفيك شره مقدما :deal:

واي استفسار حاضرين يالغالي


نفس الرأي ولكن VXR
مليونير قادم
27-03-2006, 02:07 PM
السلام عليكم

اولا الكايين vx-rوالرنج سبورت والطوارق والمرسيدس

الكايين رفيقي ينصحني ان لااشتري عشان السيرفس ذبحه

الرنج سبورت رزه وبس فقط حق تمتير
vx-rرزه واستعمال وقطع غيار معقوله ان لزم الامر
طوارق خطوط بس اما اماكن وعره بتنفع بس اول ماترد تبي الشركه مباشره

المرسيدس عندي 2002 s 320 استعمال اوكي بس مايبي خرابيط عشان الجنبينات 6000 تشييك
الخط يعجبك مرييييييييييح الى ابعد الحدود بتوفيق للجميع
BURBERRY
27-03-2006, 05:08 PM
واحد من الربع عنده رنج فوق سوبر جارج 2006

وايد يشتكي من البريك و الدرام ويل و الهند بريك

مبدلهم مرتين هالشهر ..
مصرف
28-03-2006, 02:39 AM
ههههههههههههههههههههههههه
الربع نسوا ان الكيان بوووووووووووووووووووووووووووووووووووووووووورش والشاطر يفهم