جماعة الخير حنا في رمضان ؟! ؟!

[بو الطيب]

السلام عليكم ورحمة الله وبركاته

ياخوان ابي استفسر شالسالفه اليوم طلعت قبل شوي ادور في شوارع ازغوى والخريطيات

العربان امكشره هههههههه وشكله الصيام أمأثر عليهم

اي والله اول مره اشوف الناس لهذي الدرجه مكشره واللي يطالعك بنص عين ولا مادري شلون شكلهم

الله العالم تعبانين من الصيام على العموم انا حبيت اقول حق ربعي اعضاء شبكة الاسهم القطريه

انه الابتسامه في وجه المسلم صدقه

وياخوان احيو رمضان بالمساجد وذكر الرحمًن

[ع.م]

جزاك الله خير..

صج في ناس لين صاموا جنّه حد مصطرهم.. يصومون بس عن الأكل لا أسلوب تعامل عدل ولا شي..

[شيط ويط]

الظاهر انهم من فئة المدخنين :)

[ANONYMOUS]

تدور في هالقايله

:rolleyes2:

[ام شوشي]

لاتلومونهم الجو حار والله ننزل شوي من السيارة ونتعب تدرون ناس معاها السكر وناس الضغط لاتلومونهم الله يبارك فيكم بس بعد انا وياكم الابتسامة في وجة اخيك صدقة وجزاكم الله الف خير

[halcrow]

ههههه يابوالطيب جمعه مباركه اول شي وثاني شي ترى الجو له دور كبير في نفسية الصائم
وفي حد يتمشى الحين :eek5:

[ع.م]

لاتلومونهم الجو حار والله ننزل شوي من السيارة ونتعب



بس الواحد لازم يضغط على نفسه.. و بعدين بصيام ولا بغيره في ناس هذا طبعهم كله مكشرين..

محد مسؤول عن مشاكل غيره الصحية وغيرها.. دامك نزلت الشارع عامل الناس عدل لاتجابلهم بويه مكشر يضيق الخاطر..

[ام شوشي]

بس الواحد لازم يضغط على نفسه.. و بعدين بصيام ولا بغيره في ناس هذا طبعهم كله مكشرين..

محد مسؤول عن مشاكل غيره الصحية وغيرها.. دامك نزلت الشارع عامل الناس عدل لاتجابلهم بويه مكشر يضيق الخاطر..


انا معاكم في ان الابتسامة في وجة اخيك صدقة بس يمكن يكون تعبان ومانزل الا انة مضطر لقضاء امر ما وانت اخي الكريم لتكن افضل منة من منا لايريد مضاعفة الاجر والحسنات في هذا الشهر الفضيل

[محمد افندي]

انا ما يقهرني الا الي يصوم عن الاكل بس !!

و الله شوف عيني ذاك اليوم حرمة في الجمعية معها خادمة .. و مافيه الا انواع السب و الشتائم قدام العالم !؟؟ اجل في البيت شتسوي فيها !!

امحق صياام بس :(

[طلعة الروح]

التمس لهم الاعذار اخوي
ماتدري كل واحد شنهي ظروفه في تلك اللحظه

[فيزيائية]

التمس لأخيك بضع وسبعون عذراً....

الجو
الميزانية
شغالة شاردة
دريول مكسر السيارة
مامتسحر
يفكر بالمدارس وميزانيتها
حد مهاوشه
....

[♣شيبةالنخرة♣]

والله دخول رمضان غير فينا اشياء كثيرة واللي كان براسه حب انطحن لكن؟؟


في ناس الله يهديهم بدال ما يغيرهم شهر رمضان للاحسن رجعهم للاسوء و وجدنا حوالينا امور كثيرة منها العصبية الزائده اعوذ بالله منها وكأن الصيام هو صيام عن الطعام فقط



مهلا اخي واختي الصائمة ؟؟ رمضان لتهدئة النفوس وفرصة عظيمة للتوبة لمن ثقل قلبه بالمعاصي فهي فرصة لنا جميعا لنهدأ وتنشرح صدورنا للايمان وطلب الغفران و القرب من الاحسان و علو الاخلاق


فلنعط العالم جميعا درسا في سمو الاخلاق الاسلامية خصيصا في رمضان ؟؟


فيا من قطب جبيته للصوم ابتسم !! يا من انقطع عن الحلال تلبيا لنداء الله عز وجل ابتسم !! يا من تحمل مشقات العبادة تلذذا بالقرب من الرحمن وطاعة له ابتسم !!


ابتسموا فالله معنا


ورمضـان يجمعنا << دعاية فيمتو ههههههههه يالله اشوف ابتسموا :nice:

[العقل الحر]

ونعم بالعربان وسبعين نعم

ولا تلوم العربان اكيد النفسية بتكون حلوه مثل الجو الحلو

[بنت شيوخ]

بالعكس والله المفروض النفسيه حلوه

والحياه مو معناها اكل وشرب بس

بس البعض مدمن كوفي وتدخين مايقدر يعدل مزاجه لا بهم

شكرا لك

[koketa]

هاذولا المدخنين ومدمنين القهوه والنسكافيه

[كـفـاحـي_QTR]

:nice:
التمس لهم الاعذار اخوي
ماتدري كل واحد شنهي ظروفه في تلك اللحظه

[دلال قطر]

هههههههه عادي اصلا بعضهم هالشكل ف رمضان ولا غير رمضان يعني كله واحد
ناادر ماتشوف احد وجهه سمح ويبتسم يبي الأجر !

وبارك الله فيك ع التذكير .

[دلال قطر]

التمس لأخيك بضع وسبعون عذراً....

الجو
الميزانية
شغالة شاردة
دريول مكسر السيارة
مامتسحر
يفكر بالمدارس وميزانيتها
حد مهاوشه
....


:nice:
صح لسانج

[بوحارب]

وعليكم السلام

هلا خالي بوالطيب

ياخي انه افتر في الخريطيات وازغوى ليل نهار وماشفت المكشرين والمعصبين اللي تقول عنهم !

بالعكس الناس طبيعين :(

بس خبرك عيال الفريج متعودين على الكرك هالوقت والحين مافيه كرك ويمكن هالشي اللي مغير النفسيات شوي ^ ـ ^

[باسكن روبنز]

سو مثلي ولي مر عليك واحد بهالاسلوب ،

قوله خير من مزعلك قولي وانا اروح اضربه لك بس تكفـى ابتسم ،

خذه باسلوب وضحك وصدقني بيحس على دمه وبيستوعب وبتغير من نفسيته على طول احتمال كبير ، ;)



يعطيك العافيه يابوالطيب ،
:nice: