استحملوني

[$بنت شيوخ$]

معاليش استحمولني ابي اسوي شاي حمر يكون لذيذ دايما اطعمه في بيوت ناس عجيب وانا عندي ماينشرب بليز الي عندها خبره تنصحني وهل في نوع معين من الشاي يكون طعمه حلو وجزاكم الله خير

[اهل قطر]

سوي شاي العلب القديمه الحمرا
مكتوب عليه
خوش رنج خوش مزه
وعلى العلبه فوق سيفين ونجمه
حطي في الدله ثلاث معالق صغار وصبي فوقه ماي يغلي عدل لتر واحد وخلي يخدر عشر دقايق وصبيه

[روضه الجنة]

جربي معاة نعناع او شوية ماي ورد وزعفران

[$بنت شيوخ$]

وين احصله اقصد وين ينباع؟؟

[ذربة ألكلام]

أنشالله البنات يفيدونج لاني مثلج ماعندي خبره بالشاي الحمر :)

[روضه الجنة]

وين احصله اقصد وين ينباع؟؟

فالجمعية :victory:

[غاردينيا]

ضيفي ماي ورد وزعفران يعطي طعم حلو للشاي

[اهل قطر]

http://i7.photobucket.com/albums/y272/hediyati/mk107213_tea2.jpgوما انصحك بالمنكهات
عني احبه بس طعم شاي صجي

[هذلان]

يصير احنا الشباب نشارك :shy:

بما اني مدمن شاي حمر و كثير من الناس يمدح الشاي الي اسويه و الي يسوونه عندي في البيت .

ما استخدم الا نوعين من الشاي ١- ابوجبل ٢- الربيع

طبعا هو الشاي الخشن .. مش لبتون ولا الشاي البودره .

و الطريقه كالتالي

نغلي الماي و نحط عليه السكر بعد مايغلي (ملاحظه مهمه : بعد وضع السكر لاتخلين الماي يغلي ،، مجرد نص دقيقه عشان السكر يختلط و بس) و هذا عشان السكر اذا انطبخ يسوي طعم مختلف

ناخذ كميه من الشاي و نحطها في بياله فاضيه .. و الكميه على حسب حجم الدله .. مثلا نقول الشاي يكون ثلاث ارباع البياله
و نصب عليه ماي مغلي لين تنترس البايله و السبب هو غسل الشاي لانه يكون على الشاي بودره الشاي نفسه و هي تسوي مروره في طعم الشاي .

نصب الماي المغلي مع السكر في الدله
و نشخل الشاي الي في البياله بعد مايكون تنقع في الماي امغلي لمده دقيقه او دقيقتين ،، و بعدين نحط الشاي في الذله و نسكر الدله و بعد ١٠ دقايق بالكثير بيكون الشاي صبغ في الدله .

و بس :nice:

طبعا هذا الشاي مثل مايقولون شاي بيور لانكهات ولا ماي ورد ولا نعناع .. احب اشربه كذا
و ممكن نحط وياه الي نبي من نكهات

[AttractiveG]

انشالله يفيدونج البنات

[$بنت شيوخ$]

مشكورين وماقصرتو

[love life]

مشكورين

[aljaber1]

مافيه احلى ولا اجود من اليبتون
جربوا اول شيء بعد ان يغلي الماء
اضافة سكر حسب الرغبه بعدها ننتظر اقل من دقيقتينن
نصب الماء في دله وبعدها يوضع اليبتون في دله بدون تحريك
او حتى تحريك الدله بعد 3 دقائق يكون الشاي طعم واصبح لين
نحرك اليبتون من مرتين الى ثلاث ونخرجه وعليكم بالعافيه
جربوا ومو خسرانين شي وان شالله تضبط معاكم

[@فارس@]

اختي انصحج بثلاثة اشياء لان الشاي خبرتي من سنوات وتحدا حد يسوي شاي افضل مني


اول شي اختاري نوع الشاي وطبعا الناس اذواق فمثلا انا احب شاي الربيع والكبوس والوزة وشاي احمد الانجليزي وما انصج بالليبتون ابدا لانه اصبح تجاري وماله نكهة نفس زمان

ثاني شي فيه انواع للسكر للنكهات فيه سكر بالهيل وفيه بنكهات ثانية لو حبيتي تستعملين منه حتى لو وحدة اصغيرة واذا ما اتحبين فحطي مع السكر شي بسيط من الهيل المطحون ( كمية بسيطة جدا جدا ) يعني بصبعين تحطين وبس لتكثرين



ثالث شي حطي الماي على النار وحطي معاه السكر وعقب دقيقتين حطي الشاي عليهم ملعقة وحدة بس لان الشاي يصير اسود اذا كثرتي وطبعا حسب الكمية وخلي السكر والشاي يستوون مع النار لين يغلى الماي


وبالعافية اختي وجربي وعلى ضمانتي بتقولين شاي يفر الراس من حلاة الطعم

تحياتي

[alseef]

إن شاء الله يفيدونج البنات

[رمــش الغلا]

ماشاء الله على الشباب اطلعوا فنانين في الشاي
:nice:

[@فارس@]

ماشاء الله على الشباب اطلعوا فنانين في الشاي
:nice:

احم احم :shy:


اكيد ما يبيلها كلام :victory: