أستفسار عن طيران الخليج

[لطيف الروح]

السلام عليكم ورحمة الله وبركاته و مبارك عليكم الشهر الفضيل . اخواني بغيت استفسر عن طيران الخليج من ناحية الخدمه و مستوى طياراتهم وهل هي جديده ام قديمه و خاصه خطوطهم للدول الاوربيه على درجة رجال الاعمال . الي عنده سابق خبره معاهم لا يبخل علينا بالنصيحه .

[jajassim]

للأسف ،، مستوها لا يرقى الى مواكبة التطور

[bo_besht]

يعتمد على خط الرحلة ونوع الطائرة
الرحلات بين الدول العربية سيئة اما الرحلات الخارجية فهي جيدة جدا

[لطيف الروح]

للأسف ،، مستوها لا يرقى الى مواكبة التطور

ياليت توضح اكثر و تفيدنا اذ سافرت معهم وعلى اي خط

[نون]

انا رحت البحرين في طيران الخليج بصراحة الطيارة قديمة
والخدمة سيئة

[Ghost]

انا سافرت معهم الى النيبال في رحلة عمل من ناحية الرخص هي ارخص شي ومن ناحية الخدمة احلى الوحشين قد ما يقدرو بيقدمو الافضل بس مقارنة بالقطرية على البزنس صفر على الشمال ومقارنة بخطو الاتحاد ايضا صفر لاني ركبت البزنس في الثلاثة الى اوروبا والدول العربية افضلهم القطرية وارخصهم الخليج ولك القرار على حسب السفرة وانتا اللي بيدك الكاش

[لطيف الروح]

انا سافرت معهم الى النيبال في رحلة عمل من ناحية الرخص هي ارخص شي ومن ناحية الخدمة احلى الوحشين قد ما يقدرو بيقدمو الافضل بس مقارنة بالقطرية على البزنس صفر على الشمال ومقارنة بخطو الاتحاد ايضا صفر لاني ركبت البزنس في الثلاثة الى اوروبا والدول العربية افضلهم القطرية وارخصهم الخليج ولك القرار على حسب السفرة وانتا اللي بيدك الكاش

السفرة معهم من زمان ولا وقت قريب لانهم يقولون ان طيراتهم جديده ياليت توضح اخوي

[المعنى88]

شوف أخوي طايارتهم قديمة .......... وفي طريجهم للخصخة .... انطر تكون جديدة في الخدمة والمستوى
سعر ارخيص احيانا ....... وسعر غالي عن القطرية والأماراتية بوايد ........... شوف اللي يريحك
وبلسلامة في السفرة .

[بوجاسم 2009]

السلام عليكم

وين مكتبهم الرئيسي؟


تحياتي

بوجاسم

[لطيف الروح]

وين اهل السفر مع طيران الخليج

[Qatari 1980]

وين اهل السفر مع طيران الخليج

أخوي شيك على الرسايل الخاصه وبالتوفيق انشاء الله

[لطيف الروح]

أخوي شيك على الرسايل الخاصه وبالتوفيق انشاء الله

الله يوفقك دنيا و اخرة و ارسلت لك على الخاص المطلوب انتظر الرد

[VIVA]

السلام عليكم

وين مكتبهم الرئيسي؟


تحياتي

بوجاسم




مكتبهم الرئيسي في ام غويلينه جنب ماكدونلدز

[Mohammed.a]

مايمدحونها
بس في الفترة الاخيره لغو درجة البزنس و الاولى وادمجوهم ببعض
وسموها درجة الصقر الذهبي وهي متوفره على بعض الرحلات وحتى على بعض الطائرات
والي تطلع من الدوحة للبحرين طيارة قديمة

[أبو بكر سالم]

انصحك لاتفكر في طيران الخليج والله عادي مواعيدهم غلط وعادي تاخير وعادي الرقله واصوات جنه الطيارة ملزقة تلزق والله القطرية شي صج ان سعرهم الدبل بس على الاقل تسافر ونت مطمن مب حاط قلبك في يدك

[captin]

طيران الخليج الشركة اللي كانت في يوم من الأيام أسم عالمي لامع تحمل على ذيلها
الوان اعلام اربع دول هي البحرين الامارات قطر عمان وكانت حلم لكل طيار ومظيفة انهم يشتغلون فيها الآن تحتضر وتتقلص شيئا فشيئا بعد سلسة اختلاسات وخسائر وسوء ادارة.في الأخير آلت ملكيتها للبحرين بعد ما انفصلت الدول المساهمة وكونت لها شركات طيران خاصة تحمل علمها
القطرية - قطر
الاتحاد - الناقل الرسمي لدولة الامارات العربية المتحدة
العمانية- سلطنة عمان

أحسن خط عندهم حاليا خط لندن يشغلون عليه طيارة جديدة من نوع بوينغ 777
باقي الخطوط تعبانه ومعظم الرحلات متاخرة والطيارات قديمة للرحلات البعيدة يستعملون
طيارات الايرباص 330 او 340 والرحلات الاقليمية طيارات الايرباص 230 ومؤخرا اضافوا طيارة صغيرة جديدة هي 319 .

الخليج حاليا تشتغل على نقل الفئة العمالية أكثر الى محطات في الهند ومصر وسوريا والنيبال والعمالة الفلبينية وهذا مشغل خط الدوحة عندهم لان سعرهم اقل ومعظم ارباب العمل يسفرون عمالهم عليها .

اذا كنت تبحث عن الدقة والراحة والسعر مو مشكلة لك سافر على القطرية من الدوحة
واذا ما كان عندك مشكلة في الترانزيت نصيحة وبقوووة سافر على طيران الاتحاد من ابوظبي
وخصوصا درجة رجال الاعمال تصميم المقصورة والكراسي رائع جدا يعطيك خصوصية ويصير سرير كامل وقدامك شاشة كبيرة 19 انش.وتقدر تختار بين مئات الافلام والمواد الترفيهية

[عنابي وابيض]

ما انصح بها
الاتحاد احسن منها
بالتوفيق