استفسار بخصوص اللكزس الفورويل 2008-2010 ؟؟!!

[بويعقوب]

السلام عليكم ورحمة الله وبركاته ..







مبارك عليكم الشهر ..

وكل عام وانتوا بخير ..

الموضوع ياشباب اني مستغرب من اعداد اللكزس الفورويل المعروضه للبيع .

في كل معرض تقريبا تلقى سياره او سيارتين , وفي موقع قطر سيل بعد معروضين للبيع

والشئ المحير هو ان السياره توها جديده وما مداها تقدم علشان الواحد يبدل !!


بعكس السيارات الثانيه مثل الرنج الفوج من 2008-2010 السيارات المعروضه معدودين على الاصابع , او البي ام x5 او المرسدس ml

بس انا ابغي اعرف وش السبب من كثرة العرض للكزس الفورويل

هل السيارة فيها مشاكل او عيب تصنيع ؟؟؟

اللي يعرف ياريت يفيدنا ويوضح السبب من كثرة العرض

والله يعيننا واياكم على صيام وقيام هذا الشهر الفضيل

[باسكن روبنز]

وعليكم السلام ورحمة الله وبركاته ،

صح كلامك يابويعقوب ،

بنشوف رأي الجماعه ،

[بويعقوب]

وعليكم السلام ورحمة الله وبركاته ،

صح كلامك يابويعقوب ،

بنشوف رأي الجماعه ،


شكرا اخوي :nice:

وخلك بعيد عن الايس كريم :tease:

[تداول]

السلام عليكم ورحمة الله وبركاته ..







مبارك عليكم الشهر ..

وكل عام وانتوا بخير ..

الموضوع ياشباب اني مستغرب من اعداد اللكزس الفورويل المعروضه للبيع .

في كل معرض تقريبا تلقى سياره او سيارتين , وفي موقع قطر سيل بعد معروضين للبيع

والشئ المحير هو ان السياره توها جديده وما مداها تقدم علشان الواحد يبدل !!


بعكس السيارات الثانيه مثل الرنج الفوج من 2008-2010 السيارات المعروضه معدودين على الاصابع , او البي ام x5 او المرسدس ml

بس انا ابغي اعرف وش السبب من كثرة العرض للكزس الفورويل

هل السيارة فيها مشاكل او عيب تصنيع ؟؟؟

اللي يعرف ياريت يفيدنا ويوضح السبب من كثرة العرض

والله يعيننا واياكم على صيام وقيام هذا الشهر الفضيل

السيارة فل وعشرة ) معظم المعروضين ياصاير عليها حادث او قنصين في الموتر يعني الموتر النظيف نادر ماينباع وبعدين فية شغلة في معارض تجيب من السعودية وتعرض ومن الامارات وتعرض والبعض يشتري جديد ويعرض يبي افلوس كاش ويدري الموتر علية طلب
وسعره فية وماراح يخسر والبعض تعب من الاقساط وقال ابيع بلا كشخة بلا نيلة ) اشتهاد مني لاغير والله اعلم

[بذرة غلااا]

في راي اخر
انه ب2009 كم رنج انباع وكم لكزس انباع؟؟
ونفس الشي ب2010
اخوي التيوتا والكزس اكثر سيارات فرويل عندنا فلازم تشوفها بالمعارض
لانا المشترى اكثر من السيارات المقارنها بها
بعد الجي والجيكسات والفيكسار مترسه السوق
وفي2010

[qatarma]

بصراحه انا استعملة اللكزس قريب السنه موتر ماعليه كلاااااام يمكن عيبه الوحيد السفايف تخلص بسرعه ويمكن هذا عيب مني انا لاني امسك بريك اذا دخلت الدوار

وانا اوافق اخوي تداول ف وجهت نظره روح دور ف المعارض تبي تاخذ لك واحد ولا واحد فيهم تقدر تاخذه يا أنه ماشي واجد او مقنوص فيه او فيه صبغ او واحد طالب فيه سعر خياااااالي

[QatarProv]

عدل كلامك اخوي انا اشارك الي قالوا نادر من تحصل لكزس نظيف في المعارض

او مبالغ في السعر لو كان نضيف

والحمدلله توفقت وخذت لي واحد واستعمله وزي اللوز على قولتهم

[ROCK]

موقف بالبيعة

[الرادار]

موتر ممتاز عيبه البريك فاشل

[الريم 21]

بالتوفيق

[fahad1]

اكثر المعروض مب وارد الدوحة او مصبوغ

[qatarma]

موقف بالبيعة

في حد يبي يبيع؟:eek5:

[بويعقوب]

تسلمون يالربع على المشاركة

ولاحظت ان اكثر المواتر ماعليها ضمان , يعني مهب وارد قطر

وعلى ما اعتقد ان السفايف حلها بسيط

يركبون على اللكزس سفايف فكسار تطول اكثر

يعطيكم العافيه

[منصوربن حمد]

عيب السيارة الوحيد البريك

[غير عنهم]

الكزس فورويل زي اسهم الريان عليها عرض وطلب والرنج زي الطبيه لا عرض ولا طلب

[باسكن روبنز]

شكرا اخوي :nice:

وخلك بعيد عن الايس كريم :tease:

واذا مدمن شسوي ، :weeping:

[راعي 2006]

تسلمون يالربع على المشاركة

ولاحظت ان اكثر المواتر ماعليها ضمان , يعني مهب وارد قطر

وعلى ما اعتقد ان السفايف حلها بسيط

يركبون على اللكزس سفايف فكسار تطول اكثر

يعطيكم العافيه



صج :eek5: ؟؟؟


معلومه جديده افيدنا اكثر انا متوهق مع البريك :weeping:

صرت ماسرع اخاف يخووون فيني :weeping: