يـوكـن لـلـبـيـع

[saeed-qtr]

السلام عليكم

صبحكم \ مساكم
الله بالخير

لـلــجــــــاديــــن

يوجد يوكن موديل 2008

المواصفات

فل اتوماتيك

دفع رباعي

اللون رمادي

قاطع 13000 كم

السيارة بحالة ممتازة ويوجد في السيارة عازل الشمس والحرارة

السيارة عليها اقساط في البنك الدولي

اتمنى اللي يسوم يكون جاد

[A.L.I]

ممكن التفاصيل على الخاص

[saeed-qtr]

الاخ علي


وش تبي باظبط خلها على العام احسن عشان الجميع

[A.L.I]

كم باقي عليها وكم القسط

[saeed-qtr]

القسط هو2700

وينتهي القسط تاريخ 6/9/2013

[مهاجر]

كم سعرك يالغالي ؟ وشلون ضمانه ؟

[ابوصالح1]

كم طالب في اليوكن

[منصوربن حمد]

ْxl ولاقصير

[المحروومqtr]

كم باقي عليه فالبنك بالضبط

اكس ال ولا قصير ؟

[Qt.1]

هلا اخوي كم طالب فيه انت انا على حسبتي باقي عليه 121 الف وشوي تقريبا

[منصوربن حمد]

طويل ولاقصير لوسمحت

[saeed-qtr]

الموتر قصير ياجماعة

واللي يبيه باقساطه ماعنده مشكله بعد

[@فارس@]

اخوي باررك الله فيك كم باقي عليه اقساط ؟

وكم لو كان المبلغ كاش ؟

[saeed-qtr]

الموتر اقساطه شهريا 2703 ريال تنتعي اقساطه سنة 2013 شهر 9
وانا ابي ابيعه بقساطه

[@فارس@]

اخوي بارك الله فيك شيك الخاص

[saeed-qtr]

تم الرد عالخاص

[@فارس@]

بارك الله فيك


باذن الله على الوعد اليوم والله يكتب التوفيق لك ولي

وانعم فيك اخوي وفي اصلك الطيب

[saeed-qtr]

بإذن الله الوعد الليله وتشرفت في معرفتك يالغالي
يا مرحبا بك ومسهلا ومرحبا بالجميع

[saeed-qtr]

يالربع انا هونت من بيع السيارة بعد ما صليت صلاة الاستخارة

اتمنى منكم تعذروني وتسامحوني عالقصور

وياريت ان الموضوع يغلق من الان وجزاكم الله كل خير

[Qt.1]

يالربع انا هونت من بيع السيارة بعد ما صليت صلاة الاستخارة

اتمنى منكم تعذروني وتسامحوني عالقصور

وياريت ان الموضوع يغلق من الان وجزاكم الله كل خير

ابد مابه اقصور وانا اخوك , ودامك صليت الااستخاره ومنت مرتاح للبيعه , من حقك ياخوي الحلال حلالك , :)

[أبو حمد]

بالتوفيق

[سلطان911]

عسى في الامر خيره

[@فارس@]

يا اخوي بارك الله فيك

لي طلب منك اذا جيت تبيع صلي الاستخارة قبل ما تحط اعلان البيع لان الاستخارة تكون قبل الفعل وليست بعد

لان انا اتصلت فيك واتفقنا وبعد نصف ساعه قلتلي هونت وهذا الشي ما يرضى الله ورسوله

واحيانا التردد من الشيطان ويمحق البركة والله يقول سبحانه فاذا عزمت فتوكل على الله ان الله يحب المتوكلين ... وما قال ان الله يحب المترددين !!

اخوي بالنسبة للاخوان كلهم الموضوع عادي عندهم لانهم ما وصلو معك لمرحلة الاتفاق مثلي بس بالنسبة لي الموقف والله ضايقني لاني اذا قلت لشخص بعتك فما يصير اتراجع في كلمتي لان البيع تم والرجاجيل تحترم كلمتها

هاي الكلمة من اخ لاخيه واتمنى تكون للكل وبارك الله في الجميع وتقبل منا ومنكم صالح الاعمال

[رايح جاي]

السلام عليكم
اخوي اعتقد موترك باقي عليه 102 الف
انا جاد في الشراء واعطيك فيه 90 الف شرط الفحص
وسامحني اخوي اذا سومتي مو عاجبتك والله يوفقك فيه
بس بخصوص اللون سلفر ( رصاصي فاتح ولاغامج )
شكرا

[رايح جاي]

سامحني اخوي ماشفت الموضوع كامل وانك هونت
السموحه