مطلوب مجلات ميكي القديمه الصادره عن طريق الفطيم الاماراتيه

[NeverLand]

السلام عليكم ورحمة الله وبركاته

مرحبا اخواني كيف الحال

اخواني واخواتي من يملك مجلات ميكي القديمه التي كانت تصدر عن الفطيم بفترة التسعينات

كانت تصدر منها كالتالي : مجلة ميكي - مجلد ميكي الذهبي - اجازه مع ميكي - مدينة البط - ميني

تعبت وانا ابحث عن اصداراتهم : (

في حال توفر طلبي الرجاء ترك رساله بالموضوع او مراسلتي عبر الرسائل الخاصه

[اّل ثاني 77]

إن شاءالله تلاقي طلبك...
^
^
^

[NeverLand]

جزاك الله خير اخوي

وان شاء الله احصل طلبي .. ولو اني فقدت الامل :(

[qatari911]

عندي عدد مجلة ميكي
هل تريد مني أتأكد كم مجله عندي امهلني لبكره وارد عليك خبر
وعندي بعض المجلات القديمه خلني بس اشوف شنو الي عندي وارد لك خبر اخوي
في حفظ الرحمن ^ـــ^

[NeverLand]

للاسف اخوي ماقدر اراسلك عالخاص يقولي المنتدى لازم اكمل 50 مشاركه ..

عالعموم راح ارد عليك بالموضوع

ياليت تقولي كم عدد عندك لمجلة لمجلة ميكي وكل اصدارات الفطيم الاماراتيه اللي عندك

من مجلة ميني ومدينة البط .. لاني هلكت وانا ادورهم

ومسلسل الكراغل اللي عندك هل هو مدبلج بالعربي ولا بدون دبلجه ؟ اذا مدبلج راح اخذه منك ..

ولاهنت يالغالي ..

[ضوى]

مافي احلى من ميكي مصر صج تحفة

[qatari911]

مافي احلى من ميكي مصر صج تحفة

ليه أهو فيه ميكي مصر:eek5:
ميكي مصر هو ميكي الاصلي بس الصوت عربي اذا قصدج في الدبلجه :shy:

[حمد بن خالد]

اختنا ضوى تقصد الأصدار الأقدم من إصدار الإمارات وهو الأفضل من بين الإصدارات الثلاث

عالعموم

أنا عندي إصدار مصر والفطيم بس ما اقدر استغني عنهم بصراحة لأن لهم قيمة كبيرة عندي

بس راح اسأل واشوف من عنده



بس من ياب سيرة الكراغل في الموضوع .. ؟؟

بس بصراحة .. كان أكشن هالمسلسل

ومادري من قص علي وقال ان منزلين منه فلم ودورته لين عيزت ولا لقيت شي

وموفق ان شاء الله

:)

[NeverLand]

لا وين مافي مقارنه بين مجلة ميكي الامارات ومجلة ميكي مصر

كفايه لما تقرا مجلة ميكي الامارات تحس نفسك ماسك مجله راقيه اخراجها الفني رائع بكل معنى الكلمه ..

وقصصهم اللي يختارونها ويحطونها بالمجله غاليه مب رخيصه نفس باقي الاصدارات يعبون فيها مساحه وخلاص

واخراج الحوارات كان قوي وممتع وسلس

واحلى شي ان قصصهم اغلبها طويله ولها اجزاء مب صفحتين وتخلص القصه ..

تحس نفسك قاعد تشوف فيلم مب تقرا قصه مصوره !!

الفطيم اكثر شركة افهمت فكرة المجله صح وقدمتها بالصوره الصحيحه لها .. كانوا فاهمين فكرة ديزني ..

من تمسك مجلاتهم تحس انك رحت بعالم ثاني ..

مب ((( سلطه ))) .. مجلة اسمها ميكي وعليها شعار ديزني .. لكن لما تفتحها تحصل اشياء مالها خص

مثل تقارير العاب سخيفه لبلاي ستيشن ومادري ايش

واطفال مطرشين لهم رسومات مالها علاقه بديزني مثل البوكيمون والمحقق كونان وعارضينها وضاربين بعرض الحائط فكرة المجله الاساسيه ايش بالضبط

ميكي الفطيم كانت رهيبه والله

تنظم مسابقات للاطفال ليورو ديزني وكانت تاخذهم كل سنه هناك لمؤتمر الاطفال ويعطون الاطفال العرب فرصه بإيصال كلمتهم بين كل اطفال دول العالم في هالتظاهره العالميه

الحين بذمتكم في مجله تهتم بهالشي ؟ ولا مجله والله .. كلهم يهمهم بس شلون يربحون وخلاص

عشان جذي مجلة ميكي تدهورت يوم راحت الكويت والسعوديه .. خربوها من قلب

ميكي مصر احلى مافيها اخراج حوارات القصص فقط .. لان المصريين دمهم خفيف ..

لكن كمجلة متكامله .. ماجات مجلة مثل ميكي الامارات !!!

والدليل ان اغلب اللي يدورون عن مجلات ميكي القديمه بالنت تحصلونهم مايدورون الا المجلات اللي كانت الامارات تصدرهم بفترة التسعينات

انا عندي مجموعه من هالمجلات .. بس الاغلبيه الوالده الله يهداها حطتهم بكرتون وقطتهم بالزباله يوم شدينا لبيت جديد .. خخ

رجعت من المدرسه يومها ولا لقيت كل شقى عمري ضاع :(

----------------

حمد ..

اخوي قطري كان عارض علي مسلسل الكراغل على ديفيدي بس للاسف طلع مب مدبلج ..

كان مسلسل قوي الصراحه ..

[ROCK]

هلا بالغالي

متوفر عندي مجلات ميكي وبطوطة

[مايبخ]

انا والله عندي شنطه متروسه مجلات ميكي
اصدار الامارات وان ماخاب ضني رئيسه التحرير وحده متحجبه بعد
اخبر عندي الاعداد من الـ80 وفوق لين 120 والعدد رقم 100 لون الغلاف ذهبي :nice:
ومخليهم في المخزن كذكريات :weeping: صدق ايام حلوة
واخبر ان رئيسه التحرير نست توقع احدى الاعداد وقامت المسكينه توقع المجلات مجله مجله :rolleyes2:

والله ذكرتني بايااااااااام :weeping: :weeping: :weeping: :weeping:

[NeverLand]

اوه ذكرتني برئيسة التحرير نجوى آل رحمه

شنووو كنت استانس يومها كل مافتح ميكي واقرا كلامها 3>

كانت بمثابة اخت كبيره لكل قراء المجله

لا تذكر العدد الثاني اللي كان لونه فضي ؟

ونزل اعتذار منها بالعدد الثالث للناس اللي شروا المجله

لان اللون كان يضبغ باليد .. لول

انا شاركت كذا مره بمسابقاتهم واذكر مره فزت بمسابقة افضل قصة قصيره عن الديناصورات

عاد والله والقصه اللي ألفتها .. صج سخيفه بس مادري شلون فازت خخ

واخبر كنت اتحرقص ابي اشترك بمسابقة يورو ديزني بس كنت عارف ان الاهل ماراح يخلوني اسافر معاهم بروحي وانا صغير

وكنت استانس من قلب على الهدايا اللي يحطونها بكل عدد

كان اي شي بسيط يفرحنا ..

الحين هالشغله اختفت لان اليهال صار مايرضيهم اي شي ويشوفون هالهدايا البسيطه باستخفاف

ايام والله ياميكي ..

[abdo222]

السلام عليكم ،، عساكم بخير وقوه ،،

انا عندي مجموعه مب بسيطه من اول الاعداد،، فوق ال ٣٠٠ حبه اتوقع ،، لو بغيتهم ارسلي رقمك ،،
على كل خير ،،

[NeverLand]

وعليكم السلام والرحمه

هلا بالغالي ..

ياليت تتواصل معاي على هالايميل : neverland008@hotmail.com

[qatari911]

:)
مستمتع بنقاشاتكم