مايصير .. افتحوا نسبه الـ 10 % لين متى بنبقى كذا متخلفين !!

[المخلب]

السلام عليكم ..

والله للاسف العالم كله بصوب وبورصتنا بصوب ..

ان قلنا عنها زينه ومدحنا فيها .. ثاني يوم طايحه .. !

وان قللوا من مستواها و ضعفوا من قدرتها .. نشوفها ثاني يوم مرتفعه ..!

عكس العالم والناس .. !

عكس البورصات ..!

عكس عقارب الساعه ..!


الى يومنا هذا ..!

من سنه تقريبا ..!!

شريت المتحده للتنميه على 58 ريال قطري ..! بعد الاجتماع الي سووه السنه الماضيه وكان عليه اكتتاب ..

شجعوني .. ان ادخل في السهم ولكن للاسف مالي اكتتاب الى السنه القادمه .. !!

واليوم .. بعد السنه الكامله بالضبط ..

رجع السهم كيوم ولدته امه ..!

كيوم شريته ..

كيوم انا كنت فيه متحمس ان اشتريه ..!

بيقول البعض كان بعته على 90 ! في الصيف ..!!

بقول اي نعم غلطت !!

بس المشكله مو بس على المتحده ..!

المشكله بروصتنا من ذقنا طعم الخمسه بالمئه ..! واحنا من ضيق تنفس الى اضيق ..!!

وين الواحد اول يحس انه يربح ..!

الحين صرنا على النص ريال .. يرتفع نفرح ونستانس وننبسط لان حقق انجاز السهم بهذا الارتفاع ..

وللاسف ثاني يوم طايح ..

ياناس هل الكلام مو زين ..

الـ 10 % مطلوبه ..

ناس بتخسر اي نعم تخسر .. اصلا هم الحين في ايش ..!

في اكبر خساره ..!!!

يعني الخساره على لسان القطري والاجنبي الي ببورصتنا مالها طعم شئ روتيني ..!!

ليش كذا ..!!!

ليش المذله ذي ..

لا تقولي تحاليل تقول ان البورصه بعد مايفتحون النسبه بتنهار ..!!

ياخوك .. اكثر من الانهيار ذا مابنوصل وابصملك بعد..!

شمعنى السعوديه وقت الانهيار حطت النسبه .. !

والقرار جاء بشيل النسبه وارجاع ال10 %

شمعنى يعني .. هم يفكرون واحنا ننتظر حد يقرصنا ..

نزعل ان كرهوا القطريين البورصه ..

لش يابابا .. ليش تزعل اذا الاداره طالبه انك تكون زعلان اذا مو بكيفك غصبن عنك ..!


انا في اشياء ماكتبتها في كتابي ..

لكن شكلي بسوي الحين اكتاب يهز الكل هز .. !!

واولها الناس الي قدمت تقاعد .. والحين ناااادمه !

عبالهم التقاعد والتفرغ للبورصه بيفيدهم .. مسساكين ..

شفهم من مكان لين مكان يحوومون ..

واحد تحصله بسوق الحراج .. يدور كنب او سرير مستعمل من الفقر الي صاده من التقاعد والبورصه ..!

وواحد تشوفه في الشيشه يحرق بقلبه بالدخان .. لين مايموت ونروح نصلي عليه وندفنه بالمقبره ..

اصحوا .. النسببه لازم تنفتح .. خلاص كل شئ وصل حده ..!

خسايرنا زادت .. مايصير .. كذا نحطم نفسنا بنفسنا .. !!

[مضيع الجاده]

كلام جميل نبي النسبه عشره بالميه

[المسكين]

كلام جميل نبي النسبه عشره بالميه




وانا معاكم ال 10% مطلوبة جدا

واذا على الخساير اللي مو قد السوق لايدخل


السوق يبيله نفس طويل البورصه قبه يبيلها قاصه

واللي مايبي 10% يخلي نفسه سيب للغواص

[ابو البورصه]

كان الله بعونك اخي المخلب
ليس امامك سوى تأليف كتاب جديد :nice:
عموما
اتفق معك فيما قلت :app:

[مجداف البورصة]

أويد كلامك يالمخلب في رفع النسبة ال 10%، هذا اذا كان لاحد المسؤولين اذان صاغية ، وتهمة المصلحة العامة وليست الخاصة ، ولكن الملاحظ ان مايتخذ من قرارات ،ومايجرى عليها من تعديلات ، لا تخدم الا من تصل اصواتهم وتتفق مصالحهم مع المسؤولين.......؟!!!

[الزاجل]

طيب
السؤال اللي يطرح نفسه بعد إذن الجميع ..

شنهو الفرق ما بين 5% و10%
اذا السوق اصلا يتحكم فيه العرض والطلب والأيادي الخفية

فاللي يخسر بسبب 5% ممكن يخسر بسبب 10% وخسايره تكون مضاعفة !!

فممكن بعد إذنكم حد يشرح لي شنهو الفرق ما بين 5% و10%
واكون شاكر لكم

[بو شهاب]

اتفق معك اخوي المخلب في المطالبة برفع النسبة الى 10% ,

فوعي المستثمرين الان يختلف عن وعيهم في الوقت الذي طبقوا فيه

نسبة ال 5% .

[qatar_moon]

السلام عليكم ..

والله للاسف العالم كله بصوب وبورصتنا بصوب ..

ان قلنا عنها زينه ومدحنا فيها .. ثاني يوم طايحه .. !

وان قللوا من مستواها و ضعفوا من قدرتها .. نشوفها ثاني يوم مرتفعه ..!

عكس العالم والناس .. !

عكس البورصات ..!

عكس عقارب الساعه ..!


الى يومنا هذا ..!

من سنه تقريبا ..!!

شريت المتحده للتنميه على 58 ريال قطري ..! بعد الاجتماع الي سووه السنه الماضيه وكان عليه اكتتاب ..

شجعوني .. ان ادخل في السهم ولكن للاسف مالي اكتتاب الى السنه القادمه .. !!

واليوم .. بعد السنه الكامله بالضبط ..

رجع السهم كيوم ولدته امه ..!

كيوم شريته ..

كيوم انا كنت فيه متحمس ان اشتريه ..!

بيقول البعض كان بعته على 90 ! في الصيف ..!!

بقول اي نعم غلطت !!

بس المشكله مو بس على المتحده ..!

المشكله بروصتنا من ذقنا طعم الخمسه بالمئه ..! واحنا من ضيق تنفس الى اضيق ..!!

وين الواحد اول يحس انه يربح ..!

الحين صرنا على النص ريال .. يرتفع نفرح ونستانس وننبسط لان حقق انجاز السهم بهذا الارتفاع ..

وللاسف ثاني يوم طايح ..

ياناس هل الكلام مو زين ..

الـ 10 % مطلوبه ..

ناس بتخسر اي نعم تخسر .. اصلا هم الحين في ايش ..!

في اكبر خساره ..!!!

يعني الخساره على لسان القطري والاجنبي الي ببورصتنا مالها طعم شئ روتيني ..!!

ليش كذا ..!!!

ليش المذله ذي ..

لا تقولي تحاليل تقول ان البورصه بعد مايفتحون النسبه بتنهار ..!!

ياخوك .. اكثر من الانهيار ذا مابنوصل وابصملك بعد..!

شمعنى السعوديه وقت الانهيار حطت النسبه .. !

والقرار جاء بشيل النسبه وارجاع ال10 %

شمعنى يعني .. هم يفكرون واحنا ننتظر حد يقرصنا ..

نزعل ان كرهوا القطريين البورصه ..

لش يابابا .. ليش تزعل اذا الاداره طالبه انك تكون زعلان اذا مو بكيفك غصبن عنك ..!


انا في اشياء ماكتبتها في كتابي ..

لكن شكلي بسوي الحين اكتاب يهز الكل هز .. !!

واولها الناس الي قدمت تقاعد .. والحين ناااادمه !

عبالهم التقاعد والتفرغ للبورصه بيفيدهم .. مسساكين ..

شفهم من مكان لين مكان يحوومون ..

واحد تحصله بسوق الحراج .. يدور كنب او سرير مستعمل من الفقر الي صاده من التقاعد والبورصه ..!

وواحد تشوفه في الشيشه يحرق بقلبه بالدخان .. لين مايموت ونروح نصلي عليه وندفنه بالمقبره ..

اصحوا .. النسببه لازم تنفتح .. خلاص كل شئ وصل حده ..!

خسايرنا زادت .. مايصير .. كذا نحطم نفسنا بنفسنا .. !!


عيل شتقول لما تشوف خسايري

حسبي الله ونعم الوكيل

من افتحوا ال 5% والبورصه مب مترقعه

وطبعا احنا مالنا اي راي اذا تبون الصج

يعني من متى نتكلم ومحد يسمعنا او بالاصح يتصيمخون

انا عن نفسي اذا رجع راس مالي

بقول وداعا لبورصتنا وتوبه لانها اصلا ماتعتبر بورصه

وجدامي بورصة السعوديه او الكويت

[مجداف البورصة]

عيل شتقول لما تشوف خسايري

حسبي الله ونعم الوكيل

من افتحوا ال 5% والبورصه مب مترقعه

وطبعا احنا مالنا اي راي اذا تبون الصج

يعني من متى نتكلم ومحد يسمعنا او بالاصح يتصيمخون

انا عن نفسي اذا رجع راس مالي

بقول وداعا لبورصتنا وتوبه لانها اصلا ماتعتبر بورصه

وجدامي بورصة السعوديه او الكويت

المشكلة ان بورصتنا مقطوعة ولا أحد راضي يدعمها ، فهل ننتظر دخول مستثمرين من الخارج وتركهم لبورصاتهم المدعومه ، فإذا لم يتوفر الدعم ( كلنا ندور الشردة ، ونخليها للهوامير ياكلون بعضهم ...... حتى يحسون فيهم وينقذونهم ).

[المخلب]

صدقوني .. انا بالنسبه لي مافي شئ اخسره لاني بكل الاحوال خسارتي ماترقعت ..!!!

الــ 10 % يالحبيب يالي تسال وش بنستفيد .. !!

نقزت السهم بس تكفي ..!!

يعني الحين الكل يكاسر على ربع ريال, نص ريال, ريال ,خمس ريال ..

مافي مكاسره كبيره مثل اول .. يوم كان السوق بعزه شامخ راسه .. مايوقفه الا الله .. !

ان نزل نزلنا وياه وردينا رفعناه .. !

بس الحين ان نزل كلنا نزلنا معاه وماحد يرده ..!!

بالله عليك .. من استفاد بالخمسه بالميه ..!؟؟؟؟

من ..؟ ابي واحد حتى الهوامير ما استفاده منها .. بالبورصه ..؟؟

الكل شكوته لله .. على هل النسبه التعبانه ..!!

محد سال نفسه ليش بورصه قطر صارت بورصه الصيادين ..!!

كل من يقط الشبك يوم ويطلع من البحر اليوم الثاني ..!!

يعني صارت بورصه للمضاربه البحته ..!

ماقمنا نتنفس شوي الا وطحنا على خشومنا ..

كله بسبب الخمسه بالميه .. !!

من قبل شهر كان عذرنا ان فتحنا الــ10 % بيسبب تفليس لبعض الشركات .. !!

وبعض الشركات هذي <<< الي جالسين نتكلم عنها .. ان مااقدرت تحسن مستواها وتقوي من سهمها ماتنفع تكون شركه مساهمه .. ومن الافضل ان ترد للناس فلوسها وتسحب اسهمها ..!!


السوق خلاص مل من مسئله المضاربه الشقرديه ذي ..

اضربلك مثال احلى ..

اول يوم تشتريلك خمسين سهم وتبيعهم بعد ساعه بس تربح لك 1000 ريال ..!!

الحين لو تشتري نفس الاسهم ((50 سهم )) وتبيعهم بعد ساعه تربحلك 200 ريال بس !!

هذا ايش ..؟؟ شتسميه !! هذا مكسب بالله عليكم ..

فلوس غيار الزيت لسيارتي اغلى من هذا الربح .. ..!!

اذا انتوا قابلين بالخمسه بالميه ... !! اجل ليش تلومون الناس ان غيرت وطلعت من سوقنا على خسارتها وراحت سوق دبي او السوق السعودي ..

على الاقل هناك .. في اسبوع من الجلسات ..!! يعوضون خساره ست شهور في بورصتنا ..!!

بتقولي يالله قم مو عاجبك رح بورصتهم محد مااسكك .. !!

بقول افهم انا اروح وغيري يروح منو بيتم عندكم ...؟؟

بتقولي لا في ناس بتكون فاهمه وبتم ..!!

لا حبيبي .. مو علينا وانت (( الي جالس ترد علي .. )) انت بنفسك اول واحد بيشرد من السوق لما انا وغير يطلع ..!!

وبعدين بتجلس انت وربعك وتقول صغار المستثمرين هم السبب في انزال السوق ..

صدقوني .. صغار المسثمرين هم سبب رفع السوق ..!!! مو انزاله .. !!

لان الغني .. << والغنى لرب العالمين .. !! مايهمه نزل السوق وله طاح على وجهه !!

اما الصغير الي يصرف على نفسه وهله .. انسان طموح ...!! يسعي علشان يرفع السوق !!

يسعي علشان يخلي سهمه فوق فوق ..علشان يبي يبيعه ويصرف منه على عياله وعلى ابوه وامه ..

يبي يرفع السهم علشان يسدد دينه .. يبي يرفع السهم علشان يفتخر قدام الناس انا شريت السهم الفلاني بكذا ..

والحمد لله ان السهم ارتفع ..!!

مو مثل الهامور ... يدق رنه ..

ويقول للصبي ..

اقول خذلك مليون من حسابي واشتر الي قدام وجهك .. بدون ماتفكر ..!!

وبع ثاني يوم او ثاني ساعه ..!!

المهم ابي ااشوف المليون صاروا مليونيين ..

هذا هم الكبار ...

وذولك الفقاره .. ذولك الصغار ..!!

علشان تعرف قيمه الــ 10 % ..

وكتابي يا بو البورصه ببتدي اكتبه ..

والله يقويني ..

[الشرقاوى1]

السلام عليكم

إسمحوا لى يا إخوة أن أكون الرأى المخالف

أولا زيادة التذبذب 10% يجعلها بورصة مضاربة وليس إستثمار

ويجعل الهوامير هم سادة (حيتان) السوق اما المغامير .... سيخسروا نقودهم فى أيام خصوصا مع سلوك القطيع الموجود بالسوق والهلع عند كل هبوط

لو لاحظتم البورصات العالميه ستجدوا الشركات تزيد وتنقص بجزء من جزء من المائه بناء على النتائج وأخبار الشركات

اما عندنا 3 يوم لمت أب و3 لمت دوان بلاداعى.

أعتقد تقليل نسبة الهبوط لـ 2% والإرتفاع بـ 5% ..... وتحديد سقف سنوى لزيادة السهم وإنخفاضه (حد أعلى وأدنى) سيساهم فى ترسيخ السوق وثباته كسوق إستثمار وليس مضاربة

شكرا لصبركم

[M O 7 A M M E D]

السلام عليكم

إسمحوا لى يا إخوة أن أكون الرأى المخالف

أولا زيادة التذبذب 10% يجعلها بورصة مضاربة وليس إستثمار

ويجعل الهوامير هم سادة (حيتان) السوق اما المغامير .... سيخسروا نقودهم فى أيام خصوصا مع سلوك القطيع الموجود بالسوق والهلع عند كل هبوط

لو لاحظتم البورصات العالميه ستجدوا الشركات تزيد وتنقص بجزء من جزء من المائه بناء على النتائج وأخبار الشركات

اما عندنا 3 يوم لمت أب و3 لمت دوان بلاداعى.

أعتقد تقليل نسبة الهبوط لـ 2% والإرتفاع بـ 5% ..... وتحديد سقف سنوى لزيادة السهم وإنخفاضه (حد أعلى وأدنى) سيساهم فى ترسيخ السوق وثباته كسوق إستثمار وليس مضاربة

شكرا لصبركم


اخوي الشرقاوي انت تبي تكحلها عميتها ..

شنو 2% مع احترامي الشديد لك ..

الله يعينا ..

[الشرقاوى1]

اخوي الشرقاوي انت تبي تكحلها عميتها ..

شنو 2% مع احترامي الشديد لك ..

الله يعينا ..

أخى الحبيب

2% .... ستضمن لك نقودك وستمنع المضاربات العاليه على الأسهم بلا داعى .... لكن تذكر أن هناك 5% تنتظرك إذا إرتفع السوق .... يعنى معظم العام ستضمن ثبات المؤشر او صعوده

تحياتى

[سلطان]

أخى الحبيب

2% .... ستضمن لك نقودك وستمنع المضاربات العاليه على الأسهم بلا داعى .... لكن تذكر أن هناك 5% تنتظرك إذا إرتفع السوق .... يعنى معظم العام ستضمن ثبات المؤشر او صعوده

تحياتى

10% مطلب منطقي في ضل الاوضاع الحاليه , و5% تم تحديدها في ظروف معينه

السنه الماضيه , واعتقد تلاشت هذه الظروف , خاصه ان هناك العديد من الشركات ستبدأ

في التداول في بورصة دبي بنفس القيمة السوقية ومن المعروف ان بورصة دبي نسبة

الارتفاع والانخفاض 15% ولم تتغير هذه النسبة عندما كانت الارتفاعات كبيرة

وكذلك عند الانخفاضات . اما كلام الاخ 2% فمعناه اعلان تصفية نهائية للبورصة

[الشرقاوى1]

10% مطلب منطقي في ضل الاوضاع الحاليه , اما كلام الاخ 2% فمعناه اعلان تصفية نهائية للبورصة


التوقيع الشخصي لـ:سلطان

ان تقليل الخسائر الى الحد الادنى هام جدا اكثر من زيادة الأرباح

أخى توقيعك ماذا يقول؟

فلنأخذ الحكمة منه

[بـوصـالـح]

والله انا اشوف ال 5 % ما منها فايده


خلونا عال 10 % ابرك


يعني بدال ما ينزل السوق عشرة ايام (( ننزل 5 ايام ))

وبنفس الخساير


(( ولكن الوزير اعلنها بالمليان )) لا نية لرفع النسبه

[الرمز]

الله يكتب للي فيه الخير

[الشرقاوى1]

وليش مانسويها 2% هبوط و 88% ارتفاع

هل شايف انت هالشي منطقي يابو الشباب؟
:confused: :confused: :confused:

[كش ملك!!]

امسك مجنونك لا يجيك اللي اجن منه :)


خلونا على الخمسه


مافينا شده على خسارة العشره

[سلطان]

سوق دبي المالي يصنف سوق الأسهم إلى فئتي /الأكثر تداولا/ و/الأقل تداولا

دبي في 21 مارس / وام/ أعلنت إدارة سوق دبي المالي تصنيف سوق الأسهم إلى فئتين هما فئة الأسهم النشطة /الأكثر تداولا/ وفئة الأسهم غير النشطة /الأقل تداولا/ حرصا من إدارة السوق على ضمان سلامة التداول والتقليل من التغيرات غير المبررة على أسعار الأسهم ومؤشرات السوق في إطار قواعد جديدة ستطبق إعتبارا من بداية الشهر المقبل .

وتتميز فئة الأسهم النشطة بإمكانية تحرك أسعار التداول خلال الجلسة الواحدة بحد أقصى 15 بالمائة صعودا وهبوطا كما هو مطبق حاليا أما ما يتعلق بفئة الأسهم غير النشطة فيتم السماح بتحرك أسعار تداولها خلال الجلسة الواحدة بحد أقصى خمسة بالمائة صعودا وهبوطا.

وقالت إدارة سوق دبي المالي في بيان صحافي صدر عنها اليوم أنه سيتم مراجعة اختيار الشركات ضمن فئة الأسهم النشطة كل ستة أشهر ميلادية وفقا لمعايير عدة من ضمنها ألا تقل نسبة إجمالي حجم التداول على الشركة إلى إجمالي حجم التداول في السوق خلال الفترة محل التقييم عن واحد بالمائة أو ألا تقل نسبة إجمالي حجم التداول على الشركة إلى إجمالي القيمة السوقية للشركة في نهاية الفترة محل التقييم عن عشرة بالمائة .

وأضافت أنه يندرج ضمن هذه المعايير ايضا أن تكون الشركة مدرجة في سوق دبي المالي كسوق رئيسي وأن يمثل عدد أيام التداول على أسهم الشركة 50 بالمائة من إجمالي عدد أيام التداول خلال الفترة.

ونبهت إدارة السوق إلى أنه لا يجب أن يقل عدد عمليات التداول على أسهم الشركة خلال الفترة عن 150 عملية تداول وألا يقل عدد الأسهم المتداولة خلال الفترة عن 500 ألف سهم وألا يقل إجمالي قيمة التداول على أسهم الشركة خلال الفترة عن 100 مليون درهم.

ولفتت إلى أن أي شركة لا تنطبق عليها المعايير السابق ذكرها سيتم تصنيفها ضمن الشركات من الفئة غير النشطة .

وبالنسبة للشركات الأجنبية التي يتم إدراج أسهمها في سوق دبي المالي كسوق فرعي فيتم تداولها ضمن فئة الأسهم النشطة.

وأشارت إدارة سوق دبي المالي إلى أن القواعد السابق ذكرها سوف يتم البدء في العمل بها اعتبارا من يوم السبت الموافق الأول من إبريل المقبل .

وألمحت إلى أنها تدرس وضع حد أدنى لإجمالي عدد الأسهم المتداولة لأي شركة مدرجة خلال الجلسة الواحدة التي يترتب عليها احتساب سعر إغلاق جديد لسهم تلك الشركة.

وام/ ش ش / بس/ز 41 18

[شمعة الحب]

شفوا الامارات افتحت 15%ارتفاع5%نزول وخاصه للشركات لصغيره احنا يقولون القانون لايسمح.

[QGTS]

ياشين السياسه لادشت فالاقتصاد :looking:

ماعلينا ...


انا لا اتفق معك بخصوص رفع نسبة التذبذب الى 10 % لسبب بسيط

الا وهو مساعدة المضاربين للتلاعب بالسوق

ومثل ماحنا عارفين ان المضاربه اهي الي رفعت السوق فوووووق ونزلته تحت

واخرتها من الي استفاد ؟؟ المضارب :anger2:

ومن الي خسر ؟؟ المستثمر الي دخل السوق في وقت خاطئ وانغش في الاسعار الوهميه :eek3:


اعتقد هذي حقيقه الوضع الي صار

[المخلب]

ياجماعه .. اشكركم على النقاش البناء ..

ولكن ..

ان فعلا ابقت البورصه على 5% وزادت الطين بله بالـ 2 % (( كفكره من اخونا الشرقاوي .. )) اذا الله يكون بالعون ..

اخوي الشرقاوي ..


يمكن انت ماطبيت ووضعت فلوسك الا والبورصه نازله على الحديد ..

وبافتراضك هذي الفكره .. قد يفيدك شخصيا .. ويفيد كل من دخل البورصه بوقت الانخفاض .. (( الساحق ..!! ))

اما نحن .. وغيرنا من الخليجين والاجانب الذي دخلوا في بالضبط في شهر ثلاثه من السنه الماضيه !!

صدقني خسائرهم لم يعوضوها اطلاقا ..!!!


مثال حي ..!!

القطريين المساكين الي شروا سهم الصناعات على 250 ريال !! هل تعتقد ان بنسبه 5% راح يقدر يعوض !!

ابصملك كلا ... ولا يحلم ..

لان سوقنا صار للاسف سوق شك .. فالكل من اول ماايرفع سعر السهم ولو ريال يبيع ..!!!

وبكذا ماراح نستفيد ..!! لان الكل يخاف ان يضرب السهم لمت اب في نفس اليوم !! ويشتريه ويطيح ثاني يوم ..!

لان النسبه جعلته محبط !

وايظا مثال اخر ..

الاجانب والخليجيين ..

الي شروا سهم الناقلات على 70 ..!! <<< يوم عز السهم ..

بالله عليك بهذي النسبه بيقدرون يرفعونه الى نفس هذي القيمه ..!!

انت راقب السهم حاليا ! شف كيف السهم صاير متذبذب بين ال30 وال35 !!

لاتقولي للسهم مستقبل ومشعارف ايش ..

بقولك السهم له مستقبل كبير ..! ماختلفنا ..!! لكن نفسيه المستثمر تحطمت !

يعني كانه ماسوى اي شئ .. يشتري كميه ولو مليون سهم !!! ويرجع يبيعهم ربحه مايعد لهذا الشخص كربح حقيقي ..!!

لانه يقدر يروح بورصه دبي .. ويشتري سهم اعمار على سبيل المثال لا على سبيل الحصر ويبيعه ويطلع قيمه الناقلات ثلاث مرات ..!!!

واذا مو مصدق اسال الي شروا ..

اخي الكريم ..

نسبه الـ 10% لا تخوف حد ..!! كلها 5 + 5 = 10

يعني احنا لو علينا وبسبب خسايرنا نبي نطالب بــ 15 %

ولكن نقول اضعف الايمان .. والي مثل ماتقولون انه يكون لمت سيفتي .. نخليها 10 % ..

ماشوف فيها مضره .. ماشوف فيها شئ .. فلوسنا معلقه بالبورصه صارلها سنه تقريبا ..

نقدر نبيع .. ؟؟ اي نعم نقدر ..!! بس تبيني ابيع وانا خسران ابد ماسويها ..

انا جيت ودخلت فلوسي علشان استثمر مو علشان اخسر ..

اجل كان ابركلي حطيتها بعقار وله حتى اشتري شقه باللجون بلازا ابرك مليون مره من اني احبسها ببورصه احبطت تقريبا 80 % من المستثمرين ..


المسؤؤلين لازم يحسون .. رفع النسبه بصالح المواطن بالدرجه الاولى .. ومن صالح المستثمر القادم للدوله بالدرجه الثاني ..

وايظا لكي نري الدول الخليجيه على الاقل ( مانبي نوري العالم ) ان بورصتنا على قوتها وبترجع لايام الارتفاعات الشاهقه .. مو الانخفاضات المؤسفه .. للاسف طبعا ..!!

[أخلاق]

انا واثق انها ستأتي .. ولكن ليس الان .. تطالبون بها لن تأتي ولكن ستأتي على حين غفلة .

ستأتي نسبة التذبذب 10% .. واثق كل الثقة

لأن الوضع سيفرض ذلك لاحقا ومستقبلا في الطفرة القادمة لسوق قطر

في عز النزول اقول سوق قطر مقبل على طفرة .. شفتوا الجنون ..!!!

[qatar_moon]

يالمخلب ايش اترجى بعد

خلاص مافي امل

انا منك اذا عندي بقايا فلوس اروح بورصه ثانيه

والاسهم الخسرانه اصبر عليها بعد شنسوي

[المخلب]

لالالالالالالالالا


الحال كذا صاير ما ينبغى ..

افتحوا النسبه .. ضاقت الدنيا علينا

خسايرنا ولعت ..

مانقول الا حسبي الله هونعم الوكيل ..

[الجزيرة]

وانا معاكم ال 10% مطلوبة جدا

واذا على الخساير اللي مو قد السوق لايدخل

[امير الاسهم]

والله لو يخلون النسبه 100% يكون ابرك على الاقل الواحد يبيع ويشتري على راحته مو على حسب التسعيره

[المترجم]

انا معاك 100%

[Abu Omar]

فعلا نسبة ال 5 في المائه قاتله لأي ارتفاع
وان كانت تحقق نوع من الامان المفقود ولكن
10 في المائة ستجل الجميع يتمنى تحقيق مكاسب اعلى وخاصه من خسر امواله العام الماضي
لانه عن طريق النسبة الحاليه لن يعوض خسارته ابدا
ولكن 10 او 15 في امائه سيقدر على التعويض

وصراحه انا افكر استثمر في بورصه دبي
ش

[JULY]

10 % يبغالها مضاربين كبار وسيوله قويه ومحافظ ايضا ويبغالها سيوله كبيره


عشان تسند السهم وتدعمه في الصعود وتسنده في النزول .

السوق للاسف لا يوجد فيه سيوله كبيره ولا محافظ قويه ولا مضاربين يسعون للاستفاده وفائده الناس معهم

ولكنهم يستفيدون لانفسهم فقط .

في هذه الايام بمجرد انك ما تشوف السهم نزل حتى 1 % تجد العروض انهاالت عليه حتى يغلق على اللمت

داون ... تخيل لو كانت النسبه 10% كان السهم تلاقيه وصل الحظيظ .


10 % تحتااج الى سوق يكون فيه وعي كبير لدى المستثمرين ويعرفون ان السهم اذا نزل الى حد معين

يكون للشرااء ويبداون في الشراااء عليه حتى يسندوه من الانهيار .

10% تحتااج الى سوق لا يعرف البيع والشراء الجماعي .


لو توفرت كل الوسائل اللي ذكرتها فان نسبة 10 % تكون لها اكبر ايجابيه في السوق وربما تعطي

كل الشركات حقها ولا تظلم اي شركه .

[الشرقاوى1]

ان فعلا ابقت البورصه على 5% وزادت الطين بله بالـ 2 % (( كفكره من اخونا الشرقاوي .. )) اذا الله يكون بالعون ..

اخوي الشرقاوي ..


يمكن انت ماطبيت ووضعت فلوسك الا والبورصه نازله على الحديد ..

وبافتراضك هذي الفكره .. قد يفيدك شخصيا .. ويفيد كل من دخل البورصه بوقت الانخفاض .. ((الساحق ..!! ))

اما نحن .. وغيرنا من الخليجين والاجانب الذي دخلوا في بالضبط في شهر ثلاثه من السنه الماضيه !!

صدقني خسائرهم لم يعوضوها اطلاقا ..!!!


مثال حي ..!!

القطريين المساكين الي شروا سهم الصناعات على 250 ريال !! هل تعتقد ان بنسبه 5% راح يقدر يعوض !! ابصملك كلا ... ولا يحلم ..

لان سوقنا صار للاسف سوق شك .. فالكل من اول ماايرفع سعر السهم ولو ريال يبيع ..!!!



أخى الحبيب المخلب

أحبائى الأعضاء

أولا شكرا للجميع على هذا الموضوع الشيق وبالتبعية لكاتبه.

صحيح اخى الحبيب أنى دخلت السوق متأخرا إلا أننى مازلت أعانى من خسائر صحيح ليست مثل ماذكرت لكن """خسائر""" طبقا لإمكانيات العبد لله

والحمد لله إستطعت تقليلها عن طريق بعض المضارابات اليومية بحوالى الثلث وفى حدود 4% كحد للبيع والشراء.

إلا أننى كنت سأستفيد اكثر لو كانت 10% يوميا مستغلا سلوك القطيع المعمول به فى السوق

لكن

ليس من مصلحة الجميع التذبذب العالى
فرغم دخولى السوق حديثا إلا أنى إستطعت دراسته بشكل يعتبر جيد إن شاء الله

عليك أن تتابع سلوك الهوامير خلال صفحة التداول لتعرف أن الـ 10% ستجعلنا نبيع ثيابنا

لو أراد الشراء:

يضع 10000 سهم بيع عند متوسط معين .... كل من يريد البيع يضع أقل منه .... فيشترى هو (أو هم) من الجهة الاخرى بأقل من سعر عرضهم.

لو أراد البيع:

يضع 10000 سهم شراء بسعر عالى (حوالى 3% عن إغلاق امس) فكل من يريد الشراء يضع سعر أعلى منه وبيع هو من الجهة الأخرى.

فمن يملك مثل هذه السيولة ليفعل ذلك؟

لنحمد الله على مانحن فيه ونأمل فى إرتداد بطئ للسوق

ونسأل الله تعالى أن يعوضنا خيرا منها.

[المخلب]

شكرا على الردود .. واكرر اختلاف الاراء بناء وفي مصلحه المواضيع .

والله يكون بالعون ..