بسافر فيينا ابي مساعدة

[بنت الدوسري]

:shy:يا اخواني وخواتي العزيزات
بسافر فيينا وزلامسي في اجازة العيد

ارجوكم ممكن حد يساعدني ويقولي شنو افضل الاماكن اللي اروح لها وممكن حد عنده خبرة يعمل لي جدول حلو
انا مقررة اقعد في زلامسي 3 ايام بس
اشرايكم تكفي والا لا
بليز ساعدوني :rolleyes2:

[البحار00]

زلامسي حدها 3 ايام كفايه

وعندج زلاسبورغ بعد

وفي فيينا انصحج بفندق هيلتون فيينا الي جنب الحديقه فندق رووعه

[خشوف]

تابعي تقريري بيفيدج ان شاءالله
http://www.qatarshares.com/vb/showthread.php?t=391739

[منصوربن حمد]

نصيحة لاتروحين فيينا احس انها مثل مصر بلد ممل وهابط انصح اتروحين ميونخ وتنزلين المطار وتاجرين سيارة وتسكنيين في فندق سوفتيل وثاني يوم تروحين سويسرا وتزورين مدينة تاش وزيرمات والريف السويسري راح تنصدمين بلمناضر الخلابة والجو الحلو وراح اتشوفين في الريف مكان مثل هايدي بالضبط

[القلم الصريح]

فينا : شارع المشاه ، المتاحف وقصر الشنبروم ، ومغارة هتلر ، وغابات فينا ، وتطلعين فوق الجبل تشوفين كل فينا ، نهل الدانوب ، ومدينه اللعاب برتر ، والمركز الاسلامي في فينا ، وللتسوق في منطقه اسمها باندروف ( اوت ليت ) تبعد بالسياره 40-45 دقيقه وفيها اسواق ومحلات كلها ماركات بسعر ارخص ، في مطاعم اسلاميه ، لورد جنب فندق ردسون ساس ، مطعم ايراني اسمه فاس ، وفي مطعم تركي نسيت اسمه
ونصيحه فينا بس بالكثير 4 ايام

زلامسي : جنه الله في الارض ، عندج البحيره فيها عباره حلوه الجوله فيها ، ومنطقة الثلج على جبل الكابرون
والشلالات ، والتلفريك ، وفي مطاعم اسلامه : مطعم على بابا ، ومطعم التركي ، والباكستاني الايطالي 4 ايام كافي والجو عجيب ومطر

[البدع]

نصيحة لاتروحين فيينا احس انها مثل مصر بلد ممل وهابط انصح اتروحين ميونخ وتنزلين المطار وتاجرين سيارة وتسكنيين في فندق سوفتيل وثاني يوم تروحين سويسرا وتزورين مدينة تاش وزيرمات والريف السويسري راح تنصدمين بلمناضر الخلابة والجو الحلو وراح اتشوفين في الريف مكان مثل هايدي بالضبط

اتفق مع هذا الراي

واهم شيء تروحين مغارة هتلر

وهناك سائقين عرب كثير في فينا

ةبالتوفيق

[بنت الدوسري]

مشكوووورين وجزاكم الله الف خير


ماقصرتوا

[Qatar4Ever82]

في زلامسي انصحج في فندق اسمه جراند هو احلى فندق وهو الوحيد اللي علطول عالبحيره
وزلامسي حلوه بس ممله
يوم روحوا الشلالات ويوم روحوا فوق للثلج ويوم روحوا سالزبورج
وخلاص خلصت
وفي فيينا اسكني في الهلتون ولا الانتركوننتال
ولا تنسين في كيكه اسمها زاخر تورت
بس لات تاكلينها في اي مطعم
روحوا فندق اسمه زاخر هوتيل في الكيتنر ستريت
هو اشهر شارع هناك كله شوبنغ
واطلبي كيكه من الكوفي اللي عندهم اسمها زاخر
وروحوا مغاره هتلر اللي كان يصنعون الطيارات فيها ايام الحرب
والله يحفظكم