اتصالات السحــره والمشعوذين لعنت الله عليهم .!!

[رذاذ]

يا اخوني قبل دقائق اغلقت الهاتف ..

جاني اتصال من المغرب وقال انه الشيخ الروحاني عبدالله الطاهر .

قلت تفضل خير انشالله ..

قال لي انت انسان مسحور بسحر اسود وغير مستقر بحياتك السحر مقسوم لثلاث اجزاء

جزء مدفون عند قبر
جزء مع الاشخاص اللذين ضروك به
وجزه في بيتك وبجواره.

قلت له لا سحر ولا شي عندك وانتم نصابين وهذي حيلكم الى تسونها دائما

قالي انا بثبث لك هذا :
انت حياتك العائلية واستقرار بحياتك الزوجيه تهددت وغير مستقرة وحتى الان لم ترزق ببنين وانهد عش الزوجيه بسببه .

قلت لا حياتي عاديه ومبسوط بها والحمدلله اموري طيبه ورجائن الاتصالات معروفه كذب والسحره مصيره النار والى بيصدقهم نفسهم .

قالي صح بس انا اخوك ومسلم وشفتك بعيني انك طلقت وانهدم عش الزوجيه .

..
قلت حياتي وانا حر بها وانا الحمدلله مبسوط ورجائن لا تتصل .. وصكيت التفلون بوجهه

هل في جهة بالدوله ابلغ عن الرقم ويحظرونه من الاتصال لجل ما يقع بأفخاخه
غيري الى بتكون نفسه ضيعفة وتصدق الكلام!!

ولو احد بيسألني عن كلامه طلب مني ثلاث اشياء: عدم اخبار احد بانه اتصل ويبقي سر
عدم ايذاء من عمل لي السحر
الصدق معه للأخر .

وقالي في شروط للكنزة وفك السحر .

احذركم يا اخواني تقعون بفخ هذي الاتصالات .

[كازانوفا]

ارسلي الرقم وانا بخبرك ايش تسوي بعدين

[قلب صادق]

جزاك الله خير على التنبيه

[qatari911]

ياكثر اتصالاتهم من السنغال ومن المغرب ومن مادري وين
خلك مثلي سوا نفسك مصدق وعقب سبه وقوله انه نصاب وسكر الخط كذا تقهره بزياده

[كازانوفا]

عالم نصب واحتيال
الله ينتقم منهم ...

[راية الفخر]

انا مره جاني مثل هالاتصال وقال لي انا الشيخ الفلاني قلت له شاخت ركبك مشيختك على نفسك يا اسود الوجه
ماتعرف اني ساحره كبيره واقدر واسويك فار يالنصاب خاف وسكر ... من البدايه اخوي عطهم على راسهم وماراح يتصلون بك مره ثانيه

[الجوكر90]

السلام عليكم
اخوي انا ماصدقهم ولا شي
بس ان ماخاب ظني كل الكلام الي قاله عنك صح
لان هم عندهم من يجيب لهم الاخبار اقصد الجن

[ضوى]

اعتب عليك اخي الفاضل انك اصلا تجاوبت معاهم بهالشكل ، ماكان المفروض ترد على رقم غريب وهي ارقامهم معروفة خاصة وانت مالك معارف خارج البلد / ولا انك تسمح له ياخذ ويعطي معاك هالكثر

[قطرية فذة]

الافضل الإبتعاد عن هذه الاشكال

التحصن واجب في ظل هذه الظروف ومايحدث بها من سحر وعين وشعوذه وحسد

[رذاذ]

السلام عليكم
اخوي انا ماصدقهم ولا شي
بس ان ماخاب ظني كل الكلام الي قاله عنك صح
لان هم عندهم من يجيب لهم الاخبار اقصد الجن

ما شقولك !! خلها على ربك ..

[رذاذ]

اعتب عليك اخي الفاضل انك اصلا تجاوبت معاهم بهالشكل ، ماكان المفروض ترد على رقم غريب وهي ارقامهم معروفة خاصة وانت مالك معارف خارج البلد / ولا انك تسمح له ياخذ ويعطي معاك هالكثر

ردي كان كله استهزائي به بس كلام كبير وعطيته عكس الحقيقه يولي ولا بررررررررد عليه .

الى كاتبه ربي لي راضي به ولا مخلوق يقدر يضرني دام اني انا صح وماشي صح

[غزلان]

من اولها ما رد على أرقام ماعرفها سواء من قطر ولا خارج قطر

[Toomy]

البارحه جايني اتصال الساعه 3 و شوي وكنت مخليته ع السايلنت و انا اصلا ما أرد عليهم.بس كنت ابي اعرف من نعطي هالأرقام؟هل في جهة مختصه في هالسالفة؟والله تاذينا منهم على كل وقت.

[باسكن روبنز]

لي اتصلك مره ثانيه قوله ياحظك ماطحت في يد باسكن مال شبكة الاسهم القطريه ههههههه ،

والله زهقان ياريت حد يتصلي منهم ابي اضيع وقت ،:(

[حـ ن ـيـ ن]

اللهم من سولت له نفسه السحر والشعوذه ان ترد كيده في نحره

[الميزان 1969]

مبدئيا هل الكلام اللي قاله صج ؟؟؟
واذا صج اقرأ البقرة هاليومين والله يكفيك شرهم في رمضان

[مستثمر 999]

جزاك الله خير على التنبيه

[بنت^البحرين1]

انا بعد نفس الشي بس الغريب ان الاتصالات كنت اسكرها كنت فالنادي وكل ماسكرت الخط في نفس الوقت اتصال ثاني من رقم ثاني بشكل متواصل ، بس انا مايا في بالي انهم ذيلن
وبداية الارقام كانت
662
90555
21265
21260
886
9052
كل هالارقام في خلال دقيقتين ومتواصل مصرين ورى بعض .. بس والله نسيت السالفة كلش قلت اكيد مغلطين احد متصل حق هله من برع البحرين

جزاكم الله خير على التنبيه

[toomi9]

انزين هم شيبون يعني ... فلوس مثلآ ..؟؟؟
ولا بس جي !!

[عزتي سمو ذاتي]

انا مره جاني مثل هالاتصال وقال لي انا الشيخ الفلاني قلت له شاخت ركبك مشيختك على نفسك يا اسود الوجه
ماتعرف اني ساحره كبيره واقدر واسويك فار يالنصاب خاف وسكر ... من البدايه اخوي عطهم على راسهم وماراح يتصلون بك مره ثانيه


ههههههههههه مت من الضحك عليج لوانا مكانج مستحيل يجي في بالي هالرد

بس زين سويتي فيه .. الناس تصدق هالأشكال لأن اغلب اللي يقولونه صح وطبعا هم يستعينون بالجن


أنا وحدة ماأرد على اي رقم غريب من قطر وإلا خارج قطر اللي يبيني يعرف طبعي يرسل لي مسج يقولي انا فلان ردي

[toomi9]

لا ترد عليهم
ولا صير نذل
رد ولاتكلم علق الخط خسرهم خخخخخ

[ياقلب لاتحزن]

أخوي نصيحة لله

لاترد عليهم ماتدري وهو يكلمك ممكن يضرك بشي لاقدر الله

والله يحفظنا وياكم وجميع المسلمين من هالفئه الفاسده

حسبي الله ونعم الوكيل فيهم

[العودي V.X.R]

خلك نفسي .. رديت علىواحد منهم وسويت نفسي مصدق ...وانتوا طبعا ادرى بالكلام اللي يقولونه ... مسحور ولازم والزم ولازم .... الخ :omg:

المهم ... قلت له اشلون ابطل السحر يا ((( شيخ ))) هنيه الريااال استانس :) وشق الحلج من الفرحه واتوقع قااام يدق صبع بالخش :fight:.... قالي لازم تذبح 4 بقرااات على قولته واتطرشهم لي:eek5: ... قلت له انزين بيختربوون واشلون اطرش لحم مايصير .... تم شوي وقااال ... هااااا ! طرشلي فلوسهم :omen2:... قلت تامر امر ياشيخ ابراهيم

4 ولاشي

وعقب سالني وين تشتغل ؟؟؟ قلت له انا مدير شركه كبيره :eek5:... اهنيه الحبيب انبسط حده وطبعا قاام يتمغط ومبسوووط ...

قلت له اشرايك ياشيخ تجي عندي اطرش لك ويزا واشغلك في الشركه ... بما انك رجل دين ((( على طبش )))وانقذتني في نفس الوقت ... والله حبيتك في الاسلام ... وعشان محد يحااول يسويلي سحر بعد ... (( يابالفيت عصفورين بحجر ))...

قال اشلون وكيف .. قلت له عندك ايميل قالي لا .. صاحبي عنده ... قلت زين بعطيك رقم فاكس مكتبي الخاص ... وطرش لي نسخه من بطاقتك الشخصيه + شهادة الميلاد +والشهادات اللي عندك ... قاااال طيب ..:victory:

اهنيه انا توهقت يقولي عطني الرقم :nop:... بالصدفه حصلت في يد ولدي قرطاس شبس خخخخ وشااان انقله الرقم مع فتح الخط .... :funny:

وقلت له الحين طرش الاوراااق عشان اطرش لك الويزا واخلص الاجراءاات .... وسكرت ((( طبعا المكالمه ذي كلها عليه )))خخخخخخخ :app2:.. واليوم الثاني ... مفجر تلفوووني من الصبح ... رديت عليه .. ها امر يا شيخ ابراهيم قالي وصلتك الاوراق :deal:.. قلت له مادري بشيك مع السكرتيره :shy:... واهنيه الحبيب بلش يسال عن الراتب كم ... قلت له الحين انا مشغووول وعندي اجتماع .:court:... وبكلمك بعدين ...قالي ابي رقم مكتبك .... وشااان اتوهق :eek:
قلت له بعطيك اياه عقب .... رحت ادور كيس الشبس وشان احصله واخزن رقم عندي ... ويوم اتصل على المغربيه واعطيه الرقم .... ومن عقبها سحبت عليه ....

وكان خاطري اعرف واحد يشتغل في شركة الشبس عشان اعرف اسمه الكامل وصورته ... :dance

وهاااي قصتي معااااه خخخخخخخخخخخخخخخخخ ... (((النهايه )))

[مرحوم قطر]

مافي جهات تقدر تشتكي عندها


انا اخبر كنت دوره في دبي كنه الساعه 10 في اليل انا و ربعي قاعدين صوب بحر جميره

كل واحد فينا الملل مكتنف حياته

و الشوق و الانين يطالع وش الي ورى هلبحر من دوله خريطتها مثل الكف اليمين

كان الصمت رهيب و الاحاسيس نبيله و المشاعر خلابه و التفكير جياش

و كل واحد فينه مشغل في تلفونه اغنية والله احبك يا قطر قد السما وقد البحر

ولما تخلص هلاغنيه انشغل انشودة قطر يا تاج فوق الراس

و يطري في بالك قلاص الكرك و الكيمه و الحفريات


كني ملغت الا شوي

و فجاه جاني رقم اماراتي رنه و سكر

اتصلت الا واحد يقولي انا اخوك المسلم وانا و انا و انا و انا

قلت له من الاخير

قال انت معمولك عمل و ماعرف ايش قلت له و انت وش يدريك

قالي الروحانيه قالت لي

و الي سوولك السحر ناس قراب منك

اهني علت وجهي ابتسامه عريضه و اشرت حق الشباب و التمو حولي وهو يتكلم


و قلنا هذا هو عشانه


و انطيح في بطنه لين سكر و تصله و نتاوب على التلفون ليت تيتنه على براغي وجها

وكل ما يبند نتصله لين قال اتو مامنكم فايده و قام يسب خخخخخخخخخ



ترى وايد هم و يتصلون و اذا تبي تضحك و متملل عليك ابهم


المشكله في عجيز يصدقونهم

[الصريحه]

السلام عليكم
اخوي انا ماصدقهم ولا شي
بس ان ماخاب ظني كل الكلام الي قاله عنك صح
لان هم عندهم من يجيب لهم الاخبار اقصد الجن

يااخي لاتخوف الرجال والعن ابليس
الجن معرفته سطحيه ويخسى يعرف الغيب عند الله
ولا يلعب بك ضعيف النفس
اعتدل مع الله وتصدق واستغفر وشوف كيف حياتك بتتبدل للاحسن انشاءالله

[الصريحه]

لي اتصلك مره ثانيه قوله ياحظك ماطحت في يد باسكن مال شبكة الاسهم القطريه ههههههه ،

والله زهقان ياريت حد يتصلي منهم ابي اضيع وقت ،:(

الله يهديك الوقت محاسب عليه يالك ياعليك
استغله بمل يعود عليك بالنفع دنيا واخره

[الصريحه]

خلك نفسي .. رديت علىواحد منهم وسويت نفسي مصدق ...وانتوا طبعا ادرى بالكلام اللي يقولونه ... مسحور ولازم والزم ولازم .... الخ :omg:

المهم ... قلت له اشلون ابطل السحر يا ((( شيخ ))) هنيه الريااال استانس :) وشق الحلج من الفرحه واتوقع قااام يدق صبع بالخش :fight:.... قالي لازم تذبح 4 بقرااات على قولته واتطرشهم لي:eek5: ... قلت له انزين بيختربوون واشلون اطرش لحم مايصير .... تم شوي وقااال ... هااااا ! طرشلي فلوسهم :omen2:... قلت تامر امر ياشيخ ابراهيم

4 ولاشي

وعقب سالني وين تشتغل ؟؟؟ قلت له انا مدير شركه كبيره :eek5:... اهنيه الحبيب انبسط حده وطبعا قاام يتمغط ومبسوووط ...

قلت له اشرايك ياشيخ تجي عندي اطرش لك ويزا واشغلك في الشركه ... بما انك رجل دين ((( على طبش )))وانقذتني في نفس الوقت ... والله حبيتك في الاسلام ... وعشان محد يحااول يسويلي سحر بعد ... (( يابالفيت عصفورين بحجر ))...

قال اشلون وكيف .. قلت له عندك ايميل قالي لا .. صاحبي عنده ... قلت زين بعطيك رقم فاكس مكتبي الخاص ... وطرش لي نسخه من بطاقتك الشخصيه + شهادة الميلاد +والشهادات اللي عندك ... قاااال طيب ..:victory:

اهنيه انا توهقت يقولي عطني الرقم :nop:... بالصدفه حصلت في يد ولدي قرطاس شبس خخخخ وشااان انقله الرقم مع فتح الخط .... :funny:

وقلت له الحين طرش الاوراااق عشان اطرش لك الويزا واخلص الاجراءاات .... وسكرت ((( طبعا المكالمه ذي كلها عليه )))خخخخخخخ :app2:.. واليوم الثاني ... مفجر تلفوووني من الصبح ... رديت عليه .. ها امر يا شيخ ابراهيم قالي وصلتك الاوراق :deal:.. قلت له مادري بشيك مع السكرتيره :shy:... واهنيه الحبيب بلش يسال عن الراتب كم ... قلت له الحين انا مشغووول وعندي اجتماع .:court:... وبكلمك بعدين ...قالي ابي رقم مكتبك .... وشااان اتوهق :eek:
قلت له بعطيك اياه عقب .... رحت ادور كيس الشبس وشان احصله واخزن رقم عندي ... ويوم اتصل على المغربيه واعطيه الرقم .... ومن عقبها سحبت عليه ....

وكان خاطري اعرف واحد يشتغل في شركة الشبس عشان اعرف اسمه الكامل وصورته ... :dance

وهاااي قصتي معااااه خخخخخخخخخخخخخخخخخ ... (((النهايه )))

ههههههههههه
بس بعد الحذر منهم واجب لاتطول وياهم احسن

[وبشرالصابرين]

انا مره جاني مثل هالاتصال وقال لي انا الشيخ الفلاني قلت له شاخت ركبك مشيختك على نفسك يا اسود الوجه
ماتعرف اني ساحره كبيره واقدر واسويك فار يالنصاب خاف وسكر ... من البدايه اخوي عطهم على راسهم وماراح يتصلون بك مره ثانيه


هاهاهاهاهاها
ضحكتني والله زين سويت فيه

[بوخالد911]

تسلم والله


والله يكافيينا شرررهم

[ع.م]

الحين انتو ليش معصبين.. لاتردون وبس.. لول إذا كل ماصار شي بنعصب مب شي..

[سبورت]

الشيخ الارقام تتوزع هنا فالدوحه مثلا انت مسوي اشتراك في احد النوادي الرياضيه او في حد المحلات كتبت رقمك او في اي مكان كتبت رقمك فهناك اشخاص يبعثون الاراقام القطريه لهم

انا اتصلوا لي كذا واحد على تلفوناتي مع انهم مب كلهم باسمي

وانا الصراحه استانس اذا حد اتصل لني اذا تمللت اتصلت لهم وسويت فلم هندي واستعباط





فالنصيحه انك ماتصدق الاشكال لنهم نصااابين