فحص عملية الليزك طلع لي ثقوب في اللشبكيه الي كانت عنده نفس المشكله ينورني

[الاستاندر]

السلام عليكم
كيف حالكم شباب
شباب
سويت فحص حق عملية الليزك
طلع لي في عيني اليمين ثقبين في الشبكيه وقالي الدكتور ما اقدر اسوي عملية الليزك
الا لازم اسوي عملية ليزر حق الشبكيه الي سواها قبل يريت يقولي كم مدتها وهل هي تالم او عادي ما احس فيها
وقالي الدكتور عيني اليسار فيها خدش قديم بس ما يضر في عملية الليزك

يعطيكم الف عافيه

[روضه الجنة]

ماعندي اي فكرة !!
ان شااء الله يفيدونك الاعضااء
بس اا عندي انحراف في عييني اليسار بس بغييت اعرف الليزك يعالج الانحراف ولا لااء ؟
ومتخوفة من الليزك بس الكل يمدحة وربعي مسويين

[وافق شنن طبقة]

لا حد يحاتي ويخاف


انا توني جاي من المانيا قبل كم يوم

وواحد من الربع ..مبدل شبكيه كامله من الي ..والامر طبيعي


يعني لاحد يوسوس من ناحيه الشبكيه

ترى الطب تطور لابعد الحدود

والرجال الي بدل شبكيه يروح ويجي معنا ولا كنه مسوي عمليه

[الصريحه]

الله يشافيكم اهم شيء توكلوا على الله ثم صلوا استخاره بعدين الدكتور الثقه وماتشوفون شر

[Gentleman]

لا حد يحاتي ويخاف


انا توني جاي من المانيا قبل كم يوم

وواحد من الربع ..مبدل شبكيه كامله من الي ..والامر طبيعي


يعني لاحد يوسوس من ناحيه الشبكيه

ترى الطب تطور لابعد الحدود

والرجال الي بدل شبكيه يروح ويجي معنا ولا كنه مسوي عمليه

أخوي اللي أعرفه هو إن الطب الحديث لم يتمكن من زراعة الشبكية أو أي نوع من الأعصاب... إذا قصة صديقك صج أرجوك طرش لي التفاصيل على الخاص جزاك الله خير... أخوك عايش بشبكية ضعيفة من 37 سنة.

[Gentleman]

السلام عليكم
كيف حالكم شباب
شباب
سويت فحص حق عملية الليزك
طلع لي في عيني اليمين ثقبين في الشبكيه وقالي الدكتور ما اقدر اسوي عملية الليزك
الا لازم اسوي عملية ليزر حق الشبكيه الي سواها قبل يريت يقولي كم مدتها وهل هي تالم او عادي ما احس فيها
وقالي الدكتور عيني اليسار فيها خدش قديم بس ما يضر في عملية الليزك

يعطيكم الف عافيه

أخوي أنصحك بالاهتمام بموضوع الشبكية ... هناك احتمال أن تنفصل الشبكية تماماً وتكون مشكلة كبيرة كما حدث لي.

الأطباء المتخصصين في الشبكية في قطر موجودون فقط في مستشفى حمد (د. مها الشافعي- د. مصطفى الهاشمي وغيرهم)... بالإضافة إلى د. أشرف في مستشفى مغربي:
http://www.magrabihospitals.com/View-users-list/aNssO-CaIaIE.html

بالنسبة للعلاج في الخارج أنصحك بمستشفى مورفيلد للعيون في لندن من أشهر مستشفيات العيون في العالم وهذا هو موقعهم:
http://www.moorfields-private.co.uk/Home

مرة أخرى أنصحك أخوي بعدم إهمال علاج الشبكية وزيارة اختصاصي شبكية بأسرع ما يمكن.
الله يوفقك ويشفيك.

[الاستاندر]

ان شاء الله يا اخوي بس الدكتور قالي شي عادي الي فيني
قالي بحط لك قطره عين وبسوي لك عملية ليزر للشبكيه
وعشر دقايق وانت اوكي وبعدها بيوم اعتقد قالي او يومين اقدر اسوي عملية الليزك
تسلمووووا يا اخوان على ردودكم ويعطيكم الف عافيه

اختي روضة الجنه
الليزك يعالج الانحراف بس لحد معين اخوي كان فيه انحراف وسوى العمليه والحمد لله طيب وما يعاني من اي مشكله

[روضه الجنة]

اختي روضة الجنه
الليزك يعالج الانحراف بس لحد معين اخوي كان فيه انحراف وسوى العمليه والحمد لله طيب وما يعاني من اي مشكله

مشكوور اخوي الحمدلله الانحراف اللي عندي بسييط :)

[Gentleman]

ان شاء الله يا اخوي بس الدكتور قالي شي عادي الي فيني
قالي بحط لك قطره عين وبسوي لك عملية ليزر للشبكيه
وعشر دقايق وانت اوكي وبعدها بيوم اعتقد قالي او يومين اقدر اسوي عملية الليزك
تسلمووووا يا اخوان على ردودكم ويعطيكم الف عافيه

اختي روضة الجنه
الليزك يعالج الانحراف بس لحد معين اخوي كان فيه انحراف وسوى العمليه والحمد لله طيب وما يعاني من اي مشكله

إن شاء الله حالتك بسيطة جداً أخوي العزيز بس من الأفضل إنك ما تخلي أي طبيب يسوي لك عملية في الشبكية حتى لو كانت بسيطة إلا إذا كان طبيب متخصص في الشبكية.

[الاستاندر]

تسلم اخوي جنتل مان والله ما قصرت ابدا وياي
ان شاء الله في ميزان حسناتك

اختي روضه في مستشفى العيون التخصصي اليوم وباجر بيكون فيها الدكتور خالد الشريف دكتور زائر
ما ادري اذا بتلحقين عليه او لا بس اخوي مسوي عنده وبعد الكل يمدحه
وعلى قولة اخوي احلى شعور بعد عملية الليزك انك تقوم من النوم تشوف كل شي واضح ههههههههه

[Gentleman]

الله يسلمك أخوي وما سوينا إلا شي بسيط
وإن شاء الله علاجك سهل والله يجزيك الخير ويبارك فيك

[الاستاندر]

ابشركم يا جماعة الخير الدكتور قالي الي فيك صغير وبعيد قالي
مب لازم تسويها اذا ما تبي بس لازم فحص بين شهرين وشهرين
على العين بس اذا ابي اسوي عملية ليزك لازم اسويها قبل
وعقبها بشهرين لين ثلاث شهور عشان اسوي عملية الليزك
وقالي العمليه ما تاخذ عشر دقايق بالكثير وسهله جدا بس لازم
تعاون مني
تحياتي وشكري لكل من رد علي
وعلى راسي اخوي جنتل مان واخوي لبيه ما قصرتوا

تحياتي

[بوحارب]

^

الحمدلله على سلامتك اخوي وماتشوف شر يارب :)

[الاستاندر]

الشر ما يجيك فديتك تسلم على ردك الغالي

[Gentleman]

ابشركم يا جماعة الخير الدكتور قالي الي فيك صغير وبعيد قالي
مب لازم تسويها اذا ما تبي بس لازم فحص بين شهرين وشهرين
على العين بس اذا ابي اسوي عملية ليزك لازم اسويها قبل
وعقبها بشهرين لين ثلاث شهور عشان اسوي عملية الليزك
وقالي العمليه ما تاخذ عشر دقايق بالكثير وسهله جدا بس لازم
تعاون مني
تحياتي وشكري لكل من رد علي
وعلى راسي اخوي جنتل مان واخوي لبيه ما قصرتوا

تحياتي

يسلم راسك أخوي الغالي والحمد لله على سلامتك وزين اطمّنا عليك وارتاحت قلوبنا وما تشوف شر.

[تحداني]

ما اتشوف شر يارب
طالما ما في حاجه ماسه للعمليه .. فلا ننصحك بها
عندي في العائله يعانون من مشاكل في العين منها قرنيه ومنها شبكيه
وانحراف



والحمد لله رب العالمين .. هناك بدائل كثيره
منها العدسات والنظارات فخلك عليها أفضل


لا تغامر بشغله نسبه نجاحها ضئيله



جملك الله برضى الرحمن

[بنت ابوها 19]

اانا تعرضت لحادث والي صار وياي

تمزق بالشبكية

وسويت العمليه الحمدالله وكنت تمام

لكن من اقعد لى الكمبيوتر ولا ااتعرض لا اشعة تلفزيون ولا غيره

تشد عندي الشبكية وتسبب لي الم فضيع جنب عيني


ياخواني شلي تنصحوني فيه اسوي عمليه ولا اتحمل

لانه قالي الدكتور الاعراض الجانبيه للحادثه مراح اتبين الحين كل ماكبرت راح تطلع الاعراض

واخاف اني انعمى :(

[الاستاندر]

تسلموا يالغالين على ردودكم
اخوي تحداني الزمن كلامك 100 % صحيح
بس احتمال اسوي عملية الشبكيه وخلي الليزك لين فتره افكر يمكن اسويها يمكن لا

اختي بنت ابوها
بعيد عنج الشر ان شاء الله
وانا من رايي يا اختي اذا في اعراض جانبيه تطلع توكلي على الله وسوي العمليه
بس حاولي تسوينها برى هني عندنا ما شاء الله كل دكتور عنده راي
انتي اسالي وستخيري ودوري الدكتور الزين

جنتل مان شيخ الشباب والله ما قصرت وياي كلششش
الله يوفقك ويرحم والديك ان شاء الله