شرح الحصول على عنوان للشراء من uk , usa عن طريق أرامكس

[الحجاجي]

السلام عليكم ورحمه الله وبركاته .

كثير منا يرغب بالشــراء عن طريق الأنترنت ..

ولكن المشكلة الكبرى التي نواجها في الشراء من الأنترنت
أن بعض المواقع لا تدعم الشحــن لخارج البـلد الذي منه الموقع ..

أو ان الموقع يشــحن مجاناً لداخل الدولة مثلاً ..

وأكبر مواقع الشراء في أمريكا وبريطانيا ..
تشحـن مجاناً لداخل الدولتين ..

لذلك كان ولا بد لنا من الحصول على عنوان هناك ..

وكان الحل .. عن طريق شركـة الشحن " ارامكس "
الي توفر للشخص عنوان افتراضي ..
وبقيمة 127 ريال مدى الحياة .. مرة واحــدة لكل من

بريطانيا وأمريكا مع بعض ...

/

/


من ثم تكون الخطوات كالتالي ..

نطلب من خلال الموقع على عنواننا الخاص بارامكس في بريطانيا أو امريكا ..
ومن ثم الشركه بدورها تقوم بارسال الشحــنة للبلد اللي فاتحين الحساب منه ..


اذا فاتح حساب ارامكس من قطر / يرسلون الشحنة لقطر //

وهكذا ..

ولكن .. المشكلة في كيفية تعبئة بيانات العنوان ..
بالشكل الصحيح ..

حتى يتم قبول الطلب ..

إليكم صورة توضيحية لذلك ..


صورة توضح كيفية تعبئة بيانات عنوان أرامكس عند الشراء
من بريطانيا ...

http://www.alhajjaji.net/sp/wp-content/uploads/2010/08/address_in_UK.jpg



وأيضاً طريقة الطلب من المواقع الأمريكية ..
والشحن لعنوانك الخاص بارامكس هناك ...

إليكم صورة موضحه كيف تحطون بيانات عنوانكم الخاص بأرامكس
الموجود في امريكا ...

http://www.alhajjaji.net/sp/wp-content/uploads/2010/08/address_in_USA.jpg


أكبر مثال .. هو طلب الأعضاء الأيفون 4 عن طريق الأستور البريطاني
والطريقة مشروحه هـــنا ..

http://www.qatarshares.com/vb/showthread.php?t=379565



في الآخير تمنياتي لكم بالتوفيق
اخوكمـ
الحجاجي

[aljwwal]

السلام عليكم اخوي

يعطيك العافية على هذا الشرح الرائع.. بس بغيت اسألك كم سؤال ما عليك امر

الحين بالنسبة للعنوان البريطاني.. نكتب في المربعات الثانية نفس المعومات الموجودة في الصورة؟؟؟ انا اقصد المربعات الي مس محددة بالاحمر..

وبالنسبة ـ post code.. هل نكب نفس الي في الصورة؟؟ ولا لازم ناخذ المعلومات من شركة الأراميكس؟؟

وبالنسبة لبريد شركة الأراميكس..انا سمعت من واحد من ربعي انك لما تطلب من بعض الشركات..يرسلون لك الغرض ومعاه مثلا مجلة او ثنتين.. وبعدها يصيرون يرسلون لك بشكل دوري.. على حسب اصدارات الشركة.. والمشكلة الاكبر انهم على ما اتوقع يبيعون بريدك لشركات ثانية.. فانت تحصل الارامكس اسبوعيا مطرشة لك مجلات واغراض انت بالاساس ما طلبتها ولا تبيها.. وكلها وزن على الفاضي ولازم تدفعه.. انا الي اقصده انه على ما فهمت منه.. ان اي شيء يوصل لبريدك يرسلونه على طول من دون ما يشيكون عليه "ما عندهم نظام فلترة) فهل هذا الكلام صحيح؟؟ طبعا انا غالبا ما بشتري الا من امازون والاي باي.. فهل صارت معاك مثل هالحالة من قبل؟؟

واسمحلي على الاطالة

[الحجاجي]

السلام عليكم اخوي

يعطيك العافية على هذا الشرح الرائع.. بس بغيت اسألك كم سؤال ما عليك امر

الحين بالنسبة للعنوان البريطاني.. نكتب في المربعات الثانية نفس المعومات الموجودة في الصورة؟؟؟ انا اقصد المربعات الي مس محددة بالاحمر..

وبالنسبة ـ post code.. هل نكب نفس الي في الصورة؟؟ ولا لازم ناخذ المعلومات من شركة الأراميكس؟؟

وبالنسبة لبريد شركة الأراميكس..انا سمعت من واحد من ربعي انك لما تطلب من بعض الشركات..يرسلون لك الغرض ومعاه مثلا مجلة او ثنتين.. وبعدها يصيرون يرسلون لك بشكل دوري.. على حسب اصدارات الشركة.. والمشكلة الاكبر انهم على ما اتوقع يبيعون بريدك لشركات ثانية.. فانت تحصل الارامكس اسبوعيا مطرشة لك مجلات واغراض انت بالاساس ما طلبتها ولا تبيها.. وكلها وزن على الفاضي ولازم تدفعه.. انا الي اقصده انه على ما فهمت منه.. ان اي شيء يوصل لبريدك يرسلونه على طول من دون ما يشيكون عليه "ما عندهم نظام فلترة) فهل هذا الكلام صحيح؟؟ طبعا انا غالبا ما بشتري الا من امازون والاي باي.. فهل صارت معاك مثل هالحالة من قبل؟؟

واسمحلي على الاطالة

السلام عليكم
مرحبا اخوي ..

يعطيك العافيه ..

تعبي البيانات نفس اللي في الصورة بالضبط ..
بعدها تفتح معلوماتك المرسلة من ارامكس وتقارن ..
التغيير بيكون في
الأسم
رقم صندوق البريد اللي يجي بعد كلمه DOH

وفي حالات يتغير رقم البوست كود post Code

لان في بريطانيا عندهم مقرين ..
بس الأغلب يكون على SL3 0NS

بس ما يمنع أذا موجود عندك غير
تغير في نفس الخانه بس ..

............................

اما عن نظام الفلترة ..
عيب ارامكس الوحيد .. عكس الـ DHL

انه ما عندهم نظام تحكم في الشحنات ..
يعني تخيل انك اشتريت قلم ..

على طول بس يوصل صندوقك / يرسلونه لك الدوحه ..

وهالشيء يعتبر مكلف لان النص كيلو بـ 39 ريال ..
سواء وصلت النص ولا ما وصلته ..

/

عكس شركه الـ DHL
عندهم بس صندوق لامريكا بس ..
ولما تشترك تختار
تبي نظام الشحن اتوماتيك ..
ولا أنت تجمع الشحنات وتقرر متى ترسلها..

وهالشيء الحلو عندهم
يعطيك فرصه تشتري كذا شغله ولين تشوفهم يستاهلون الشحن
تشحنهم متى ما تبي ..

/


اما عن سالفه المجلات
ماعتقد ..
لانهم يدرون أنك ماراح تدفع ..
وما يقدرون يجبرونك أنك تدفع اذا ما طلبتها ..


وما سمعت بهالشيء ..

يمكن بعض الأخوان القدامى يفيدونك ..

وحياك الله

[aljwwal]

جزاك الله خيرا اخوي على التوضيح

[الحجاجي]

جزاك الله خيرا اخوي على التوضيح

ويجزاك الخير اخوي . على هالدعوة الطيبة ..


الله يوفقك ..

[بوعبدالله71]

صبحك بالخير اخوي الحجاجي

شركة ارامكس تشحن المؤكولات المعلبة من امريكا ؟

ومن احسن للشحن شركة ارامكس ولا dhl من امريكا؟

جزاك الله خير على الموضوع

[BeYoNd]

اخواني اول شي اشكر الحجاجي ع ها الشرح وانا من الناس الي فاتحين صندوق بريد في ارمكس انت لما تفتح صندوق البريد راح يوصلك ع الاميل البيانات ولما تدخل صندوق بريدك في ارمكس راح يكون موضح لك طريقة تعبئة البريد شو تكتب في كل خانه ......... وانا بصراحة ماتعاملت مع dhl عشان اعطيك راي بس اتعامل ع طول مع ارمكس

[الحجاجي]

صبحك بالخير اخوي الحجاجي

شركة ارامكس تشحن المؤكولات المعلبة من امريكا ؟

ومن احسن للشحن شركة ارامكس ولا dhl من امريكا؟

جزاك الله خير على الموضوع


بوعبدالله ويجزاك الخير يالطيب ..

ماعندي فكرة عن المؤكولات المعلبه
اذا الحلويات اعتقد عادي ..

عني شخصياً افضل شركه dhl
لأن تعاملها في امريكا اقوى بكثير من الارامكس .. على ما شفت عندهم لما كنت هناك

وفتحت لي عن طريقة شركه dhl
صندوق بريد اسمه بوردر لنكس

نفس فكرة أرامكس
والسبب اول شيء
تجميع الشحنات
وثاني شيء احس انه اسرع من امريكا عن طريقهم ..


حياك الله اخوي ..



اخواني اول شي اشكر الحجاجي ع ها الشرح وانا من الناس الي فاتحين صندوق بريد في ارمكس انت لما تفتح صندوق البريد راح يوصلك ع الاميل البيانات ولما تدخل صندوق بريدك في ارمكس راح يكون موضح لك طريقة تعبئة البريد شو تكتب في كل خانه ......... وانا بصراحة ماتعاملت مع dhl عشان اعطيك راي بس اتعامل ع طول مع ارمكس


كلام صحيح

وقبل فترة ارامكس مغيرين عنوانهم

المشكلة ان الايميل اللي يرسلونه
ما يرسلون معاه الصورة اللي توضح هالشيء


جرب الـ dhl

واستفيد من خدمه تجميع الشحنات والخصم
اللي بيطلع على الوزن وقتها


كل الود

[mr_unknowns]

يعطيك العافيه

انا حاليا استخدم ارامكس.. وآخر فترة خدمتهم صارت احسن واسرع

وفتحت لي حساب في بوردرلينكس بس ليحن ماستعملتها

بغيت اعرف اشلون تسعيرتهم اذا تقدر اتفيدنا لأني خايف استعملها ويلع علي اغلى من بيع السوق

في موقعهم كاتبين ان البضاعه اقدر اشحنها اليوم الثاني من وصولها.. هل هاي الكلام صحيح؟؟

[mr_unknowns]

^

up

^^^^

up

^^^^^^^^

[الحجاجي]

يعطيك العافيه

انا حاليا استخدم ارامكس.. وآخر فترة خدمتهم صارت احسن واسرع

وفتحت لي حساب في بوردرلينكس بس ليحن ماستعملتها

بغيت اعرف اشلون تسعيرتهم اذا تقدر اتفيدنا لأني خايف استعملها ويلع علي اغلى من بيع السوق

في موقعهم كاتبين ان البضاعه اقدر اشحنها اليوم الثاني من وصولها.. هل هاي الكلام صحيح؟؟


السلام عليكم مرحبا اخوي ..
فعلاً تحسنت خدمه ارامكس / رغم الضغط اللي عليهم ..

لكن ومن تجربه وسؤال اغلب الأعضاء
أرامكس مع بريطانيا اوكيه ماعندك مشكلة

لكن اذا بتطلب اغراض من امريكا
يفضل تطلبها على بوردلنكس dhl توصل أسرع

لان أذا طلبت اغراض من امريكا عن طريق ارامكس
بيرسلونها اول شيء لفرعهم في بريطانيا ومن ثم الدوحة ..

وبالتالي احسب التأخير ..


جربت خدمة أرامكس من امريكا
بتاريخ 23-8 شريت اغراض ..
وانشحنت لصندوقي في امريكا
وصلتهم تاريخ 26 تقريبا
ووصلت الدوحة امس تاريخ 29 ..


/

/

بالنسبة لأسعـار dhl

اول نص كيلو 59 ريال

بعدين كل نص كيلو زيادة 30 ريال


بالتوفيق ..

[mr_unknowns]

ماقصرت يالشيخ

[الحجاجي]

ماقصرت يالشيخ

حاضرين أخــوي ..

وفالك طيب ..

[um nawaf]

يعطيك العافية أخوي على هالموضوع وبصراحة كنت محتاجة أفهم طريقة تعبئة البيانات في المواقع لما أجي أشتري منها

بس ما عليك أمر حابة أفهم شي بخصوص الوزن بغض النظر عن الشركة اللي عندي اشتراك فيها

أبغي أفهم متى الشركة تحسب علي الوزن؟؟ كل مرة ؟؟ وبعدين أول مرة راح أطلب عن طريق هالشركة تحسب لي سعر النص كيلو مثلاً ب (59 أو39) حتى ولو كان أقل من نص كيلو وعقب ما راح تحسبها لي في الطلبيات الثانية، وبس راح تحسب سعر كل نص كيلو ب (30 أو31)؟؟

الزبدة: شلون نحسب الوزن عن طريق شركات الشحن؟؟ :)

وبالنسبة للمواقع سواء كانت بريطانية وإلا أمريكية... لما أجي أسوي check out أحياناً يطلع لي سعر ال tax وينحسب مع سعر البضاعة ويعطيني ال total ويحسب كم وزن البضاعة ؟؟ صح هالكلام وإلا فيه طريقة ثانية أعرف من خلالها وزن البضاعة؟؟

حبيت أستوضح عن هالنقاط وإذا عندك أي إضافة أو توضيح يا ريت تنورني ..

الله يجزيك كل خير مرة ثانية والسموحة عالمغثة

[um nawaf]

أحلى شي اللي معطيني طاااااااااااااااااف :waiting:

كللللش مب شيييييييييي :nea:

[الحجاجي]

يعطيك العافية أخوي على هالموضوع وبصراحة كنت محتاجة أفهم طريقة تعبئة البيانات في المواقع لما أجي أشتري منها

بس ما عليك أمر حابة أفهم شي بخصوص الوزن بغض النظر عن الشركة اللي عندي اشتراك فيها

أبغي أفهم متى الشركة تحسب علي الوزن؟؟ كل مرة ؟؟ وبعدين أول مرة راح أطلب عن طريق هالشركة تحسب لي سعر النص كيلو مثلاً ب (59 أو39) حتى ولو كان أقل من نص كيلو وعقب ما راح تحسبها لي في الطلبيات الثانية، وبس راح تحسب سعر كل نص كيلو ب (30 أو31)؟؟

الزبدة: شلون نحسب الوزن عن طريق شركات الشحن؟؟ :)

وبالنسبة للمواقع سواء كانت بريطانية وإلا أمريكية... لما أجي أسوي check out أحياناً يطلع لي سعر ال tax وينحسب مع سعر البضاعة ويعطيني ال total ويحسب كم وزن البضاعة ؟؟ صح هالكلام وإلا فيه طريقة ثانية أعرف من خلالها وزن البضاعة؟؟

حبيت أستوضح عن هالنقاط وإذا عندك أي إضافة أو توضيح يا ريت تنورني ..

الله يجزيك كل خير مرة ثانية والسموحة عالمغثة


السلام عليكم
مرحبا اختي ام نواف ..


السموحه على التاخير ..


بالنسبة للوزن ..
أرامكس يحسبون عليج اي شيء اقل من نص كيلو على طول بمبلغ ثابت وهو 39 ريال قطري ..

سواء كان الوزن ربع أو ثلث او حتى اقل من النص كيلو بشيء بسيط

المهم انه ما يتعدى النص كيلو ..

بعدها اذا زاد الوزن فوق النص كيلو ..
تبدأ حسبة ثانية
ينحسب النص كيلو الاول بـ 39 ريال
وبعدها كل نص كيلو زيادة بـ 30 ريال ..

مثال لو كانت الشحـنة وزنها 1،10 كيلو
= اول نص كيلو بـ 39 ريال ..
= النص الثاني بـ 30 ريال ..
= 10 المتبقية بـ 30 ريال ..


هذا حسب ما فهمته من الشركــة ..


/

اما عن كيفية حساب الوزن ..
أغلب المواقع تكتب وزن المنتج مع الأبعاد / طول عرض ارتفاع .

ارامكس من هنا
http://www.aramex.com/express/rate_and_time.aspx

وdhl

http://dct.dhl.com/input.jsp?langId=en


اما عن التاكس / اللي هي الضرائب
هذي موجودة في الموقع ومفروضة عليج ..

بالعادة لما تشترين شيء يكون هناك
سعر شراء الشيء .
قيمة الضريبة .
سعر الشحن .

الاولى والثانية اجباريه .
اما سعر الشحن وهني المشكلة ..

ان اغلب الأماكن ما تشحن للخليج .
وان شحنت يكون الشحن مكلف ..

وعشان نحل هالأشكالية اشتركنا في خدمة ارامكس وبوردر لينكس ..

حتى يكون عندنا عنوان رسمي في امريكا وبريطانيا

نقدر نختار المنتجات اللي الشحن مجاني داخل الدولة نفسها
ونطلبها لعنوانا المحلي هناك ..

للتقليل من التكلفة ..


كل التوفيق ..

[khalid.qtr]

جزاك الله خير

[@north_star@]

اولا يعطيك العافيه يا راعي الموضوع على مجهودك والشرح الوافي وبالنسبه لي انا كنت مسوي حساب عند الارامكس وكنسلته لسوؤ معاملتهم بصراحة بس الحلو فيهم انهم مضمونين بس التعامل مع الجمهور سئ وهذا عن واقع تجربة

[AHMK]

الشيخ انا توني طالب من 3 او 4 ايام لاول مره من النت عن طريق ارامكس بس حطيت رقم الصندوق في خانة adress line
نفس هالمثال:
adress line: 147-29 182nd st / DOH 11811

تهقه بيوصلني الطلب؟ الموقع قال بعث الاوردر على الـ adress بس ما اعرف اذا هالخطاء بيخليه يوصلني ولا لا

[المجروح81]

بس وين مقر ارامكس في قطر

[بوناصر1]

نصيحه من واحد مجرب اراميكس
خدمه تعبانه
زحمه طول اليوم يعني صف في الطابور
اسعار اغلى من الشركات المنافسه
لا توجد خدمة التجميع
بضائع كثيره ممنوعه ومايجيبونها
الانتظار اكثر من 12 يوم لين توصل بضاعتك

انا انصح الي يبي يطلب من النت يروح لشركة واشنطن موفر ويجربها ابلاش التسجيل
وطول اليوم فاضيه ومافيها زحمه
واول نص كيلو ب36 ريال وكل نص كيلو زايد ب28 ريال
عندهم خدمة التجميع وهذه الخدمه توفر عليك الكثير
واحلى مميزه عجبتني كثير هي التوصيل !!

[@north_star@]

نصيحه من واحد مجرب اراميكس
خدمه تعبانه
زحمه طول اليوم يعني صف في الطابور
اسعار اغلى من الشركات المنافسه
لا توجد خدمة التجميع
بضائع كثيره ممنوعه ومايجيبونها
الانتظار اكثر من 12 يوم لين توصل بضاعتك

انا انصح الي يبي يطلب من النت يروح لشركة واشنطن موفر ويجربها ابلاش التسجيل
وطول اليوم فاضيه ومافيها زحمه
واول نص كيلو ب36 ريال وكل نص كيلو زايد ب28 ريال
عندهم خدمة التجميع وهذه الخدمه توفر عليك الكثير
واحلى مميزه عجبتني كثير هي التوصيل !!

كلام سليم وانا مثل ما ذكرت بردي السابق على الموضوع انه خدمتهم تعبانه وفعلا انا سويت حساب عند واشنطن موفرز وحسيت بالفرق بمراحل

[do7ani]

انا فتحت حساب في واشنطن موفرز
اول شي خدمتهم تعبانه
ثاني شي ماعندهم موقع تقدر تشيك فيه وين وصلت الاغراض
ثالث شي انا مره طلبت من موقع ديزني ملابس حق الاعيال وصلت بعد 24 يوم
وطلبت مع ارامكس وصلت خلال 10 ايام
ارامكس عيبهم ان زحمه عندهم واسعارهم غاليه

تحياتي للجميع
دوحاني

[BuFaisal]

نقاش مفيد

يعطيكم العافية