ابي استفسار

[مجنونة قطر]

بخصوص المجموعه تنفع اذا حطيت فيها مبلغ ويشتغلون فيها؟؟

[بوعلى 1]

ينفع ليش ما ينفع بتوفيق

[الحره]

شلون تحطين فيها المبلغ ممكن توضحين السالفه اختي عشان نستفيد بعد

[بومحمد 00]

المجموعه ما يشتغلون لك بالمبلغ

كل الي يحطون مبالغ في المجموعه مستثمرين في البورصه

وهم بنفسهم يشترون ويبيعون

[باسكن روبنز]

مجنونه واضح من موضوعج انه ماعندج فكره بطريقة الاستثمار ،

بارك الله فيج بقولج الاساسيات ،

المجموعه مجرد وسيط لشراء وبيع الاسهم ،

يعني تفتحين حساب بأسمج (بلاش) وتحطين فيه فلوسج وعقب تقدرين تشترين وتبيعين بنفسج ،

وفي طرق للشراء والبيع اما بالتلفون او عن طريق الانترنت او عن تنزلين برنامج خاص للمجموعه بتلفونج وتستخدمينه بنفس الغرض ،

النقطه الثانيه ، شرائج وبيعج للاسهم يعتمد على اجتهادج في متابعة تحاليل الاسهم ومواسم شرائها ومعرفة اوقات مناسبه للشراء والبيع ،

وفي فئتين من هالناس والفئه الاولى تسمى (مستثمر طويل الاجل) وهو انج تشترين اسهم بادنى سعر ممكن تحصلينه وتنسين هالاسهم إلى فتره طويله تمتد للشهور ويمكن لسنه واكثر ،

والفئه الثانيه تسمى (بالمضاربين) وهو يبيع ويشتري في نفس اليوم او يومين او حتي اسبوع ، لا اكثر ،

يعني يكون متابع سهم معين وشافه لي مانزل لأدنى سعر ويتحبل له ويشتريه بأقل سعر ممكن وعقب يبيعه اول مايرتفع شي بسيط ويطلع بفائده بنفس اليوم بمبلغ حلو على حسب راس ماله ،

مثلاً يشتري سهم الصناعات بـ90 ريال ويبيعه بـ91 ريال ،

على أساس انه هو متابع السهم وقرأ تحاليل طلعاته ونزلاته واهم شي الانتباه الشديد والباقي يعتمد على الحظ ،

وفي قسم معين بالمنتدي وهو جلسات السوق وكل يوم يفتحون موضوع جديد ويناقشون فيه مواضيع السوق ،

وفي اقسام اخرى للنصح والارشاد بالاسهم من اجتهاد الاعضاء وفي اقسام مختصه للتحاليل ولكل سهم موضوع مستقل لحاله ،

بس خلاص تعبت يالله هاتي 500 ريال ونكمل بكره ، :)

[بوجاسم 999]

في طريقه ان المجموعه تمول لج وانتي تشترين والارباح لج منها نسبه وهم نسبه

[المبرمج صلاح]

بالتوفيق ان شاء الله

http://www.samysoft.net/forumim/ramadan/1/8798797897.gif