سيتي سنتر الدوحه معلمنا الشهير بلا إدارة محترفه

[سيف العشق]

ربما يتفق معي كثير من الاخوه والاخوات بأن سيتي سنتر الدوحه اصبح احد المعالم

الرئيسيه للعاصمه الدوحه واحد نقاط الجذب السياحي ولكن مايعيب السيتي سنتر

هو الاداره المحترفه والتي تعرف كيف تستقل المساحات ونوعية الانشطه الواجب

تواجدها في المركز المترامي الاطراف

لقد اصبح السيتي مجرد واجه فقط فكثير من المحلات لاتحمل لنا بالجديد ففي الوقت

الذي نطالب فيه بتواجد الماركات والمحلات النوعيه والمطاعم العالميه الراقيه

نجد السيتي سنتر قد قام بافتتاح الكثير من المحلات الاقل من عاديه والتي اصبح

ينافس بها اسواق الجبر والديره فمعروف في كل دوله اين تقع الاسواق الشعبيه

وما يفترض ان تحتوي عليه وما يتطلب من المجمعات التجاريه الكبيره ان تقدمه

للمستهلك .

بعض الاعضاء ممكن يقول ان الشيخ فيصل صرف على السيتي المليارات ولازم

يأجر المحلات انا معكم انه لازم يأجر المحلات بس بالصوره التي تجعل هذا المجمع

في الطليعه .

اتمنى ان يتخذ من إدارة اللاند مارك واللي هي نفس إدارة فيلاجيو مثال مشرف

فالمجمعين يعملان بإحترافيه سواء من توزيع النشاط التجاري فيهما او من حيث

استغلال العلامات التجاريه

كذلك اللؤلؤه وطريقة انتقاء كل اسم تجاري مميز

والله من وراء القصد

[ابو ضمير]

واتمنى بعد ما يبالغون في الاسعار والسلعه ما تسوى اساسا مثل بدله ماكلتها بقرة ويبون يبيعونها 700 :rolleyes2: بحجه العلامه التجاريه

اما بخصوص انك ترسل رساله للاداره فكان لازم ترسلها بالانجليزي علشان صاحبنا سام الي كان في بلاده طرطور يفهم:nice:

[سيف العشق]

واتمنى بعد ما يبالغون في الاسعار والسلعه ما تسوى اساسا مثل بدله ماكلتها بقرة ويبون يبيعونها 700 :rolleyes2: بحجه العلامه التجاريه

اما بخصوص انك ترسل رساله للاداره فكان لازم ترسلها بالانجليزي علشان صاحبنا سام الي كان في بلاده طرطور يفهم:nice:

مشكور على المرور اخوي ابوضمير والاداره ماراح ارسل لها رساله اتمنى من الشيخ

فيصل انه يقرأ هذا الطرح لأن سيتي سنتر اصبح مهجورآ من اهل قطر الا من رحم ربي

[كازانوفا]

للاسف اذا واحد بيفكر انه يفتح محل بالستي راح يفكر بس بالاجار كيف راح يدفعه لذلك ما نشوف اي تطور في مراحل نمو هالمكان المذكور لو يراعو الله في الخلق كان الدنيا بخير بس ايش تقول اخي الكريم في ناس ما همها الا سرقة جيوب النااااس :(
الله المستعان ...

[سيف العشق]

للاسف اذا واحد بيفكر انه يفتح محل بالستي راح يفكر بس بالاجار كيف راح يدفعه لذلك ما نشوف اي تطور في مراحل نمو هالمكان المذكور لو يراعو الله في الخلق كان الدنيا بخير بس ايش تقول اخي الكريم في ناس ما همها الا سرقة جيوب النااااس :(
الله المستعان ...

شكرآ على المرور اختي الكريمه

بس معروف في كل مكان ان التأجير في الشوارع التجاريه يختلف عن التأجير في

المجمعات التجاريه ( المولات )

بس احنا نتكلم عن المحلات اللي فتحت ويفترض انها ماتكون هناك

روحي للممرات الخلفيه للسيتي وراح تعرف المقصد

[كازانوفا]

اه اصبح لازم اروح اشوف الممرات واشرف عليهم ولا يهمك
اختك كازااا

[سيف العشق]

اه اصبح لازم اروح اشوف الممرات واشرف عليهم ولا يهمك
اختك كازااا

كازاا ليش زعلانه انا لا ابيك تشرفين عليها ولاهم يحزنون

انا طرحت الموضوع وقصدت منه ماهو مذكور بالطرح ولا انتقدت ردك

شكرآ على المرور

[eqahtani]

حتى ياجماعه دورات المياة في الستي بجد تعبااااااااانة وحالت المجمع زباله
وثاني شي كل ماله ويقصقصون الممرات يسوون فيها محلات المواقف مشيناها لهم قامو يقصقصونها
والحين الله اعلم وين بتكون مواقف الفنادق الجديده الى بيبطلونها احذاه

[باسكن روبنز]

الستي مثل ماهو ماتغير من افتتاحه ،:rolleyes2:

والمشكله مافيه محلات سنعه والله ماقمنا نروح الا للمطاعم والسينما او نخلص كم شغله بالبنك ،

[كازانوفا]

لا يا اخي مين قال اني زعلت :) شفتي كيف مبسوطه
على ايش الزعل لا والله ما زعلت ولا يحزنون

[تحداني]

محلات .. وخدمات .. وإداره للأسف دون المستوى
ويعود ذلك كله لصاحب الفكره .. ومن يديرها



بخصوص الشيخ قاسم .. لا تخليني أقول يزعل شيخنا
ولا في الخاطر كلام كثير ويعور القلب .. فالوالد ذاق الويل من وراء فتح محل هناك ..
وفشل فشلا ذريعا .. ومازال يدفع ثمن الغلطه .. والحمد لله رب العالمين







جملك الله برضى الرحمن

[شيزكيك]

الصراحه كلامك عين العقل يمكن لان المجمع كبير وايد فاضطروا انهم ياجرون المحلات على الي يبون

الصراحه مافيه ولا محل ماركه من الماركات المعروفه

يروحون يشوفون تصميم ونظافة ستي سنتر البحرين صج صج روعه

[سيف العشق]

حتى ياجماعه دورات المياة في الستي بجد تعبااااااااانة وحالت المجمع زباله
وثاني شي كل ماله ويقصقصون الممرات يسوون فيها محلات المواقف مشيناها لهم قامو يقصقصونها
والحين الله اعلم وين بتكون مواقف الفنادق الجديده الى بيبطلونها احذاه

صدقت ياخوي بصراحه واجهه تفشل والمشكله موقع المجمع في الكورنيش يعني قريب

من كل الفنادق الكبرى والمنطقه الدبلوماسيه

[سيف العشق]

الستي مثل ماهو ماتغير من افتتاحه ،:rolleyes2:

والمشكله مافيه محلات سنعه والله ماقمنا نروح الا للمطاعم والسينما او نخلص كم شغله بالبنك ،

صحيح وانا شخصيآ اما امر عشان كيوتل او احد البنوك وعشانه قريب من مقر عملي

[سيف العشق]

لا يا اخي مين قال اني زعلت :) شفتي كيف مبسوطه
على ايش الزعل لا والله ما زعلت ولا يحزنون

الحمد لله :nice:

[سيف العشق]

محلات .. وخدمات .. وإداره للأسف دون المستوى
ويعود ذلك كله لصاحب الفكره .. ومن يديرها



بخصوص الشيخ قاسم .. لا تخليني أقول يزعل شيخنا
ولا في الخاطر كلام كثير ويعور القلب .. فالوالد ذاق الويل من وراء فتح محل هناك ..
وفشل فشلا ذريعا .. ومازال يدفع ثمن الغلطه .. والحمد لله رب العالمين







جملك الله برضى الرحمن



تحداني الزمن اتفق معك فيما ذهبت اليه في الجزء الاول

وبخصوص الجزء الثاني الله يعوض على الوالد ويرزقه رزقآ حلالآ مباركآ يعوض به

هذه الخساره ومثل مايقول المثل وانا اخوك في المال ولا في العيال

[سيف العشق]

الصراحه كلامك عين العقل يمكن لان المجمع كبير وايد فاضطروا انهم ياجرون المحلات على الي يبون

الصراحه مافيه ولا محل ماركه من الماركات المعروفه

يروحون يشوفون تصميم ونظافة ستي سنتر البحرين صج صج روعه

يسلمو على المرور شيز كيك وانا اقول روحي دبي مول اللي هو اكبر مول في العالم

وراح تشوفين شلون الماركات واستغلال المساحات وعدد المطاعم والمواقف وترتيبها

يعني المشكله ان الاداره اللي ماسكه المجمع احسن لها تمسك بسطه في القيصريه

او يستفيدون من ادارة اللؤلؤه اللي تفتح محل او محلين كل كم شهر بس شي راقي

وديكور محترم وماركات عالميه اول مره تنزل قطر وكثير من الماركات اول مره يفتح

في الخليج

[الصريحه]

السيتي صار لوعه اكثره اجانب هيص بيص
وخرابيط وقديم وبضاعه تعبانه

[سيف العشق]

السيتي صار لوعه اكثره اجانب هيص بيص
وخرابيط وقديم وبضاعه تعبانه

الصريحه شاكر لك مرورك الكريم

وبالفعل محلات اكل عليها الدهر وشرب

الناس تبي الجديد ماعاد تبي تسافر الدول المجاوره عشان تشتري الغير موجود عندنا

[كازانوفا]

الحمد لله :nice:

يرحمك الله :nice:

[ريماس الغلا]

صراحه لو يقفلونه وايد ابرك

[هجمة مرتدة]

الستي سنتر ناجح بكل المقاييس !!

حيث يستقطب عشرات الآلاف من "العمال" يومياً ..

ويتمركزون نصفهم حول محل الصرافة المقابل لكارفور

أنصح الشيخ فيصل بن قاسم آل ثاني بنقل الستي سنتر إلى المنطقة الصناعية لضم ما تبقى من عمال قطر !!







.

[الساهر 17]

للاسف اذا واحد بيفكر انه يفتح محل بالستي راح يفكر بس بالاجار كيف راح يدفعه لذلك ما نشوف اي تطور في مراحل نمو هالمكان المذكور لو يراعو الله في الخلق كان الدنيا بخير بس ايش تقول اخي الكريم في ناس ما همها الا سرقة جيوب النااااس
الله المستعان ...


الاخ/ كازانوفا معاك حق والله

[سيف العشق]

صراحه لو يقفلونه وايد ابرك

ههههههه ريماس الغلا مش لهالدرجه

موقعه في منطقة الابراج وبالقرب من الفنادق والكورنيش يجعل تواجده ضروري

بس الادارة تتغير والامور راح تتطور للأفضل

لأن اللي اعرفه ان ادارة المجمع من شركة الشيخ فيصل وهذا ماينفع لإدارة مجمع متعدد

الاغراض والخدمات

[£عبدالعزيز£]

ما انكر ان كلام راعي الموضوع والاعضاء المؤيدين له صحيح

بس انا عن نفسي افضل ان الستي يتم على الوضع الحالي .. ولا انه يصير نفس فيلاجيو واللاند

على الاقل الواحد يفتك من الاشكال اللي يشوفها في فيلاجيو واللاند واتوقع الكل عارف قصدي

وافتتاح سينما فيلاجيو خلى الستي يصير مجمعي المفضل لانه حتى الاشكال الغلط

اللي كانوا يجون الستي عشان السينما فتحوا لهم سينما فالمكان اللي يحبونه

وفكونا منهم :pioneer:

بتقولون لي الستي كله اجانب .. الاجانب اغلبهم محترمين

وفي المجمعات مافي فرق بين القطري وغير القطري لانها مفتوحة للجميع

انا عن نفسي ما ادش فيلاجيو او اللاند الا لو عندي شي اسويه

شزينه الستي قريب والزحمة اللي فيه ما تتقارن مع فيلاجيو واللاند :playball:

[a7medooo]

انا اؤيد كلام كاتب الموضوع والمشكلة في المحلات الداخلية الي فالممرات الداخلية صرت اشوف محلات سوريين مثل زون وصارو يوقفونك وعطنا دقيقة من وقتك ويلعوزونك ولو ما وقفت يسبون وفي محلات تبيع ماركات تقليييد وفي محلات تعبانة جدا والمواقف 24 ساعه زحمة وما تكفي مجمع بحجم السيتي وبعد كنت الاحظ صوب المطاعم الي عند الالعاب فوق دايما في ريحة خايسة ياريت يتحول لمجمع راقي لانه مكلف مليارات ومعلم كبير وموقعه مهم جدا وفي شي لاحظته فالمجمعات فيلاجيو واللاند انهم ام يدخلون العمال يعني لو شافو عمال بروحهم جايين ما يدخلونهم ويقولون لهم عائلات وهاي من العوامل الي ساعدت المجمعات في النجاح عدم وجود مظاهر للعمال

[بوحارب]

ياريت يوقفون المهزلة اللي تصير قدام كارفور بين فترة وفترة وكل يوم جايبين لنا فرقة مادري من اي بلاد وماعندهم الا الطبول والأزعاج :anger3:



واتمنى بعد ما يبالغون في الاسعار والسلعه ما تسوى اساسا مثل بدله ماكلتها بقرة ويبون يبيعونها 700 :rolleyes2: بحجه العلامه التجاريه

اما بخصوص انك ترسل رساله للاداره فكان لازم ترسلها بالانجليزي علشان صاحبنا سام الي كان في بلاده طرطور يفهم:nice:

هههههههههههههههههههههههههههاااااااااااايييي :yu:

[شمعة الدوحه]

ما انكر ان كلام راعي الموضوع والاعضاء المؤيدين له صحيح

بس انا عن نفسي افضل ان الستي يتم على الوضع الحالي .. ولا انه يصير نفس فيلاجيو واللاند

على الاقل الواحد يفتك من الاشكال اللي يشوفها في فيلاجيو واللاند واتوقع الكل عارف قصدي

وافتتاح سينما فيلاجيو خلى الستي يصير مجمعي المفضل لانه حتى الاشكال الغلط

اللي كانوا يجون الستي عشان السينما فتحوا لهم سينما فالمكان اللي يحبونه

وفكونا منهم :pioneer:

بتقولون لي الستي كله اجانب .. الاجانب اغلبهم محترمين

وفي المجمعات مافي فرق بين القطري وغير القطري لانها مفتوحة للجميع

انا عن نفسي ما ادش فيلاجيو او اللاند الا لو عندي شي اسويه

شزينه الستي قريب والزحمة اللي فيه ما تتقارن مع فيلاجيو واللاند :playball:


صدقت والله اخوي عبدالعزيز

السينما صارت وايد احسن في السيتي عن قبل ومافيها زحمه عقب ماافتحوا سينما فيلاجيو :thumbup:

بس اللي يضايقني بالسيتي ان العمال اكثرووووا وبزياده سواء ويكند او غيره مسببين زحمه وبالذات في كارفور والله كل مااشوفهم اقول شالسالفه اليوم يوم العمال العالمي من كثرهم :looking:

[قلم محايد]

لو يسوون تنظيم للباركات و المواقف لان وايد زحمة و الباركات ضجية و صغيرة

[شمعة الدوحه]

لو يسوون تنظيم للباركات و المواقف لان وايد زحمة و الباركات ضجية و صغيرة

قصدك لو يسوون نفس سوق واقف ساعتها ماراح تشوف زحمه داخل الباركنات :nono:

كل واحد يقضي شغله ويروح

الا الناس اللي يداومون هناك بيروحون فيها
:looking:

[hard to get]

سبحان الله
الحين الكل ينتقد الستي

الله يرحم ذيك الايام اول مافتح يوم حرق كل المراكز في قطر
وكانوا القطريين يمشون وفيه يوقولون
ده حلمنا طول عمرنا
ههههههههههه
تقبلوا تحياتي

[نسيم الروح]

للعلم الستي سنتر في موقع مميز حيث يقع بين فنادق خمس وسبع نجوم وايضا يقع بين شركات عالمية
فياليت الاهتمام بالمبنى والفاعليات التي تقام به

[شمعة الدوحه]

اذا تبوني اوصل الموضوع للاداره
انا مستعده اطبع الموضوع
بس حطوا لي الاقتراحات اللي تبونها وانا حاضره
:)

[سيف العشق]

اذا تبوني اوصل الموضوع للاداره
انا مستعده اطبع الموضوع
بس حطوا لي الاقتراحات اللي تبونها وانا حاضره
:)

اووووه طلعتي منتي بهينه ياشمعة الدوحه

انا ممكن اكتب لك المقترحات اذا فعلآ تعرفين احد من طرف الشيخ فيصل

[روضه الجنة]

قارنوا محلاتنا اللي عندنا والمحلاات اللي في الكويت والامارات والبحريين !! ولاا شي تحطييم اسواق قطر

[روضه الجنة]

الستي سنتر ناجح بكل المقاييس !!

حيث يستقطب عشرات الآلاف من "العمال" يومياً ..

ويتمركزون نصفهم حول محل الصرافة المقابل لكارفور

أنصح الشيخ فيصل بن قاسم آل ثاني بنقل الستي سنتر إلى المنطقة الصناعية لضم ما تبقى من عمال قطر !!







.

هههههههههههههههههههه بالضببببببط والله سييييد كامل عند الصرافة طابوور
وغيير العمال اللي فكارفوور احس اني فالهند لما ادخله :looking:

[شمعة الدوحه]

اووووه طلعتي منتي بهينه ياشمعة الدوحه

انا ممكن اكتب لك المقترحات اذا فعلآ تعرفين احد من طرف الشيخ فيصل

لا وين ياحظي مااعرف احد :playball:

بس رجلي ماخذه على مكاتبهم :yu:

يعني اكتبوا اللي تبونه وانا بوصله لهم عادي

ولاتقولي شاللي منقعج هناك سر :nono:

[سيف العشق]

لا وين ياحظي مااعرف احد :playball:

بس رجلي ماخذه على مكاتبهم :yu:

يعني اكتبوا اللي تبونه وانا بوصله لهم عادي

ولاتقولي شاللي منقعج هناك سر :nono:


انزين بطرش لك المقترحات وقولي السر وتراه في بير

[شمعة الدوحه]

انزين بطرش لك المقترحات وقولي السر وتراه في بير

اوكي بانتظار المقترحات اخوي

خلي الطابق مستور :no:

[صوت الضمير]

بصراحه الستي مافي محلات عدله

ودورات المياه .. كأنها في الهند موب قطر ..

غير الألعاب .. مافي مكان كبير للألعاب ..

نتمنى فعلاً تطويره..

من بعد ماافتتحوا فيلاجو ماعاد رحنا إلا له

بصراحه مكان نظيف وراقي ... ويستقطب كل الفئات العمريه

بالمرافق اللي فيه ..

أبداع

[شمعة الدوحه]

بصراحه الستي مافي محلات عدله

ودورات المياه .. كأنها في الهند موب قطر ..

غير الألعاب .. مافي مكان كبير للألعاب ..

نتمنى فعلاً تطويره..

من بعد ماافتتحوا فيلاجو ماعاد رحنا إلا له

بصراحه مكان نظيف وراقي ... ويستقطب كل الفئات العمريه

بالمرافق اللي فيه ..

أبداع


معاج في كل شي قلتيه

بس بعد راعوا المده الزمنيه بين المجمعين شوفوا السيتي من متى مسوينه

وفيلاجيو كم صار له ؟

[سيف العشق]

معاج في كل شي قلتيه

بس بعد راعوا المده الزمنيه بين المجمعين شوفوا السيتي من متى مسوينه

وفيلاجيو كم صار له ؟

شمعة الدوحه المدة الزمنيه مالها دعوه في ادارة مجمع تجاري

هذا كارفور فاتح في الستي وماتكلمنا عنه وفيه مجموعة من المحلات ماتكلمنا عنها

يعني القصد ادارة واعيه تعرف نوعية النشاطات التي يرغبها قطاع الجمهور

[الأصيلة]

اذا تبوني اوصل الموضوع للاداره
انا مستعده اطبع الموضوع
بس حطوا لي الاقتراحات اللي تبونها وانا حاضره
:)

أحلى مافي الستي سنتر
كثرة المصليات ..لكن تحتاج إلى إهتمام فهي قذرة..
وتحتاج إلى تغيير السجاد والإهتمام بدورات المياه...
المحلات التجارية بضائعها قديمة جدا وقد عفى عليها الزمن...
مافيه محل مميز أبدا ...
محلاات الملابس الجاهزة وبالذات ملابس السهره تعيسه للغاية..وكأنها في سوق شعبي
ياليت يطلبون منهم عرض الجيد من الملابس الراقية وينقلون هالملابس لسوق الخميس والجمعة لأن أسعارها غالية على الفاضي......
أحس شوي شوي بيصير مجمع عادي ماله أي أهمية بالنسبة لجودة المعروضات في المحلات التجارية...

صراحة خاطري تكون عندنا محلات مش موجوده في الخليج...

المطلوب التجديد والتغيير ...

[الشقيان]

حتى ياجماعه دورات المياة في الستي بجد تعبااااااااانة وحالت المجمع زباله
وثاني شي كل ماله ويقصقصون الممرات يسوون فيها محلات المواقف مشيناها لهم قامو يقصقصونها
والحين الله اعلم وين بتكون مواقف الفنادق الجديده الى بيبطلونها احذاه

:deal:

[سيف العشق]

أحلى مافي الستي سنتر
كثرة المصليات ..لكن تحتاج إلى إهتمام فهي قذرة..
وتحتاج إلى تغيير السجاد والإهتمام بدورات المياه...
المحلات التجارية بضائعها قديمة جدا وقد عفى عليها الزمن...
مافيه محل مميز أبدا ...
محلاات الملابس الجاهزة وبالذات ملابس السهره تعيسه للغاية..وكأنها في سوق شعبي
ياليت يطلبون منهم عرض الجيد من الملابس الراقية وينقلون هالملابس لسوق الخميس والجمعة لأن أسعارها غالية على الفاضي......
أحس شوي شوي بيصير مجمع عادي ماله أي أهمية بالنسبة لجودة المعروضات في المحلات التجارية...

صراحة خاطري تكون عندنا محلات مش موجوده في الخليج...

المطلوب التجديد والتغيير ...

الاصيله

سلمت يداكي على ما كتبتي

وبخصوص المحلات اللي غير المحلات اللي مش موجوده في الخليج انا ارى انها

موجوده في اللؤلؤه

يجب على ادارة الستي سنتر ان تراعي ظهور مجمعات ومراكز تجاريه منافسه

واللي انا اشوفه انها تركت منافسة المولات وراحوا ينافسون سوق الجبر والديره

وحتى سوق الخميس والجمعه