حمله لاغلاق جميع مواقع الشاتات في قطر ، [الأرشيف]

مشاهدة النسخة كاملة : حمله لاغلاق جميع مواقع الشاتات في قطر ،

باسكن روبنز

13-08-2010, 08:58 AM

البدع

13-08-2010, 09:01 AM

والله لين الحين اذكر اول مرة دخلت شات روم

الله يشهد ماكان الشات روم بهذي الوقاحة العلنية ابدا ابدا ابدا

كان فيه شوية احترام قبل

الحين اسماء شاذة عيني عينك

حبر سري

13-08-2010, 09:03 AM

يصبحك بالخير ياباسكن

والله ياخوي انا معاك ان لها اضرار , بس لها بعض الفوايد ترى

يعني ممكن تلاقي حوارات بناءة كثيرة , او استفسارات في مختلف المجالات

وطبعا اكيد في اضرار , لكن اللي يدخل علشان يلعب بيلاقي مابغى , واللي يدخل يبي يدور له شي معين ويطلع , بعد بيلاقي مابغى

وطبعا هالشي ماينفي ان الاضرار ايضا موجودة

هذا رايي

ويعطيك العافية

الـقـاسـي

13-08-2010, 09:13 AM

باااال والله انك ذكرتني بشي نسيته من زمان انا اتذكر اخر شات دشيته كان انا قطري والله ماتذكر متى يمكن 99 او 98 ايام النت بكيوكادر مادري شسمها البطاقات اللي كنا نشتريها ..

انا نسيت اصلا انه في شي اسمه شات ..

باسكن روبنز

13-08-2010, 09:20 AM

والله لين الحين اذكر اول مرة دخلت شات روم

الله يشهد ماكان الشات روم بهذي الوقاحة العلنية ابدا ابدا ابدا

كان فيه شوية احترام قبل

الحين اسماء شاذة عيني عينك

صادق يالبدع وانا اتذكر شاتات سعوديه قديمه كنت ادخلها سنة 99 ان ماخاب ظني ،

والله وتعرفت على شباب محترمين وليومك اصدقائي وبعضهم مثل اخواني واكثر ،

كان في احترام بالمحاوره والنقاش لدرجة كل واحد ياخذ راحته ويقول اسمه وعائلته و و و لكن للأسف تغير الوضع 180% وانا شخص كرهت الشات من سنين ومابي ارجع له ،

وكل مافتحت موضوع الشات عند الشباب ماشوف الا ردة فعل وحده (نضبط بنات)! ،:rolleyes2:

ولي قلنا لهم تزوجوا قالوا مفلسين او ظروف الواحد قد مايقدر يحاول يقطع الشر من جذوره والباقي على التربيه ،

وتسلم على رأيك يالغالي ، :nice:

يصبحك بالخير ياباسكن

والله ياخوي انا معاك ان لها اضرار , بس لها بعض الفوايد ترى

يعني ممكن تلاقي حوارات بناءة كثيرة , او استفسارات في مختلف المجالات

وطبعا اكيد في اضرار , لكن اللي يدخل علشان يلعب بيلاقي مابغى , واللي يدخل يبي يدور له شي معين ويطلع , بعد بيلاقي مابغى

وطبعا هالشي ماينفي ان الاضرار ايضا موجودة

هذا رايي

ويعطيك العافية

الله يعافيك ، :)

والله ياحبر اني طرحت هالنقاش في البلاك بيري وااغلب المجالس وفيها ناس كبار وفاهمين ،

والجواب دوم نفسه وكلن يذم ويلعن في هالشات وراعي المغازل يستانس ويقول امس مضبط لي 7 و10 بنات ،:rolleyes2:

لي سمعت جملة (ضبطت بنات) كله اتخيل يضبطون شاي حليب مادري ليش ههههههه ،

اسعدني مرورك وعزيز وغالي ورأيك على الراس ياحبر سري ، :victory:

باسكن روبنز

13-08-2010, 09:38 AM

مسك روز

13-08-2010, 10:42 AM

والله زين انك طرحت هالموضوع لاني كنت افكر فيه من فتره

اقول ليش كيوتل ماتسكره ، اذكر دشيته مره من الفضول ،،

وشفت العجب العجاب ، بصراحه الشات صار مكان للتعارف واسرع وسيله

حق المغازل والمواعد اشكره جدامي صاير هالشي ،،

واكثرهم صغار بالعمر ، اذكر واحد كان عمره 13 سنه يدور وحده يتعرف عليها

ضحكت عليه ضحك ، يقول رفيجي اللي اصغر مني عنده !! هههههههههههههه

وبخصوص اللي يدشون الشات ونكاتهم اللي تفشل

مطلقه حلوه ، مطلقه ومربربه ، مطلقة وعايشه بروحي

يعني شنو الهدف مثلا ؟

لاحول ولا قوة الا بالله

ام شوشي

13-08-2010, 11:54 AM

صباح الخير وجمعة مباركة عليكم وبا لمبارك عليكم الشهر ومشكور ياخوي باسكن على طرحك للموضوع اللي يمكن انا اسمية خطيييير بما تحملة الكلمة من معنى في حين انة ولا مرة دخلت ها الموقع ولكن من اللي نسمعة دمااااااااااااار وخراب بيوت وتفكك اسر وشلي يخليني ادخل مواقع فيها شبهات بتقولولي انة فية فايدة صدقوني الشي اللي يجيك منة الريح سدة وستريح ومثل ماقال اخوي باسكن انة للمغازل وربي يستر علينا دنيا واخرة

بدور

13-08-2010, 12:09 PM

احلى ما في الموضوع توقيعك وخاطري في ايس كريم فيمتو:(

ماريسا

13-08-2010, 12:22 PM

و هذا احنا يا عرب نسيء استخدام التكنلوجيا و نقل أدبنا بين بعض و قدام العالم و الحل الوحيد غلق جميع منافذ التطور في الوجوه بدل نشر الوعي و تحسين الاخلاق

sara jsm

13-08-2010, 12:25 PM

بااااااااااال احس بغبااااار :secret:
مال اول الشات ,, اذكر اني كنت متولعه فيه ,, :shy:
وكان حلو يوم نسولف قروب مع بعض ,,
وكل واحد يقول عن الدراسة وعن وايد امور ,,
احين يمكن تغير عن قبل ,, خاصة مع هالنكات اللي انت ذكرتها ,,
قبل الشات يوم تسولف فيه والله تستانس ,,
وتستفيد ونقول وجهة نظرك مثل المنتديات ,,
في حوار مع عقليات ,, وافكار مختلفة وجديدة عالشخص ,,
بس احين مااظن في هالشي ,, والمنتديات فتحت هالمجال حق هالحوارات ,, :)
اشكرك على هالموضوع الحلو ,,
وتوقيعك عجيب ,, :(

محمد افندي

13-08-2010, 12:27 PM

الشات وما ادراك ما الشات !! .. ساااااهم كثثثثثثير في تدمير مرااهقين و اعرف ناس شخصيا اندمرت و صاعت في بداية الطريق عن هالشات وهم الي كانوا من المسجد للبيت و العكس

شيط ويط

13-08-2010, 12:37 PM

اتفق وياك صراحه .. وللأمانه راحت ايام التشات قبل عادي تصيد لك ناس تكانه وكبار في العمر مب الحين تسولف مع واحد منهم اشوي يقولك برب بروح ادرس تقوله شنهو تخصصك يقولك انا توني بأول إعدادي :rolleyes2:

حبر سري

13-08-2010, 12:49 PM

و هذا احنا يا عرب نسيء استخدام التكنلوجيا و نقل أدبنا بين بعض و قدام العالم و الحل الوحيد غلق جميع منافذ التطور في الوجوه بدل نشر الوعي و تحسين الاخلاق

:nice::nice::nice::nice::nice::nice::nice::nice::n ice::nice::nice::nice::nice::nice::nice::nice::nic e::nice::nice::nice::nice::nice::nice::nice::nice: :nice::nice::nice::nice::nice::nice::nice::nice::n ice::nice::nice::nice::nice::nice::nice::nice::nic e::nice::nice::nice::nice::nice::nice::nice::nice: :nice::nice::nice::nice::nice::nice::nice::nice::n ice::nice::nice::nice::nice::nice::nice::nice::nic e::nice::nice::nice::nice::nice:

غرفاوي قطري

13-08-2010, 01:05 PM

بآل جآت .. ! :omg:
صج صج مآل آول .. بس والله آخووي بآسكن كلآمك على رآسي من فووق مآنه غير المضـره ..
الله يهدي شبآبنـآ وبنآتنا .. فآضين عمل وبس .. !

الاستثمار

13-08-2010, 01:16 PM

الله يهديهم ويصلحهم اما بخصوص مواقع الشات اتمنى من المسؤولين اغلاقه حتى لو كان فقط بشهر رمضان المبارك احترام وتقدير للشهر المبارك والبعد الشبهات والبعد عن الحرام وطريقه .

eXpert*

13-08-2010, 01:22 PM

أتمنى يكون فيه شخص يأخذ على عاتقه انشاء شات حواري هادف .

مشكلة الشاتات أن أصحابها دامرين وفاتحين لاغراض دنيئة فما بالك بالزوار !!

الحـ قطر ــب

13-08-2010, 02:05 PM

لو على المغازل ففي 100 طريقه منها:-
المنتدى ومنتدانا واحد منه.
البلاك بيري.
المجمعات.
و
و
و
و
و
يعني بتقدر اتوقف كل هذوله ولعلمك اللحين البلاك بيري طايف الشات بمراااااااااااااااحل فعشان جي خلنا انسوي حمله لمقاطعة البلاك بيري ومن اللحين بقول الحمله بتكن فاشله ومحد راح يعطينا ويه
^_^

**هـتــــــان**

13-08-2010, 02:36 PM

اقتراح موفق مستر باسكن روبنز ..ولو ان سالفه الشات سالفه مغبرة وقديمه ...بس ياليت كيوتل يسون شي .. لانه مضيعه للوقت وللمراهقين .
ومن كلامك عنه شكله صاير متردي وماله داعي ..
اقتراح موفق :)
تحياتي .

ع.م

13-08-2010, 02:49 PM

أحس ماتقدر تتحكم بهالشي.. كل واحد وأخلاقه.. بتكنسل الشات بيحولون عالمسنجر @@

الراقيه سبشل

13-08-2010, 04:13 PM

والله اتمنى سالفة الشات كلها على بعضها تتكنسل

يحزنوني بعض البنات بالجامعة لما ادش على ال(كمبيوتر لاب) واحصلهم فاتحين الشات ويضحكون ويستهبلون:anger1:

وياريت كيوتل تحط حد لهالشي .. لان ماوراها الا الخراب

فكرة حلوة ياباسكن:nice: << بس مرة ثانية لاتدش على هالاماكن :tease:

بـــــــنت النوخـّــــذه

13-08-2010, 04:47 PM

السلام عليكم ورحمة الله وبركاته ،

طبعا مواقعً الشات غنيه عن التعريف ،

لكن السؤال هو/ ما الفائده منه؟ ،

على خبري المتواضع اساسه هو سهولة التعارف مابين الناس وتكوين علاقات جديده ،

لكن للأسف وابصم لكم بنسبة 100% انه صار وسيله للمغازل والترقم مابين الشباب والبنات ، :(

وماعتقد حد فيكم ما سمع بهالخصوص ،

كنت زهقان بالامس ودخلت الشات وشفت اسامي ونك نيمات غريبه وغبيه بمعنى الكلمه! ،

( دلوعه واتدلع ، اميرة الغرام ، قطريه طويله ومزيونه ، ابي رصيد هههههه:eek5: ، مغازلجي متقاعد ، متينه متعقده من متنها ، البنات بدون مكياج جياكر ، ابي اتزوج واحد احبه ، ذنبي اني حبيتك ، مطلقه وافتخر! )
وماراح اخلص من الي شفته! اعوذ بالله صج ناس متفرغه بمعنى الكلمه صج مراهقين وضايعين ،

عموماً دام هالـcahting مامنه فايده حسب الظروف الي نشوفها ،

هل من طرق ووسائل من كيوتل لتقوم بحضر هالمواقع؟ ،

تراها مافرقت عن المواقع الاباحيه واثامها كبيره بعد مايتم التعارف مابين الجنسين وافهم يافهيم ،

مجرد اقتراح ونشوف ارائكم ، :)

تتكلمون عن امور ناس كثير غافلين عن هالمواقع ولايدرون عنها شي وكنت اتمنى يتم تقديم نصائح عامه للجميع عن هذا المكان الشات لتوخي الحذر وسلبياته الي على حسب كلامك والي فهمته لايقل سلبيه عن البلاك بيري والشات الي فيه 00

عموما" نتمنى من الجميع الهدايه ومعرفه الخطأ من الصواب والقدره على التمييز بين المكان المناسب اخلاقيا" لدخول الشخص والمكان الغير مناسب اخلاقيا" 000

بس سؤال انت علقت وقلت :
على خبري المتواضع اساسه هو سهولة التعارف مابين الناس وتكوين علاقات جديده ،

السؤال : العلاقات الجديده مع من ؟؟ ولماذا؟؟ وماهي هدفها ؟؟؟

اعتقد دام هذا هدف المكان (الشات ) هدفه تكوين علاقات جديده \ فأسمحلي اقول ان هذا المكان يجمع فئات لاهدف لهم في الحياه يعني ناس يحتاجون لاعاده برمجه عقليه

[color="black"]وفي الاخير انا عندي قاعده الا وهي :

قل لي ماذا تتصفح في النت اقل لك من انت ؟؟؟؟؟[

وفي الاخير اسجل تأييدي لوقف الشات نهائيا"0000

/color]

طريق سلوى

13-08-2010, 04:48 PM

مؤيد لوقفه

قطر دزاين

13-08-2010, 08:52 PM

مع الاسف فيه موقع شات قطري ومعروف تستحي انك تدخله من اسامي نكات الموجوده والمشكله فيه اسم قطر الموقع

وهو مكان لدعوه الى الانحطاط والمواعده وبنات الهوى

وانا راسلت مكافحة الجرائم الاكترونيه وكلمتهم تلفون ولكن لم اتلقى سوى وعود فقط

Arab!an

13-08-2010, 09:09 PM

كيوكات =)

انا اذكر كان فيه حوار وسوالف وتعرفنا على ناس وبعنا واشترينا ايام الايرسي .. بس انا طبعا من سنين طويلة مادخلت الشات فما ادري شلون شكله

بس اعتقد ان في شئ مهم ممكن يمنع سوء الاستخدام او يقلله وهو تعريف النك نيم ..

يعني كل واحد عنده نك معروف يدخل فيه وله رقم سري ويكون فيه ترقيات واشراف واللي يخرب او يسوي بوتات او غيره يعطونه باند وماعاد يقدر يرجع نكه بالساهل , يعني يكون في نظام ثابت واسماء ثابته وقنوات ثابته عشان يكون في مرتادين معروفين ويحلى الشات

يعني مثل المنتديات بالضبط .. بس الكلام يكون مباشر

Right

13-08-2010, 09:13 PM

أرجو من الله وأتمنى إغلاق جميع مواقع الشات

لأن ما منها إلا البلاوي

فلتة زمانها

13-08-2010, 09:56 PM

الحين اللي يدشون النت اكثرهم مراهقين
بس صج نكاتهم وقحه جدا خصوصا في شات قطر
شات الفجور مادري شلون كيوتل ساكته عنهم
تسكر شات العنابي وشات الخليج ومخليه شات قطر

عـ العبيدلي

13-08-2010, 09:56 PM

كــل الطرق تؤدي الى رومـــا ..

شنب

13-08-2010, 10:18 PM

اتمنى من أي واحد انه يسوي مقارنه بين المنتديات و غرف الشات
مادري ليش ساعات احس انه نفس المصخره اللي تصير في غرف الشات تصير في بعض المنتديات

بوحارب

13-08-2010, 11:38 PM

الشات مكان كشره واللي فيه كشره المجمتع:(

شاهيناز

14-08-2010, 01:00 AM

الله يهديهم

بس انا ضد الاغلاق

لان مب حل

يعني كل شي فيه مشاكل نحط عليه بلوك
طيب وبعدين

المفروض في حلول غير جذيه

الشقيان

14-08-2010, 02:56 AM

والله لين الحين اذكر اول مرة دخلت شات روم

الله يشهد ماكان الشات روم بهذي الوقاحة العلنية ابدا ابدا ابدا

كان فيه شوية احترام قبل

الحين اسماء شاذة عيني عينك

:rolleyes2::rolleyes2:

CH Engineer

14-08-2010, 10:27 AM

و هذا احنا يا عرب نسيء استخدام التكنلوجيا و نقل أدبنا بين بعض و قدام العالم و الحل الوحيد غلق جميع منافذ التطور في الوجوه بدل نشر الوعي و تحسين الاخلاق

مع احترامي لرأيج اختي
بس الشات هو مكان للتعارف وبنسبة 90% بين الجنسين يعني بين الرجل والبنت..
حتى في المواقع الانجليزيه الشات مكان للتعارف بس الفرق احنا عاداتنا ماتسمح لنا بهالشي
وانا مع الاخ افضل اغلاقه على الاقل المواقع القطريه..

في يهال من 15 و 16 سنه تشوفهم مواعدين ولا تشوفه يكلم بنات وبعمره :eek5:
ومرات اكبر منه ب 5 او 10 سنين تسأله من وين تعرفت عليهم يقولك من الشات..

ماريسا

14-08-2010, 11:41 AM

مع احترامي لرأيج اختي
بس الشات هو مكان للتعارف وبنسبة 90% بين الجنسين يعني بين الرجل والبنت..
حتى في المواقع الانجليزيه الشات مكان للتعارف بس الفرق احنا عاداتنا ماتسمح لنا بهالشي
وانا مع الاخ افضل اغلاقه على الاقل المواقع القطريه..

في يهال من 15 و 16 سنه تشوفهم مواعدين ولا تشوفه يكلم بنات وبعمره :eek5:
ومرات اكبر منه ب 5 او 10 سنين تسأله من وين تعرفت عليهم يقولك من الشات..

صدقت اخوي
كل المواقع تساعد للوصول الى الجنس الآخر لكن هل تعتقد اغلاق المواقع و اغلاق البلاكبيري و اغلاق جميع انواع التكنلوجيا حل لمعالجة التصرفات الشاذة عند المراهقين في مجتمعنا ؟؟ أليست هذه مسؤولية أبائهم ؟؟؟؟
و لّا احنا بنضطر ننحرم من كل وسائل الاتصال المفيدة للتعلم و التطور بسبب الفئة الغبية اللي ماتعرف تستغل اي شي استغلال هادف!!
و اللي اهاليهم عاجبهم الوضع و هاملين عيالهم و مايربونهم عدل و مخليينهم على راحتهم احنا مالنا

راية الفخر

14-08-2010, 12:36 PM

الحين اللي يدشون النت اكثرهم مراهقين
بس صج نكاتهم وقحه جدا خصوصا في شات قطر
شات الفجور مادري شلون كيوتل ساكته عنهم
تسكر شات العنابي وشات الخليج ومخليه شات قطر

متى سكرتهم هذا هم شغالين وماتم هيلقي ماسولف فيهم .. دخلت الحين واحد من هالشاتات اللي ذكرتيهم اجرب اشوف صج وقفوهم ولا لا على طول نقز لي واحد ممكن نتعرف ونبئا حبايب يتضرب بينا المسل :rolleyes2: وغير البرايفت اللي على طول انترس وكله كلام اعوذ بالله ماجنه رمضان عيل في الفطر شيقولون !! واغلبهم من جنسيه عربيه عرفتهم من لهجتهم والمصيبه هالشات على لون علم قطر والمفروض يسمونه شات الفراعنه من كثرهم :eek5: .. والمصيبه حاطين شات صوتي بعد وكله بنات يسولفون ويتضحكون مع الشباب جنهم قاعدين معاهم في ميلس .. الله يهدي اصحاب الشاتات اشكثر آثام بيشلون في ذمتهم ..

بنت شيوخ

14-08-2010, 03:56 PM

ليش لين الحين في شاااااااااااااات

واللي يدري عنهم

شكرا لك اخووي

قطر دزاين

14-08-2010, 10:32 PM

الحين اللي يدشون النت اكثرهم مراهقين
بس صج نكاتهم وقحه جدا خصوصا في شات قطر
شات الفجور مادري شلون كيوتل ساكته عنهم
تسكر شات العنابي وشات الخليج ومخليه شات قطر

صدقتي هذا اللي اتكلم عنه
وطلبت منهم مراقبه الشات 3 ايام فقط ولا زال الجدال معاهم مستمر وسوف اتواصل مع العاصمة حتى اشوف اخرتها معاهم وها الشات

تاجر طمووح

15-08-2010, 01:01 AM

انا معاك ياريت يمنعون هالمواقع

والمنتديات تكفي للحوارات المفيده اما الشات ما اظن

qatar.up

15-08-2010, 03:28 AM

المفروض نمنع السيارات ايضاً لانها تنقل الشباب الى الشابات لملاقاتهم وتسهل التواصل بين الجنسين !

فهد قطر

15-08-2010, 05:21 AM

ههههه كلكم تكتبون الشات مال اول يا خووفي انكم كلكم مطيحين فيه خخخخخخخ

بوجاسم 999

15-08-2010, 05:26 AM

انا اسمع عن شي اسمه شات لكن ولامره شفته ولا اعرفه

بس اتوقع ان شي تافهه

CH Engineer

15-08-2010, 07:23 AM

صدقت اخوي
كل المواقع تساعد للوصول الى الجنس الآخر لكن هل تعتقد اغلاق المواقع و اغلاق البلاكبيري و اغلاق جميع انواع التكنلوجيا حل لمعالجة التصرفات الشاذة عند المراهقين في مجتمعنا ؟؟ أليست هذه مسؤولية أبائهم ؟؟؟؟
و لّا احنا بنضطر ننحرم من كل وسائل الاتصال المفيدة للتعلم و التطور بسبب الفئة الغبية اللي ماتعرف تستغل اي شي استغلال هادف!!
و اللي اهاليهم عاجبهم الوضع و هاملين عيالهم و مايربونهم عدل و مخليينهم على راحتهم احنا مالنا

بالعكس احنا مع التكنولوجيا
انا مع انشاء اكبر قمر صناعي في قطر ومع انشاء كمبيوترات وحواسيب صناعه قطريه وباشراف قطري
ومع انشاء صواريخ باتريوت ورجل الي ياكل ويتنفس ويصوم برمضان

بس شدخل الشات بالتكنولوجيا
الحين تبين تفهميني انه الشباب يدخلون يحلون الواجبات مع البنات فالشات
ولا البنات يتناقشون عن الطباخ وعن المستلزمات النسائيه..
كل هذا نشوفه فالمنتدى بس الي نشوفه فالشات شي ثاني وبسنا تعميم ونركز اكثر..

العضو الماسي

15-08-2010, 07:29 AM

أنا معاك قلباً وقالباً .

الصريحه

15-08-2010, 09:04 AM

وياك فعل انه دمار للجيل وفساد للشباب

ع.م

15-08-2010, 09:07 AM

وانا راسلت مكافحة الجرائم الاكترونيه وكلمتهم تلفون ولكن لم اتلقى سوى وعود فقط

ماشاء الله على الإيجابية:victory:.. الله يكثر من أمثالك يارب.. ووجزاك ربي الفردوس الأعلى على حرصك ومنعك للمنكر بقد استطاعتك..

ابو محمد7

15-08-2010, 09:16 AM

و هذا احنا يا عرب نسيء استخدام التكنلوجيا و نقل أدبنا بين بعض و قدام العالم و الحل الوحيد غلق جميع منافذ التطور في الوجوه بدل نشر الوعي و تحسين الاخلاق

اتفق معاج المشكلة مب في الشات المشكلة في استخدامنا ! هذي هي نفس الدعوات اللي تنادي هالايام بقطع البلاك بيري وبالسابق كان التلفزيون والانترنت والقائمة لا تنتهي.

الحل المؤقت ويمكن المريح ان احنا نصكر كل شي ونضع الابناء والمراهقين في بيئة معزولة وتحت المراقبة 24 ساعه وقد تنجح الخطة مؤقتا ولـــــــــــــــكـــــــــــــــن اذا هالمراهق حصل له اي فرصة او وضع في اي محل للاختبار او سافر للخارج للدراسة او غيره شنو بيكون تصرفه ؟!!!!!!!!

واللي يسافر يشوف الشعوب المكبوته وسلوكياتها بالخارج وانا اقصد الخارج القريب والبعيد

الحل على المدى البعيد والحل اللي يحتاج منا جهد وتعب ان احنا نعزز القيم الدينية والاخلاقية ونربي الجيل على الصراحة وعلى مراقبة الله ومراقبة الذات

الدنيا قاعده تتطور وزمان صكر واقطع تغير والجيل الحالي نوعا ما اذكى من قبل وخلوني اقول ادهى والتكنولوجيا تتطور وهم اكثر متابعة لها منا احنا

biz-qtr

19-08-2010, 05:26 AM

ما اختلفنا

الشات مكان مب زين وما وراه الا البلاوي
اوكي ....

لكن ان كيوتل تسكر الشات .. فيه الف طريقه وطريقه .. ع الاقل يكون في طريق واضح احسن من يدورون لهم طرق جديده ولا تعرفون اهم خامرين على شنو

بس خل تزيد التوعيه ... ويدورون حلول اكثر ...

وكل والي يفتح عيونه ع رعيته ... ترا من همل افتقد

اشكرك اخوي ع الموضوع

OTOsan

19-08-2010, 08:33 AM

انا اتذكر اخر شات دشيته كان انا قطري والله ماتذكر متى يمكن 99 او 98 ايام النت بكيوكادر مادري شسمها البطاقات اللي كنا نشتريها ..

:(

شات انا قطري .. :( .. الله يرحم :(

باسكن روبنز

20-11-2010, 04:40 AM

كح كح ،

السلام عليكم ،

نسيت هالموضوع ،:rolleyes2:

وآعيد رفعه بعد آذنكم ،

وفي آنتظار حلول آكيــده ،

وشكــراً لمشاركات الجميــع ،:)

بنت شيوخ

20-11-2010, 04:45 AM

ههههه كلكم تكتبون الشات مال اول يا خووفي انكم كلكم مطيحين فيه خخخخخخخ

هههههههههههههه عجبني ردك اي والله

صااااااااااااااااج

R 7 A L

20-11-2010, 05:06 AM

ما يدخل الشات الا الي يدور لهالسواف

رجل الجزيرة

20-11-2010, 05:33 AM