ممكن اعرف احسن وأرخص مغسله تلميع ومحل تلبيس؟

[النادرة]

السلام عليكم ورحمة الله وبركاته

أخواني الأعضاء :

أنا توني شاريه سياره انفنتي مستعمله وحبيت شوي ادلعها :shy:

السؤال الأول:

حبيت أستفسر عن أفضل وأرخص مغسلة لتلميع السيارات

لأن يوم رحت مغسله الوفاء الي في طريق سلوى قالوا ان تلميع سياره انفنتي فورويل على 500 ريال - وبصراحه وايد استغليته :rolleyes2:

والسؤال الثاني :

انا ودي البس سيارتي بس ما عندي خلفيه عن احسن لون او قماش ممكن احطـه ، يعني حبيت اخذ أراء الأغلبيه :shy: ؟

السؤال الأخير :

احسن وأرخص محل تلبيس

وما خاب من استشار؟ :victory:

السياره من بره بيضه قريب اللؤلؤي ومن داخل جلد بيج



والسلام ختام

[qatari-vip]

خليك مشارع سلوى

عندك في المطار تلميع السياره داخل وبرا

اعتقد ب 600 بس شغل ميه الميه عن تجربه اسم المحل

الهلال مكانه في محطه بتروال التيسر مقابل المطار الدوالي الفرع الرئيسي للمحطه

واذا التلبيس احسن شي شامواااه

عندك محل بانكوك على طريق الصناعيه من صوب الجسر الجديد
لمسه فن شارع سلوى

وعندك محلات في اللقطه صوب العبيدالي

[راعي 2006]

الشيخ تقولك 500 غالي

تقولها 600 :tease:

عالعموم ماقصرت وان شاءالله تستفيد ويستفيدون منك الاعضاء

[النادرة]

تسلمون ونشوف راي الباقي

[قطر ديلر]

مغسلة الوسام الي في العزيزيه ع خط سلوى

وفي فرع ثاني لها في محطة الاند مارك

بالنسبه للتلبيس مثل ما قال الرجال لمسة فن شغله وايد حلو وانصحج تركبين مخمل ولا شمواه ابرك من جلد الانفنتي انا توني بايعها جلدها صار كامل اسود وبعدين مع الشمس يحرق من قلب ومابطيقين تسوقينها من الحراره والله يعطيج خيرها اختي

[السندان]

مبروووك سيارة العيد

عندج الوسام في محطة الاندمارك تلميع وتنظيف من الداخل والخارج 100/100

وباقي الاراء عند الاعضاء مايقصرون

[@فارس@]

مغسلة الوسام داخل اللاند مارك للتلميع


وبالنسبة للتلبيس انتي جربي اكثر من مكان اسالي

فيه مثلا بالخريطيات اكثر من محل بجوار كنتاكي تماما

وفيه على طريق سلوى

وفيه بالريان

وانتي شوفي حسب القماش والانسجام بين الالوان والسعر

وربي يوفقج وبالمبارك عليج الموتر

[GENIUS]

اذا كانت سيارتك انفينيتي فئة اف اكس فمعناها ان الكراسي بها تبريد وتدفئة وتلبيس الكراسي سوف يفقدها هذه الميزة.

[النادرة]

هل متأكد انها راح تفقدها هذه الميـزه؟

[النادرة]

وباقي الأعضاء ماقصروا

[@فارس@]

اخوي تلبيس الكراسي ما يفقدها ميزة التبريد والتسخين

وفيه سيايير اشكثر عندهاهالميزة وملبسة تلبيسة

اهم شي تكون التلبيسة نظيفة وما يخرب عليج اللبسة الاصلية مثلما صار مع بعض الاخوان وخاصة لبعض محلات الريان

[GENIUS]

تبريد أو تسخين الكراسي عبارة عن ضخ وبث هواء بارد من خلال الثقوب الموجودة في الكراسي ( جلد مليان ثقوب ) وهذا هو التلبيس الأصلي للكراسي المزودة بهذا النظام .

أما إذا كان التلبيس كما يقول اخونا فارس بأنه لا يؤثر على هذه الميزة فلابد ان يكون التلبيس الجديد به ثقوب لتمرير الهواء من خلال الثقوب الاصلية وليس بوضع تلبيس فوقها لكتم فتحات الهواء الدقيقة ومن خلال تجربتي الشخصية أستبعد بقاء هذه الميزة بفاعلية كاملة بعد التلبيس.

[النادرة]

تسلمون أخواني ماقصرتوا

[لاجئ عاطفي]

دام كراسيها جلد حران اتلبسينها .. اما بخصوص التلميع فانا امجرب الوسام شغلهم ماعليه كلام وبالنسبه للاسعار حول الـ 600 ريال وهذي هي اسعار اغلبهم المهم مب السعر المهم الشغل

[الغيور]

عندج الوسام للتلميع في طريق السلوي محطة الجزيره بالضبط يمدحونه والسعر اقل من 500 وشغله طرطووب

[(العديم)]

عندي بابو في البيت ايفسل مضبوط او بيحط لج كم جاعد علا السبتات مال خروف ونتهت السالفه

[قطر77]

الطيب

[النادرة]

تسلموووووون ماقصرتوا

[الفارس2]

مبروك عاسيارة محل m3 3m بشارع سلوى الافضل بالتلميع من الداخل والخارج واسعارة مناسبة وادا تبين اتوسط لك حاضرين راعي المحل حليو ويخدم

[النادرة]

ممكن ترسلي رقم التوصل الشيخ والله محتاجين واسطات

[الفارس2]

ممكن ترسلي رقم التوصل الشيخ والله محتاجين واسطات

عالخاص