المدير لازم يكون قدوه خير للموظفين؟ ولا العكس!!(القومسيون الطبي)

[مهندس زمانه]

جاري اليوم كان متضايق جدا" لموضوع حصل لرضيعته بعد تفنيشها من وظيفتها.

القصه بين مدير في القومسيون الطبي وموظفه قطريه

ماذا حدث:
-المدير دش عليهم قسم النساء وكلم الموظفه : ابيج تروحين تشتغلين قسم الرجال.
-الموظفه: انى اتفاقي معاكم اشتغل قسم النساء بس وريلي مايسمحلي اشتغل قسم الرجال.
- المدير: هذا رفض للاوامر؟
-الموظفه: اخوي انى من اول ماداومت هنيه ماتاخرت دقيقه على الدوام واسال صديقاتي الي معاي هنيه.واي اوامر عندك في قسم النساء من حقك علي انفذها.
- المدير عصب واستغل عدم اتمام البنت لفتره ثلاث شهور وراح كبر الموضوع عند مديره الي فوقه ورفع كتاب وفنشوها بكل سهوله كانه رافض اي حد من العماله الي يسقطون في الفحص.

عندي بعض الاسئله لمديرنا الفاضل" الي مفروض يكون قدوه لبناتنا وخواتنا الي امانه عنده وتحت ادارته".

- هل البنت غلطت برفضها الشغل قسم الرجال؟ واذا هالشي عادي عندك, هل ممكن تسمح لرجل الشغل قسم النساء؟

- هل انت مستحضر الامانه الي انت مسوؤل عنها يوم القيامه يوم حاولت انك تجبر هالاخت على شي مخالف لمبادئها؟

ملاحظه صغيره يامديرنا : مهما راح يكون الانفتاح في قطر الغاليه, اهل قطر لن ولم تتغير عاداتهم حتى لو دخل عليهم الاف الناس امثالك الي معروفه نوايهم في زرع التفرقه والعنصريه. وان غدا" لناظره لقريب.

شنو رايكم اخواني/اخواتي الاعضاء شقول لجاري وشنو اشور عليه. لانه ناوي يوصل الموضوع لحقوق الانسان والوزير.

انتظر ردودكم.

[روح الاطلس]

من حقه يرفع شكوى وتظلم

[ضوى]

اذا كان الاتفاق انه تشتغل في مكان نساء وفيه شئ مكتوب بذلك هالمدير مايقدر يجبرها ، اما انها تحت

التدريب ووقعت على الوصف الوظيفي اللي انا متأكدة انه مش مكتوب انه راح تكون بمكان مخصص للحريم

خليها تروح للوزير عل وعسى ينفعها

[Right]

مهزلة قمة المهزلة

حرام عليه قطع رزقها

" قطع الأعناق ولا قطع الأرزاق "

المفروض منها ومن ريلها وأخوها ما يسكتون على الموضوع

" ما ضاع حق وراه مطالب "

والحق معاها: البنت ما تبي تشتغل بقسم الرجال وهي متفقة معاهم على هالشئ

هذي أشكال مدراء يحطونهم بالهالمناصب !!!

[ALHAJAJI]

اخوي بارك الله فيك , اشدخل التفرقة العنصرية في الموضو ا, وثاني شئ انت ما سمعت الكلام الا من طرف واحد وما تعرف جهة العمل شنهي حجتها.



ورمضان كريم للجميع

[قطرية فذة]

عادي تصير مثل هذه الامور واقع مرير

[MoneyMaker]

اذا كان طرحك للموضوع بهالاسلوب
نصيحتي تخلي (شورك وسط زورك)

[CH Engineer]

ليش ماتروح تكلم مدير القومسيون الطبي وتشرح له سالفة هالمدير
يمكن يتفهم الموضوع..

[بنت ابوها 19]

اذا كان طرحك للموضوع بهالاسلوب
نصيحتي تخلي (شورك وسط زورك)

شدخل الحين

مثل قايلينه ببالبرنامج امس وخاطرك تكتبه للرجال

شفيه سلوبه والله مافيه شي

بدال ماتدعي للبنت ربي يهون عليها ويرزقها بالي احسن

جاي تلوم الرجال على طريقة سلوبه

شنو بس الناس خاطرها تنتقد ..؟؟؟

[الكونغرس]

ادعو الله ولاتطلب الا الله انت في الشهر المبارك

[لاجئ عاطفي]

من الافضل انها تقابل المدير العام للقومسيون واكيد راح يتفهم الموضوع ولكن انهاء خدماتها بهالطريقه غلط لان هناك طرق اخرى للعقاب كالخصم والايقاف عن العمل كذا يوم ولكن فصل هذا شيء مرفوض رفضا قاطعا خصوصا للقطريين

[هند88]

ماعندها سالفة لو اسكتت عنهم
بكيفة يفنشها هي قطرية ومو من حقه يفنشها مني والطريق.. ناس ماتدوام خير شر ومايقدرون يفنشونهم
واصلا القمسيون بكبره يبليه اعادة نظر:omen2:
وايد اعرف بنات يتشكون من النظام اقصد عدم النظام المتبع عندهم
:omen2:
الجامعيه تشتغل شغلة الاعدادية والعكس

[الصريحه]

اذا كان طرحك للموضوع بهالاسلوب
نصيحتي تخلي (شورك وسط زورك)

ردك غريب
وخاطئ للاخ
وللاخ صاحب الموضوع معاك كل حق واحنا لازلنا في كل امكان من عملنا نرفض الاختلاط
والاولى به كان يروح يوظف واحد في قسم الرجال اذا كانوا بحاجه موظفين
ويخلي قسم النساء لهن
قوله يشتكي ويهددهم يفضحهم في الجرايد
سبحان الله الجرايد صارت تسوي سواييا اكبر من المسؤولين
والله يوفقها وتلاقي الوظيفه اللي ترتاح لها

[مهندس زمانه]

الصراحه اشكر كل من عنده غيره ومحبه لاهل قطر وتفاعل مع الموضوع. والله اكثر الردود اثلجت الصدر وتعكس الخير الموجود عند الناس ومحبتهم للخير لبعض. ووصلني بعض الكلام الطيب الصراحه من الناس القيادين في البلد جعلني فداهم انهم تفاعلوا مع الموضوع واستنكروا طريقه تفنيش بنت من بناتهم في وزاره من وزاراتهم. الحمدلله البلاد بخير واهلها بخير.ووصلت بعض الاتصالات لشخص والموضوع ان شاء الله بيخلص بقدره قادر....

[Right]

اذا كان طرحك للموضوع بهالاسلوب
نصيحتي تخلي (شورك وسط زورك)

!!!!!!!!!!!!!!!!!!!!!!!!!!

[MoneyMaker]

شدخل الحين

مثل قايلينه ببالبرنامج امس وخاطرك تكتبه للرجال

شفيه سلوبه والله مافيه شي

بدال ماتدعي للبنت ربي يهون عليها ويرزقها بالي احسن

جاي تلوم الرجال على طريقة سلوبه

شنو بس الناس خاطرها تنتقد ..؟؟؟

يخوفي بس حتى الامثال تصير حقوق محفوظه,مالومش ماتدخلين مجالس.
التشهير بمدراء اكفاء او جهة عمل اختي شي احنا مانرضاه وشي يولد العنصريه بين ابناء البلد,
اذا كان لجارته حق تروح تكتب كتاب تظلم وهالشي متبع وكل الناس تعرف فيه.
اما اني اروح افتح موضوع واذكر الجهه والمكان واخرتها صدقيني من تجربه الموظف يطلع الغلطان.
هالشي راح يولد احباط للموظفين في تلك الجهه ويخليهم يحسون بعدم استقرار ويقلل من ال motivation والانتاجيه في العمل.

[جوال 11]

ترفع تظلم في الوزارة ضده حتى تأخذ حقها منه وإذا تعثرت شكواها تلجا الى المحاكم وترفع عليه قضية وعلى وزارته ولا تتركه يرتاح في عمله

[miss cute]

يخوفي بس حتى الامثال تصير حقوق محفوظه,مالومش ماتدخلين مجالس.
التشهير بمدراء اكفاء او جهة عمل اختي شي احنا مانرضاه وشي يولد العنصريه بين ابناء البلد,
اذا كان لجارته حق تروح تكتب كتاب تظلم وهالشي متبع وكل الناس تعرف فيه.
اما اني اروح افتح موضوع واذكر الجهه والمكان واخرتها صدقيني من تجربه الموظف يطلع الغلطان.
هالشي راح يولد احباط للموظفين في تلك الجهه ويخليهم يحسون بعدم استقرار ويقلل من ال motivation والانتاجيه في العمل.


شكلك من ذاك الصوب >>>> من القمسيون الطبي

حرام عليكم رجع البنت يعني غصب تشتغل فمكان فيه ريايل ليش من متى القطاعات تكون مختلطه عند اهل قطر

فكر بالموضوع ورد البنت لشغلها >>>عشت الدور انه منهم

انا اقترح واقتراحي اكيد مفيد مافي شي هاليومين ايي بالطيب وللبيب بالاشاره

[رجل الجزيرة]

القانون واضح وهو:

إذا الموظفة كتبت كتاب بعدم العمل في قسم الرجال ووافق عليها فمن حقها تحاجه.

[بوجاسم 999]

على فكره هاي السالفه مبالغ فيها وسبب الفنش ماله خص كلش في الي انقال

[مهندس زمانه]

:weeping::omg::weeping:

[جبل]

السلام عليكم ورحمة الله




يا اخوي ياريت تتأكد من المعلومات اللي قلتها في موضوعك

لان هالكلام ما يدخل العقل يفنشها لاناه رفضت تشتغل في مكان فيه خلط بين الرجال والنساء !

وبعد ما اعتقد ان في عقود العمل التابعه للوزارات فيه شي ينص الى ان الموظفه تشتغل في قسم كله سيدات !

ياريت تتأكد من معلوماتك

وياريتك بعد ما حطيت اسم المكان !

لان هالموضوع ممكن يسبب مشكله للموظفه نفسها !


وان شاءالله يكون سوء فهم وتعود المياه لمجاريها وترجع الموظفه لمكان وظيفتها معززه مكرمه مهما صار هي بنت البلد .

[مهندس زمانه]

السلام عليكم ورحمة الله




يا اخوي ياريت تتأكد من المعلومات اللي قلتها في موضوعك

لان هالكلام ما يدخل العقل يفنشها لاناه رفضت تشتغل في مكان فيه خلط بين الرجال والنساء !

وبعد ما اعتقد ان في عقود العمل التابعه للوزارات فيه شي ينص الى ان الموظفه تشتغل في قسم كله سيدات !

ياريت تتأكد من معلوماتك

وياريتك بعد ما حطيت اسم المكان !

لان هالموضوع ممكن يسبب مشكله للموظفه نفسها !


وان شاءالله يكون سوء فهم وتعود المياه لمجاريها وترجع الموظفه لمكان وظيفتها معززه مكرمه مهما صار هي بنت البلد .

فعلا" كلامك صحيح اخوي جبل هاللكلام مايدخل العقل، ولانه مايدخل العقل انا كتبت هالموضوع في المنتدى. اخوي والله العظيم هذا الي صار بالضبط.

ازيدك من الشعر بيت، راحت تداوم بعد هالمشكله على اساس انه الموضوع انحل عن طريق مساعد الامين العام الفاضل، تخيل شنو قال لها المدير!؟

قالها ماعندي لج مكان الا قسم الرجال، وسط الرياييل!!!!!؟ المدير القدوه يحط راسه من راس موظفه عنده ويبيها تدوام مع الرجال او يفنشها!!!!؟

{من حقه ينفشها في حاله وحده اذا الوزاره صارت له وباسمه<بينك وبينك شكلها صارت هالشكل لانه موظف زوجته وقرايب زوجته في نفس المكان الي هو فيه وعليهم بالعافيه وان شاء الله يتهنون. بس لا يظلم بنات هالقطر:anger3:>}

كل شخص عنده مبادئه الي يمشي عليها ويجب علينا انه نحترمها ومانولي ذراع النااس لفعل العكس. هالموظفه ماتبي تشتغل قسم الرجال وخلاص.

والموظف اذا مب مرتاح نفسيا ماراح ينتج في دوامه.

وياليت حد يروح ويسال الموظفات الي كانت معاهم شلون هالموظفه كانت مجتهده ولا عمرها غابت ولا تاخرت عن الدوام.لاحول ولا قوه الا بالله. ياويل كل من ظلم انسان من غير سبب وحسبنا الله ونعم الوكيل.