ساعة الرضاعة برمضان

[المقهوره]

السلام عليكم ورحمه الله وبركاته


مبارك عليكم الشهر مقدما حتى لو باقي يوم

وينعاد ع لينا وعليكم وعلى الامه الاسلاميه بالخير انشاء الله



سؤالي ليش مافيه ساعة رضاعه في رمضان

ادري بتقولون كله الا 5 ساعات شله هالساعه.؟؟

بس القانون الجديد الغاها في رمضان هل صدق ولا يقصون علينا هالموارد البشريه .

[missperfect]

راجعي القانون بنفسج


http://**************/vb/showthread.php?t=126

[ريماس الغلا]

حتى شهر رمضان له قانون في الموارد البشريه ؟؟


لا حول ولا قوع الا بالله

[المقهوره]

راجعي القانون بنفسج


http://**************/vb/showthread.php?t=126

لازم ا سجل وانا مالي خلق تسجيل

[miss.qa]

والله انا ماسالت بس كنت اخذها ساعتين ولاحد سالني ولاحد اعترض

[المقهوره]

انا احب اسوي الشي قانونيا


اذا لي حق باخذه مالي حق بداوم عادي


مابي شي ينحسب علي مستقبلا


فيه ناس تصيد في الميه العكره

[المقهوره]

شكلي بدق على الامانه العامه الخاص بالموارد البشريه

[المقهوره]

مب هذا رقمهم 44841555

[بـــــــنت النوخـّــــذه]

في الدوام عندنا في ساعه رضاعه اختي وطلعتهم 12 ولي ماعندهم 1 توني مستفسره :)

[المقهوره]

في الدوام عندنا في ساعه رضاعه اختي وطلعتهم 12 ولي ماعندهم 1 توني مستفسره :)

انا اقصد برمضان

هل لهم ولالا

هل قانون الموراد البشريه مطبق عندكم ولالا؟؟؟

[باسكن روبنز]

الله يعطيكم العافيه يالامهات ،

[المقهوره]

الله يعافيك

[(عبدالله)]

اختي...

المادة (109): تمنح الموظفة ساعتي رضاعة يومياً لمدة سنة، تبدأ من انتهاء إجازة الوضع مباشرة، ويترك للموظفة تحديد وقت الرضاعة.

وماشفت مذكور أي شي عن الرضاعة في رمضان

[أم سلووومي]

بالدوام عندنا عندنا ساعتين رضاعه ادوام من 8 الى 11 :) ولله الحمد وبما انا احنا ثنتين وناخذ ساعات رضاعه وعلشان مايصير نقص بعدد الموضفات وحده تدوام من 8 الى 11 ووحده من 10 الى الساعه 1ظهرا اول مره اسمع انه مافي في رمضان وقانون الموارد البشريه مطبق عندنا :)

[ريماس الغلا]

مديرات المدارس المستقله هن المتحكمات بالقانون !!!!!!!!

[الصريحه]

لا مافيه

[بـــــــنت النوخـّــــذه]

انا اقصد برمضان

هل لهم ولالا

هل قانون الموراد البشريه مطبق عندكم ولالا؟؟؟

اختي انا فاهمه سؤالج وسألت على اساس رمضان اين نعم احنا تابعين لقانون الموارد البشريه وسألت المسؤل بكبره قال بلسانه الدوام للكل من ثمان وربع لين وحده والي عندهم رضاعه من ثمان وربع لين 12 ورضاعتهم ماياخذونها في البدايه بل النهايه 00الكلام لرمضان00000000000

[المقهوره]

حسبي الله عليكم يا hr

دائما كذابين لمصلحتهم وبدون قوانين


انا باخذها ولا علي منهم


كلمت الامانه العامه وقال لي اذا عند ادارتك مشكله في الم وضوع يخاطبونا بكتاب رسمي

على شان يشوفون ردنا انه مب ممنوع في رمضان ومن حقك تاخذينها

[باربي قطر]

هاي اللي انا بعد ابي اعرفة
يعني شسالفه في ولا

[نمساوي]

اخذيها وتوكلي على الله

مبارك عليكم الشهر

[سبورت]

ساعه رضاعه = تهرب من الدوام

والي يقول ان اليهال تربونهم ولاتدرون عنهم عند الخدمات

نحن شعب اتكالي بس كله طلباااات
تعلموا من اروربا الشي الزين مب تتعلمون الشي الردئ

اختي الكلام غير موجه لج موجه لفئه كبيرة

[ضوى]

سالت الموارد البشرية وردوا علي وقالوا لي ساعتين رضاعة ولم يتم تخفيضها في شهر رمضان

والظاهر الية التنفيذ حسب الادارة ، بس مو من حق احد يمنع تنفيذ القانون وسلب اي حق من حقوق الموظف وخاصة الامهات

[ضوى]

ساعه رضاعه = تهرب من الدوام

والي يقول ان اليهال تربونهم ولاتدرون عنهم عند الخدمات

نحن شعب اتكالي بس كله طلباااات
تعلموا من اروربا الشي الزين مب تتعلمون الشي الردئ

اختي الكلام غير موجه لج موجه لفئه كبيرة


ساعة رضاعة = اهتمام بالطفل وتغذيته وعدم الاتكال عالتغذية الصناعية

واليهال احنا نربيهم لا احنا ولا عيالنا تربية خدم ولله الحمد والمنة والتعميم خطا جسيم في مثل هذه الامور

نحن شعب عصامي ولله الحمد ولعل الكل يشهد للقطري والقطرية في كل المجالات ولعل لنا في تجارنا وهواميرنا المثل الجيد شوف شكانوا وشصاورا لانهم مش اتكاليين بنوا نفسهم بنفسهم

اوروبا برغم القوانين التي تخدم المجتمع لديهم الا انها تعاني من تفسخ وانحلال اخلاقي لا يمكن وقفه

تحياتي

[المقهوره]

ساعه رضاعه = تهرب من الدوام

والي يقول ان اليهال تربونهم ولاتدرون عنهم عند الخدمات

نحن شعب اتكالي بس كله طلباااات
تعلموا من اروربا الشي الزين مب تتعلمون الشي الردئ

اختي الكلام غير موجه لج موجه لفئه كبيرة


بس احنا شايفين عيالنا ولله الحمد

وللعلم الاجانب من قال انهم مايحطون خدم لعيالهم
يحطون لما يكونون في ال شغل واذا ارجعوا استلموا عيالهم وباشروهم نفسنا يعني

انا الين الحين ماطلعت من الدوام مع ان مسؤالي سمح لي ا طلع 12