عوووود كمبودي ....تفضلو لو سمحتو

[Diamond]

السلام عليكم ورحمة الله وبركاته..

اخواني حبيت استفيد من خبرتكم بالعود...لاحظت وايد ناس يعرضون عود كمبودي للبيع
ومنتديات ثانيه شفت فيها كمبودي للبيع..بس اللي اعرفه ومن كلام ناس خبره فالعود يقولون ان مافي امل تحصل كمبودي فهالوقت شي ناادر واللي عنده ما راح يبيعه حق كل واحد داش المحل يخشونه وما يطلعونه الا لناس يعرفونهم ويدفعون فيه مبلغ وقدره......حبيت اعرف وجهت رايكم لاني ابي كمبودي لعرسي وخايف انغش.....
الله يجزاكم كل خير

[نجمة سهيل]

ان شا الله يفيدونك اصحاب الخبره

[ذيب الباديه]

السلام عليك اخوي

بحكم تجارتي في العود من سنين وبحكم علاقي بالتجار الكبار وخبراء العود ..العود الكمبودي اولا اذا كان بدرجه سوبر او دبل سوبر واااايد صعب انك تحصله ويعتبر شبه مستحيل ..اما الانواع العاديه من وسط ودون ايضا صعب الحصول عليه ولكن فرصة الحصول عليه اكبر ودائما التجار يقومون بخلط العود الكمودي الذي بدرجه وسط وما دون مع انواع اخرى والسبب ان الكميه التي تتوفر لهم كميه قليله جدا ..وهذا دائما ما يحدث في الاسواق ....

والحالات التي يمكن فيها الحصول على عود كمبودي بدرجات عاليه

1- اما ان تشتريه من شخص قام بتخزين هذا النوع من سنين طوله ( وهذا ماحدث لي من فتره )،، حيث اشتريت عود كمبودي + هندي بدرجات عاليه ( تربل سوبر ) من شخص هندي حيث ان والده كان تاجر قديم في العود وتوفى من عده سنوات وهذا العود يرجع تاريخه لسنوات طوييييله جدا جدا ...

2- اوتشتريه مصدر قوي جدا جدا في كمبوديا ( وهذا صعب جدا جدا ) . ( لاني حاولت سابقا كثيرا عن طريق التجار والخبراء ولكن دون جدوى ) .

3-


وسامحني اخوي انا الحين مشغول وللتكمله بقيه .. :)