للبنات الخليجيات -يفضل فقط-للرد والافادة

[basseL]

لجس النبظ فقط00هل تفضلين الزوج الصادق الحنون ولكنه ذو مستوى تعليمي متوسط وذو دخل محدود ام الزوج ذو النفوذ العالي والمركز الاجتماعي والشهادة العالية ولكنه اقل اخلاقا وحنانا 0على اساس انه لا خيار اخر لديك0باسل قطر0

[غدير البورصه]

افضل الزوج الصادق الحنون

خذوهم فقراء يغنيهم الله

اقل اخلاق وحنان يروح يدور له وحده مثله ماعندها حنان ولا اخلاق يكلمها كلمه ترد عليه عشر

اللهم اني صائم



ا

[انيقه]

افضل الزوج الصادق الحنون

خذوهم فقراء يغنيهم الله

اقل اخلاق وحنان يروح يدور له وحده مثله ماعندها حنان ولا اخلاق يكلمها كلمه ترد عليه عشر

اللهم اني صائم



ا

معاج بس مهم يكون متعلم لان بعلمه بيعدل من وضعه المعيشي

[حقيقه]

طبعاً افضل ذو النفوذ العالي والمركز الاجتماعي والشهاده العاليه

وخصوصاً انوه الاخلاق مستحيل تكتشفها الا بعد العشره

فاغامر بشيء ممكن يرد لي بشيء ينفعني بالاخير

وش حصلنا من ذو المستوى التعليمي المتوسط وذو الدخل المحدود غير البلا البعض منهم فيهم كل بلاوي الدنيا قلة مال وقلة اخلاق

[التيما]

اتصور ذو الدخل المحدود افضل هني خاصه ان البنت لو تشتغل يقدرون يرفعون من مستواهم ..

[خزامئ]

اكيد بختار الاول
ويش بينفع نفوذة ومالة اذا مافية اخلاق

[الراقيه سبشل]

الاول ..

شبتفيد فلوس الدنيا كلها وانا عايشة بتعاسة مع انسان تعيس

:)

[عالم المحيطات]

.... اهم شي الود والرحمة والثقة والتفاهم بين الاثنين...

[miss cute]

اللي بتتقبله البنت مب شرط مستواه اوكي
بس فمجتمعا أكيد بتختار اللي مستواه عالي لان هاي اول شي بتنظرله البنت والاهل واللي حولها
يعني اهم شي ان مستواه عالي وماراح تفكر انه حنون او اخلاقه مب لين هناك
لان بتفكر وبيقولون لها بعد العشره يتغير كل شي

[شاهيناز]

وش المقصود بالحنون

[s o s o]

في هالزمن ابو النفوذ والسلطة علية الطلب أكثر ..

[العقل المدمر]

بختار اللي خايف ربه اكثر لان الله بيفرجها علينا :shy:

[روضه الجنة]

اخر هم الفلوس !! وغير هاي نقدر نعاون بعضنا !! اهم شي تكون اخلاقة عالية ويخاف ربه

[سحايب]

مدامه يخاف ربه بنفسه فالاكيد بيخاف ربه فيني.. وغير هذا مقدور عليه ..~

[STAR]

اممم سابقا كنت افضل الشخص المتعلم وذو مركز مرموق..
لكن مع معرفتي للدنيا..اكتشفت ان الخيار الاول افضل بكثيييير..
لاتهمني لا شهادته ولا ماله..اهم شي يريحني..

[STAR]

توني انتبه للعنوان..سؤال شنو وجه الاستفادة من سؤالك؟ش
وليش بس الخليجياااات؟!‏

[مناحي السادس عشر]

طبعاً افضل ذو النفوذ العالي والمركز الاجتماعي والشهاده العاليه

وخصوصاً انوه الاخلاق مستحيل تكتشفها الا بعد العشره

فاغامر بشيء ممكن يرد لي بشيء ينفعني بالاخير

وش حصلنا من ذو المستوى التعليمي المتوسط وذو الدخل المحدود غير البلا البعض منهم فيهم كل بلاوي الدنيا قلة مال وقلة اخلاق




كلام ميه ميه :nice:

[سهم الغدر]

للاسف مافي ازواج نفس السابق...كلهم اشكال رجال ,ودون مسؤوليه,ولكن لا اعمم واقول 70% من هالنوعيه وفي تزايد.... بعض الازواج ينحطون ع الجرح يبرى...

ونفس الشي ينطيق ع البنات... بس البنت لما تلقى شخص يقدرهاويحترمها ويعرف يتعامل معاها والله تتغير..وتصيربيده خاتم


هذا رايي من واقع تجربه.ومايخص اذا كان غني او فقير...

[وطن]

لا الأول نافع
ولا الثاني نافع

باجر تقول للأول "خلص حنانك ما بقى الا قسوتك" !!!

والثاني ممكن يطير منه منصبه وماله وجاهه

الدنيا دواره

[رمــش الغلا]

انا افضـــل الزوج ذو النفوذ العالي والمركز الاجتماعي والشهادة العالية ولكنه اقل اخلاقا وحنانا
يمكن مع الايام يتغير ويصير حنون وخلوق :shy:

ولو عشت مع الفقير باتم كله متحسفه على اللي فرطته :nice:

[ParadEyes]

شفايدة الفلوس والمنصب دام ماعنده اخلاق..محد بيتعب و يتعذب غيري
وفي نفس الوقت مابكذب وبقول برضى بفقير بس حنون..شبينفعني فيه من الناحية الحياتيه والمستقبل؟ مثل ماقالت وطن باجر نغني على بساط الفقر" خلص حنانك مابقى الا قسوتك" ههههههههههه

لو انا في هالموقف بارفض الاثنين :victory:

[STAR]

لا الأول نافع
ولا الثاني نافع

باجر تقول للأول "خلص حنانك ما بقى الا قسوتك" !!!

والثاني ممكن يطير منه منصبه وماله وجاهه

الدنيا دواره

خلص حنانك..‏!!‏
عيل طلعتي من اللي يسمعون الاناشيد:tease:

[بنت^البحرين1]

اهمم شي انه جامعي(بكالوريوس مب مثل هالايام من ياخذون دبلوم يوو يركضون جامعي واخرتها دبلوم) وشخص مثقف واخلاقه طيبه بين الناس .. سالفة الحنان والدلع انا اروضه بعدين مقدور عليها بالراحة

لكن انه يكون فقير يلتهني لا طبعا شالله حادني على الشقا وانا عايشه مرتاحه.. الفقر موعيب ولا حرام .. لكن كل واحد ياخذ على قد مستواه عشان مايتعب بعدين..

فالنهاية على كل الكلام .. هي أرزاق تتوزع على العباد ونصيب كل واحد مكتوب له



سؤال .. شمعنى للخليجيات بس؟

[شبح الصمت]

مالي خص
بس متابع عن كثـف
crazy

[رمــش الغلا]

أكيد هو مب خليجي

ويبي ياخذ خليجية غنيه :shy:

[شبح الصمت]

أكيد هو مب خليجي

ويبي ياخذ خليجية غنيه :shy:


حرام عليـج تأكدين هالشيء !!

يمكن الرجال طرئ على باله ويبي يطلع الي في قلوب البنات ويعرف خبياهم ؟؟

انه بعض الظن سوءءءء

:shy:

اللهم أنـي صايم

[ثرية]

انا اشوف الي يجي من الله حياه الله

[STAR]

هو طرح السؤال واختفى..‏!!‏

[بـــــــنت النوخـّــــذه]

لجس النبظ فقط00هل تفضلين الزوج الصادق الحنون ولكنه ذو مستوى تعليمي متوسط وذو دخل محدود ام الزوج ذو النفوذ العالي والمركز الاجتماعي والشهادة العالية ولكنه اقل اخلاقا وحنانا 0على اساس انه لا خيار اخر لديك0باسل قطر0



للاسف ماعندي اجابه لسؤلك الي طرحته ولكن عندي كمن سؤال فضول للجميع لان قريت الردود وجات في بالي هذه الاسئله ^_________^
عندي كمن سؤال فضول هل ممكن الاجابه عليهم؟؟ :

1) ليش السؤال موجه للفتيات الخليجيات بشكل (خاص) ؟؟
2)ماهي اكثر الصفات التي تدوم في الشخص ؟؟
3) هل صاحب الدخل المحدود بيتم طول حياته دخله محدود؟؟
4) هل صاحب النفوذ والسلطه بيتم مخلد على الكرسي وبسلطته ؟؟
5) فرضا" صاحب النفوذ راح ماله وسلطته ؟؟ هل بتطلق منه البنت الي قالت افضل صاحب النفوذ اههه ؟:p)
6) على شنهو تنبني الحياه الزوجيه ؟؟ وماهي المفاهيم الي المفروض نغرسها في بناتنا قبل الزواج ؟؟
7) هل تؤمنون بالقدر خيره وشره ؟؟
8) واخيرا" نصيحه اتمنى من كل بنت مقبله على الزواج وكل شاب مقبل على الزواج قراءه قصه النبي ايوب وزوجته فقصتهما مدرسه متكامله مبنيه على اسس يفتقدها الكثير في تفكيره ^_^ لانها تحمل 4 مراحل مرحله الفقر ومرحله الغنى ومرحله الغنى وبعده الفقر ومرحله الفقر وبعده الغنى الاربع مراحل متوجين بمشاعر ساميه هل من مكتشف لها حتى تقل حالات الطلاق في مجتمعنا :thumbup1:

[إينشتاين]

اهمم شي انه جامعي(بكالوريوس مب مثل هالايام من ياخذون دبلوم يوو يركضون جامعي واخرتها دبلوم)


شدعوه مقدم على وظيفة موب زواج دبلوم وبكالوريوس خخخخخ

[بنت^البحرين1]

شدعوه مقدم على وظيفة موب زواج دبلوم وبكالوريوس خخخخخ


:nice: هههههههههههههههههههه .. ما اقصد شي .. بس طبعا كل شي يختلف ..انا انظر للموضوع أني ابي شخص متعلم يكافئني بمستواه التعليمي واقصد( التكافؤ العلمي) مابي واحد أقل مستوى تعليمي عني،بكالوريوس اوكي لانه جامعي بس دبلوم صعبه عندي .. كل واحد له وجهة نظره البعض يشوف انها عادي مب مشكلة تستحق ان الواحد يوقف فيها في موضوع الزواج ..

يعني انا وجهة نظري جذي :victory:

[VIPLady]

الزوج ذو النفوذ العالي والمركز الاجتماعي والشهادة العالية ولكنه اقل اخلاقا وحنانا

[Dreamer]

الزوج ذو النفوذ العالي والمركز الاجتماعي والشهادة العالية والخلوق الحنون :nice:

[وضحى قطر]

طبعا الاول لانه بعد بيكون قنوع وما بيتشرط ولابيشوف نفسه فيوم من الايام ولابينسى اني ضحيت بمستواي عشان اعيش مرتاحة البال معاه وتحملت مستوانا بيوم من الايام عشانه اما الثاني بيبيعني بيوم وليله بفلوسه وياكثرهم

[الهانم]

انا امااختيار الاول ولا ثانى

اهم شى يكون يحبنى وحبة هى شى هو الى بجيب الحنان والمودة
انى اتغاضة عن اخطاءة وشوف حسناتة وهو نفس شى

الاشياء المادية تجى مع الوقت خاصة انة احنا بلد عايشن بعز يعنى المادة اخر تفكيرنا

[Prinçěss]

"


شي اكييييد الزوج الصادق الحنون
مايهم مستواه التعيليمي ولا فلوووسه ,, لان هالاشيااء ماتييب السعادة كثر ماييكون الريال صادق وحنون
لان هاي من اهم الاشيااا الي تستمر فيها العلاقة الزوجية والحياة السعيدة ,,
واذا كان الريال صادق وحنون مع مرته المحبه بينهم تصير كبيرة ,, ويصيرون اسعد الناس
وبعدين شنهي اهمية الفلوس؟!! سفررر؟؟ بيوت؟؟ سياييير؟؟
ترى هالاشيا كلها ماتهم ,, اذا بتهمج فالدنيا ترى اف آخرتج ماتهمج وولا بتنفعج ,
والله ان في ناااس فقااااره ,, لكن جوفيهم اشلون مستانسيييين ,, وناااس تعليم وفلوس وحاله لكن جوفي اخرتها شلون ,, طبعا مب الكلللل ,, انا اعطي مثال من الواااقع ,,

وانا هاااي من رايي ,, واكيييد راي الجمييييع بعد,,
ويعطييييج العافيه ع طرح الموضوع


"

[صاحبة إمتياز]

خلو هالسؤال علي أنا أجاوبه
أولا وبكل بساطة النظر بيكون على الخيار الثاني صاحب الشهادة العليا والمركز الإجتماعي لذا >> نستوحي منه أنه رجل ذو مسؤولية كافح اولا على شهادته وتحمل مسؤولية نفسة وكون نفسة بغض النظر عن الخيار الثاني مستواة التعليمي متوسط >>يعني ماعنده هدف بحياته إذا كان محيطة كلهم من نفس المستوى فهذا شي ثاني ولاحد يجادلني بهالنقطة لأني شفت وعاشرت..
ثانيا المركز الاجتماعي ماله إي خص الإ إذا الأهل يحتسبون العنصرية القبليه هذا شي ثاني لكن طبعا مايكون أجنبي لتفادي الأضرار مسقبليا ...
الحنان والصدق ماتنعرف في البداية هذه ماتنكشف الإ فالمواقف الصادقه لذالك إذا أردت من التأكد من معدن خويك قطه بموقف جامد وبتعرف

الحب وكلامه ماينفع إذا الأساس كان فاشل.... (النجاح)هو سر الاستمرا فالحياة.. فإلي عايش بحياته بدون هدف خياراتة محدوده ...
وأسال مجرب لاتسأل طبيب

[الريـــاني 1]

قال صلي الله عليه وسلم (اذا اتاكم من ترضون دينه فزوجوه ) ولم يقل من عنده مال

والطيور علي اشكالها تقع
والطيبون للطيبات
والخبيثون للخبيثات
والفلوس وصخ الدنيا
والسموحة