المساعد الشخصي الرقمي

مشاهدة النسخة كاملة : للبيع كدلك اسكليد 2010


العضو الماسي
17-08-2010, 03:52 PM
السلام عليكم ورحمه الله .



للبيع كدلك اسكليد موديل 2010 ... اللون أبيض لؤلؤي ... جلد بيج وشاشه .

شورت ...

وعازل حراري 100 % على الجامات الخلفيه + الشنطه . من زيبارت .

قاطع : 3000 كم فقط ...

وارد المناعي ... وعالضمان ...


والموتر أستخدام حشمه للبيت ...

السوم فوق : 230000 ألف ...

للجادين فقط ...
Index Signal
17-08-2010, 03:56 PM
إذا السوم فوق ٢٣٠ .. كم سعره بالوكاله ..؟!

و موفق إن شاء الله .
العضو الماسي
17-08-2010, 03:58 PM
إذا السوم فوق ٢٣٠ .. كم سعره بالوكاله ..؟!

و موفق إن شاء الله .

270 ألف
ali8.1
17-08-2010, 04:24 PM
بالتوفيق
moutasim
17-08-2010, 04:27 PM
بالتوفيق
@فارس@
17-08-2010, 07:22 PM
بالتوفيق اخوي واتحصل السعر الي تتمناه
العضو الماسي
18-08-2010, 10:54 AM
للرفع للجادين
bo Hassan 99
18-08-2010, 12:05 PM
بالتوفيق
مستثمر 999
18-08-2010, 12:31 PM
بالتوفيق
نون
18-08-2010, 12:39 PM
100عندي
abu abdulla
18-08-2010, 12:44 PM
180000
بوراشد77
18-08-2010, 02:29 PM
راجع الخاص
shi5thum-89
18-08-2010, 03:41 PM
موفق إن شاء الله
العضو الماسي
18-08-2010, 07:05 PM
100عندي

راح أترفع بالرد عليك . :) وأكتفي بكلمه ( اللهم أني صائم )
العضو الماسي
18-08-2010, 07:05 PM
180000

السوم من 230 ألف :)
العضو الماسي
18-08-2010, 07:06 PM
راجع الخاص

سومتك سومه كدلك 2008 . :) في فرق بين سعر 2008 و 2010 :)
qtr9
18-08-2010, 07:20 PM
210000

اذا كان الفرويل الحجم الصغير بخلص معاك ؟؟ موافق
العضو الماسي
18-08-2010, 10:57 PM
210000

اذا كان الفرويل الحجم الصغير بخلص معاك ؟؟ موافق

أتمنى تقرأ الموظوع عدل . :)
بوراشد77
18-08-2010, 11:37 PM
الله يوفقك اخوي بالبيعة الطيبة وسموحة
إنتعاش
19-08-2010, 02:41 AM
270 ألف


أخوي الحين المناعي مسوين أسعار رمضان 256

فبكم ناوي تبيعه?
Index Signal
19-08-2010, 03:06 AM
أخوي الحين المناعي مسوين أسعار رمضان 256

فبكم ناوي تبيعه?




والله لو إنه موتري لأبيعك إياه بالسعر إللي تبيه :)

معرفة شرواك بحد ذاتها تجاره .
العضو الماسي
19-08-2010, 02:34 PM
أخوي الحين المناعي مسوين أسعار رمضان 256

فبكم ناوي تبيعه?

أتمنى تقرأ الموظوع عدل السومه فوق : 230 ألف والى ألأن لم يوصل فوق : 230 ألف . يعني أذا على كلامك 256 . أنا منزل 26 ألف . وألي مايبغي الموتر ليقعد يحط له أعذار لن فالمعارض 2009 . على 220 و 215 ... يعني 2010 . موديل السنه 235 - 240

والموتر بينعرض في معرض . ألي يبغي أسم المعرض يراسلني عالخاص . لن بصراحه مافي شرايه فالمنتدى نهائيا بين 1000 . واحد جاد فقط ولا 2 بس . أن عرض الواحد بسعر السوق محد شرا كتبو بالتوفيق وبالتوفيق . ولا حديته بسعر مناسب ساموه باقل من قيمته فالسوق . :)

المهم : ألي جاد فالشراء يراسلني عالخاص حتى أعطيه اسم المعرض .
Index Signal
19-08-2010, 03:39 PM
أتمنى تقرأ الموظوع عدل السومه فوق : 230 ألف والى ألأن لم يوصل فوق : 230 ألف . يعني أذا على كلامك 256 . أنا منزل 26 ألف . وألي مايبغي الموتر ليقعد يحط له أعذار لن فالمعارض 2009 . على 220 و 215 ... يعني 2010 . موديل السنه 235 - 240

والموتر بينعرض في معرض . ألي يبغي أسم المعرض يراسلني عالخاص . لن بصراحه مافي شرايه فالمنتدى نهائيا بين 1000 . واحد جاد فقط ولا 2 بس . أن عرض الواحد بسعر السوق محد شرا كتبو بالتوفيق وبالتوفيق . ولا حديته بسعر مناسب ساموه باقل من قيمته فالسوق . :)

المهم : ألي جاد فالشراء يراسلني عالخاص حتى أعطيه اسم المعرض .




أخوي أذا هذا إسلوبك مع الناس محد بيشتري منك شي .
العضو الماسي
19-08-2010, 04:25 PM
أخوي أذا هذا إسلوبك مع الناس محد بيشتري منك شي .

دايماً كلام الحق يزعل . والله لو يصير اصور صندوق الرسايل الخاصه واحطه لااجرد لكم الرسايل كم سعرك وكم الاخر وب 186 تبيع ومش عارف ايش وفالنهايه محد يشتري . وقبل فتره عرضت GX-R لواحد من الربع باقل من سعر السوق بقليل ومحد شراي كلهم ساموه بأقل من سعره . :omen2:

ماتكلمت من فراغ تكلمت من شئ ملموس في هذا المنتدى .
Index Signal
19-08-2010, 11:48 PM
دايماً كلام الحق يزعل . والله لو يصير اصور صندوق الرسايل الخاصه واحطه لااجرد لكم الرسايل كم سعرك وكم الاخر وب 186 تبيع ومش عارف ايش وفالنهايه محد يشتري . وقبل فتره عرضت gx-r لواحد من الربع باقل من سعر السوق بقليل ومحد شراي كلهم ساموه بأقل من سعره . :omen2:

ماتكلمت من فراغ تكلمت من شئ ملموس في هذا المنتدى .




ياخوي المنتدى حاله من حال المعارض .. لازم تصبر و تطول بالك على الناس ..

مو معقول تحط الموضوع اليوم و تبي الموتر ينباع ثاني يوم ..!!

خصوصا إن سعرك ما يشجع .. الفرق بينك و بين الوكاله ٢٦ ألف .. إنت شايف إن الفرق مغري ..؟! هذا إذا فرضنا إنك بتبيعه ب٢٣٠ لأنك تبي السوم فوق هالمبلغ ..!!

و بعدين إللي بيسوم خله يسوم براحته .. منت مجبور تبيع :) ليش معصب ..

موترك عندك و فلوسنا عندنا و بين البايع و الشاري يفتح الله ..

أما إنك ترد على الناس بهالطريقه فإنت قاعد تسيء لنفسك قبل كل شي ..

و إن شاء الله تبيعه بسعر الوكاله .. محد يكره لك الخير .. لكن إذا أردت أن تطاع فأطلب المستطاع .
إنتعاش
19-08-2010, 11:48 PM
المعذره اخوي على مداخلتي

لكن كان قصدي منها الله يسلمك

انت ذكرت ان سعر السيارة بالوكالة 270 وانت عارضها من 230 وفوق

فقلت لك ان الوكالة نزلت سعر السيارة إلى 256 .. فكان قصدي سؤالك هل بتخلي المزايدة تبتدي من 215 الف عشان نزول سعر السيارة بالوكالة ؟ او متمسك ببداية الـ 230 وفوق ؟

هذا كان قصدي لا اكثر

والله يوفقك ويغنيك ياخوي وياريت تذكر للاخوان اسم المعرض بالعام عشان اللي له خاطر بالموتر يعرف المعرض ويمر يشوفه

تحياتي لك اخوي والسموحة
Index Signal
19-08-2010, 11:55 PM
المعذره اخوي على مداخلتي

لكن كان قصدي منها الله يسلمك

انت ذكرت ان سعر السيارة بالوكالة 270 وانت عارضها من 230 وفوق

فقلت لك ان الوكالة نزلت سعر السيارة إلى 256 .. فكان قصدي سؤالك هل بتخلي المزايدة تبتدي من 215 الف عشان نزول سعر السيارة بالوكالة ؟ او متمسك ببداية الـ 230 وفوق ؟

هذا كان قصدي لا اكثر

والله يوفقك ويغنيك ياخوي وياريت تذكر للاخوان اسم المعرض بالعام عشان اللي له خاطر بالموتر يعرف المعرض ويمر يشوفه

تحياتي لك اخوي والسموحة




كبير بأخلاقك .
العضو الماسي
20-08-2010, 02:26 AM
ياخوي المنتدى حاله من حال المعارض .. لازم تصبر و تطول بالك على الناس ..

مو معقول تحط الموضوع اليوم و تبي الموتر ينباع ثاني يوم ..!!

خصوصا إن سعرك ما يشجع .. الفرق بينك و بين الوكاله ٢٦ ألف .. إنت شايف إن الفرق مغري ..؟! هذا إذا فرضنا إنك بتبيعه ب٢٣٠ لأنك تبي السوم فوق هالمبلغ ..!!

و بعدين إللي بيسوم خله يسوم براحته .. منت مجبور تبيع :) ليش معصب ..

موترك عندك و فلوسنا عندنا و بين البايع و الشاري يفتح الله ..

أما إنك ترد على الناس بهالطريقه فإنت قاعد تسيء لنفسك قبل كل شي ..

و إن شاء الله تبيعه بسعر الوكاله .. محد يكره لك الخير .. لكن إذا أردت أن تطاع فأطلب المستطاع .

يومك ماهب شراي . لاتقعد تعطيني درس بالأتكيت والأخلاق ياشيخ . وأذا عاجبك السعر أشتر ماعجبك لاتقعد تنشب لي وأنا ماهب مجبور حتى أني أقعد أرد عليك كل شوي . ممكن تروح قسم الحوار العام وتشوف لك موظوع وتطلع مافي خاطرك فيه . وبخصوص أني معصب لا يالشيخ ماهب معصب لنك مثل ماذكرت فلوسكم عندكم والسياره عندي . وبخصوص أني أسيئ لنفسي فالحمد الله الناس عارفتني وعارفه أنا من مومحتاج شهاده من عند أحد بالمنتدى . لاعرفتني برع المنتدى أنشاله بتعرف . :) .
Index Signal
20-08-2010, 03:01 AM
يومك ماهب شراي . لاتقعد تعطيني درس بالأتكيت والأخلاق ياشيخ . وأذا عاجبك السعر أشتر ماعجبك لاتقعد تنشب لي وأنا ماهب مجبور حتى أني أقعد أرد عليك كل شوي . ممكن تروح قسم الحوار العام وتشوف لك موظوع وتطلع مافي خاطرك فيه . وبخصوص أني معصب لا يالشيخ ماهب معصب لنك مثل ماذكرت فلوسكم عندكم والسياره عندي . وبخصوص أني أسيئ لنفسي فالحمد الله الناس عارفتني وعارفه أنا من مومحتاج شهاده من عند أحد بالمنتدى . لاعرفتني برع المنتدى أنشاله بتعرف . :) .




دام إنك مصر على هالإسلوب ما يشرفني أعرفك لا داخل ولا برع المنتدى .
بوميثه
20-08-2010, 03:33 AM
صلوا على النبي واذكروا الله
والله يوفقك بالبيعه
ويجيب السعر الي في بالك
@فارس@
20-08-2010, 06:14 AM
يقول صلى الله عليه وسلم (( رحم الله امرأ سمحا إذا باع . سمحا إذا اشترى . وإذا قضى وإذا اقتضى ))
S350
20-08-2010, 12:48 PM
ياجماعة ماصار للا الخير

ويا الوو حط الموتر بالمعرض او بقطر سيل وفك عمرك دام انك تشوف ان بالمنتدى مافي جدية بالشراء

وموفقين جميعا
qatar1111
20-08-2010, 01:48 PM
رمضان كريم

وبالتوفيق للجميع
العضو الماسي
20-08-2010, 02:18 PM
دام إنك مصر على هالإسلوب ما يشرفني أعرفك لا داخل ولا برع المنتدى .

لنه معرفتك تجيب الهم وعوار الراس :)
Index Signal
20-08-2010, 03:28 PM
لنه معرفتك تجيب الهم وعوار الراس :)




معرفتي تجيب الهم وعوار الراس للي مثلك و شرواك بس .
نيسان قديم
20-08-2010, 03:37 PM
بالتوفيق
العضو الماسي
20-08-2010, 06:56 PM
يغلق الموظوع لني مسافر . وألي شراي يراسلني عالخاص حتى أعطيه أسم المعرض .