الرجاء منكم الدخول....والي عندهم فكره لايبخلون...

[strong woman]

السلام عليكم ورحمة الله وبركاته....حبيت أتأكد من موضوع والي جرب أو عنده فكره يريت يفيدني...

وموضوعي هو إني عندي خادمه أندونيسيه وأبغي أجيب وحده من أهلها للعمل عندي

كشغاله..بس تفاجأت بدال ما أدفع تذكرتها وأجيبها قالي مكتبهم في أندونيسيا أنه لازم يرسلها

لي عن طريق مكتب خدم في قطر ويقول غير كذا مافيه وهذا قانون جديد وحتى انه عطى

رقمي للمكتب هنا بقطر الي يتعامل معاه...وكلمني المكتب الي هنا" ورجعني على طير يلي"

وأنه لازم أجيبها بـ 7500 بضمان بـ 5500 ريال بدون ضمان..وهذا بدال ماكنت أدفع تذكرتها

بس..

مأدري هالسالفه فيها نصب من المكتبين هنا وهناك...وإذا كانت حقوق الخدم محفوظه

فبلادهم..ومن يحفظ حقوقنا بعد 3 شهور من جلب الخادمه نخسر 7500 ريال وفوقها تذكره

بعد...حسبي الله ونعم الوكيل

واذا فيه طريقه ثانيه أقدر أجيب الخادمه فيها إذكروها لي...والله متوهقه

[الدمعه]

اخبر يجيبونهم عن طريق السفاره ..

والله نهيبه لاباركت فيهم من نصابين ..

الله يكفيج شرهم ..

[كازانوفا]

صارت معاي وطلبو مني 1000 ريال عشان تسوي لها جواز سفر وطلبو مني اني اتعامل مع المكتب اللى راح يجيبها لي كلمت المكتب طلب منى 9000 ريال قلت لهم اني دافعه 1000 قلي ما لنا شغل في اللى دفعتيه
وراحت علي فلوسي وبالاخر شغل نصب حسبي الله عليهم

[بومحمد911]

جيبيها تاشيرة زيارة

وبعدين حوليها على كفالتك

ترا ماادري يصير ولا لا تأكدي

[umabdulla77]

اختي العزيزة
هذا الكلام صحيح للاسف لان انا عندي شغالتين من نفس الجنسية واهل
قبل كنت ارسل الفيزا والتذكرة وتييني لكن اندونيسيا لازم يطولونها وهي قصيرة يعني حتى لو بيسافرون اجازة اذا بيردون لازم عن طريق مكتبهم اللي هناك ويشفطون من هالمبالغ

اللي صار الحين انهم بيروحون بدون لايردون عقب 6 سنوات عمل عندي لظروف كل وحدة منهم
فقالوا لي احنا عندنا 2 من الاهل بنييبهم لج قلت خير وبركة لانهم ماشاءالله زينين واكيد كلهم نفس بعض
بس للاسف اللي صار انه لازم عن طريق مكتب نفس ماقالولج :(

اتمنى افدتج

[strong woman]

اخبر يجيبونهم عن طريق السفاره ..

والله نهيبه لاباركت فيهم من نصابين ..

الله يكفيج شرهم ..

مشكوره على الرد أختي وبشوف السفاره يمكن يفيدوني بحاجه

[strong woman]

صارت معاي وطلبو مني 1000 ريال عشان تسوي لها جواز سفر وطلبو مني اني اتعامل مع المكتب اللى راح يجيبها لي كلمت المكتب طلب منى 9000 ريال قلت لهم اني دافعه 1000 قلي ما لنا شغل في اللى دفعتيه
وراحت علي فلوسي وبالاخر شغل نصب حسبي الله عليهم

لا حول ولا قوة الابالله...بس 9000 ماكنها وايد عليها....يالله الله يعوض عليج حبيبتي

[strong woman]

جيبيها تاشيرة زيارة

وبعدين حوليها على كفالتك

ترا ماادري يصير ولا لا تأكدي


مشكور عالرد أخوي ...وبجيك على هالموضوع وبرد عليك

[strong woman]

اختي العزيزة
هذا الكلام صحيح للاسف لان انا عندي شغالتين من نفس الجنسية واهل
قبل كنت ارسل الفيزا والتذكرة وتييني لكن اندونيسيا لازم يطولونها وهي قصيرة يعني حتى لو بيسافرون اجازة اذا بيردون لازم عن طريق مكتبهم اللي هناك ويشفطون من هالمبالغ

اللي صار الحين انهم بيروحون بدون لايردون عقب 6 سنوات عمل عندي لظروف كل وحدة منهم
فقالوا لي احنا عندنا 2 من الاهل بنييبهم لج قلت خير وبركة لانهم ماشاءالله زينين واكيد كلهم نفس بعض
بس للاسف اللي صار انه لازم عن طريق مكتب نفس ماقالولج :(

اتمنى افدتج

أختي إذا لين ألحين ماجبتيهم فالوضوع هذا يفيدج أن شاء الله ولاتستعجلين..إن شوف ألي قالوه لنا ونستخير ونتوكل ...وتحياتي لج عزيزتي

[جوال 11]

مكاتب الخدم ما عندهم ناس تردهم عن الطمع والجشع وللعلم معظم المكاتب لوافدين ولكن وين حماية المستهلك وإلا شغلهم أسعار الشوربه والمحلبية وبس .

[بنت شيوخ]

اي نعم عن طريق المكتب

ومو لازم المكتب نفسه شوف مكتب تثق به وهو بيجيبها لك لان القانون لازم عن طريق مكتب

الله يوفقكم

[strong woman]

مكاتب الخدم ما عندهم ناس تردهم عن الطمع والجشع وللعلم معظم المكاتب لوافدين ولكن وين حماية المستهلك وإلا شغلهم أسعار الشوربه والمحلبية وبس .

الله يكون فالعون بس....القطري ينهشونه من كل صوب وأنت الصادق...ولا حياة لمن تنادي

تحياتي لك

[strong woman]

اي نعم عن طريق المكتب

ومو لازم المكتب نفسه شوف مكتب تثق به وهو بيجيبها لك لان القانون لازم عن طريق مكتب

الله يوفقكم

عزيزتي أول أنا woman

ثانيا أشكرج عزيزتي على مشاركتج موضوعي

ثالثا الي عرفته إن الخدامه تحتد وتروح المكتب في بلادهم بس إذا كان جوازها منتهي ولاتقدر

تجي الدوحه دايركت بدون مكتب بس طرشين لها تذكره وتجي إذا كان جوازها ساري المفعول

عشان كذا أنصحكم إلي بتروح خدامته ويبيها ترجع يجدد جوازها فالسفاره قبل ماتروح ولا بغت

تجي بس طرش لها تذكره...

[strong woman]

سبحان الله وبحمده

[strong woman]

سبحان الله وبحمده سبحان الله العظيم