بخصووص كلية المجتمع !!@@!!

[toomi9]

السلااام عليكم ورحمة الله وبركاته
ياجماعة الخير انا من فترى طرشوا لي الكليه اني مقبوله عـ الفصل الثاني شهر واحد 2011
واليوم فتحت الايميل وانصمدت انهم مطرشين لي ايميل الآتي :

عزيزي طالب كلية المجتمع،

يسرنا أن نهنئكم باختياركم للدراسة بكلية المجتمع في قطر للعام الدراسي 2010/2011 م

في حالة رغبتك للدارسة في الفصل الأول وبالدوام الصباحي يرجى الحضور إلى مركز الاتصال والمعلومات ببرج المجلس الأعلى للتعليم الدور الأرضي لاستكمال إجراءات التسجيل من الساعة 8 صباحا إلى 12 ظهرا وذلك خلال الفترة من 11/8/2010م وحتى 26/8/2010م، وإحضار الآتي:

1- البطاقة الشخصية (وصورة عنها).

2- الشهادة الثانوية العامة "مصدقة "من إدارة الامتحانات.

3- شهادة اللياقة الطبية من المركز الصحي.

وفي حالة رغبتك للدارسة في الفصل الثاني وبالدوام المسائي، سيتم إبلاغك خلال الفترة القادمة بتاريخ حضورك لاستكمال إجراءات التسجيل.

لمزيد من المعلومات يمكنك الاتصال بالرقم 155

مع تحيات: مكتب القبول - كلية المجتمع في قطر


اووكي الحين هم قالوا اني انقبلت واذا ابي الفصل الاول او الثاني
مع العلم قبل شهر تقريبآ او اقل مطرشين حق الي مقبولين الفصل الاول يروحون يكملون اجرائات التسجيل
وانا طرشوا لي بس ايميل بدون مسج
الحين هم قاابليني اكييد عـ الفصل الاول ولاا ارووح واعوور راسي عالفااضي ؟؟؟:omen2:

الي عنده خبر بالموضوع لا يقصر عليناا :shy:

[الحره]

روح طبعا وشوف شسالفه

[toomi9]

لاني مقدمه في جامعة قطر
يعني بياخذوني اكيد واسحب على جامعة قطر ولا بيحطوني ويتينق
للعلم جامعة قطر فونيشين مب تخصص

[باسكن روبنز]

اذا فيج حيل تكملين مع جامعة قطر استحملي وشهادتهم اقوى من المجتمع ،

واذا لا عيل اطبعي الايميل وروحي لهم وشوفي اشسالفتهم بالضبط ،




بس هذا كله كوم وهالشرط في كوم! ،

3- شهادة اللياقة الطبية من المركز الصحي.

انتي ماخذه تخصص جمباز ولا شسالفه ،:rolleyes2:

الله يوفقج يارب ،

[الجوكر90]

اذا فيج حيل تكملين مع جامعة قطر استحملي وشهادتهم اقوى من المجتمع ،

واذا لا عيل اطبعي الايميل وروحي لهم وشوفي اشسالفتهم بالضبط ،




بس هذا كله كوم وهالشرط في كوم! ،


انتي ماخذه تخصص جمباز ولا شسالفه ،:rolleyes2:

الله يوفقج يارب ،

لاتظلمهم هم بس يبون يطولون السالفه عشان العالم تزهق
ومايروحون
يعني يوم تقدم اوراقك بدون هالشي راح يقولون لك روح وجيب هالورقه
لين ماتروح وتجيبها يقولون لك وقت التسجيل خلص

[تحداني]

مقبوله اختي الفاضلة .. والله يوفقك إن شاء الله
ولا تقلقي .. عليك اكمال باقي الخطوات


باسكن روبنز
الفحص الطبي ضروري ومافي مانع من ذلك طالما سيعود عليه بالنفع ان شاء الله
وكل جامعات المدينه التعليميه تطلب ذلك .. تذكر يوم كنت في الصف الأول هم إطلبوا من الوالده انك اتسوي فحص طبي




جوكر 90
مافيها تطويل سالفه البنت مقبوله .. بس باقي اتكمل باقي اجراءات الملف




عسى الله يوفقك وينور طريقك ان شاء الله

جملكم الله برضى الرحمن

[قطرية فذة]

بالتوفيق

[باسكن روبنز]

مقبوله اختي الفاضلة .. والله يوفقك إن شاء الله
ولا تقلقي .. عليك اكمال باقي الخطوات


باسكن روبنز
الفحص الطبي ضروري ومافي مانع من ذلك طالما سيعود عليه بالنفع ان شاء الله
وكل جامعات المدينه التعليميه تطلب ذلك .. تذكر يوم كنت في الصف الأول هم إطلبوا من الوالده انك اتسوي فحص طبي




جوكر 90
مافيها تطويل سالفه البنت مقبوله .. بس باقي اتكمل باقي اجراءات الملف




عسى الله يوفقك وينور طريقك ان شاء الله

جملكم الله برضى الرحمن

فديت امي والله ،:shy:



طيب الفحص الطبي مب كل سنه عاد! ملل ،:rolleyes2:




لاتظلمهم هم بس يبون يطولون السالفه عشان العالم تزهق
ومايروحون
يعني يوم تقدم اوراقك بدون هالشي راح يقولون لك روح وجيب هالورقه
لين ماتروح وتجيبها يقولون لك وقت التسجيل خلص

:pardon:

[toomi9]

ابشششركم
قبلووني :$

[كاتم الاحزان]

انا بعد جالي نفس المسج ممكن تفيدوني او وش سالفة الفحص الطبي
او وين مقرهم ....؟ وشكرا

[انيقه]

المجتمع !!!!!!!!!!! اول مره اسمع فيها بصراحه ؟؟؟

[basma222]

الفحص الطبي في المركز الصحي التابعين له
روحي وقولي لهم ابي اسوي فحص للجامعه او الكلية وكلها نص ساعه وتاخذين الورقه
التوفيق للجميع

[latty]

السالفه ومافيها ان تعداد الصباحي كان اقل فستدعوا اللي على الويتنغ لست


بالتوفيق

[toomi9]

انا لما رحت قابلت المسؤله
قلنا لها شسالفه شلون خذتونا مره وحده
قالت احناا صححنا على اساس الماث خذنا الي دجاتهم توب
بعدين قالوا لنا لا الانقلش اهم اخذوا الي درجاتهم توب فالانقلش لانه اهم فالتعامل وكل شي
فردوا افرزوا وخذو الي درجاتهم توب فالانقلش وطلعو في ٢٠٠ طالب وخذوهم
ومع الكلام قالت اصلا اقبلوا ٩٠٠ طالب حق الفصلين

.
.
وللي ماسجلوا ترا في مجال تسجلون حق هـ الفصل الي فشهر ٩
سجلوا اون لاين وروحوا تاريخ ٥/٩ الى جامعة قطر (اضن المبنى التأسيسي) وسجلوا حق الامتحان ومعاكم ١٥٠ ريال رسوم التسجيل ،،، وفـ نفس اليوم الامتحان الي بتاريخ ٩/٥ ،، وبعدها هم بياخذون ٢٠ طالب الي درجاتهم توب فالانقلش ،، واااعتقد ان لااازم تكونون الساعه ٧ هناك او قبل عشان الزحمه ،، وانتوا اتصلوا وتاكدوا قبل ماتروحون ،، ولما تسجلون اون لاين على طول بيطرشون لكم ايميل متى الامتحان عشان تروحون

واالله يوفقكم

[toomi9]

:nice: