المساعد الشخصي الرقمي

مشاهدة النسخة كاملة : متى تجي الفرصه وينزل سهم كيوتل



المخلب
16-02-2005, 09:43 PM
السلام عليكم

ملينا كيوتل كله فووووق نبيها تنزل نبي نشتري :eek:

مااايصيررر اذا دشوا الاجانب بعد كملت بيصير فووووووق ولا بينزل ابد !
:confused:

قطري
17-02-2005, 05:51 PM
عليكم السلام
اخوي كيوتل مفتوحة للعالم كله
وسهم كيوتل من اقوى الاسهم
صحيح ان بطيئ في الطلوع لكن هو وبنك قطر الوطني
يطلعون طلوع تدريجي الى الاعلى وفي وقت نزول السوق
نزولهم بسيط بالمقارنة بغيرهم
تحياتي لك

المخلب
17-02-2005, 08:23 PM
خوفي ياااخوي نشتري الحين ويطيح

وخوفي اهده ويرتفع فوووق واندم بعديين

وش الحل براييك ! :confused:

قطري
18-02-2005, 04:47 PM
سهم كيوتل يعتبر من الاسهم الموجودة في البورصة
ومثل هذه الشركات تسمى عالمياً بلو جب (بكسر الجيم وليس ضمه) لحد يفهمنا غلط :rolleyes:
وهذه الشركات هي الي تعتمد عليها الدولة في دخلها
هو سهم قوي مثل ماقلت لك بس في الوقت الحالي طلوعه ماراح يكون اقوي من شركات ثانية
يعني مع طلوع السوق لو وصلت كيوتل الى 300 تلاقي مثلاً المتحدة 75 لكن لو ينزل السوق بعدها
راح تلاقي كيوتل لو نزلت 290 وبلاقي المتحدة 60 او 55
اتمنى تكون فهمت قصدي
انا ماقولك بيع كيوتل واشترى متحدة هذا كان مثال عن الشركات الي تطلع بسرعة وتنزل بسرعة
اعطيك مثال على الاسهم الامريكية
يوم كان النازدك ايام عزه كانت شركة ياهو يتمشى بين 500-400
ومن ناحية ثانية شركة مثل شركة مثل ديل للكمبيوتر ولو انها مب بلوجب
كانت على سعر 40 تقريباً
يوم صارت ضربت الابراج وانهار السوق الامريكي وصلت ياهو الى 8 دولار
وديل 20 تقريباً على ماذكر
طعباً سوقنا مب مثل سوق امريكا لكن تقدر تقيس
والله يوفقك

sulai6i
18-02-2005, 04:51 PM
تصدقون عاد

انا بعت اسهم كيوتل على 59 ريال للسهم

عقب ما اكتتبنا فيه تم سعره نازل وخفنا وبعنا

ترى انا وين ما اطقها عوووووويه


ههههه


الحمدالله على كل حال

قطري
18-02-2005, 04:58 PM
اذا على التحسف خل اقولك عيل
انا كان عندي 10 الاف سهم للمتحدة بعتها على 21 وكنت فرحان :rolleyes:
وبعت كيوتل على 57 وكنت شاريها بـ 55 بس ايامها مافي الا 2 او 3 في البوصة
يكشون الذبان :D

sulai6i
18-02-2005, 05:02 PM
ههههههههههههههههههههه

ضحكتني والله يا قطري


بس الحمدالله .. عوضنا كل شي

الله يخلي لنا بومشعل .. ما قصّر والله

قطري
19-02-2005, 01:10 PM
الحمد لله على كل حالي
اخوي عوضنا ولله الحمد
الله يطول عمرك يابومشعل

سوبر سهم
19-02-2005, 03:33 PM
اخوي سعر كيوتل في سوقنا زين

ترى الناس اللي عندهم رقم مساهم مثلا في ابوظبي ودبي

يشترون من عندنا ويبيعونا هناك في نفس اليوم

:)