مطلوب خبز قمح بدون جلوتين او خبز الذره للضروره

[aldahnoon]

مرحب اخوانيو اخواتي مطلوب خبز قمح بدون جلوتين الخاص لمرض السيلياك او ما يسمى بحساسية ضد القمح
او خبز ذره او اي انواع الخبز بدون القمح او الشعير او الشوفان
و لو في اي منتجات منزوعه الجلوتين يا ريت اتدلونا عليها بنكون شاكرين الكم
في قطر او الدوحه تحديدا


معلومه عن مرض السيلياك
حساسية القمح (مرض سيلياك) :
‏حساسية القمح (مرض سيلياك) هي حالة مرضية مزمنة تصيب الأمعاء الدقيقة وهي عبارة عن حساسية دائمة ضد بروتين الجلوتين الموجود في القمح والشعير والشوفان.
‏وعندما يتناول المريض الأطعمة المحتوية على الجلوتين فإنها تلحق الضرر بالزوائد المعوية ( بروزات إصبعية الشكل تبطن الأمعا، الدقيقة) الموجود‏ة في الشخص المصاب.
‏يوجد للمرض مسميات أخرى وهي: (إسهال المناطق الحارة) والحساسية المعوية للجلوتين، وتعد حساسية القمح (مرض سيلياك) أحد أمراض المناعة الذاتية التي فيها يهاجم الجسم نفسه.

[سيزن]

حسب علمي ....!

في ميغا مارت السوبر ماركت الموجود داخل المركز ( السنتر )

بس غير جاهز (يعني طحين ) وعليكم انتم في البيت تعملونه (تخبزونه ).

وكذلك في مستشفى حمد يعطى , ويوزع للمرضها المصابين بهذا الحساسية ...وممكن هم يخبزونه اي في مستشفى حمد .




والله يشفي مريضكم ويعافيه .

[الحره]

الله يشفي مرضاكم وجميع مرضى المسلمين

لو اعرف اخوي كان دليتكك بس جرب روح ميغامارت مثل ماتفضل اخونا فصول

[alfahad1]

هل هناك فحص خاص لهذا المرض
والله يشفينا واياكم من كل شر
وشكرا

[ع.م]

السلام عليكم..


الله يعينك وياجرك لأن مافي في قطر منتجات وايد مختصة بهالشي..


بتحصلون في كارفور وميغامارت جلوتين فري باستا، وفي ميغا مارت بعد عندهم خبز بنفس الطريقة wheat free..

اللولو عندهم ركن كامل مختص بس بهالمنتجات والحلو إنهم جنب بعض مايحتاج تدور كل منتج بروحه..

وهذي مجموعة مواضيع تتكلم عن منتجات الجلوتين فري في قطر..

http://www.qatarliving.com/search?cx=008937172676595728955%3A066rihafv68&cof=FORID%3A11&Q=Gluten-free+&sa=Search#1173

[الصريحه]

الله يشفي مرضاكم ويعينكم

[aldahnoon]

هل هناك فحص خاص لهذا المرض
والله يشفينا واياكم من كل شر
وشكرا

طبعا عمليه منضار للمعده و للامعاء و فحص دم بيبن المرض من عدمه

[طير شلـوى]

مرحبا أخوى ..

ماقصروا الأخوان كفوا ووفوا لكن لزيادة التوضيح ...

تلقى المنتجات في الميغامارت في السنتر وبتلقى جميع انواع الخبز عنده من خبز وسلايس وصمون وفي قسم للمعكرونة والبساكيت والايسكريم والشوكلاته والكورن فليكس والطحين وتقدر تطلب طلبية لاي منتج عن طريقهم ...

واذا بتروح دبي ..فعندك دبي مول ...في محل اسمه organic food ...عنده منتجات حساسية القمح ...وارخص من الميغا مارت بوايد ...ويخبز روتي سلايس وكيكات كل يوم ثلاثاء ...

وهذا منتدى لمرضى حساسية القمح ...ان شاء الله تستفيد منه...وفيه اختصاصي تغذيه تقدر تسأله عن اي منتج ..
http://www.saudi-celiac.com/vb/index.php

والله يشفي كل مريض ...

[ع.م]

على فكرة حتى اللي مافيه هالمرض بس عنده مشكلة في الهضم ترى المنتجات الخالية من الجيلوتين وايد خفيفة عالمعدة يعني ممكن تجربون تستبدلون أنواع المعجنات والخبز بالأنواع اللي ذكرناها و شوفوا الفرق في هضم المعدة..

توني عرفت هالمعلومة من موقع أجنبي وحبيت أشارككم فيها :)

[مضاد]

الشباب ماقصروا ....... افادونا

.

.

والله سمعت بهذه الحساسية , عند بعض من اقاربي , والحمد لله متأقلمين مع هذه الحساسية مع اتباع التغذية المناسبة .....وأمروهم طيبة والحمدلله :)

[aldahnoon]

الله ايبارك فيكم اليوم رحت اشتريت خبز من الميجا مارت تقريبا شبيه بالتوست لكن احسن من لا شي
و بارك الله فيكم و الله يجزيكم الخير دنيا و اخره .

[ماريسا]

اشكرك على طرح الموضوع انا اعاني من هالحساسية و صار لي سنين مقاطعة الخبز و الباستا بأنواعها بسبب الجلوتين

[خزامئ]

اللة يشفي كل مسلم
بنتي عندها المرض
وناخذ من مستشفى حمد طحين وعندهم في المستشفى بيسوونة روتي سلايس وبينحفظ في الفريزر لمدة شهرين
وفي منتجات خالية من الجلوتين موجودة في الولو وميغامارت ودين ودوليكا الي في فيلاجيو
المستشفى ايوفر لك لو كان اتراجع عندهم-

[aldahnoon]

بارك الله فيكم و الله يجزيكم الخير يا رب .و الله ايعينا و يشفينا و يشفيكم يا رب .

[shady elbaik]

الله يشفيك و ايعافيط يا رب .