الــكل يــدش لأن هالمــوضــوع مـهـم

[AL3NA]

السلام عليكم ورحمة الله وبركاته


شحالكم جميعاً ومبارك عليكم الشهر

موضوعي هو عن البيع والشراء في منتدانا .. انا اشوف اشخاص يزيدون في السلع وهم ما يبون يشترون .. هذا غلط يا اخواان ... وتبون الديليل شوفو اسعار الاب تؤب في المنتدى كم يوصل :nice:

واحد من الربع عنده توشيبا .. مواصفاته وتحت التؤب ماخذه بـ3200 .. وداه لجميع المحلات في قطر .. واخر شي انباع بـ 800 ريال مع انه عباره جديد .. نظيف جداً

يا اخوان ترى والله حرام ان الشخص يزيد وهو ما يبي يشتري يرفع السعر على غيره ويبعد سعر السلعه عن الشاري الحقيقي واخر شي ما يشتري وصاحب السلعه يمكن انه محتاج ؟..

انا اقول ( اتقوا الله في انفسكم .. ولا تخربو على المحتاج اللي يبي يبيع ولا على الشاري اللي يبي يشتري .. الا اذا بتشترون )

ابيكم تتأكدون من المواضيع وتشوفون الناس اللي يزيدون والله يبين ان هالشخص ما يبي يشتري .. بس مادري ليش يزيد هل هو يبي يزيد مشاركاته او يبي مسمى تاجر الله اعلم :anger1:

[بـــــــنت النوخـّــــذه]

الله يعينكم00

[AL3NA]

الله يعين الجميع وياليت يكون هناك حل او اقتراح من الاعضاء

عشان الادارة تشوف الانسب حق هالاشخاص

[h9466]

كلامك صحيح اخوي...وفي هناك اعضاء الله يهديهم مايزيد قيمة السلعة لكن ينزل فيها للارض ويبخس سعرها ..والمشكلة هو لايريد يشتري ولا يبيع..بس اذى لخلق الله وعشان يزيد عدد مساهماته عشان ينكتب عنه انه مساهم نشط....لكن ابشرك ياخوي هالنوعية من الاعضاء اغلبهم صار معروف والكل يعرف طرقهم واساليبهم...

[AL3NA]

الله يكون في العوون والله ما يقهرني الا اللي يقول سلعتك هذي في دوله مجاوره قيمتها 150 ريال مثلاُ

وانت تبي تبيعها بـ 250

مع اني ما ابيع بس يقهروني ... ياخي اشتر ولا توكل على الله :(

[قطري33]

جزاك الله خير .. قالت اللي في خاطري
فيه ناس تسوم ولا تشتري وفيه ناس تبخس البضاعه .. يايسوم وهو فعلا جاد بالشراء أو يدعي لراعي البضاعه بدعوه حلوه بظهر الغيب لاخيه المسلم .
وحتى اللي يبخسون الناس اشيائهم مايجوز اخواني الاعضاء.. ماحد مجبور انه يسوم لذلك السومه لازم تكون في حدود المعقول مب تنزل قيمتها الارض
موضوعك ذكرني بموضوع احد الاعضاء الله يذكره بالخير كان عارض لكزس فورويل 2010 الجديد اصفااااار
وانسام بـــ180 الف حتى لو كان مقلوب من فوق جسر ماينسام بهالسعر :)

[راشد بن محمد]

[السلام عليكم ورحمة الله وبركاته

al3na تحيه طيبه وبعد
بعض الشباب يحط السلعه ويكلم صديقه يقوله ارفع السعر
وذاشفت السلعه ماتسوى القيمه الي يوصلونه
مجرد ان يرفع السلعه

[ali8.1]

الله يهدي الجميع قال الله تعالى {ولا تبخسو الناس اشيائهم}صدق االله العظيم

[بنت ابوها 19]

في ناس تنزل مواضيع ومساكين جادين يجونك ناس تستعبط وترفع السومه بدون جديه

مثل وحده مره نزلت موضووع انه تبي تبيع تلفون تمت تميع بالموضوع لين مارفعو السومه فوق 3000 بالاخير قالت مالي خاطر ابيعه


يااااسلام شنو يهال احنا تلعب ويانا شي غررررررريب والله

[نتفـه]

الله يعينكم الصراحه على هالناس اللي من هالنوع ,, الله يسامحهم يخربون بدال ما يعدلون !!

[STAR]

اعتقد ان هناك عقاب للشاري الغير جااااد,,اعتقد
يحجبون عنه قسم السوق مؤقتا او يوقفونه مؤقتا..

اللي يلاقي شراي غير جاااد يشتكي عليه عند الادارة
وهم يتصرفوووون

[aljaber1]

اعتقد ان هناك عقاب للشاري الغير جااااد,,اعتقد
يحجبون عنه قسم السوق مؤقتا او يوقفونه مؤقتا..

اللي يلاقي شراي غير جاااد يشتكي عليه عند الادارة
وهم يتصرفوووون


محد يقدر يجبره انه يشتري او ممكن يطلع باي عذر
او ممكن جاد ولقى عرض اخر انسب العمليه عملية ذمه وضمير
ولي يبي الله يبارك له ما يبخس ناس حقها وما يسوم الا جاد
لانه لما يسوم كانه يشهد ان هذه السلعة تسوى هالسعر .

[الجوكر90]

في ناس تنزل مواضيع ومساكين جادين يجونك ناس تستعبط وترفع السومه بدون جديه

مثل وحده مره نزلت موضووع انه تبي تبيع تلفون تمت تميع بالموضوع لين مارفعو السومه فوق 3000 بالاخير قالت مالي خاطر ابيعه


يااااسلام شنو يهال احنا تلعب ويانا شي غررررررريب والله

ههههههههههههههههه
الله يغربل ابليسج
عرفتها
يوم قالت وشو هالسومات
ولا سومه دشت بالي

[AL3NA]

والله المفروض يكون هناك رادع لهم مثال يحظون تحت اسم العضو كلمة تدل على ان هالشخص غير جاد
أو شيء يوضح ان هالشخص يسوم وهو غير جاد

[bambam]

التجاره شطاره اذا على الاب توب تقدرون تجيبون غيره الاماكن واجد

[الزين للزين]

صح كلامك اخوي

اهم الجدية.. لان حرام بعد تضيعة الوقت

[AL3NA]

ان شاء الله ادارتنا ما تقصر وبتشوف الأفضل

[@north_star@]

اى والله صدقت يا اخوي وانا ملاحظ هالشي من زمان وفي ناس عشان يرفعون سعر بضاعتهم يكلمون ربعهم عشان يرفعون السعر وترى اللى يستعمل هالطريقة على الاغلب هو الخسران وفي ناس تبخس سعر السلعه بالارض والله يهدي الجميع ويوفق الجميع

[AL3NA]

والله ولو كلمني اخوي ولد امي وابوي مستحيل ازيد وانا مالي رغبه في الشراء لانه حراام

وغش والعياذ بالله من حال من هذا حاله