رحله المالديـــف مع wise_man

[wise_man]

السلام عليكم ورحمة الله وبركاته

مبارك عليكم الشهر والله يتقبل منكم ومنا ان شاء الله

بالنسه للتقرير راح يكون على عدة اجزاء , كم جزء الله العالم بمعني اخر تقريري وكيفي :tease:

مدة السفره : اربع ليالي وكانت اخر شهر 7 /2010

على الخطوط القطريه ومدة الرحله تقريبا اربع ساعات ونصف

المنتجع : بصراحه كنت محتار بكذا واحد ولكن بعد البحث والمقارنه في النت اصدرت اوامري الساميه لعمل الحجز على

http://i213.photobucket.com/albums/cc162/wise_qatari/ch_logo.gif

وبعد تلقيي للاوامر من نفسي :omen2: ارسلت لهم رساله دايركت وطلبت منهم حجز Deluxe Water Villa وجائني الرد بعدم توفر الفلا في الوقت اللي راح اشرفهم بحضرة جنابي :shy: وكان اقتراحهم Spa Water Villa والسعر تقريبا دبل ناقص ثلث الزياده زائد الربع (باقي ريال وين راح :tease:)

ايميل مني وايميل منهم والوقت ضيق قلت مايبيلها اتصلهم واخذ العلم الاكيد



انا : هاي كود يو بت مي ثروا ريزفيشن بليز
هو : ارحب دقيقه طال عمرك
هي : هاي سير هو كان اي هلب يو
انا : ليش ماعندكم الفلا اللي طلبتها بالايميل
هي :قسمة الله , شرايك نطلع اللي فيها علشانك ارسلت ايميل
انا :نايس وذر تودي ازن ات (:eek5:) خبركم نلطف الجو
هي :اقترح عليك الفلا اللي اكبر منها صحيح هي غاليه لكن فيه برموشن لك 200$ يوميا لعمل اي نوع من انواع ال SPA
انا :توكلي على الله وسويلي حجز
هي : تــــــم


عموما سافرت وكان في استقبالنا موظف من الفندق نفسه واخذ الشنط وسوا شيك ان على الطياره البحريه واخذا بسياره للونج الخاص بالفندق في صالة الانتظار للطائره المائيه

اترككم مع الصور :


القاعه الرئيسيه لصالة الانتظار الخاصه بالطائرات البحريه


http://i213.photobucket.com/albums/cc162/wise_qatari/DSC02249.jpg


الونج الخاص بالمنتجع

http://i213.photobucket.com/albums/cc162/wise_qatari/DSC02248.jpg


من الداخل

http://i213.photobucket.com/albums/cc162/wise_qatari/DSC02246.jpg



http://i213.photobucket.com/albums/cc162/wise_qatari/DSC02247.jpg



عطوني البوردنق للطائرة المائيه وكان الاقلاع بعد نصف ساعه تقريبا

http://i213.photobucket.com/albums/cc162/wise_qatari/DSC02250.jpg



قرب موعد الرحله وعطونا هذي

http://i213.photobucket.com/albums/cc162/wise_qatari/DSC02251.jpg



الاستعداد لركوب الطائره

http://i213.photobucket.com/albums/cc162/wise_qatari/DSC02253.jpg



من الداخل ضيقه ومزعجه بس تستاهل التجربه يكفيك المناظر الرائعه اللي راح تشوفها من فوق

http://i213.photobucket.com/albums/cc162/wise_qatari/DSC02254.jpg



http://i213.photobucket.com/albums/cc162/wise_qatari/DSC02255.jpg



http://i213.photobucket.com/albums/cc162/wise_qatari/DSC02257.jpg



اكتشفت ان معنا عبريه فاضطرينا نزلهم في منتجعهم :rolleyes2:

http://i213.photobucket.com/albums/cc162/wise_qatari/DSC02258.jpg



واقلعنا مره ثانيه

http://i213.photobucket.com/albums/cc162/wise_qatari/DSC02260.jpg


الرحله خذت تقريبا ربع ساعه للمنتجع الاولي وربع ساعه لمنتجعنا

ماصورت لحظه الوصول للمنتجع عموما كان في استقبالنا موظف خاص وهو اللي راح يكون الهوست طول الفتره اللي راح نجلس فيها حتى اللي كانوا ويانا في الطياره الكل له موظف خاص


خوينا اخذنا للوبي وزغطونا بالعصاير مره ثانيه

صوره على الطاير

http://i213.photobucket.com/albums/cc162/wise_qatari/DSC02261.jpg



المهم قال الفلا جاهزه بس خلص عصيرك واذا مطول اخذه معك :shy:



صوره للفلل

http://i213.photobucket.com/albums/cc162/wise_qatari/DSC02263.jpg



وهذي فلتنا

http://i213.photobucket.com/albums/cc162/wise_qatari/DSC02265.jpg



انتهى الجزء الاول :omg:



في الجزء الثاني صور الفلا من الداخل وجوله خفيفه في الجزيره


صوره لزوم التشويق

http://i213.photobucket.com/albums/cc162/wise_qatari/DSC02461.jpg



وهذي تحت الماي :)

http://i213.photobucket.com/albums/cc162/wise_qatari/PICT0204.jpg


وسلامتكم ان شاء الله بكره الجزء الثاني

تشاو

[فارس قطر333]

يعطيك العافيه على الموضوع

بس ولا عليك امر اذا ممكن تقول لي كم طلعت عليك التلكفه من غير التذاكر

يعني الفندق المصروف في هالقتره

[أم سلووومي]

روعه انتظر باقي التقرير

[ع.م]

رووووعة متابعينك !!

شكلها الرحلة واااو..

الله يهنيكم ماشاء الله..

[وطن]

ماشاء الله المناظر روعه

حمدالله ع السلامة
سجلني من المتابعين :)

[العنان]

الله يعطيك العافيه اخوي ،، وفي انتظار باقي التقرير ع احر من الجمر ، وياليت لو تعطينا اسعار ال Deluxe Water Villa اللي ماحصلت حجز فيها وال Spa Water Villa اللي حجزت فيها

[A bin M]

يعطيك العافية اخوي على الصور

في انتظار التكمله

[الكنج]

بداية موفقة لتقرير أقل مايوصف عنه انه روعــــــــــــــــــة ،،،،

[شـــوق]

تقرير رائــــع قليله عليــــــــه ..
متابعــــــــــه ..

[قطريه ماركه]

ما شاااااء الله صور تجنن ..

بداية موفقه ..

ننتظر الباقي ....

[بورصجية]

اوف على الجمال
ما شاء الله مكان روعة

ممكن تقولنا سعر التذكرة
عدد ساعات الرحلة
تكلفة الفندق
تكلفة المعيشة هناك بصفة عامة

[بو الجوري]

الحمدلله عالسلامه :.. وين هالغيبه عن المنتدى :..

عالعمووووم :.. في إنتظار التقرير الحلو :.. :)

[دفرنت]

ههههههههههههههههههههههههه
هههههههههههههههه

موظفة الاستقبال مالها حل

الله يعطيك العافية

وننتظر الاجزاء الباقية

[العضو الماسي]

المالديف رووووعه بس مطارهم صغير اتحس الطياره تسحب بريك من قلب - هههه - رحتها مع الوالد الله يطول عمره في سنه 2007 بصراحه روعه - بس اخوي حاسب من بعض الجزر في بعضها وانت تسبح قريب البحر على عمق متر او متر وربع يمرون عليك نواعيض صغار - هههه - اذا معاك اطفال حاسب الله يسلمك .

[واقع]

ترتتتتيب ماشااااء الله بانتظااااااااااااااار الجديد

[ظبيــღــه]

:anger1: وش الي راح يصبرنا لبكرة

المهم شكل التقرير راح يكون شي

فعجل عليناا :omen2:

[غزلان]

تقرير مشوق

في انتظار البقيه

[الكواري 1972]

متابع ...

[jassem777]

ننتظرك ياذوق

يعطيك العافية اخوي على الصور

[كلاسيكي]

ترتيييب وننتظر الجزء الثاني

[كبشينو]

ماشاء الله عليك والله روووعه شكلي بروح سنه الجايه خاااااطري من زمان اسافر مالديف بس حق الجزر
وانا اموووت في شي اسمه البحر والجزر ويعطيك العافيه

[ابو علاوي]

الصور حلوة
لكن السؤال هل هي مالدوفا اللي جنب روسيا
ولا جزر المالديف اللي هي منيمار حاليا؟؟
الصور حلوة وسردك للاحداث حلو ورائع
بس وين الحلقة الثانية الشيخ؟؟
لان سفرتك مشوقة اكثر من باب الحارة هههههه

[الزين للزين]

الله روعة

اخوي.. تصلح المالديف حق عطلة العيد؟

[abusultan707]

يعطيك العافية اخوي wise man ودائما متالق في مواضيعك وخاصتا سفراتك وطريقة سردها ننتظر الجزء الثاني ولا تطول ولا جيتك تعطيني العلوم كلها (:

[wise_man]

يعطيك العافيه على الموضوع

بس ولا عليك امر اذا ممكن تقول لي كم طلعت عليك التلكفه من غير التذاكر

يعني الفندق المصروف في هالقتره


الله يعافيك

والله ياخوك مش رخيصه يعني بالنسبه لنفس نوعية الفيلا اللي اخذتها طلعت علي 3500 ريال الليله مع فطور وبالنسبه للصرفيات خلال اربع ليالي تقريبا اربع الاف
ملاحظه سعر تذكرة الطائره المائيه للشخص الواحد ذهاب وعوده 1500 ريال

تعاملهم كله بالدولار وعملتهم الخاصه وانا حولتها لك بالريال واس استفسار ثاني اخوك في الخدمه

[wise_man]

روعه انتظر باقي التقرير

ان شاء الله الحين راح انزل الجزء الثاني

[wise_man]

رووووعة متابعينك !!

شكلها الرحلة واااو..

الله يهنيكم ماشاء الله..


الاروع مرورك

الف شكر على الدعوه الطيبه ولك بالمثل ان شاء الله :nice:

[wise_man]

ماشاء الله المناظر روعه

حمدالله ع السلامة
سجلني من المتابعين :)


الله يسلمج من الشر

ويشرفني متابعتج لتقريري

[wise_man]

الله يعطيك العافيه اخوي ،، وفي انتظار باقي التقرير ع احر من الجمر ، وياليت لو تعطينا اسعار ال Deluxe Water Villa اللي ماحصلت حجز فيها وال Spa Water Villa اللي حجزت فيها

هلا باخوي العنان ابشر بالجزء الثاني خلال دقايق ان شاء الله

وبالنسبه لسؤالك :

Deluxe Water Villa تقريبا مش متأكد 650$ 2400 ريال قطري مع الفطور .

Spa Water Villa الليله بـ 960$ 3500 ريال قطري مع الفطور وكان عندهم عرض 200$ كوبون مجاني يومي لاي نوع من انواع ال SPA.

[wise_man]

يعطيك العافية اخوي على الصور

في انتظار التكمله

الله يعافيك يابوعوف وابشر بالتكمله خلال دقايق :)

[wise_man]

بداية موفقة لتقرير أقل مايوصف عنه انه روعــــــــــــــــــة ،،،،

الاروع مرورك ياكنج :nice:

[wise_man]

تقرير رائــــع قليله عليــــــــه ..
متابعــــــــــه ..


الاروع مرورج اختي :)

[wise_man]

ما شاااااء الله صور تجنن ..

بداية موفقه ..

ننتظر الباقي ....

ان شاء الله الاجزاء الباقيه تنال اعجابكم

[Abu Deeb]

تقرير جميل

بإنتظارك

تحياتي لك

[wise_man]

اوف على الجمال
ما شاء الله مكان روعة

ممكن تقولنا سعر التذكرة
عدد ساعات الرحلة
تكلفة الفندق
تكلفة المعيشة هناك بصفة عامة


بالنسبه لأسعار التذاكر 7100 ريال للشخص الواحد بزنس والاكونمي تقريبا 3500 ريال
ملاحظه كل ماعمل الحجز بدري ممكن توفرين الف ريال تقريبا للتذكره

عدد ساعات الرحله اربع ساعات ونص لين العاصمه مالي ومن مالي الى جزيرة رنقالي اللي فيها الفندق تقريبا 25 دقيقه بالطائره المائيه وتكلفة التذكره 1500 ريال للشخص الواحد
مع العلم فيه وسيلة نقل غيلر الطياره بمركب سريع والمده تقريبا ساعه وشي وارخص من ناحية السعر

المعيشه تعتمد على نوع الانشطه بمعنى اخر الفطور مجاني والعشاء يكلف تقريبا من 200$ الى 250$ هذا للي يبي استجمام فقط اما الانشطه الثانيه راح اذكرها في التقرير وكم التكلفه

واي استفسار ثاني انا حاضر

[wise_man]

الحمدلله عالسلامه :.. وين هالغيبه عن المنتدى :..

عالعمووووم :.. في إنتظار التقرير الحلو :.. :)

الله يسلمك يابو الجوري

موجودين طال عمرك بس شكلي انا وياك شيبنا :)والحين دور الجيل الجديد:eek5:

الاحلى مرورك الحلو ياغالي :)

[wise_man]

ههههههههههههههههههههههههه
هههههههههههههههه

موظفة الاستقبال مالها حل

الله يعطيك العافية

وننتظر الاجزاء الباقية


دوم هالضحكه ان شاء الله

شفت شلون :telephone:

الله يعافيك واسعدني مرورك

[wise_man]

المالديف رووووعه بس مطارهم صغير اتحس الطياره تسحب بريك من قلب - هههه - رحتها مع الوالد الله يطول عمره في سنه 2007 بصراحه روعه - بس اخوي حاسب من بعض الجزر في بعضها وانت تسبح قريب البحر على عمق متر او متر وربع يمرون عليك نواعيض صغار - هههه - اذا معاك اطفال حاسب الله يسلمك .

الله يطول في عمره ان شاء الله

بيني وبينك ماتصلح كلش حق الاطفال راح يتمللون بسرعه والمكان مثل ماتفضلت روعه شوي عليه ويصلح لأهل الروقان

شاكرلك مرورك اخوي الوو:telephone:

:)

[wise_man]

ترتتتتيب ماشااااء الله بانتظااااااااااااااار الجديد

ابشر بالجديد ان شاء الله دقايق ونازل الجزء الثاني

[wise_man]

:anger1: وش الي راح يصبرنا لبكرة

المهم شكل التقرير راح يكون شي

فعجل عليناا :omen2:

ان شاء الله خالتي :tease:

[wise_man]

تقرير مشوق

في انتظار البقيه

شكرا على المرور وان شاء الله تستفيدون من التقرير ولو بمعلومه بسيطه ممكن تفيد اي شخص ناوي يروح للمالديف

[wise_man]

متابع ...

خلك قريب وان شاء ينال اعجابك :)

[wise_man]

ننتظرك ياذوق

يعطيك العافية اخوي على الصور


الله يعافيك اخوي جاسم

[wise_man]

ترتيييب وننتظر الجزء الثاني

ان شاء الله دقايق ونازل الجزء الثاني

شاكرلك مرورك:nice:

[wise_man]

ماشاء الله عليك والله روووعه شكلي بروح سنه الجايه خاااااطري من زمان اسافر مالديف بس حق الجزر
وانا اموووت في شي اسمه البحر والجزر ويعطيك العافيه

الاروع مرورك والله يكتبلك السفره وانت بصحه وسلامه

بصراحه راكبه كبتشينو ومنظر بحر

الله يعطيك خير البحر والجزر ويبعد عنك شرها :omen2:

شرفني مرورك :)

[wise_man]

الصور حلوة
لكن السؤال هل هي مالدوفا اللي جنب روسيا
ولا جزر المالديف اللي هي منيمار حاليا؟؟
الصور حلوة وسردك للاحداث حلو ورائع
بس وين الحلقة الثانية الشيخ؟؟
لان سفرتك مشوقة اكثر من باب الحارة هههههه

والله يابو علاوي لا هذي ولا هذي
اللي اتكلم عنها انا موجوده في الصومال يعني مالدصومال

























:tease:
هههههههه امزح معك ياغالي هي جزر المالديف

الاروع مرورك وابشر التكمله اليوم ان شاء الله

[wise_man]

الله روعة

اخوي.. تصلح المالديف حق عطلة العيد؟

تصلح وانصح فيها بعنف :) خصوصا للي يحبون الطبيعه والريلاكسيشن

على فكره خمس ايام كافيه وزياده واذا زادت المده ممكن تدخل مرحلة الملل

[wise_man]

يعطيك العافية اخوي wise man ودائما متالق في مواضيعك وخاصتا سفراتك وطريقة سردها ننتظر الجزء الثاني ولا تطول ولا جيتك تعطيني العلوم كلها (:

هلا ببو سلطان

اشرايك تفطر عندي اليوم وتاخذ علومي واخذ علومك ونرتب حق طلعة البحر الويكند الجاي ترى قمرى ويبيلها حداق وغوصه عن الخاطر ترى رايق يتهدد :)

شرفني مرورك وسالفة البحر ترى من جدي والله جهز نفسك

[wise_man]

تقرير جميل

بإنتظارك

تحياتي لك

الاجمل مرورك اخوي وتحياتي لك كذلك

[wise_man]

الجزء الثاني


راح اسلط الضوء (:D) في هذا الجزء على ماتحتويه الفلا (spa water vella) بالصور

طبعا قبل الصور تذكرون مضيفنا ,اسمه اسماعيل عطانا شرح بالتفصيل الممل عن الفلا وعن الجزيره بشكل عام واخوكم فيه النوده :rolleyes2: قلتله شرايك تسير علي بعدين وتكمل شرحك الممتع قالي افا ترى الضيف في حكم المضيف :looking: وحلف انه مايروح الا اليين يخلص كلامه :sorry: المهم كمل كلامه وراح اذكر بالتفصيل وبالصور البرامج اللي يسوونها واللي خبرنا عنها المعزب اسماعيل :yes: في جزء غير الجزء هذا (قايلكم من قبل تقريري وكيفي :pilot:)

اترككم الحين مع صور الفلا من الداخل :


جلسه على اليمين اول ماتدخل الفيلا


http://i213.photobucket.com/albums/cc162/wise_qatari/DSC02266.jpg



غرفة النوم (لا ياشيخ:nop:)

http://i213.photobucket.com/albums/cc162/wise_qatari/DSC02267.jpg


http://i213.photobucket.com/albums/cc162/wise_qatari/DSC02268.jpg



الكوفي مشين ولوازمها والبوكس البني فيه اقراص القهوه وجميعها مجانيه وبالنسبه للماي لا تحاتي بلغ البوي اللي ينظف وامورك طيبه ممكن يجيبلك عشرين غرشه ماعنده اي مشاكل :strong3: مع العلم ماخذ معاي حليب وشاي لبتون


http://i213.photobucket.com/albums/cc162/wise_qatari/DSC02269.jpg




غرفة تبديل الملابس

http://i213.photobucket.com/albums/cc162/wise_qatari/DSC02270.jpg



http://i213.photobucket.com/albums/cc162/wise_qatari/DSC02272.jpg




الباث والشور

http://i213.photobucket.com/albums/cc162/wise_qatari/DSC02271.jpg




غرفة ال SPA الخاصه موجوده في الفله

http://i213.photobucket.com/albums/cc162/wise_qatari/DSC02273.jpg


حلو المقيال فيها خاصة اول ماتفتح عينك تفتحه على هالمنظر :eek5:

http://i213.photobucket.com/albums/cc162/wise_qatari/DSC02274.jpg



تذكرون المعزب اسماعيل قبل لا يروح عطاني كرته وقالي اي شي في خاطرك عطني رنه وانا على طول عندك (ذيب) المهم اتصلتله وقلتله وين الفواكه اللي تقولون عنها قالي عط سداح فرصه اوردي طرشتها وفي اي لحظه بتكون عندك شوي الا جرس الباب يرن قالي هذي فاكهتك ومعها شامبين حلال :omg:

http://i213.photobucket.com/albums/cc162/wise_qatari/DSC02277.jpg

http://i213.photobucket.com/albums/cc162/wise_qatari/DSC02278.jpg




القعده الخارجيه صوب البحر ترد الروح وخصوصيه تامه


http://i213.photobucket.com/albums/cc162/wise_qatari/DSC02284.jpg


http://i213.photobucket.com/albums/cc162/wise_qatari/DSC02282.jpg





الجاكوزي

http://i213.photobucket.com/albums/cc162/wise_qatari/DSC02283.jpg



محدثكم من قلب الحدث wise_man فلتي :omen2: المالديف

http://i213.photobucket.com/albums/cc162/wise_qatari/DSC02281.jpg



في الجزء الثالث راح اخذكم جوله في الجزيره .


سلام:nice:[/SIZE]

[بوخالد2]

تسلم على التقرير الراائع

[العنان]

الله يوليك العافيه ياخوي ومشكور على المعلومات القيمة والصور , انا بصراحه كنت مخطط اسافر في اجازه العيد ومحتار وين اروح ومن شفت تقرير حولت ع المالديف:fight: , بس عندي استفسار الله يرحم والديك , انا دخلت ع موقع بكنيق وشفت لي كم شاليه وطاحت عيني على اثني المهم اللحين كل جزيره فيها منتجع واحد تقريبا بس طبعا الطياره راح تنزل في مطار مالي بعدها راح اخذ لي طياره مائيه اوك جيت بوت ، بس السؤال اللي يسدح نفسه ياطويل العمر انه لما اوصل مطار مالي هل لازم اكون حاجز طياره مائيه قبل لا اوصل اون لاين ولا لما اوصل المطار عندهم اروح واحجز؟ يعني بس هالنقطه اللي ماوضحت لي من تقريرك , وتحياتي لك عن اذنك باروح اكمل اغراض البحر للسفره:nice:

[صغيرون قطر]

ولا جزر المالديف اللي هي منيمار حاليا؟؟


المالديف اسمها نفسه ماتغير
منيمار اسمها القبلي بورما
للعلم فقط
تحياتي

[بورصجية]

بالنسبه لأسعار التذاكر 7100 ريال للشخص الواحد بزنس والاكونمي تقريبا 3500 ريال
ملاحظه كل ماعمل الحجز بدري ممكن توفرين الف ريال تقريبا للتذكره

عدد ساعات الرحله اربع ساعات ونص لين العاصمه مالي ومن مالي الى جزيرة رنقالي اللي فيها الفندق تقريبا 25 دقيقه بالطائره المائيه وتكلفة التذكره 1500 ريال للشخص الواحد
مع العلم فيه وسيلة نقل غيلر الطياره بمركب سريع والمده تقريبا ساعه وشي وارخص من ناحية السعر

المعيشه تعتمد على نوع الانشطه بمعنى اخر الفطور مجاني والعشاء يكلف تقريبا من 200$ الى 250$ هذا للي يبي استجمام فقط اما الانشطه الثانيه راح اذكرها في التقرير وكم التكلفه

واي استفسار ثاني انا حاضر

تسلم يا اخوي
كفيت ووفيت ما شاء الله عليك وان شاء الله ربنا يعوض عليك

[mo7ammad]

wooooooooooooooooow

[wise_man]

تسلم على التقرير الراائع

الاروع مرورك يابو خالد

[wise_man]

الله يوليك العافيه ياخوي ومشكور على المعلومات القيمة والصور , انا بصراحه كنت مخطط اسافر في اجازه العيد ومحتار وين اروح ومن شفت تقرير حولت ع المالديف:fight: , بس عندي استفسار الله يرحم والديك , انا دخلت ع موقع بكنيق وشفت لي كم شاليه وطاحت عيني على اثني المهم اللحين كل جزيره فيها منتجع واحد تقريبا بس طبعا الطياره راح تنزل في مطار مالي بعدها راح اخذ لي طياره مائيه اوك جيت بوت ، بس السؤال اللي يسدح نفسه ياطويل العمر انه لما اوصل مطار مالي هل لازم اكون حاجز طياره مائيه قبل لا اوصل اون لاين ولا لما اوصل المطار عندهم اروح واحجز؟ يعني بس هالنقطه اللي ماوضحت لي من تقريرك , وتحياتي لك عن اذنك باروح اكمل اغراض البحر للسفره:nice:

ويعافيك ياغالي والعفو والله يرحم والدينا ووالديك ان شاء الله
بخصوص استفسارك : بالعاده اول ماتطلع من مطار مالي فيه ساحه مغطاه وعلى يمينك كاونترات معضم الفنادق اذا ماكان كلها , روح للكونتر حق الفندق وهو يسويلك شيك ان على الطياره المائيه وهي متوفره على طول وهم يسمونها sea taxi وبالنسبه للدفع راح يكون في الفندق لما تسوي شيك اوت هذا المتعارف عليه هناك.

نصيحه : حاول تطلع تلفون الفندق ومايمنع انك تتصل وتتأكد لأن يجوز من فندق الى فندق يختلف النظام
نصيحه ثانيه : وهي اللي سويتها , الجماعه يوم سويت عندهم الحجز وأكدته ارسلولي فورمه وقالولي لازم تعبيها وترسلها لنا ايميل ومن ضمن المعلومات رقم الفيزه والمشكله اني استخدم الهوت ميل وبيني وبينك مش مضمون ولكن booking و hotels .com ضمونين وانا دايما اسوي حجوزاتي عليهم ولكن المشكله مثل ماقلتلك ارسال معلومات على الهوت ميل لذلك رحت للمكتب سياحي خبره في المالديف عند شخص اسمه شيهان اسم المكتب السيرلنكيه للعطلات ومكان المكتب في السوق اللي فيه سفريات علي بن علي اللي في السد اول ماتدخل المبنى خل علي بن علي على يمينك وثاني مكتب تقريبا على يسارك هو المكتب المهم طلبت منه نفس الفندق واتصل على مكتبهم في المالديف وعطاني السعر وكان نفس سعر اللي عطونياه الجماعه وقالي لك اوردي حجز عندهم وهو الحجز اللي انا مسويه عموما فضلت اني ادفع المبلغ ونفس الشي دفعت قيمه الطياره المائيه

نصيحه ثالثه :rolleyes2:: كني كثرت عليك النصايح :) عموما حاول تاخذ كاش وياك ويكون بالدولار واذا نسيت مثلي فيه مكينة صرف سحب الي في المطار (مطار مالي ) لان الجزيرخ مافيها مكاين هذا للعلم

اخوي العنان ان شاء الله تستانسون واي استفسار انا حاضر

[wise_man]

تسلم يا اخوي
كفيت ووفيت ما شاء الله عليك وان شاء الله ربنا يعوض عليك

العفو واي استفسار ثاني حاضر

[wise_man]

wooooooooooooooooow

حياك الله :)

[wise_man]

نعلن نحن المدعوا wise_man بتأجيل الجزء الثالث للغد (قايلكم تقريري كيفي :tease:)


لا والله تعبان اليوم وبكره اكمل بأذن الواحد الأحد

[PoBox]

*
*

تقرير عجيب مثلك يابوويزة يعطيك العافية

الصور تفتح النفس وتشرح الصدر
تذكرني بالمنظر الخارجي من مكتبي اللي مافيه شباك :rolleyes2:


سؤال فني من واحد على راسي يشوف معاي بالمكتب
المالديف حسب مانسمع عنها اجوائها تميل للرومانسية اكثر من غيرها
او بطريقة ثانية السؤال:telephone:

تنفع لرحلة شبابية ؟ ( اسبوع زايد ناقص ) لو نعم
شاللي ممكن الواحد يسويه هناك ويستانس فيه



تقدر تنتقل لغير جزيرة فندقك لمجرد الاستكشاف
ولاكل واحد له جزيرته اللي حاجز فيها ولازم تحجز بالجزيرة الثانية بعد

هالقعدة يبغيلها سيجار كوبي ( بس تمسكه )
و2 من بني قريضة يهفهفون عليك بريش وتعيش احساس الوالي :nice:

http://i213.photobucket.com/albums/cc162/wise_qatari/DSC02282.jpg

[العنان]

ويعافيك ياغالي والعفو والله يرحم والدينا ووالديك ان شاء الله
بخصوص استفسارك : بالعاده اول ماتطلع من مطار مالي فيه ساحه مغطاه وعلى يمينك كاونترات معضم الفنادق اذا ماكان كلها , روح للكونتر حق الفندق وهو يسويلك شيك ان على الطياره المائيه وهي متوفره على طول وهم يسمونها sea taxi وبالنسبه للدفع راح يكون في الفندق لما تسوي شيك اوت هذا المتعارف عليه هناك.

نصيحه : حاول تطلع تلفون الفندق ومايمنع انك تتصل وتتأكد لأن يجوز من فندق الى فندق يختلف النظام
نصيحه ثانيه : وهي اللي سويتها , الجماعه يوم سويت عندهم الحجز وأكدته ارسلولي فورمه وقالولي لازم تعبيها وترسلها لنا ايميل ومن ضمن المعلومات رقم الفيزه والمشكله اني استخدم الهوت ميل وبيني وبينك مش مضمون ولكن booking و hotels .com ضمونين وانا دايما اسوي حجوزاتي عليهم ولكن المشكله مثل ماقلتلك ارسال معلومات على الهوت ميل لذلك رحت للمكتب سياحي خبره في المالديف عند شخص اسمه شيهان اسم المكتب السيرلنكيه للعطلات ومكان المكتب في السوق اللي فيه سفريات علي بن علي اللي في السد اول ماتدخل المبنى خل علي بن علي على يمينك وثاني مكتب تقريبا على يسارك هو المكتب المهم طلبت منه نفس الفندق واتصل على مكتبهم في المالديف وعطاني السعر وكان نفس سعر اللي عطونياه الجماعه وقالي لك اوردي حجز عندهم وهو الحجز اللي انا مسويه عموما فضلت اني ادفع المبلغ ونفس الشي دفعت قيمه الطياره المائيه

نصيحه ثالثه :rolleyes2:: كني كثرت عليك النصايح :) عموما حاول تاخذ كاش وياك ويكون بالدولار واذا نسيت مثلي فيه مكينة صرف سحب الي في المطار (مطار مالي ) لان الجزيرخ مافيها مكاين هذا للعلم

اخوي العنان ان شاء الله تستانسون واي استفسار انا حاضر

بيض الله وجهك يالغالي ماقصرت على هالمعلومات والنصايح ، وتم الحجز بس المشكله مع القطريه وكراسي البزنس ماحلصلت للذهاب قاعد احاول

[بو الجوري]

ما شاء الله فتحت نفسي عالسفره :... :)

إن شاء الله عقب ما خلص بنيان :.. وأخلص من القروض اللي علي :(:.. بسافر :):.. << عيل دورررني:rolleyes2:

[بو الجوري]

نسيت أسألك :..

كم عدد الأشخاص المسافرين :.. والأربع آلاف لشخص وإلا كم ؟

والصراحه هي غاليه شوي :.. شدعوه العشا من 200$ !!!

لكن الغرفه الصراحه رهيبه :.. والمكان والمناظر يستاهلوون :.. :nice:

[مدير]

خووش تقرير

في انتظار الاجزاء الباقية

ينطيك العافية خيو

[العنان]

والله متشوقين ياخوي للتكمله

[sara jsm]

ماشاءالله ,, صور قمة في الروعه ,,
سبحان الله منظر البحر يررررد الرووووح ,,
متابعه لك باذن الله ,, ^ ^

[بو الجوري]

وينك :.. عاد قلنا تقريرك وكيفك :.. :deal:
لكن لا تنقعنا :..:looking:

:playball:

[agag]

يبيله المالديف

[ماجد]

الحمدالله على السلامة

تقرير مسكت بصراحة

شنو نوع الكامير؟؟؟

[الماليه]

الحمدلله على السلامه

[العنان]

يلا يالغالي ترى استوينا واحنا ننطر التكمله شوقتنا ورحت

[بو الجوري]

:playball:

[فراشة ناعمة]

دوم أتمنى أزور جزر المالديف

أحب طبيعتها واااايد

ورحلتك جدا مشوقة

بس عندي سؤال

الفيلا اللي كنتوا فيها..فيها غرفة وحده؟؟

يعني تنفع بس لشخصين؟

[مــــلاك]

روعه ماشاء الله ..بصراحه شوقتنا لها
الله يكتب لنا ونروح لها في يوم

[wise_man]

*
*


تقرير عجيب مثلك يابوويزة يعطيك العافية

الصور تفتح النفس وتشرح الصدر
تذكرني بالمنظر الخارجي من مكتبي اللي مافيه شباك :rolleyes2:

الله يعافيك ياغالي
اموت على المكاتب السنعه :yes:



سؤال فني من واحد على راسي يشوف معاي بالمكتب
المالديف حسب مانسمع عنها اجوائها تميل للرومانسية اكثر من غيرها
او بطريقة ثانية السؤال:telephone:

تنفع لرحلة شبابية ؟ ( اسبوع زايد ناقص ) لو نعم
شاللي ممكن الواحد يسويه هناك ويستانس فيه

تقدر تنتقل لغير جزيرة فندقك لمجرد الاستكشاف
ولاكل واحد له جزيرته اللي حاجز فيها ولازم تحجز بالجزيرة الثانية بعد


سلم عليه
وبالنسبه للمالديف هي صحيح مياله اكثر للرومنسيه والاسترخاء وفي نفس الوقت تصلح شبابيه بشرط يكون معاك قروب على الدين ومن الاشياء اللي تقدر تسويها جميع الرياضات البحريه سكوترات تسحب بالبنانا والبرشوت غير الغوص وفيه كذا رحلات منها رحله على يخت تسوون سنوركلنك مع القرش الحوتي كانت امنيتي صراحه بس لازم يكون العدد مش اقل من سته بالنسبه للي بيسجلون وحظي انه كان معي ياباني وولد عمه صيني وكان المجموع ثلاثه لذلك قالوونا ضفوا وجيهكم وفيه رحلات حداق والصيد على ودنه ان شاء الله راح انزل صور الحداق في الاجزاء الجايه اما بالنسبه انك تروح جزيره ثانيه ممكن اذا انت حاب تسكن في فندق ثاني بمعنى يومين لكل جزيره بس بيني وبينك مانصحك خلك على جزيرتك لا تجيك اجزر منها

بالنسبه للمده اربع ايام الى اسبوع بالكثير او راح تتملل وترى مايمنع ويكند زائد يوم ترى تسوى



هالقعدة يبغيلها سيجار كوبي ( بس تمسكه )
و2 من بني قريضة يهفهفون عليك بريش وتعيش احساس الوالي :nice:

http://i213.photobucket.com/albums/cc162/wise_qatari/DSC02282.jpg


بيني وبينك السيجار ماكان موجود بس طرشت الاثنين اللي من بني قريضه للجزيره اللي فوق على اليسار في الصوره يجيبون سيجار :yes: ومادري وين راحوا


شرفني مرورك واي استفسار لا يردك الا الكيبورد

[wise_man]

بيض الله وجهك يالغالي ماقصرت على هالمعلومات والنصايح ، وتم الحجز بس المشكله مع القطريه وكراسي البزنس ماحلصلت للذهاب قاعد احاول

ووجهك ابيض والله يوفقك ان شاء الله

[wise_man]

ما شاء الله فتحت نفسي عالسفره :... :)

إن شاء الله عقب ما خلص بنيان :.. وأخلص من القروض اللي علي :(:.. بسافر :):.. << عيل دورررني:rolleyes2:



هههههه الله يوفقك ويكتبلك اللي احسن منه ان شاء الله

[wise_man]

نسيت أسألك :..

كم عدد الأشخاص المسافرين :.. والأربع آلاف لشخص وإلا كم ؟

والصراحه هي غاليه شوي :.. شدعوه العشا من 200$ !!!

لكن الغرفه الصراحه رهيبه :.. والمكان والمناظر يستاهلوون :.. :nice:



شخصين

هي غاليه بس والله تستاهل كل ريال اندفع فيها

[wise_man]

خووش تقرير

في انتظار الاجزاء الباقية

يعطيك العافية خيو



الله يعافيك والجزء الثالث توه طالع من المونتاج :looking:وجاهز

شرفني مرورك

[wise_man]

والله متشوقين ياخوي للتكمله


ابشر :yes:

[wise_man]

ماشاءالله ,, صور قمة في الروعه ,,
سبحان الله منظر البحر يررررد الرووووح ,,
متابعه لك باذن الله ,, ^ ^


يشرفني متابعتك للتقرير

[wise_man]

وينك :.. عاد قلنا تقريرك وكيفك :.. :deal:
لكن لا تنقعنا :..:looking:

:playball:



:looking:

ههههه تقريري

[wise_man]

يبيله المالديف



من قلب :looking:

[wise_man]

الحمدالله على السلامة

تقرير مسكت بصراحة

شنو نوع الكامير؟؟؟



الله يسلمك من كل شر

الكيمرا سوني t10 جرى عليها الدهر مش احترافيه يمكن بعد شبه احترافيه

[wise_man]

الحمدلله على السلامه


الله يسلمك من الشر

[wise_man]

دوم أتمنى أزور جزر المالديف

أحب طبيعتها واااايد

ورحلتك جدا مشوقة

بس عندي سؤال

الفيلا اللي كنتوا فيها..فيها غرفة وحده؟؟

يعني تنفع بس لشخصين؟



الله يكتبلك السفره ان شاء الله

وبالنسبه لسؤال نعم غرفة نوم وحده ولكن فيه الغرفه الثانيه اللي هي للمساج وفيها سريرين ممكن يتم استغلالها :looking:

[wise_man]

روعه ماشاء الله ..بصراحه شوقتنا لها
الله يكتب لنا ونروح لها في يوم


الاروع مروركم والله يكتب اللي فيه خير لكم ولنا وتروحون بأذن الله

[wise_man]

السلام عليكم ورحمة الله وبركاته

العذر والسموحه والله كنت مسافر يومين ورديت



الجزء الثالث

جوله في دواعيس :looking: الجزيره

قبل لا أبداء الجوله من احدى مزايا المنتجع انه مكون من جزيرتين الجزيره الرئيسيه وفيها الوبي والرسبشن وتقريبا اربع مطاعم ومحلات تسوق تقريبا ثلاث محلات منها محل مجوهرات ومحل شغلات سوفنير وملابس ومحل سوبرماركت او بالاحرى بقاله :yes: ومركز الغوص ومبنى السبا وفلل البيتش وفلل السبا ووتر اما الجزيره الثانيه فيها فلل الديلوكس ووتر والبريمير ووتر وفلتين سن ست ومطعم واحد وحجمها اصغر من الرئيسيه ويربط بينهم ممر تقريبا طوله متين متر
اذا تذكرت شي ثاني بحطه بعدين :pioneer:

يله خلونا نجول في ازقة الجزيره :no:



كنه هوا

http://i213.photobucket.com/albums/cc162/wise_qatari/DSC02287.jpg




اي والله هوا بس من اللي يحبه قلبك :looking:

http://i213.photobucket.com/albums/cc162/wise_qatari/DSC02288.jpg




طبعا الحي اللي ساكنين فيه يطلق عليه فريج ال اسبا :deal:

http://i213.photobucket.com/albums/cc162/wise_qatari/DSC02290.jpg




من الفلا اللين الرسبشن وضواحيه تقريبا خمس الى عشر دقائق تنقص ولا تزيد :swoon2:

http://i213.photobucket.com/albums/cc162/wise_qatari/DSC02291.jpg




http://i213.photobucket.com/albums/cc162/wise_qatari/DSC02292.jpg




المحلات بدت تظهر

http://i213.photobucket.com/albums/cc162/wise_qatari/DSC02293.jpg




على يمينها مباشره اللوبي والرسبشن


http://i213.photobucket.com/albums/cc162/wise_qatari/DSC02300.jpg




وعلى اليسار مركز الغوص وهذي صورته

http://i213.photobucket.com/albums/cc162/wise_qatari/DSC02294.jpg




تكمله للجوله


http://i213.photobucket.com/albums/cc162/wise_qatari/DSC02295.jpg



http://i213.photobucket.com/albums/cc162/wise_qatari/DSC02296.jpg



المطعمين اللي في الصوره تحت الاولي مطعم قرل ومتخصص في السي فود روعه والثاني عالمي وميزته انه تحت البحر ومغطى بزجاج بحيث انك تشوف الاسماك وانت تاكل يجب الحجز مسبقا

http://i213.photobucket.com/albums/cc162/wise_qatari/DSC02297.jpg




تكمله للجوله

http://i213.photobucket.com/albums/cc162/wise_qatari/DSC02298.jpg




ترييحه

http://i213.photobucket.com/albums/cc162/wise_qatari/DSC02299.jpg




http://i213.photobucket.com/albums/cc162/wise_qatari/DSC02301.jpg





هذي يابلفيت لقطه والله ستر على الكيمره من الماء :yu:

http://i213.photobucket.com/albums/cc162/wise_qatari/DSC02302.jpg



http://i213.photobucket.com/albums/cc162/wise_qatari/DSC02303.jpg





الصوره هذي بصراحه ذكرتني بالسؤال القديم (من الذي آتى قبل البيضه ام الدجاجه :D)

http://i213.photobucket.com/albums/cc162/wise_qatari/DSC02304.jpg




صفاوة البحر تكشفلك كل شي (ياعيني)

http://i213.photobucket.com/albums/cc162/wise_qatari/DSC02305.jpg




وبدى الغروب

http://i213.photobucket.com/albums/cc162/wise_qatari/DSC02341.jpg



http://i213.photobucket.com/albums/cc162/wise_qatari/DSC02343.jpg





وهذي المحلات


http://i213.photobucket.com/albums/cc162/wise_qatari/DSC02346.jpg





ردينا للفله وصور خلال الرده

http://i213.photobucket.com/albums/cc162/wise_qatari/DSC02348.jpg




http://i213.photobucket.com/albums/cc162/wise_qatari/DSC02354.jpg





واتى الليل وكمان صفاوة البحر تكشفلك كل شي:deal:


http://i213.photobucket.com/albums/cc162/wise_qatari/DSC02350.jpg





كان يوم متعب ودواه جاكوزي معتبر :fight:


http://i213.photobucket.com/albums/cc162/wise_qatari/DSC02358.jpg




http://i213.photobucket.com/albums/cc162/wise_qatari/DSC02357.jpg




وسلامتكم

انتظرونا في الجزء الرابع والعنوان والله مدري بنشوف :looking:

.

[الحياة كلمه]

والله عجيبه هالمالديف
ابي اعرف كم يوم تستاهل الواحد يقعد فيها ووين ممكن اروح مكان سياحي قريب منها.

[العنان]

ابشر :yes:

بشروك بالجنة

[بو الجوري]

يعطيك العافيه :.. وفي إنتظار الجزء الرابع :.. :)

[Eyeliner]

وناسه صح من كثر المنتجعات الواحد يحتار وين يسكن
بس عشت الحدث وكني موجوده
متابعين

[كهرمان]

وجزاك الله خير

[ليث العرين]

ماشاءالله عليك وايز مان تقاريرك انترناشيونال من يومين شايفهم في دوحه سي ههههههه

[PoBox]

*
*
وينك ولا يجينا ولا شي ، بانتظار الباقي :omen2:

[toghma]

شغل عدل مدل ، تقرير متعوب عليه

[بو الجوري]

يعطيك العافيه :.. وفي إنتظار الجزء الرابع :.. :)



بيذلنااااا على تقريره :.. :anger1:

:telephone:
ويـــــنــــــكـ :.. ؟

:)

[تحداني]

في يوم من الأيام راح أروح المالديف
متى ؟؟ ما أعرف :(
رائعه بمعنى الكلمه .. جزيره ولا في الخيال




كمل يا أخوي كمل
ننتظر ما تبقى من الأجزاء



جملك الله برضى الرحمن

[Ghroor]

^

يقولون راح تغرق قريب، يعني نلحق أو ما نلحق :)

[بازار]

شوف الله يسلمك

كنت ناوي على تركيا

بس تشكيلتها الطياره

بتغير مسارها

[تحداني]

^

يقولون راح تغرق قريب، يعني نلحق أو ما نلحق :)




لا خل ما تغرق
أبي أزورها :(.. تعبت وأنا أحلم

[alhelooheloo]

ماشاء الله
و يعطيك العافيه على الموضوع

[مشتاقة لقطر]

رحتها 2008 وااااااااااااااااااااو

بس نزلت منتجع اسمه كوروماثي

كنا حاجزين 10 ايام صارو3 ايام

بالنسبة لي بالعبايةوالشيلة مافيه اي نشاط غير الحر ذبحني

بس المناظر الرومنسية والاضاءات فالليل واااااااااااااو

حبيت اضيف نقطة مهمة

لازم يكون الفندق معطيك حجز للطيارة المائية قبل والا بتتم في مالي لين اليوم الثاني هذا اللي صار لنا

[ماجد]

وين الجزء الرابع ؟؟؟

صيفت علينا يابو

[شـعـشـبـونـه]

ماشاالله عالتقرير الي يفتح النفس

الله يعطيك العافيه اخوي وعسى سفراتكم كلها سعيده

ننتظر التكمله

[تحداني]

وين التكمله ؟؟ عيزت وانا انتظر
:(

[طماطه]

يعطيك العافيه ع التقرير

[تاله]

صور روعه ناطرين باقي الصور

[عذاري قطر 2011]

يعطيك العافيه على التقرير الرائع

في انتظار التكمله

[saad_majid]

ماشاء الله

[HADi]

الله يعطيك العافيه انا فيها حالياً ..

وان شاء الله اسوي لكم تقرير

[S A L M A N]

الشيخ اشوف الجو مب لين هناك ؟ وشكله كان براد

من وقته المناسب ؟ شمس وحركات ؟

ايا عليها والله حلمي اروح هناك

[khalid77]

ما شالله تقرير رااائع.....كمل اخوي

[flower-qa]

اخوي ممكن اعرف كم كلفتك الرحله ؟؟ لأن ناوويين انرووح

[وبشرالصابرين]

تقرير حلو
بس كانك طولت السالفة وهي قصيرة
في انتظار التكملة
الله يعطيك العافية

[M!ss Vimto]

في انظار الجزء الرابع :)

[ANONYMOUS]

يعطيك العافيه..

بس وين التكمله..

شكلك للحين هناك مارجعت

:)

[MiSs_toTo]

عسى ماشر ياخوي عسى المانع خير
يلا ننطرك في الجزء الرابع

[هند88]

اللـــــــــــــــــــــــــــــــــــــــــــــــ ــــــــــــــــــــــــــــــــه
رووووووووووووووووووووووووووووووعه
ماتوقعتها جذي حلوه .. وانا الي مطيحه في اوروبا بس .. يبيله تغيير :omen2:

يله انطر جزء الرابع :discuss:

[هند88]

الله يعطيك العافيه انا فيها حالياً ..

وان شاء الله اسوي لكم تقرير

انتظر تقريرك بأحر من الجمر من الحين ادري انه تقرير سوووبر :victory:

[جنون قطر]

والله شوقتونا لها خاطري اروح المالديف

[عنابي وابيض]

ماشاءالله تبارك الله

متاااااااابعيييييييييين

[Qatarianes]

والله حلوه الصراحه بس مب جوي كلش احس اني بمل عقب يوم او يومين @@
حلاته دوله فيها كل شي.. المدينه بصخبها الجبال بجوها والبحر بشواطيه
خير مثال ماليزيا

[وبشرالصابرين]

وووووووووووووييييييييييييييييييييييينك

:anger1::anger1::anger1::anger1::anger1:

[ROSE]

مازلنا في الانتظار :tease:

[صاحب السعادة]

متابعين لك

[تحداني]

تقرير ممتع تابعته من قبل وكنت اتوقع راح الاقي التكمله
بس مثل ماقالوا الاخوان والخوات مازلنا في الانتظار



لازم اروح المالديف في يوم من الايام


جملك الله برضاه

[wise_man]

:shy:
:shy:
انا جدا اسف:)

وعد خلال هاليومين نكمل وترتيب الاجزاء جاهز بس يبيله تشييك سريع ويعرض للنشر :)

واسمحولي مره ثانيه على التاخير

بس بعوضكم بتقرير ثاني عن المالديف وكانت السفره العيد اللي فات بس اخلص من هالتقرير بالاول :anger1:

[روح qtr]

ماشا الله عليك خبره الحين خلاص المره الجايه انا جاهز والله شوقتنا وبالتوفيق

[..er..]

بووووووووه


من 2010

والحين ب اخر 2011

وماخلص هههههههه

:(

حسيت بمعاناه الربع كلهم

[تحداني]

:shy:
:shy:
انا جدا اسف:)

وعد خلال هاليومين نكمل وترتيب الاجزاء جاهز بس يبيله تشييك سريع ويعرض للنشر :)

واسمحولي مره ثانيه على التاخير

بس بعوضكم بتقرير ثاني عن المالديف وكانت السفره العيد اللي فات بس اخلص من هالتقرير بالاول :anger1:






لا تعتذر يا اخوي احنه فقدنا الامل خلااااص
خل نشوف تقرير العيد الي فات ..
" بس ليش رايحين نفس المكان مرتين جان غيرتوا "
السموحه على السؤال




جملك الله برضاه