طالب إستشاره من الخبراء مشكورين : سكاي لاين جي تي آر 2010 أو بورش كاريرا 4 إس 2010 ؟؟

[فــلان]

السلام عليكم و رحمة الله

مبارك عليكم الشهر شباب

حبيت آخذ رايكم أي من هالسيارتين أفضل ؟ أنا أبغي الموتر مستوى بين المواتر و إستعمال
و في نفس الوقت أبيه خفيف على القلب حتى لو جا وقت وحبيت أبيعه تكون بيعته سهله وخفيفه وما أتلعوز

طبعا ً أنا غير المستوى بين هالنوع من السيارات على الطريق تهمني السرعه المقبوله و الثبات
لأني أحب السرعه و أستمتع بالكورنر سبيد :)

إذا حد بيسألني ليش ما إخترت البورش الكاريرا التيربو بدال الـ4 إس بقول إني مب متشجع لها
لسبب واحد إني أخاف من خراباتها و أحس إن الكاريرا الـ4 إس أكثر عمليه

أرجوا إني أقرى آرائكم و بالأخص آراء الناس الخبره

مبارك عليكم الشهر مره ثانيه و كل عام و إنتم بخير :)

[H A S S A N]

طبعا ال جي تي اقوى بواجد

بس ليش ماتشوف ال البورشgt3 شكل وقوه وبدون توربو

[فقط قطر]

الجيتي....مشكلتها في السعر....تاخذها غالية....وعند البيع تخسر الشيء الكثير...
البورش اكيد احسن من جميع النواحي....وخاصة كأسم....

[باسكن روبنز]

مافي مقارنه ابد ،

البورش ولا تفكر بغيره ،

ومبروك عليك الشهر يا بو راشد ، :)

[فــلان]

طبعا ال جي تي اقوى بواجد

بس ليش ماتشوف ال البورشgt3 شكل وقوه وبدون توربو


مب حاب آخذ موتر قير عادي بتملل منه بسرعه غير إن الأدرينالين بيكون طول الوقت توب و هالشي خطر :) .أنا ناوي يتم الموتر عندي من سنتين إلى 3 سنوات على حسب الراحه في إستعماله و بيني وبينك القير العادي فالبيع يشردون منه العالم حتى لو بورشgt3.

[فــلان]

الجيتي....مشكلتها في السعر....تاخذها غالية....وعند البيع تخسر الشيء الكثير...
البورش اكيد احسن من جميع النواحي....وخاصة كأسم....


اللي مب إمشجعني إنها يابانيه و إسمها نيسان حتى وإن كانت جي تي آر,أحس إني ما راح أحس بكشختها.أنا الياباني ما أطيقه بس قلت يمكن لسكاي لاين غير ...

[فــلان]

مافي مقارنه ابد ،

البورش ولا تفكر بغيره ،

ومبروك عليك الشهر يا بو راشد ، :)


هي شكلها راسيه على البورش لين الحين :)

علينا و عليك طال عمرك جزاك الله خير :)

[HEART_LION]

بورش وفالك التوفيق

[فــلان]

بورش وفالك التوفيق


أجمعين إن شاء الله تسلم جزاك الله خير

[_QTR_]

بوراشد شحالك يالغالي

والله شوف من ناحية القوة والعزم مافي غير الجي تي ار .. بس بقول لك واحد من الربع موتره جي تي ار وماشي 12 الف وجيره طاح قيره وهو لا راعي سباق ولا شيء ... الحبيب كله تلحس وتمشاية .. واذا لقى حد يتحرش دعس معاه .. بس مب اللي كله مداعس ... والوكالة مب عارفين يضبطون له الموتر .. خاس عندهم اكثر من 4 شهور ويوم طلع الموتر .. مابي اقول لك انه ما يبدل غير 1 و 3 و 5 بس والباقي انسى


والبورش 4 اس ... اثبت واحلى وكفاية الاسم سا بن عمي بووووورشه مب نيسان وميزتها انا 4 ويل ... يعني بتفتل في الكورنرززززززززززز .. يعني تدخلها track day ايش يصير بعد هههههههههههههههه

[الســـهم]

الموترين ماعليهم كلام اخوي بوراشد ..

بس نصيحة اسأل عن الضمان وبرنامج الصيانه والأسعار , لأني سمعت أرقام مب طبيعية بالنسبة لصيانة الجي تي آر ..

[فــلان]

بوراشد شحالك يالغالي

والله شوف من ناحية القوة والعزم مافي غير الجي تي ار .. بس بقول لك واحد من الربع موتره جي تي ار وماشي 12 الف وجيره طاح قيره وهو لا راعي سباق ولا شيء ... الحبيب كله تلحس وتمشاية .. واذا لقى حد يتحرش دعس معاه .. بس مب اللي كله مداعس ... والوكالة مب عارفين يضبطون له الموتر .. خاس عندهم اكثر من 4 شهور ويوم طلع الموتر .. مابي اقول لك انه ما يبدل غير 1 و 3 و 5 بس والباقي انسى


والبورش 4 اس ... اثبت واحلى وكفاية الاسم سا بن عمي بووووورشه مب نيسان وميزتها انا 4 ويل ... يعني بتفتل في الكورنرززززززززززز .. يعني تدخلها track day ايش يصير بعد هههههههههههههههه


لا إن شاء الله يا ولد العم كفة البورش هي الأرجح ومبارك عليك الشهر يالغالي :)

جنون المد كورنر سبيد فالدم يا ولد العم هههه :)

[فــلان]

الموترين ماعليهم كلام اخوي بوراشد ..

بس نصيحة اسأل عن الضمان وبرنامج الصيانه والأسعار , لأني سمعت أرقام مب طبيعية بالنسبة لصيانة الجي تي آر ..


والله ياخوي أشوف و أسمع الشكاوي على النيسان بالنسبه لخدمات مابعد البيع وقطع الغيار كثيره و أنا مابي أدق دقه إتضييق بي .. شكلها بورش لحد الآن ..

[الســـهم]

والله ياخوي أشوف و أسمع الشكاوي على النيسان بالنسبه لخدمات مابعد البيع وقطع الغيار كثيره و أنا مابي أدق دقه إتضييق بي .. شكلها بورش لحد الآن ..

الله يوفقك اخوي بوراشد ..

انا اتكلم عن اسعار السيرفس العادي , سمعت والعلم عند الله وملاك الجي تي آر ان تغيير الزيت ( الآيل ) يكلفك 5000 ريال قطري , وتغيير السفايف مع الدرامويلات تكلفك بحدود 17,000 ريال قطري , ما أدري هل هالأسعار صحيحة ولا كلام وبس ؟

[فــلان]

الله يوفقك اخوي بوراشد ..

انا اتكلم عن اسعار السيرفس العادي , سمعت والعلم عند الله وملاك الجي تي آر ان تغيير الزيت ( الآيل ) يكلفك 5000 ريال قطري , وتغيير السفايف مع الدرامويلات تكلفك بحدود 17,000 ريال قطري , ما أدري هل هالأسعار صحيحة ولا كلام وبس ؟




بللللللللللللللللللل أمحق شريه في ذمتي كان صحًُُت هالمعلومه !!!

تسلم طال عمرك أجمعين إن شاء الله جزاك الله خير .....

[علي مهنا]

تبي نصيحة مجرب ابعد عن الجي تي ار مايسوى هالسعر كلش والسعر يطيح على طول اول ماتاخذه اذكر انا خذته شهر 11 2009 اب 220 الف وراعيه كان مطلعه من الوكاله شهر 2 2009 اب 440 الف
ومن ناحية المميزات وايد تعبانه النافيقيشن امريكي ومايتبدل وقنوات الراديو مبرجه على النظام الامريكي وما تبدل وألاهم انه وعر واااااااااااايد يلوع جبدك
وأذا على المقارنه انا كانت عندي 911 تيربو 2008 ماشا الله عليهه روعه في كل شي ومن جهة نظر متواضعه مافي مقارنه ويبقي الالماني غير

[فــلان]

تبي نصيحة مجرب ابعد عن الجي تي ار مايسوى هالسعر كلش والسعر يطيح على طول اول ماتاخذه اذكر انا خذته شهر 11 2009 اب 220 الف وراعيه كان مطلعه من الوكاله شهر 2 2009 اب 440 الف
ومن ناحية المميزات وايد تعبانه النافيقيشن امريكي ومايتبدل وقنوات الراديو مبرجه على النظام الامريكي وما تبدل وألاهم انه وعر واااااااااااايد يلوع جبدك
وأذا على المقارنه انا كانت عندي 911 تيربو 2008 ماشا الله عليهه روعه في كل شي ومن جهة نظر متواضعه مافي مقارنه ويبقي الالماني غير


والله ياخي الواحد بدونكم كان بيروح ملح الله لا يخلينا من هالتواجد و الشور الطيب.شلون تيربو البورش بالنسبه للخرابات المفاجأه مثلا ً ؟

جزاك الله خير يا بومهنا و رحم الله والديك

[علي مهنا]

او والديك يابوراشد
بالنسبه للخرابات الي في البورش مب ذيك الخرابات الي في الجيتي حاله حال أي موتر الماني من وجهة نظري انا استخدمته وكان الموتر معاي أحلى مايكون وحتى يوم بعته ماسمعت انه الريال الي شراه اشتكه منه

[abu abdulla]

كاريرا فقط يكفي لاندنا جبال او ثلج على شان تاخذ الاس 4 واذا بغيت الاستخدام وسياره رخيصه خذ البورش كايمان وبتدعيلي ثبات وقوه ولامثله

[فــلان]

او والديك يابوراشد
بالنسبه للخرابات الي في البورش مب ذيك الخرابات الي في الجيتي حاله حال أي موتر الماني من وجهة نظري انا استخدمته وكان الموتر معاي أحلى مايكون وحتى يوم بعته ماسمعت انه الريال الي شراه اشتكه منه


شي طيب والله ياخوي ,, بازووم على التيربو وبراقب إنطباعات ملاكها لفتره إحتمال أرسى عليها

[فــلان]

كاريرا فقط يكفي لاندنا جبال او ثلج على شان تاخذ الاس 4 واذا بغيت الاستخدام وسياره رخيصه خذ البورش كايمان وبتدعيلي ثبات وقوه ولامثله


أخوي لأن كانت عندي الـ4 و عجبني إستعمالها وبعدين الـ4 قصة رفارفها الخلفيه أعرض من العاديه و الـS

الكايمان حلوه ما عليها كلام لكن المبدء Take it all or Leave it :)

الكايمان أحسها تناسب الشباب بين الـ18 إلى الـ23 سنه بالكثير أما أكبر من هالشكل في إعتقادي يبي له شي يناسب سنه و شخصيته <--- ترى ما وصل الـ30 هههه لتقول الرجال عمره 90 ولا شي :)

[بـن عدوان]

عليكــ بالــ 911 Turbo

الجير بيكون PDK موديل 2010

يعني اقوى من 2009 بواايد

[فــلان]

عليكــ بالــ 911 turbo

الجير بيكون pdk موديل 2010

يعني اقوى من 2009 بواايد


بننتظر ياخوي و بنشوف والله يكتب اللي فيه الخير

[rashidq]

اخوي بوراشد خذ نصيحت اخ البورش ولا في اذنك ماي موتر لو مهما يقدم رزته فيه وكفايه انه الماني
روووووووووووووووووووووووووح وعسى ربي يوفق ويعطيك خيره ويكفيك شره ويبعد عنك الحساااااد
ومبارك عليك الشهر

[فــلان]

اخوي بوراشد خذ نصيحت اخ البورش ولا في اذنك ماي موتر لو مهما يقدم رزته فيه وكفايه انه الماني
روووووووووووووووووووووووووح وعسى ربي يوفق ويعطيك خيره ويكفيك شره ويبعد عنك الحساااااد
ومبارك عليك الشهر


رووووووووووووووووووووووووووووووووحجعل ربي يحفظك ويجعلك ووالديك فالجنه بدون حساب
تسلم طال عمرك الله يبارك فيك ويحفظك و المسلمين قول آمين.

[بعيد النظر]

البووورش ولا فـ اذنك مااي ..
وجرب التوربو 911 روووعة !

[احب قطر]

ليش ماتفكر في sls ، موتر جديد وجذاب وللاستخدام اليومي والسرفيس من أحسن مايكون..!!؟؟

[فــلان]

البووورش ولا فـ اذنك مااي ..
وجرب التوربو 911 روووعة !


والله يبيله و أنا أخوك

[فــلان]

ليش ماتفكر في sls ، موتر جديد وجذاب وللاستخدام اليومي والسرفيس من أحسن مايكون..!!؟؟


ما أفكر طال عمرك لأن الوكاله هنيه وايد إمبالغين في سعره و مب حاب
أجيبه من برى تجنب للمفاجآت الغير مرغوبه ولا هو موتر ما ينعاف و ودي به من الخاطر.

[rashidq]

والدينك الجنه يابو راشد وفالك التوفيق يالغالي

[سبورت]

الجي تي ار وتوكل على الله

انا اليوم مخلص جي تي ار من الوكاله الصراحه تفجيررررر

[فــلان]

والدينك الجنه يابو راشد وفالك التوفيق يالغالي

أجمعين يا بوسنيده تسلم جزاك الله خير.

[فــلان]

الجي تي ار وتوكل على الله

انا اليوم مخلص جي تي ار من الوكاله الصراحه تفجيررررر

الله يبارك لك إن شاء الله أخوي

بس ياليت إتعلمنا على وشو بنيت قرارك يعني شنهو اللي عرفته عنها وتأكدت إلي خلاك تنوي عليها بإستثناء قوتها.

[سبورت]

هلا بو راشد

اول شي موتر من ناحية السيفتي ما عليه كلام

ثاني شي الموتر ماراح يتغير شكله ثالث شي البورش احتمال كبير انها راح تتغير السنه الجايه
رابع شي محصل خصم وايد زين من الةوكاله

وبالتوفيق ياشيخ واي شي تبيه من الوكاله انا حاضر لك

[فــلان]

هلا بو راشد

اول شي موتر من ناحية السيفتي ما عليه كلام

ثاني شي الموتر ماراح يتغير شكله ثالث شي البورش احتمال كبير انها راح تتغير السنه الجايه
رابع شي محصل خصم وايد زين من الةوكاله

وبالتوفيق ياشيخ واي شي تبيه من الوكاله انا حاضر لك

تسلم اخوي جزاك الله خير

[كلاسيكي]

]بوراشد

انا كنت محتار مثلك لكن بين الجي تي ار وبين المرسدس e63 2010


الجي تي موتر جامد من الوكاله وغير انه مميز ومن داخل مايحتاي عجيب لكن فيه عيب شرعي من الوكاله لموديل 2009 ومادري اذا موجود في 2010 ولا لاء والعيب هو طال عمرك في نظام الانش كنترول يقولون انه يخبط القير اذا استخدمته اكثر من مره .!!! وفعلا شفت 2 في الصناعيه وكاله النيسان القير مخبط والمواتر لي الحين ماعدت 10 الاف والمشكله من الانش كنترولل وانا رحت الوكاله وكلمت مدير المبيعات عن الموتر وعن القير قالي بالحرف 2009 كانت فيها مشاكل فنيه من اليابان وكانت اول دفعتين لكن عندنا المواتر سليمه ومافيها شي ..يعني بالعربي موتر مايتحمل الهفوات لاقدر الله ينقع الموتر عندهم شهرين ولا 3 ماينفع الا اذا بتاخذ 2011 اهني كلام ثاني لانه نزل في امريكا

البورش اضمن اشوفها وافضل من ناحيه العمليه ((ديلي يوز)) وماتشتكي من شي واذا كان تارجا احلى بعد لكن مب احلى من الجي تي ار

القرار راجع لك وانا قلت هالكلام من باب النصيحه مابيك تتوهق :)[/B]

[صاحبة إمتياز]

مافي مجال للتفكير خذها خذها البورش وأنا أختك<<فاحصتها عدل هههههههه
ومبروووك مقدما

[فــلان]

]بوراشد

انا كنت محتار مثلك لكن بين الجي تي ار وبين المرسدس e63 2010


الجي تي موتر جامد من الوكاله وغير انه مميز ومن داخل مايحتاي عجيب لكن فيه عيب شرعي من الوكاله لموديل 2009 ومادري اذا موجود في 2010 ولا لاء والعيب هو طال عمرك في نظام الانش كنترول يقولون انه يخبط القير اذا استخدمته اكثر من مره .!!! وفعلا شفت 2 في الصناعيه وكاله النيسان القير مخبط والمواتر لي الحين ماعدت 10 الاف والمشكله من الانش كنترولل وانا رحت الوكاله وكلمت مدير المبيعات عن الموتر وعن القير قالي بالحرف 2009 كانت فيها مشاكل فنيه من اليابان وكانت اول دفعتين لكن عندنا المواتر سليمه ومافيها شي ..يعني بالعربي موتر مايتحمل الهفوات لاقدر الله ينقع الموتر عندهم شهرين ولا 3 ماينفع الا اذا بتاخذ 2011 اهني كلام ثاني لانه نزل في امريكا

البورش اضمن اشوفها وافضل من ناحيه العمليه ((ديلي يوز)) وماتشتكي من شي واذا كان تارجا احلى بعد لكن مب احلى من الجي تي ار

القرار راجع لك وانا قلت هالكلام من باب النصيحه مابيك تتوهق :)[/B]


بييض الله وجهك أخوي لكلاسيكي على النصيحه الطيبه و أنا حاب آخذ تارجا لكن المشكله جو بلاد والشمس بتصلخ علباي لين أقول بس ولا هالمعلومه خطأ ؟ التارجا أحلى فئه عندي بدون
شك بالنسبه للكاريرا ولو باضمن مايكون للبانوراما سلبيات باتوكل على الله.

بالنسبه للجي تي آر وايد قويه وأنا واحد من الناس شبعت مغامرات وسرعه خلاص وقوة هالبورشات حليوه حق المززه الواحد يستانس على ثباتها ويعني الدعوه كلها قزوزكت مع كمبيوتر وإلعب و إستانس أما فوق الـ500hp حرام أحس إني مابستفيد منها وباضحي بالإسم و الألماني و الكشخه عشانها ولا أنا غلطان ؟على أقل تقدير ما قريت أي شكوى عن البورش أو وكالتها مقارنه بالنيسان..

[فــلان]

مافي مجال للتفكير خذها خذها البورش وأنا أختك<<فاحصتها عدل هههههههه
ومبروووك مقدما


دامج فاحصتها أكيد السياره زينه ههههههه

تسلمين على الشور الطيب و مبارك عليج الشهر :)

[سبورت]

الله يوفقك يابوراشد


انا بقولك شي سهل

روح وكالة البورش وخلهم يقولون لك عن الكاريرا وسالهم متى راح يغيرون شكلها ... انا اقولوك انها سنه او سنتين راح تتغير كل اشكال البورش وبيصير الروح والشكل الخارجي مثل البانيميرا ..

وروح حق الجي تي ار واسالهم شنهي الموصفات والعيوب

والله يوفقك
وانا يوم الاحد بتوصل الجي تي ار اذا وصلت بعطيك مفتاحه عشان تقتنع

[فــلان]

الله يوفقك يابوراشد


انا بقولك شي سهل

روح وكالة البورش وخلهم يقولون لك عن الكاريرا وسالهم متى راح يغيرون شكلها ... انا اقولوك انها سنه او سنتين راح تتغير كل اشكال البورش وبيصير الروح والشكل الخارجي مثل البانيميرا ..

وروح حق الجي تي ار واسالهم شنهي الموصفات والعيوب

والله يوفقك
وانا يوم الاحد بتوصل الجي تي ار اذا وصلت بعطيك مفتاحه عشان تقتنع

الله يبارك لك إن شاء الله و يهنيك فيه :)

[البوررصة]

اسمع نصيحتي خذ البورش .. توني ماخذ 911 2010 ومافي احلى منة هو وعموم الكريرا والجيتي ار خراباتة كثيرة عندي واحد من الربع يشتكي منة لكن جيتي ار قوة وايضا شكل لكن اسم عندك البورش
بس بنسبة للبيعة الاثنين بيعتهم ثقيلة في السوق

[فــلان]

اسمع نصيحتي خذ البورش .. توني ماخذ 911 2010 ومافي احلى منة هو وعموم الكريرا والجيتي ار خراباتة كثيرة عندي واحد من الربع يشتكي منة لكن جيتي ار قوة وايضا شكل لكن اسم عندك البورش
بس بنسبة للبيعة الاثنين بيعتهم ثقيلة في السوق


بنتوكل على الله إن شاء الله ياخوي وشاكر لك مشاركتك وإفادتك الكريمه :)

فيه أي إنطباعات عن التارجا ؟