احذروا التسوق في مجمع العثيم مول

[الريحانة]

:omg:
حبيت بس انبة اخواني واخواتي اللى يحبون يروحون الاحساء ويتسوقون في المجمعات مثل مجمع العثيم المعروف في الاحساء انا وحدة احب اتسوق في الاحساء وخاصة العثيم مول طبعا للفرق الكبير في الاسعار لكن بعد اللى شفتة بعيني خلاني اكون حريصة كل ما ادخل هذا المول القصة ان وحدة من صديقاتي شفتها في العثيم وانا كنت توني داخلة المجمع وكنا تونا واصلين الاحساء فحذرتني من النشالات المنتشرين في المول وكانت توها منسرقة ومبلغ كبير بالاضافة للبطاقات الفيزا والماستر فاخذت حذري ونبهت اللى معاي ويوم جات الساعة وحدة الظهر سكرت المحلات رحنا للمطاعم وكنت واقفة انتظر دورى وقدامي اختي وكانت تطلب من المطعم وتاركة شنطتها جنبها والبي بي جنب الشنطة فجاوا بنتين وقفوا جنب اختي وكانت حركاتهم غريبة كانت وحدة منهم تمد يدها صوب الشنطة وتحاول تسحب المحفظه واختي خبر خير ماتدريوالبنت جنبها وماكانت منتبهة لى لاني كنت اراقبها والهندى اللى يبيع كان منتبة بس كان خايف يقول لاختي ولما قربت من اختي حست وراحوا هم الثنتين تدرون شقال الهندي بعد ماراحوا قال اتنهوا لان قبل شوي صارت سرقة في نفس المكان المصيبة ان اشكالهم ما توحي انهم جايين يسرقون الا اذا انتبة الواحد لحركاتهم
شكلي طولت عليكم بس حبيت انبهكم لان كثير من بناتنا يمشون على نياتهم :weeping:ومش منتبهين للعصابات اللى حواليهم

[eastqatar]

لا حول ولا قوة الا بالله

الله يعوض عليهم

[JN000N]

يزاج الله خير


وانا مره امشي فالماجد وشنطتي من فوق مفتوحه الا وحده تزاحمني وتدز الشنطه مسويه ان الشنطه مسويه زحمه ههههههههه
عاد انا جد قبلها قالتلي وحده اختي شنطتج مفتوحه قلتلها هي جذي قالت تحملي في ناس ماتخاف الله ويدعسون يدهم فالشنطه

وصج وانا داخله محل ملابس اطفال الا يقولي الهندي انتو القطريين نأمن عليكم مانخاف منكم
لكن اللي هني وايد يبوقون
شوفي ماما قبل تدشين دخلت وحده باقت ثياب وشردت يقول انا شسوي الحقها بنعال؟؟ ههههههههههههه*

[مزيون الدوحه]

جزاك الله خير على التنبية
ومبروك عليكم شهر رمضان

[بوحارب]

الله يعوض عليهم

والواحد لازم يكون حريص في الغربه على اغراضه وحاجاته الثمينة من فلوس وغيرها

[latty]

:omg:
حبيت بس انبة اخواني واخواتي اللى يحبون يروحون الاحساء ويتسوقون في المجمعات مثل مجمع العثيم المعروف في الاحساء انا وحدة احب اتسوق في الاحساء وخاصة العثيم مول طبعا للفرق الكبير في الاسعار لكن بعد اللى شفتة بعيني خلاني اكون حريصة كل ما ادخل هذا المول القصة ان وحدة من صديقاتي شفتها في العثيم وانا كنت توني داخلة المجمع وكنا تونا واصلين الاحساء فحذرتني من النشالات المنتشرين في المول وكانت توها منسرقة ومبلغ كبير بالاضافة للبطاقات الفيزا والماستر فاخذت حذري ونبهت اللى معاي ويوم جات الساعة وحدة الظهر سكرت المحلات رحنا للمطاعم وكنت واقفة انتظر دورى وقدامي اختي وكانت تطلب من المطعم وتاركة شنطتها جنبها والبي بي جنب الشنطة فجاوا بنتين وقفوا جنب اختي وكانت حركاتهم غريبة كانت وحدة منهم تمد يدها صوب الشنطة وتحاول تسحب المحفظه واختي خبر خير ماتدريوالبنت جنبها وماكانت منتبهة لى لاني كنت اراقبها والهندى اللى يبيع كان منتبة بس كان خايف يقول لاختي ولما قربت من اختي حست وراحوا هم الثنتين تدرون شقال الهندي بعد ماراحوا قال اتنهوا لان قبل شوي صارت سرقة في نفس المكان المصيبة ان اشكالهم ما توحي انهم جايين يسرقون الا اذا انتبة الواحد لحركاتهم
شكلي طولت عليكم بس حبيت انبهكم لان كثير من بناتنا يمشون على نياتهم :weeping:ومش منتبهين للعصابات اللى حواليهم

عز الله ما كذبتي اي والله ولا ثلاث مرات كنت بنسرق لو ما ستر الله

اي والله وانا اشد على يدك عزيزتي واقول الحذر الحذر

[نجمة سهيل]

لا حول ولا قوة الا بالله

الله يهداهم

[ســـهم]

:omg:
حبيت بس انبة اخواني واخواتي اللى يحبون يروحون الاحساء ويتسوقون في المجمعات مثل مجمع العثيم المعروف في الاحساء انا وحدة احب اتسوق في الاحساء وخاصة العثيم مول طبعا للفرق الكبير في الاسعار لكن بعد اللى شفتة بعيني خلاني اكون حريصة كل ما ادخل هذا المول القصة ان وحدة من صديقاتي شفتها في العثيم وانا كنت توني داخلة المجمع وكنا تونا واصلين الاحساء فحذرتني من النشالات المنتشرين في المول وكانت توها منسرقة ومبلغ كبير بالاضافة للبطاقات الفيزا والماستر فاخذت حذري ونبهت اللى معاي ويوم جات الساعة وحدة الظهر سكرت المحلات رحنا للمطاعم وكنت واقفة انتظر دورى وقدامي اختي وكانت تطلب من المطعم وتاركة شنطتها جنبها والبي بي جنب الشنطة فجاوا بنتين وقفوا جنب اختي وكانت حركاتهم غريبة كانت وحدة منهم تمد يدها صوب الشنطة وتحاول تسحب المحفظه واختي خبر خير ماتدريوالبنت جنبها وماكانت منتبهة لى لاني كنت اراقبها والهندى اللى يبيع كان منتبة بس كان خايف يقول لاختي ولما قربت من اختي حست وراحوا هم الثنتين تدرون شقال الهندي بعد ماراحوا قال اتنهوا لان قبل شوي صارت سرقة في نفس المكان المصيبة ان اشكالهم ما توحي انهم جايين يسرقون الا اذا انتبة الواحد لحركاتهم
شكلي طولت عليكم بس حبيت انبهكم لان كثير من بناتنا يمشون على نياتهم :weeping:ومش منتبهين للعصابات اللى حواليهم

المجمعات يوجد فيها رجال أمن ليش مابلغيتهم بهذا الامر لكي تنهتي المشكله

انتي الآن لم تنهي المشكله بل حذرتي فقط وجزاج الله خير على هذا التحذير

لكن كان الاولى قطع الرأس <<< مثل ارهابي .. :(

[toomi9]

امما الحسه
ام البوقات والسرقات
في ناس اعووذ بالله حرامين بواقين سراقين
انزين انتي لما شفتيها كان طقيتها على يدها صدمتيها انج جفتيها خخخ

[العساس]

مشكوره اختي
بس الواحد ماينتبه في العثيم مول الا الواحد ينتبه على اغراضه في كل مكان

[باسكن روبنز]

تحذير مطلوب خاصة انه العيون هناك مفتحه على اهل قطر بالذات بزوووود ،

شكراً لج ولصديقتج وقوليلها لها مني سكوبز تشكولت ايسكريم مجاناً وتبرد على قلبها ومعوضه خير يارب ، :)

[ثرية]

الله يكفينا شر السرقات يعني الوحده راايحه تشتري وتستانس وفي الاخير تنبااق قمه القهررررررر صج في ناس لاعندهم لاذمة ولا ضمير حسبي الله عليهم

[A.L.I]

جزاج الله خير

[نمساوي]

الواحد لازم ايكون منتبه دايما

سواء في العثيم مول او غيره

شكرا اختي ع التنبيه

[@north_star@]

الاحتياط واجب بكل مكان والاهم من هذا اذا الواحد شاف هالاشكال لازم يبلغ الامن على طول وما يسكت عنهم

[وبشرالصابرين]

لا حول ولا قوة الا بالله

[الصريحه]

جزيتي كل خير
الناس صارتتخوف ولا عاد تخاف من ربها

[بوخالد911]

بل

اعوووذ بالله


اذا السررقات تصيير بالحرم المكي والمدني

عيل ما تصيير بالحسى


الله يستررر بس



تحياتي قبل الكشف عن سررقااتي

[كازانوفا]

حسبنا الله ونعم الوكيل وين الامن ؟؟؟؟؟

[ع.م]

الله يعوض عليها.. و ثانكس على التنبيه..

السرقات في كل مكان تصير..

[احبك يابلد]

حسبنا الله ونعم الوكيل على الي حدنا على الحساء او غيره ،غير مخاطر الطريق والتعب بعد سرقات

[Toomy]

أنا مرة بعد خليت شنطتي في المحل على اغراض و مشيت شوي الا يايبها لي راعي المحل جزاه الله خير يقول لا تخلين الشنطة أمس قطرية هني انباقت شنطتها.

[OTOsan]

اشمعنى (العثيم مول ) بالذات ..!

كان من الممكن التنبيه بالحذر من السرقات دون تحديد مجمع معين ، لان السرقات باعتقادي قد تحدث في اي مجمع كان ..

لكم جزيل الشكر والتقدير ،،

[لولو80]

اعوذ بالله نفسهم دنية

[Toomy]

اشمعنى (العثيم مول ) بالذات ..!

كان من الممكن التنبيه بالحذر من السرقات دون تحديد مجمع معين ، لان السرقات باعتقادي قد تحدث في اي مجمع كان ..

لكم جزيل الشكر والتقدير ،،

مب شرط العثيم,أنا كنت في البستان مول.

[ام السعف]

امما الحسه
ام البوقات والسرقات
في ناس اعووذ بالله حرامين بواقين سراقين
انزين انتي لما شفتيها كان طقيتها على يدها صدمتيها انج جفتيها خخخ

اشدعوة عليوه اتطقها على يدها
اما انت عليج سوالف مرات :shy:

[ام السعف]

اشمعنى (العثيم مول ) بالذات ..!

كان من الممكن التنبيه بالحذر من السرقات دون تحديد مجمع معين ، لان السرقات باعتقادي قد تحدث في اي مجمع كان ..

لكم جزيل الشكر والتقدير ،،

اتفق معاك :nice:

[OTOsan]

مب شرط العثيم,أنا كنت في البستان مول.

هذا اللي قصدته ..يعني انا قريت العنوان فحسيت ان الموضوع فيه شي خاص بالعثيم مول ..يعني بضاعه فاسده ..نصب في الاسعار ..وهكذا

بس الموضوع عن السرقة .. والسرقه في كل مكان :)

[غزلان]

الحذر واجب ولي زمن الطيبه والثقه بالناس

[ريم المدينة]

من الفقر وقطري قلووس واجد...

[انتر ميلان]

والله حتى في قطر يسرقون
المفروض كل واحد يحاسب على اغراضه وين ماكان

[Right]

يعطيج العافية وتسلمين على التنبيه

[هذلان]

حطي شداخه في الشنطه :)

[OTOsan]

حطي شداخه في الشنطه :)

واذا نست انها حاطتها ياهذلان ؟ :)

[هذلان]

واذا نست انها حاطتها ياهذلان ؟ :)

معناتها انها مفهيه و ما انسرقت من فراغ :nice:

[ابن مانع]

معناتها انها مفهيه و ما انسرقت من فراغ :nice:

اي والله مفهيه وتعلم الحرص مره ثانية
تسلم ياهذلان عجبني ردك

[**هـتــــــان**]

يعطيج العافيه على التبيه ..الحمد لله على امن دولتنا الحبيبه ..ومن الامان اللي عندنا تعودنا مرات نتسوق والشنطه مبطله ومرات عادي تكون جنبنا واحنا قاعدين ..بس برع قطر والله مشكله يبيلنا ننتبه اكثر .

[الموضوعي]

في ناس يدلون روسهم مثل الغنم وفوقهم لوحة تعالوا اسروقنا

[السندان]

كله من مفوشر ربعنا .. اللي يطلع ربطة خمسميات واللي مصقله بالذهب واللي تاخذ الباقي وماتعد كم رجع لها الناس عرفوا حق بعض ربعنا انهم بطرانين ومايهمهم
بس اللي لاحظته في العثيم امس انهم مثبتين الاسعار ولاتكاسر يقولي الهندي علشان انت تاخذ نفس سعرغيرك مايصير انت تاخذ ب150 والثاني ياخذ ب200
بس صج حارقين اسواقنا بضايع احلى واسعار افضل
التوفيق للجميع

[toomi9]

اشدعوة عليوه اتطقها على يدها
اما انت عليج سوالف مرات :shy:
خخخخ
لوو اناا سويت فيها جي والله بتنحررج ويمكن تعقد وماتعيدها وتاخذ موقف

[احلى ستايل]

ليلة رمضان انسرق من خالتي مبلغ وقدرة 6 الالف ريال من البوك في السعودية

بالخبر حاسبوا

[M007]

يبيلهم من يقص يدهم

[شيزكيك]

يزاج الله خير


وانا مره امشي فالماجد وشنطتي من فوق مفتوحه الا وحده تزاحمني وتدز الشنطه مسويه ان الشنطه مسويه زحمه ههههههههه
عاد انا جد قبلها قالتلي وحده اختي شنطتج مفتوحه قلتلها هي جذي قالت تحملي في ناس ماتخاف الله ويدعسون يدهم فالشنطه

وصج وانا داخله محل ملابس اطفال الا يقولي الهندي انتو القطريين نأمن عليكم مانخاف منكم
لكن اللي هني وايد يبوقون
شوفي ماما قبل تدشين دخلت وحده باقت ثياب وشردت يقول انا شسوي الحقها بنعال؟؟ ههههههههههههه*

ههههههههههههههه