طالبكم طلبه ،،، لا تخلوني ،،

[عضو نشيط]

السلام عليكم ورحمة الله وبركاته

أخواني أخواتي أعضاء ومنتسبي شبكة الأسهم القطرية

أعرض عليكم مشكلتي عسى أن أجد بينكم من يحمل مفتاح الفرج

ولا خاب من إستشار

كان يا ماكان ،،، عندي مكتب تأجير سيارات وكنت فرحان بهالمكتب ،،

ولكن ،،، تأتي الرياح بما لاتشتهي السفن !!!

المهم كثرت علينا المشاكل من الناس إللي ما يسددون ويخربون السيارات ولما نشتكي نحصل كلمة أنتوا يا مكاتب تأجير السيارات ما وراكم إلا المشاكل ،،،

المهم ما أطول عليكم ،،

المشكلة إن فيه واحد مقيم أجر من عندنا سيارة وحسب الإجراءات المتبعه لدينا كتبنا معاه العقد وطلبنا جواز سفره كضمان لحقوقنا لأنه مقيم ،،، ( ممكن يسافر يحط رجله ولا تشوف من وراه ولا ريال )

المهم ... أخونا في الله أول شهر مقدم وثاني شهر مقدم وشفنا الرجال مضبوط تطمنا على حلالنا ،،، وفي ثالث شهر طلب التأجيل والشهر الرابع ماعاد رد على الجوال المهم وراه وراه إلييين رد علينا ،، وهددناه بالتبليغ عليه خلال 24ساعه إذا ما سلم السيارة والمستحقات ،،، وبعدها جاء الرجال وسلم السيارة وكانت السيارة في حالة يرثى لها ،، أما الفلوس قال ما عندي فلوس إصبروا علي ... المهم هذا الكلام من العام وإلا أحين وهو يتحجج بأن الشركة إللي شغال معاها هي المتسببه وإنه رافع عليهم قضية ويطالب بفلوسه ،،، وآخر مرة طلب إتصل فيني قبل إسبوعين يبغي جوازه على شان يجدده ..

السؤال هنا ،،، أنا أدري إني غلطان برهن جوازه ولكن ماذا أفعل ...؟
والسؤال الثاني ... كيف أضمن حقي بدون اللجوء للمحاكم لأن المحاكم تبغي إفلوس ويومها بعشرين سنه ,,,

أرجو منكم من كان لديه أي شئ يفيدني به ،، بأن لا يبخل علي لأن ماعاد لي خلق بالمحاكم والشغلات إللي فيها شرطة ومشاكل ،،،،


ولكم مني جزيل الشكر والعرفان ،،

أخوكم
عضو ولا عاده بنشيط

[QATAR2010]

اخوى مالك الا المركز اخوى او انك ترفع عليه قضيه

او تخليه يدفع لك مبلغ وعقب يدفع الباقى وان شاء الله الاخوان يفيدونك لو انك فاتح شركه ليموزين كان ابرك لك

[عضو نشيط]

أخوي qatar2010

أشكر لك مرورك يالنشمي

ولكن ....

الشرطة قالولي موضوعك محكمه روح إرفع قضيه ،،،
وأنا أبغي المحكمه آخر توجهاتي إذا تعسر الأمر ،،

[làst çhàncè]

لاتعطيه جوازه طنش له ,,, وقول له تبي جوازك سدد مستحقاتك ,,, وأيذء على الشكوى في الشرطه والمحاكم الله يعينك ,,,

[QATAR2010]

بس ممكن يروح ويطلع بدل فاقد على الجواز وهل قانونى انك ترهن جوازه عندك

[عضو نشيط]

لاتعطيه جوازه طنش له ,,, وقول له تبي جوازك سدد مستحقاتك ,,, وأيذء على الشكوى في الشرطه والمحاكم الله يعينك ,,,


هلا أخوي Last chance

تسلم وبارك الله فيك ،،،

أخاف أطنش له ويشتكي وأطلع أنا الغلطان لأني ماخذ جوازه ،،، والقانون يقولك ممنوع رهن الجواز ... يحاسب عليها الطرفين ،،،

[عضو نشيط]

بس ممكن يروح ويطلع بدل فاقد على الجواز وهل قانونى انك ترهن جوازه عندك


كل شئ ممكن ،،،،

وهذا إللي ينخاف منه ،،، ورهن الجواز قانونياً ممنوع ويحاسب عليه القانون ،،،

[إينشتاين]

هو ماعنده إي اثبات انك راهن جوازه ،، قل له نجوم السما اقرب لك من اني اعطيك جوازك وتدل المحاكم روح اشتكي

وعلى فكرة انت منت باول واحد يتبهذل من شغلة التأجير وواحد من الربع غير نشاط مكتبه من تأجير السيارات إلى جلب الخدم وريح راسه كان يقول الموظفين الي مخليهم يراجعون المحاكم اكثر من الموظفين الي في المكتب

[دفرنت]

كان الله في عونك

حاول توصل معاه لتسوية وتطلع منه الي تقدر عليه والباقي الله بيعوضك

[N7eEeS]

الله يعينك.
الجواز كان يقدر يخليك تبله وتشرب ميته وتطلع بلوشي ويروح يطلع بدل فاقد.
ماعندك عليه شيكات؟
في الحاله الاولى اذا عندك شيك قدم بلاغ في العاصمه.
الحالة الثانيه ترفع عليه قضيه وبيصير عليه منع سفر حتى الحكم؟
بس سؤالي لك ولكل تاجر شلون قاعد تنطره سنه وتراشيه ذي الاشكال ماينفع معاها الكلام لو كان صاج على الاقل بيعطيك كل شهر 500 ريال اما المماطله فما هي من صالحك وذي فلوسك ماجاتك بالساهل.

[الميزان 1969]

بانتظار رأي .......... الفيصل

[عضو نشيط]

إنشتاين
دفرنت
N7EeeEs
أنا من همم

بيض الله وجيهكم

ولكن قالي وصل أمانه فهل ينفع ،،،

يليت الفيصل يشارك معنا لتعم الفائده

[latty]

لا تعطيه جوازه ليه الدنيا لعبه قله هات فلوسي اول واتصل بسفارته واتصل بالجوازات واتصل بشركته

الدنيا ماهي لعبه ياخوي والله لو تسلمه جوازه ماتشوفه وترى يقدر ياخذ فاقد سجله وهو مايدري وقله وش يضمن لي وخله يتكلم ويتكلم وقل انت تدري كم عليك من فلوس خله يذكر المبلغ وخله يحرر شيك والمسجل يسجله بعدها سو لك نسخه ثلاث اربع
المهم لا تتركه وانا اوييييد التسجيل والله انا بدنيا مالها امان من المقيمين واتصل بشغله اسالهم عنده مشاكل او هو ياخذ راتبه يمكن ينصفونك ياخوي


المهم مايلعب عليك
وقله اسمع ياانت تجيب فلوسي والا انا واراك وراك

[toomi9]

سو له مثل ماسوى فيك
يعني هو ماعطاك فلوسك وعطاك السياره لايرثى عليها
لا تعطيه الجواز
سو له وحده بوحده
واذا يبي جوازه يدفع لك الفلوس وماعتقد انت مسوي شي غلط ولا ظلمته

[تبتلشٍ]

بدال متدخل بمشاكل معاه بسبب الجواز قوله يعطيك شيك بالمبلغ ومبلغ تصليح السياره وسلمه الجواز ويكون الشيك بتاريخ قريب هشكل بتضمن حققك

[aljaber1]

اخي العزيز لا تحرق حالك بالهم وتشغل بالك
ترى الدنيا كلها ماتسوى الصحه
ولا تفكر بما كان وفكر بالوضع الحالي
كيف تعمل تسويه والتجاره مثل مافيها ربح
فيها خساره ولابد ان تتحمل انت وتتحمل ادارتك
جزءاً من الخطأ لان التجاره مافيها ثقه
الحل الوحيد تعمل تسويه معه تهدده انك بترفع قضيه
وبتحسب عليه قيمة الايجار من تاريخ التاجير الى صدور الحكم
حيث انه الحق بالسيارة اضرار وعطل عملها
وانا ارآى انه ما قدامك الا رفع قضيه ان لم يعمل تسويه
وتفتك من عوار الراس والله يعوضك بخير وحاول تبقى مشرق بابتسامتك
وترضى بانصيب وما يصيب لايخطي ومايخطيك لايصيبك والحمد الله بكل الاحوال

[بوحارب]

اسأل اخونا الفيصل يعجبك في هالأمور

والله يعينك اخوي

[ســـهم]

ياعزيزي انتم تاخذون من القطري شيك على بيـاض

فكيف بهذا الاجنبي لم تأخذوا حقكم منه ؟؟!!

[باسكن روبنز]

ياعزيزي انتم تاخذون من القطري شيك على بيـاض

فكيف بهذا الاجنبي لم تأخذوا حقكم منه ؟؟!!

نفس السؤال جا ببالي ومنتظر جوابه من اخونا عضو نشيط ، :)

عموماً اخوي شوف انت قانوناً عارف انك غلطان وبنفسك اعترفت انه رهنك لجوازه راح تحاسب عليه ،

مافيه الا تسايره وتاخذ منه شيك لكنه دامه سنه وشوي وهو عايش حياته ومطنش ،

معناها هو عارف شيسوي ومب مفتكر وكل الي بقوله لك ان ماكان بينكم تفاهم ،

الله يعوض عليك والتجاره ربح وخساره ،

[ماريسا]

الله يكون في عونك

[عضو نشيط]

لا تعطيه جوازه ليه الدنيا لعبه قله هات فلوسي اول واتصل بسفارته واتصل بالجوازات واتصل بشركته

الدنيا ماهي لعبه ياخوي والله لو تسلمه جوازه ماتشوفه وترى يقدر ياخذ فاقد سجله وهو مايدري وقله وش يضمن لي وخله يتكلم ويتكلم وقل انت تدري كم عليك من فلوس خله يذكر المبلغ وخله يحرر شيك والمسجل يسجله بعدها سو لك نسخه ثلاث اربع
المهم لا تتركه وانا اوييييد التسجيل والله انا بدنيا مالها امان من المقيمين واتصل بشغله اسالهم عنده مشاكل او هو ياخذ راتبه يمكن ينصفونك ياخوي


المهم مايلعب عليك
وقله اسمع ياانت تجيب فلوسي والا انا واراك وراك


تسلمين اختي لكن حنا في دولة القانون مع المقيم يعني أولاً التسجيل بدون إذن من النيابة يقولون تعدي على حقوق الغير ثانياً الشرطة قالولي روح المحكمة إشتك عليه والمحكمه جلسات وجع راس وظروفي ماتسمح لي بحضور الجلسات ،،

وأشكر مرورك ولا هنتي


سو له مثل ماسوى فيك
يعني هو ماعطاك فلوسك وعطاك السياره لايرثى عليها
لا تعطيه الجواز
سو له وحده بوحده
واذا يبي جوازه يدفع لك الفلوس وماعتقد انت مسوي شي غلط ولا ظلمته



مرحباً أخوي توم ،،
الوضع طول إلى متى أمسك جوازه أخاف يشتكي وتنقلب الآية واصير أنا المجرم ،،



بدال متدخل بمشاكل معاه بسبب الجواز قوله يعطيك شيك بالمبلغ ومبلغ تصليح السياره وسلمه الجواز ويكون الشيك بتاريخ قريب هشكل بتضمن حققك


مرحباً اخوي تبتلش

طلبت منه شيك وقالي من وين أجبلك شيك انا مش شغال قالي إذا عاوز وصل أمانه ممكن أديلك مقابل آخذ الجواز



اخي العزيز لا تحرق حالك بالهم وتشغل بالك
ترى الدنيا كلها ماتسوى الصحه
ولا تفكر بما كان وفكر بالوضع الحالي
كيف تعمل تسويه والتجاره مثل مافيها ربح
فيها خساره ولابد ان تتحمل انت وتتحمل ادارتك
جزءاً من الخطأ لان التجاره مافيها ثقه
الحل الوحيد تعمل تسويه معه تهدده انك بترفع قضيه
وبتحسب عليه قيمة الايجار من تاريخ التاجير الى صدور الحكم
حيث انه الحق بالسيارة اضرار وعطل عملها
وانا ارآى انه ما قدامك الا رفع قضيه ان لم يعمل تسويه
وتفتك من عوار الراس والله يعوضك بخير وحاول تبقى مشرق بابتسامتك
وترضى بانصيب وما يصيب لايخطي ومايخطيك لايصيبك والحمد الله بكل الاحوال



هلا أخوي الجابر وأشكر كلماتك الطيبه ،،

والله يعينا مع هالأشكال في دولة تحمي فيها المقيم قبل المواطن ،،



اسأل اخونا الفيصل يعجبك في هالأمور

والله يعينك اخوي


بوحارب أهلاً وسهلاً بك وأسعدني مرورك أخوي ،،

والله يعين الجميع ،،، بالنسبة لأخوي الفيصل رد علي على الخاص وما قصر ،،،/

وأكثر الترشيح محكمه ،،




ياعزيزي انتم تاخذون من القطري شيك على بيـاض

فكيف بهذا الاجنبي لم تأخذوا حقكم منه ؟؟!!


أخوي سهم مرحباً مليون ،،،

في تأجير السيارات من القطري أضمن لك الشيك ،،، ومن المقيم أضمن لك الجواز عشان تحكره ما يسافر لين يسدد إللي عليه وإذا أخذت عليه شيك ممكن يسافر بالراحه لبلاده ولا تشوف من وراه ريال واحد عاد دورله إهنيه ماخذيت حلالك بتاخذه منه برا ،،،


الله يكون في عونك

هلا أختي ماريسا وأشكر تواجدك معنا

ويعطيج ربي ألف عافية ،،،

[عضو نشيط]

نفس السؤال جا ببالي ومنتظر جوابه من اخونا عضو نشيط ، :)

عموماً اخوي شوف انت قانوناً عارف انك غلطان وبنفسك اعترفت انه رهنك لجوازه راح تحاسب عليه ،

مافيه الا تسايره وتاخذ منه شيك لكنه دامه سنه وشوي وهو عايش حياته ومطنش ،

معناها هو عارف شيسوي ومب مفتكر وكل الي بقوله لك ان ماكان بينكم تفاهم ،

الله يعوض عليك والتجاره ربح وخساره ،


مرحباً أخوي باسكن روبنز

نفس الرد على أخوي سهم

وأشكر مرورك العطر

[نورالهدى]

اخوي كام فلوسك
كتبه وصل امانه فيه ووقعه وبصمه عليه
وعطه جوازه
واصبر عليه
وخليك على اتصال فيه ودرايه بمكانه
ترى يمكن صج ماعنده فلوس لاتضيقها عليه
عسى ربي يفرجها عليك
كل شيء يجي بالحسنى
وصلي استخاره
وعسى ربي يفرجها على الجميع

[عضو نشيط]

اخوي كام فلوسك
كتبه وصل امانه فيه ووقعه وبصمه عليه
وعطه جوازه
واصبر عليه
وخليك على اتصال فيه ودرايه بمكانه
ترى يمكن صج ماعنده فلوس لاتضيقها عليه
عسى ربي يفرجها عليك
كل شيء يجي بالحسنى
وصلي استخاره
وعسى ربي يفرجها على الجميع

شكراً على مرورك نور الهدى ،،،

وصل الأمانه حسب ما سمعته أو قريته من بعض الأخوان ( لازم يكون بين 3أشخاص )

وإلا يكون باطل ،،،

وبعدين آنا ما قصرت وياه سنه كاملة وراه أو أكثر من سنه ،،،

وأنا أدري إن الشكوى بالمحكمه وجع راس وممكن تاخذ حقك وممكن لا ،،،


عشان جذية آنا أحاول أحل الموضوع ودي حتى بالأقساط ،،،

وبعدين إذا ما عنده فلوس وشلون عاش بقطر وشلون أجر سيارة ،،،

وعلى فكره هو حجته إنه يبغي جوازه على شآن يستأجر سيارة حسب كلامه ويشتغل عليها ،، وبعدين بيجمع فلوس وبيقسط فلوسي ،،،

وش الحل مع هالآدمي بعيداً عن المحاكم .......؟

ومشكورة ما قصرتي وأسعدني مرورك يا نور الهدى ،،،

[المبتسم]

الله يعينك ويردلك حلالك

شوري عليك تتصل باحد هالمحامين واطب مشورته,,,بحيث انك تضمن الشي اللي بتسويه

والشوري الثاني تروح للشرطه وتفهم هالامر لاحد الضباط (اللي تحطه على يمناك) وتخليه يتصل بهالمقيم يطلب منه يسدد والا السجن ويعطيه كم يوم يدبر حاله,,ترى وانا اخوك مافي مقيم مفلس على ارض قطر!!!

[d.romance]

اوصل معاه لتسوية ويدفع اللي معاه ويبقى الباقي وهو وضميره في الباقي والمسامح كريم في شهر كريم والله يعوضك خير ان شاء الله

[عضو نشيط]

الله يعينك ويردلك حلالك

شوري عليك تتصل باحد هالمحامين واطب مشورته,,,بحيث انك تضمن الشي اللي بتسويه

والشوري الثاني تروح للشرطه وتفهم هالامر لاحد الضباط (اللي تحطه على يمناك) وتخليه يتصل بهالمقيم يطلب منه يسدد والا السجن ويعطيه كم يوم يدبر حاله,,ترى وانا اخوك مافي مقيم مفلس على ارض قطر!!!


أخوي الكريم المبتسم ،،

أشكر مرورك وكثر الله من أمثالك ،،

وأما بخصوص المحامين فكل ما أتصل بواحد يرد علي الموظف ويقول المحامي مشغول عنده إجتماع طالع إذا فيه حاجة مر علينا في المكتب وقدم طلب إستشارة ( مبلغ وقدره ) ..

الشئ الثاني لو فيه ضابط أعرفه وأحطه على يمناي كان من زمان كلمته ،،،

والله المستعان ،،



اوصل معاه لتسوية ويدفع اللي معاه ويبقى الباقي وهو وضميره في الباقي والمسامح كريم في شهر كريم والله يعوضك خير ان شاء الله


أخوي d.romance ،،،


أين التسوية مع شخص كل ما أكلمه يرد ما عندي فلوس ،،،

[d.romance]

عندك حق في كلامك وليك الحق في كل ما تعمله بس لو المبلغ مو كبير وتقدر تتحمله استخير ربنا وتحصل الحل الاكيد

[منصوربن حمد]

لاتعطية الجواز واذا تقدر تحجزة بعد يكون افضل واذا هوانسان مسكين وغير قادر العفو عند المقدرة

[عضو نشيط]

عندك حق في كلامك وليك الحق في كل ما تعمله بس لو المبلغ مو كبير وتقدر تتحمله استخير ربنا وتحصل الحل الاكيد

المبلغ 7500ريال

وبالنسبه لي كبير

الله يرحمنا برحمته

[عضو نشيط]

لاتعطية الجواز واذا تقدر تحجزة بعد يكون افضل واذا هوانسان مسكين وغير قادر العفو عند المقدرة

تسلم أخوي منصور على المرور

يقولون حجز الجواز جريمه ،،،

وأنا ما عاد أبغي جوازه ( حسبي الله ونعم الوكيل )

والله أعلم بأنه عنده فلوس ولا لا ،،،

[بنت شيوخ]

الله يعينك واسال اهل الاختصاص افضل لك

[رياني qtr]

الله يعينك الحل الوحيد تكتبه شيك بتاريخ قريب جدا يعني يوم يومين وتروح تاكد على الشيك بانه بدون حساب وتوديه المركز الشرطة وهم بيمنعون سفرة بس تاكد لانه اخبر اذا مبلغ صغير مايمنعون سفرة ويسافر عادي والصراحة انا اعتبرها غلطتك مفروض تسوي مثل المكاتب الكبيرة تاخذ عليه حجز مبلغ من الفيزا كرت واذا ماعنده تقوله شوف غيري مانجر بدون فيزا كرت وفيها رصيد يتم خصمة او عدم سحبه من اي شخص ويضل مرهون باسم محلكم حتى تنتهي مدة الايجار وتاخذون ايجاركم واذا في اي شي اضافي يناضف لها كالاعطال او الاضرار
ومانصحك بوصل الامانة لانه ورقة مالها اي معنى ولا بتاخذ عليها حق ولا باطل اذا ناس نطالبهم بشيكات بدون رصيد ومن سنة واكثر والى اليوم ماقدرنا ناخذ منهم حقنا
وهذا هم يروحون ويسافرون ويرجعون ومبالغ فوق ال 100 الف

[Rayane]

ولا تخليه يــــشم ريحة جوازه... روووح لسفارته بالعقد والجواز وهم راح يسددون لك... اعتقد.

[نفسي عزيزه]

الله يعينك اخوي ..

[عضو نشيط]

الله يعينك واسال اهل الاختصاص افضل لك

وهذا إللي بصير ،، وأشكر مرورك يابنت الشيوخ



الله يعينك الحل الوحيد تكتبه شيك بتاريخ قريب جدا يعني يوم يومين وتروح تاكد على الشيك بانه بدون حساب وتوديه المركز الشرطة وهم بيمنعون سفرة بس تاكد لانه اخبر اذا مبلغ صغير مايمنعون سفرة ويسافر عادي والصراحة انا اعتبرها غلطتك مفروض تسوي مثل المكاتب الكبيرة تاخذ عليه حجز مبلغ من الفيزا كرت واذا ماعنده تقوله شوف غيري مانجر بدون فيزا كرت وفيها رصيد يتم خصمة او عدم سحبه من اي شخص ويضل مرهون باسم محلكم حتى تنتهي مدة الايجار وتاخذون ايجاركم واذا في اي شي اضافي يناضف لها كالاعطال او الاضرار
ومانصحك بوصل الامانة لانه ورقة مالها اي معنى ولا بتاخذ عليها حق ولا باطل اذا ناس نطالبهم بشيكات بدون رصيد ومن سنة واكثر والى اليوم ماقدرنا ناخذ منهم حقنا
وهذا هم يروحون ويسافرون ويرجعون ومبالغ فوق ال 100 الف

رياني بيض الله وجهك وأشكر لك مرورك ،،،

المفروض كان كتبناه شيك ولا خذينا عليه فيزا ،،، وكلمة ياليت ولو ...!

الشيك يقولك وين أجيب لك راتبي مش على البنك //

ثانياً الفيزا أكثر المستأجرين الأجانب لا يملكون فيزا ،،


ولا تخليه يــــشم ريحة جوازه... روووح لسفارته بالعقد والجواز وهم راح يسددون لك... اعتقد.

حنا في بلد قانون حقوق الإنسان ( الإنسان هو الشخص الغير قطري )


الله يعينك اخوي ..

ويعين الجميع وأشكر مرورك يالغالي ،،