شائعة الـ « بلاك بيري» حرقت كارفور

[كلاسيك قطر]

تسبب الـ « بلاك بيري» أمس في إثارة البلبلة لدى عدد كبير من المواطنين والمقيمين، حيث تناقلت عبره شائعة تفيد حدوث حريق هائل في مجمع كارفور التجاري.
الراية أجرت اتصالات بمصدر مسؤول بالداخلية والذي نفى الخبر، لافتاً إلى أن تناقل الشائعة لدى مشتركي الـ « بلاك بيري» جعل الشائعة تنتشر على نطاق واسع.
وحذر المصدر من خطورة إطلاق مثل هذه الشائعات التي تسبب البلبلة والإزعاج والذعر لدى الناس، لافتاً إلى أن القانون القطري يجرم إطلاق الشائعات التي من شأنها إثارة الذعر لدى قطاع كبير من المواطنين والمقيمين.
لم تكن حالة الارتباك والبلبلة التي تسبب فيها البلاك بيري أمس هي الأولى من نوعها كما أنها لن تكون الأخيرة فقد سبقتها العديد من الشائعات مجهولة المصدر حول حوادث اختطاف وحرائق هائلة وكوارث، فضلًا عن رسائل تشير إلى أماكن الرادار على الطرق



جريده الرايه

[الملا]

شي مخزي ان تكون هذه هي اقصى استفادة لنا من خدمات البلاك بيري

نشر الاشاعات والاكاذيب لاحداث بلبله

[باسكن روبنز]

اتمنى من الداخليه تدور صاحب الاشاعه ،

ويربطونه في كارفور ويخلونه فرجه للغير اسود الويه ،:)

[s o s o]

دام الخبر منشور في الجرايد ..عيل ابشركم ان التالي هو ماسيحدث .. ستشن حملة اعلامية على مضار البلاك بيري
وتستند الى مدى تأثيره السلبي على المجتمع ومايشكلة من خطوره على المصداقيه واستتباب الامن ..
وبعدها عمل استفتاء شعبي اعلامي ..
بعدها يتم الغاء خدمة البلالاك بيري تحت رغبة اغلبية الشعب ..

وبهذا نكون قضينا على الاشاعات ..

وبس ..

[صاحبة إمتياز]

دام الخبر منشور في الجرايد ..عيل ابشركم ان التالي هو ماسيحدث .. ستشن حملة اعلامية على مضار البلاك بيري
وتستند الى مدى تأثيره السلبي على المجتمع ومايشكلة من خطوره على المصداقيه واستتباب الامن ..
وبعدها عمل استفتاء شعبي اعلامي ..
بعدها يتم الغاء خدمة البلالاك بيري تحت رغبة اغلبية الشعب ..

وبهذا نكون قضينا على الاشاعات ..

وبس ..

أنتي كذا:nice:
عين العقل

[Breakaway]

ياريت احد مستخدمي البلاكبيري أن ينشر هذا الحديث للتوعية والإرشاد بين مستخدميه :

قال رسول الله صلى الله عليه وسلم: " كفى بالمرء كذبا أن يحدّث بكل ما سـمع " رواه مسلم

[حبر سري]

البلاك بيري توصلني عليه اشاعات
وتوصلني عليه احاديث نبوية صحيحة

توصلني عليه نكت
وتوصلني حكم ونصايح طبية

[راية الفخر]

ان شاءالله يلغون الخدمه ويفكونا منها كنا مرتاحين قبلها

[PRINCESS]

شهالبلاك بيري اللي صاير ظاهره؟
شي عجيب والله:rolleyes2:
شفيها الموبايلات العاديه؟؟
تراها ترسل وتستلم
واذا عالماسنجر والنت ,, اللاب توبات مطشره بكل مكان
يوميا يخترعون لنا سالفه يلهونا فيها
وأحنه العرب مثل مايقول المثل العراقي(اعمى ومسك بشباك الكاظم)
الناس وين وصلت وأحنه وين:rolleyes2:

[بنت سيف]

اتمنى من الداخليه تدور صاحب الاشاعه ،

ويربطونه في كارفور ويخلونه فرجه للغير اسود الويه ،:)

هذي هي مشكلة البلاك بيري

ترى ما يقدرون يصيدون راعي الإشاعة ..

لأن ما يقدرون يراقبون الشات في البلاك بيري .. وقضية المبحوح في دبي .. هي السبب في وقفه في الإمارات ..
لأن المراسلات بين مرتكبين الجريمة كانت بالبلاك بيري .. ومحد قادر يصيدها ..

وهالحركات بتسبب على البلاك بيري عندنا ..

وعلى فكرة أنا ما عندي بلاك بيري ..

[غدير البورصه]

البيبي

شبلاكم عليه تخربون سمعته بالاشاعات والاكاذيب.

جهاز متطور لاخر درجه لنقل الاخبار والمعلومات .
اما الخبثاء والشياطين من البزران واليهال الي يستعملونه لنشر الاشاعات والاكاذيب فهم عدد قليل .
والله يهديهم ويصلحهم .

واحنا يا العرب الحمد لله ناخذ الزين ونخلي الشين .

واذا يانا خبر مشكوك فيه مثلا نستفسر ونسئل قبل لا نصدق ونسوي برودكاست للكل.

عزيزي البلاك بيري ما عليك من كلام الحساد اوكي ؟؟؟؟ping ---ping

[غدير البورصه]

ما وقفوه البيبي في الامارات


ولننننننننننننننننننننننن يوقفوه .

تخويف فقط لا غير لاصحاب الاشاعات

[إعلامي قطر]

ياريت احد مستخدمي البلاكبيري أن ينشر هذا الحديث للتوعية والإرشاد بين مستخدميه :

قال رسول الله صلى الله عليه وسلم: " كفى بالمرء كذبا أن يحدّث بكل ما سـمع " رواه مسلم


تم.. :victory:

..

[م. عبدالعزيز]

هههههههههههههههههههه

انا متأكد 100% انه صاحب هالاشاعه يبغي الدولة توقف خدمه البلاك بيري.. اسوة بالدول المجاوره

[بوخالد911]

ياريت احد مستخدمي البلاكبيري أن ينشر هذا الحديث للتوعية والإرشاد بين مستخدميه :

قال رسول الله صلى الله عليه وسلم: " كفى بالمرء كذبا أن يحدّث بكل ما سـمع " رواه مسلم


Done

:victory::victory::victory:

[بنت شيوخ]

البلاك بيري زين شين

بس مشكلتنا احنا العرب نستخدم كل شي غلط

ومانستخدمه استخدام صحيح

يعني العيب مو بالبلاك بيري

العيب في مستخدمينه الاستخدام الخطاء

[غدير البورصه]

يعني مثلا الحين يا عزيزي العضو

صلاه تايم

[بوحارب]

المشكلة البلاك بيري مالي للحين مادخلوا الخدمة فيه !!:(


http://www.7mmlbs.com/img/rPT14797.jpg (http://www.7mmlbs.com/)


ترى التلفون مب للبيع o-O

[M007]

من ذي الي يصدق شي ياي من الBB
وين مجمع كارفور؟

انا اعرف ان في واحد في landmark و city center و villaggio

[بنت شيوخ]

ياريت احد مستخدمي البلاكبيري أن ينشر هذا الحديث للتوعية والإرشاد بين مستخدميه :

قال رسول الله صلى الله عليه وسلم: " كفى بالمرء كذبا أن يحدّث بكل ما سـمع " رواه مسلم


تمممممم الارسااال

[غدير البورصه]

مثلا الحين انا قاعده اسولف ويا خواتي

ودخل وقت صلاة العصر اقولهم

ping----pingصلاه تايم

وقت الصلاه


مسكين يا البيبي ظلموك الي ما يحبوك

[صغيرون قطر]

مثلا الحين انا قاعده اسولف ويا خواتي
ودخل وقت صلاة العصر اقولهم
ping----pingصلاه تايم
وقت الصلاه
مسكين يا البيبي ظلموك الي ما يحبوك

اللي انظلموا 3 البي بي و كارفور لاندمارك وping----ping مالج :tease:

[كلاسيك قطر]

اشكركم والله

ويزاكم الله الف خير

[انيقه]

البلاك بيري خدمه حلوه وااااااااااااااايد مع اني مليت منها بس ما انكر انها حلوه ومفيده يمكن لان كل الي ضايفتهم ناس مفيدين وما ينقلون لي اي خبر يسمعونه يعني الواحد يتاكد من الخبر قبل ليخرع الناس

[رنج سبورت]

ياليت يوقفون الشات والخدمه اللي مالها داعي في بلاك بيري ويفكونا من هالسوالف والاشاعات

[بنت ابوها 19]

كلها مهزلة ومسخرة يهالو البلاك بيررري
مادري متي الناس تعقل وتكبر وتترك عنها هل السوالف السخيفه

[بوخالد911]

اول ما ياني هالخبر

والله ع طوول ديلييت

لو صج

بكرة بعررف من الجراايد

[The Blade]

كل شئ له فايده ومضره
ولكن واضح ان مضره البلاكبيري اكبر من نفعه...

اتمنى اتخاذ اجراء بشأن خدمة البلاكبيري

[Arab!an]

انا عندي اكثر من 100 شخص في البلاكبيري سألتهم اليوم عن الخبر وكلهم قالوا انه ما وصلهم !!!

اللي وصلهم الخبر رجاءا يأكدونه في المنتدى ..

اقصد يأكدون ان الاشاعه فعلا انتشرت


صراحه سأمنا هالقرف اللي تقوم فيه الصحافه علشان تألب الناس على البلاكبيري وعلى البرلمان .. إلخ

ليش ما يكونون واضحين بلا كذب وتزييف .. ويقولون ترى الحكومة يبون يقطعون البيري

انا اتوقع ان الخدمة بتنقطع عندنا بس يدورون شي يبتدون فيه القضيه ..

[منهم وفيهم]

انا عندي اكثر من 100 شخص في البلاكبيري سألتهم اليوم عن الخبر وكلهم قالوا انه ما وصلهم !!!

اللي وصلهم الخبر رجاءا يأكدونه في المنتدى ..

اقصد يأكدون ان الاشاعه فعلا انتشرت


صراحه سأمنا هالقرف اللي تقوم فيه الصحافه علشان تألب الناس على البلاكبيري وعلى البرلمان .. إلخ

ليش ما يكونون واضحين بلا كذب وتزييف .. ويقولون ترى الحكومة يبون يقطعون البيري

انا اتوقع ان الخدمة بتنقطع عندنا بس يدورون شي يبتدون فيه القضيه ..

ماوصلني واوافقك الرأي

[فيصـــل]

عيب والله يكون نقل الشائعات هدف مستخدمي البلاك بيري

[سحـابة خيـر]

انا عندي اكثر من 100 شخص في البلاكبيري سألتهم اليوم عن الخبر وكلهم قالوا انه ما وصلهم !!!

اللي وصلهم الخبر رجاءا يأكدونه في المنتدى ..

اقصد يأكدون ان الاشاعه فعلا انتشرت


صراحه سأمنا هالقرف اللي تقوم فيه الصحافه علشان تألب الناس على البلاكبيري وعلى البرلمان .. إلخ

ليش ما يكونون واضحين بلا كذب وتزييف .. ويقولون ترى الحكومة يبون يقطعون البيري

انا اتوقع ان الخدمة بتنقطع عندنا بس يدورون شي يبتدون فيه القضيه ..

وانا بعد ماوصلني سئلت اللسته كلهم يقولون ماوصلنا شي:omen2:
ترى من دخلنا رمضان مايوصلني الا ادعيه واحاديث نبويه واشياء مفيده لا اشاعات ولا هالسوالف

ياليت بعد الي هني مايطلعون اشاعات :secret:

[باسكن روبنز]

هذي هي مشكلة البلاك بيري

ترى ما يقدرون يصيدون راعي الإشاعة ..

لأن ما يقدرون يراقبون الشات في البلاك بيري .. وقضية المبحوح في دبي .. هي السبب في وقفه في الإمارات ..
لأن المراسلات بين مرتكبين الجريمة كانت بالبلاك بيري .. ومحد قادر يصيدها ..

وهالحركات بتسبب على البلاك بيري عندنا ..

وعلى فكرة أنا ما عندي بلاك بيري ..

كلامج صحيح ،

بس هالفئه المتفرغه راح يتمادون لو ماشافوا رادع والمفروض يفصلون الخدمه عن الشركه الرئيسيه ألي في كندا (اعتقد) أسوة بالدول المجاوره ،

ويربطونها بالشبكات المحليه لسهولة تتبع مروجيين الاشاعات ويسنعونهم دام الموضوع اصبح يمس الامن العام ،

الله يحفظج من اعيال الحرام يعطيج العافيه يا بنت سيف ،



البلاك بيري زين شين

بس مشكلتنا احنا العرب نستخدم كل شي غلط

ومانستخدمه استخدام صحيح

يعني العيب مو بالبلاك بيري

العيب في مستخدمينه الاستخدام الخطاء

شوفي بنت سيف مفتكه من عوار الراس ليش ماتسوين نفسها ،:nice:

[ابو محمد7]

خلوا موضوع البلاك بير على جنب شوي

حتى قبل البلاك بيري الناس كانت تنشر الاشاعات عن طريق الايميلات ولا المسجات ولانسيتوا سالفة البطيخ مادري الشمام اللي فيه مرض ومادري وشوا !!!

احنا كلنا نشتكي من الاشاعات بس اول مايوصلنا خبر من اي مصدر ومن اي نوع وبأي وسيلة اتصال على طول forward

المشكلة فينا احنا ( باستثناء البعض طبعا ) ان احنا ننشر الكلام بدوت ما نتأكد ونتحقق 100 % صراحة حالنا صار يدعوا للسخرية والكل قام يتلاعب فينا المفروض محد يسوي forward حق اي شي الا اذا كان متأكد منه 100 %

انحلت المشكلة

[كازانوفا]

ربي يلهيه في نفسه اللى تسبب باذى الناااس وبهذا الشهر الفضيل
حسبنا الله ونعم الوكيل فيه وبامثاله

[الألماسي]

انا عندي اكثر من 100 شخص في البلاكبيري سألتهم اليوم عن الخبر وكلهم قالوا انه ما وصلهم !!!

اللي وصلهم الخبر رجاءا يأكدونه في المنتدى ..

اقصد يأكدون ان الاشاعه فعلا انتشرت


صراحه سأمنا هالقرف اللي تقوم فيه الصحافه علشان تألب الناس على البلاكبيري وعلى البرلمان .. إلخ

ليش ما يكونون واضحين بلا كذب وتزييف .. ويقولون ترى الحكومة يبون يقطعون البيري

انا اتوقع ان الخدمة بتنقطع عندنا بس يدورون شي يبتدون فيه القضيه ..


فعلاً اخوي Arab!an حتى انا ما وصلني . . و لو واصل للي وياي كان سووله كوبي بيست

[مـراحـب]

اتمنى من الداخليه تدور صاحب الاشاعه ،

ويربطونه في كارفور ويخلونه فرجه للغير اسود الويه ،:)

ضحكني ردك ، ، الجمله الأخيرة
هههههههههههههههه

[qzero555]

ليش ما يلغون الخدمة احسن ويريحون ويرتاحون

[كلاسيك قطر]

اي والله خلهم يقطعون الخدمه
لحووووووووول وله قوه

[غير عنهم]

البلاك بيري مصدر اساسي للكذب والشائعه

[بواردي]

غريبة ما وصلتني الاشاعة ؟؟؟

لو فيها رقابة ومحاسبة ما كان مصخوها كل يوم اشاعة

[التيما]

اي شي يوصلني من البلاك بيري غير قابل عندي للتوزيع ابدا .. ما اعيد توزيع الا الاشعار والنصائح والاحاديث والحكم غير كذا ما انشر .. فشلونا هاليهال اللي ماسكين هالبي بي وينشرون اي شي يجيهم ..

[MoTeC]

ماوصلني شي واعتقد ان الحين مصدر الاشاعات صارت الجرايد لأن انا سألت اللي عندي وماوصلهم شي فـ ياجريده الرايه رجاءً بلى اشاعات