هل من الضروري تبديل زيت القير ..؟! استفسار

[ابو مشعل]

السلام عليكم

هل من الضروي يا اخوه تبديل زيت القير الاوتوماتيك ؟
صراحة عندي موترين اوتو .. ممشى الاول
90
والثاني 170

ومابدلت ولا مره ..! :secret:

يصير ابدل اللحين ولا خلاص ؟

وصراحة حاط عيني على كابريس 2006
باخذه بعد كم يوم ان شا الله

لكن ممشاه 80 .. وراعيه ما بدل زيت القير
مادري صراحة اشتريه ولا بعدين بيوهقني :p

:telephone::telephone::telephone::telephone:

افيدونا لا هنتم
وكل عام وانتم بخير :victory:

[Alpinestars]

السلام عليكم

بخصوص زيت القير ضروووووووووووري من قلب انك تبدله كل 35 الف كيلو عشان القير يعيش معاك وتكون تباديلة ممتازه

لوتلاحض اكثر المواتر اللي تطيح قيورها بعد ال 200 الف والسبب ان الزيت لم يتبدل

ضوري تبدل الزيت مع الفلتر ويفضل في الشركه

الله يوفقك ...

[الماليه]

نعم اخوي ضروري تبدل ومع الفلتر

[فقط قطر]

الله يعينك.....كان لازم تغير الزيت....

[ابو مشعل]

مايصير يتبدل اللحين ؟
-_-

لا هنتم على المرور .. على راسي

[ابو مشعل]

هل في اماكن معينه ممكن ابدل فيها زيت القير ..
غير الوكالة ..!؟

[باسكن روبنز]

اثنين من ربعنا واحد عنده شفروليه سلفرادو 2008 وواحد عنده كامري 2007

طاحت قيورهم والسبب انهم مابدلوا الايل حسب كلام الوكاله! ،

بدل باسرع وقت ممكن وبتحس بفرق في تبديلة الاتوماتيك ، :)

[A.L.I]

المفروض كل 60000 كيلو

اخوي روح التيسير الى على طريق سلوى

[yousef-89]

روح رالي قطر ف الخريطيات عند معرض السادة

وهو بيخلصك وانت واقف مكانك
توني من كم يوم مبدل عنده

[ابو مشعل]

ما قصرتوا يا شباب ..
بس في كم واحد قالولي ان القير بيطيح اذا بدلت اللحين!
لاني تاخرت في التبديل .. صح هالكلام ؟

ويعطيكم الف عافيه :)

[SAHAM_QATAR]

الله يحفظك ويحفظ موترك ،،،
توكل على الله وبدل الزيت والفلتر (ويفضل الوكالة) لأن تبديلهم مضمون على الفاتورة ، سار ولا ما سار يوجد التعويض
بس كراج عادي ممكن لا سمح الله اسير شي على الجير وتدخل معها في سين وجيم ،،،

موفق كل التوفيق ،،،

[ابو مشعل]

الله يرضى عنك يالغالي ..
وربي يسلمك على المرور الطيب ..

كل التحيه :)

[آلصآحب آلجديد]

لو جير عادي . عادي ماتبدله بس التماتيك لازم وبالتوفيق...

[Bo 5alid]

واحد قال 35 الف تبدل الايل وواحد قال 60 الف ؟ التيسير قالو لي 50 الف ؟؟ كل كم كيلو ابدل الحين ؟؟؟؟

[القطري554]

كل ٥٠ الف غير الزيت والفلتر فالوكالة او التيسير

[Dream Team]

الكيلومتر يختلف من سياره للثانيه

مثلا الكروزر الجكسار الموديلات القديمة فكل 40 ألف يفضل انك تبدله

ففي حالتك اخوي فبدل الآيل في الوكاله أفضل لك

والمرات الجايه بدل في التيسير

[باسكن روبنز]

:omg:

الله يهديكم ياشباب مهملين مواتركم واجد! ،

[Bo 5alid]

جزاكم الله خير عالردود الطيبه

[الرايــق]

يعتمد على نوع الموتر اللي عندك ..
انا غيرت على 60 الف وبالتيسير والحين مشيت 90 الف وكل شي تمام

[Qt.1]

كان المفترض انك اتبدل على الـ 50 الف , لان الايل بيكون وقتها احترق وانتهى وصار خفيف , وتقدر اتغير الاايل في اي مكان عادي والسالفه مهب محتاجه ضمان , انت بتغير ايل يعني فك وتركيب , واي فني يقدر ايسوي لك هالشي , ايفك الكفر , وايحط قازكيت جديد على الكفر , وايشيل الفلتر القديم وايركب لك فلتر جديد وبس , يعني السالفه مايبي لها شي :)

[Alpinestars]

انا شخصيأ كنت ابدل ايل موتري كل 35 الف كيليو في الشركه و موتري جي اكس

والحمدلله خمس سنوات ماشتكيت منه ابد ماشي من احسن مايكون تباديله مايحتاي