ياجماعة بغيت فزعتكم عن سويسرا

[بن درهم]

يالربع انا بروح سويسرا زيورخ وجنيف ولوزيرن واول مرة اروحهم بغيت اعرف وين اماكن التمشي واماكن الاجبال والطبيعة في هذي المدن وكيف التعامل مع التنقل بي السويس باص
يعني معلومات عنهم ولاتهونون

[ع.م]

أنا قبل لا أسافر سويسرا طبعت هالملف من الأخ رجل شرقي ربي يجزاه الفردوووس.. شوفه ولا راح تحتاج غيره.. شامل ومميز جدااااً..

http://www.qatarshares.com/vb/showthread.php?t=120360&highlight=%D3%E6%ED%D3%D1%C7

ويارب تستانسون..

[ع.م]

الظاهر هذي تكملته:

http://www.qatarshares.com/vb/showthread.php?t=120360&highlight=%D3%E6%ED%D3%D1%C7&page=4

.. أنا بصراحة حملته من منتدى ثاني.. تقدر تبحث عن الملف في جوجل..

وأتمنى من الإدارة تفتح الموضوع مرة ثانية لأنه مفيييد جدااااً..

[VIP-QATAR]

اخوي نصيحة اقعد في انترلاكن وتقدر تروح منها لاعلى قمة في اوربا

[منصوربن حمد]

انصحك اتروح ميونخ وتنزل في مطارها وتأجر سيارة bmw بسعر حلو 2010 وتاخذ جولة وتطلع من ميونخ الى جنيف ومن جنيف الى لوزان ومن لوزان الى لوتزان هاذي من اروع مدن سويسرا (مدينة تاريخية) ومن لوتزان الى قرية اسمها تاش وتوقف السيارة في المواقف وتطلع بالقطار الكهربائي لان المدينة التي ستصلها بعد تاش يمنع فيها دخول السيارات حماية للبيئة واسم تللك المدينة زرمات وينصح بفندق زيرمت هوف حيث ان الفيو واطلالة هذا الفندق شي لايوصف حيث انة يطل على جبال الالب (ترى منة اعلى قمة جبال الالب هورن تربلن) الدعاية اللي عالكافي تربلن

[بن درهم]

تسلمون اخواني على المعلومات وجزاكم الله خير وفي انتظار البقية

[اهل قطر]

كانت سفرتنا في سويسرا
جنيف زيورخ لوزيرن انتر لاكن مونتروا جنيف
رائعه بمعنى الكلمه
طبعا كنا من جنيف خذنا السويس باس وفادنا وايد
للعائله يدفعون لهم ووالي اقل من 16 مجاني
كنا نتنقل بالقطارات بد
ون حجز نروح الي يناسبنا وندخل ولا حد قال شيء حتى للباصات نفسه ,خذناها من المحطه في جنيف
مدينة زيورخ تجاريه
للحديث بقيه

[بن درهم]

تسلم اخوي على الافادة بس حبيت استفسر عن السوس باص وكيف التعامل معاة هل صعب ولا بس اعرف مواعيد القطارات والموعد الي يناسبني وخلاص

[اهل قطر]

لا ما يبغي له شيء
بس انت اختار القطارات الي تناسبك ورقم البوابه
واركب بدون شيء
لين مشى القطار بيجيك المفتش بيشيك على تذكرتك
بس انت من اول اختار اولى او سياحيه
علشان ما تركب مقطوره غلط

[بن درهم]

اخوي تذكرة الدرجة الاولى حق عشرين يوم بكم تكلف والفرنك السويسري كم باليورو

[اهل قطر]

انا الي اعرفه احنا خذنا لمدة 15 يوم
ابو عيالي دفع تقريبا الف وميتين فرنك سويسري
والفرنك السويسري 3 ريالات ونصف

[بن درهم]

جزاج الله خير

[رجل شرقي]

اذا خاطرك اي استفسار ابشر بسعدك .

في البداية اشكر اخي ع.م على الاطراء والدعاء الطيب ، الله يبارك فيه وفي اهله واولاده ،،

انصحك في السفر قيادة السياره فهي المتعه الحقيقيه في السفر ،،

اية معلومات تريدها تفصيليه يمكن مراسلتي او زيارة منتدى زاد المسافر وابشر بسعدك .

اليك دليل الاحداثيات في سويسرا
http://www.travelzad.com/vb/t31045.html

فيه الاحداثيات وفيه الاماكن السياحية في كل بلده ، ويمكن تصفحه مباشره عبر الانترنت عبر هذا الرابط :-

http://www.dohasea.com/swiss-travelzad.pdf

[بن درهم]

جزاك الله خير اخوي بس حبيت استفسر السويس باص اخذة من الدوحة احسن ولا من هناك

[اهل قطر]

لا ليش تاخذه من قطر
هناك من توصل المحطه في جنيف قريبه
بس اسئل عن البان هوف وحسب انت سكن في اي فندق كل شيء قريب
في البان هوف اسئل عن السويس باس كل من بيدلك
او روح الانفرميشن
ولا تنسى تودي معاك الجوازات علشان يسجلون بياناتها

[بن درهم]

تسلم اخوي وانا اول محطة لي في سيويسرا زيورخ ومن عقبها نطلق واخذها من هناك

[Ali Mohammed]

تسلم اخوي وانا اول محطة لي في سيويسرا زيورخ ومن عقبها نطلق واخذها من هناك

السلام عليكم

أخوي انا في الصيف كانت رحلتي من الدوحة الى زيورخ - انترلاكن - جنيف - الدوحة ، وخلال هالفترة زرت عدة مدن باستخدام السويس باص للامانة طلعت قيمته .

شخصيا انا خذته من سفريات الدرويش وبنفس السعر الي هناك طبعا اول ما توصل لازم تختم تذكرة السويس باص ولازم جوازك يكون موجود معاك وهالشي في اي محطة ، ممكن من محطة المطار اذا بتركب القطار من المطار او من محطة زيورخ الرئيسية .

باشرح لك شنو السويس باس :

السويس عبارة عن تذكرة تقدر من خلال تركب القطارات والباصات والمراكب خلال فترة معينة بالمجان بالاضافة الى انها تعطيك خصم 50 % على بعض الاماكن السياحية .

طبعا هالتذكرة اتخليها دايما معاك وتركب اي قطار حسب الوجهه الي تبي تروح لها واذا حد اسالك طلع له التذكرة .

على فكرة جدولك يبي له تعديل ، يعني اذا ما حجزت ممكن اقترح عليك اماكن افضل

لو تبي اي استفسار تواصل معاي على الخاص .

[بن درهم]

تسلم اخوي ماتقصر