هل تقبل الزواج بفتاة اكبر منك؟

[M O 7 A M M E D]

بصراحه وباختصار بطرح سؤال واتمنى الكل يجاوب عليه..
هم سؤالين يحملون نفس المضمون سؤال للشباب وسؤال للبنات..

الشباب

هل تقبل الزواج بفتاة اكبر منك؟.. خاصه اذا كانت الفتاه لايعيبها شئ سواء انها اكبر منك باشهر اي الفارق بينكما اقل من سنه..


للبنات

هل تقبلين الزواج برجل اصغر منك؟.. خاصه اذا كان كله مميزات ماعداء انه اصغر منك باشهر معدوده..


ياليت ماتتسرعون بالاجابه وتضعون انفسكم بقلب الحدث قبل الاجابه..

[abo rashid]

الحمد لله انا متزوج و الله مادري

[الرسام القطري]

نعم أنا أيد

أنا متزوج وزوجتي أكبر مني بأربع سنوات

[wld_aldoha]

بصراحه آآنا ماأشوف فيها شي وأقبل هالشي
وعادي اذا كانت اكبر منك سواء بشهوور او سنين
وأنصح الشباب بانهم مايترددون بمسألة العمر لا قدم ع الزواج والمرأة اهم شي دينها مش عمرها

[بنت كحيلان]

انا ما اتخيل اني اتزوج واحد اصغر وامنية حياتي انه يصير اكبر مني على الاقل بخمس سنين ..
وحتى اذا تقدم لي اصغر ماراح اقدر اتقبل الموضوع ..
العمر يعطي الشخص هيبه واذا تزوجته اصغر مني وحاولت اتدلع عليه با اي شي وقال لي اعقلي تراك اكبر مني !! وش بيكون موقفي وقتها !! الله لايقولها :(

[ابو البورصه]

:=بنت كحيلان]انا ما اتخيل اني اتزوج واحد اصغر وامنية حياتي انه يصير اكبر مني على الاقل بخمس سنين ..
وحتى اذا تقدم لي اصغر ماراح اقدر اتقبل الموضوع ..
العمر يعطي الشخص هيبه واذا تزوجته اصغر مني وحاولت اتدلع عليه با اي شي وقال لي اعقلي تراك اكبر مني !! وش بيكون موقفي وقتها !! الله لايقولها :( [/QUOTE]
:funny: :funny: :funny:

صدقتي والله

تبقى المسأله مسألة قناعات
وهناك من يقبل بمثل هذا وله مبرراته
اما عن نفسي
فلا اتقبل مثل هذا الوضع
وشكرا

[ابوفارس]

نعم اقبل
وخاصه اذا كانت تعمل
ولديها راتب كبير حتى وان كان لديها اولاد من زوجها السابق
هههههههههههههههه
على شان نتقاسمه
امزح معاكم
...
ليش ما المانع؟
...
اذا
كانت ذات خلق ودين

[khaldoon]

الحمد لله اني متزوج وحده اصغر مني وما وضعت في هذا الموقف..جزاك الله كل خير

[العجمىq8]

السلام
انا.وزجتي.اكبر.مني.سنه.بيني.وبينها
لكن.المشكله.موراضيه.تعترف.انها.اكبر.مني :d :d

[حمد خالد]

والله ياجماعه السن مسألة قناعه فيه ناس مايرضون وفيه ناس ماعندهم مشكله

انا من ناحيتي مستحيل اتزوج وحده اكبر مني لان الافضل يكون هو القيادي والقيادي لازم

يكون اكثر خبره واكثر فهم للحياه ويحكم الامور بشكل متوازن

يعني تخيل صار نقاش بينك وبين زوجتك وقالت لك وش عرفك انا اكبر منك وافهم منك

عااااااااد شوفو وجهه بعدين يقعد يعطيك الوان واحراجات


على العموم مشكور موردر على موضوعك اللي يستحق المشاركه والتفاعل من الاخوان والخوات

[بوشيخة]

نعم أقبل اذا كانت على ..
خلق ودين
وعلم نافع
وجمال مقنع
وحب صادق
واحترام متبادل
.
.
.
ويعطيك العافية اخوي على هالموضوع .