نقاط يرتكبها الزوج تضعف العلاقه الاسرية ؟ اشرايكم

[ام عاليه]

حضرت الاسبوع الي طافة محاضرة للشيخ ابراهيم بوبشيت بعنوان ( لتسكنوا اليها)
فعرض بعض الاخطاء الي يرتكبها الزوج مما تجعل البيت ضعيف وغير سعيد ويمكن الكثير من الرجال يرتكبونها ولكن لايشعرون بانفسهم :


1) التدخل في شؤؤن واعمال الزوجة هي الي تكون مسؤؤله عنها....

2)الثناء على اختك او على امك او على احد القريبات ومدحها امام الزوجة :omg:مثل تصرف عجبك او عمل اتسوييه هالشي يشعل المشاكل في البيت.....

3) كشف الاسرار ممكن الزوجة اتقوله سر وتكتشف يعد فتره ما عاد سر الي حولها درو فيه.....

4) ان الزوج ما يتكلم:secret: ويحاور زوجته في اي موضوع يعني برع البيت يضحك ويسولف بس في البيت مافي كلام ايقوله....

5) اخذ ريال من معاش الزوجة ووضعه في البيت قال انا ما انصح لان هالشي يخلق مشاكل في المستقبل بس ممكن ان الزوج يشارك زوجته بفلوسها ممكن بمشروع او اي شي خارج البيت.... او ان الزوجه هي برضى تام منها اتساهم .....

6) اذاكانت الزوجة متضايقه في بعض الازواج لايهتم يقول يالله وبترضه ..... ولكن على الزوج ان يزيد الاهتمام فيها :shy:ويبين لها ان اهوه حاس فيها ....

8) في بعض الاحيان اذا خدمة الزوجة امها او اختها هالشي تينرفز االزوج:anger1:.... ليش! لازم ياخذها على ان الي اتسويه اجر ...

9) ذكر سلبيات الماضي في اي شجارلو هوشه:eek5: .... انتي سويتي كذا او قلتي كذا ....

10)عدم اسماع الزوجة الكلمة الطيبه او ارسال رساله جميله :telephone:من فتره او اخر او هديه اتعبر لها باهتمامك لان هالشي جدا مهم للحريمم....




هذي النقاط مختصره :nice:
انتوا اشرايكم في النقاط ؟؟؟؟

[حقيقه]

واكيد فيه نقاط وااااااااااااااااجد بعد ماذكرها

خل نسمع اراء البقيه

الحين صيام والمزاج مب رايق حق الرد :nice:

[بلوتنيوم]

نقاط حلوة
بس الحين عميان مانقدر نقول شيء :)

[ضوى]

1) التدخل في شؤؤن واعمال الزوجة هي الي تكون مسؤؤله عنها....

ياريت يتم توضيح هذه النقاط لانه احيانا تدخله يكون نوع من انواع المساعدة والمشاركة الوجدانية

2)الثناء على اختك او على امك او على احد القريبات ومدحها امام الزوجة مثل تصرف عجبك او عمل اتسوييه هالشي يشعل المشاكل في البيت.....

بالعكس ليش هالشئ يزعل ؟؟ بالذات امه وخواته ليش ازعل اذا مدح شئ صحيح قاموا فيه ؟؟ ماعتقد هالنقطة صحيحة وممكن تسبب مشاكل الا اذا هي في حالة حرب داحس والغبراء معهم

3) كشف الاسرار ممكن الزوجة اتقوله سر وتكتشف يعد فتره ما عاد سر الي حولها درو فيه.....

هذا هنا مب رجولة انه يقول سر قالته له زوجته معناها هو مش محافظ ولا امين على تفاصيل حياتهم ونعم هذا وايد ياثر على العلاقة بينهم

4) ان الزوج ما يتكلم ويحاور زوجته في اي موضوع يعني برع البيت يضحك ويسولف بس في البيت مافي كلام ايقوله....

ابحثي عن السبب في الزوجة ، كلما هرب الزوج من البيت فاكيد هناك سبب يدعوه لذك والاقلية استثناء يكون الزوج ولاءه وحبه لمن هم خارج بيته

5) اخذ ريال من معاش الزوجة ووضعه في البيت قال انا ما انصح لان هالشي يخلق مشاكل في المستقبل بس ممكن ان الزوج يشارك زوجته بفلوسها ممكن بمشروع او اي شي خارج البيت.... او ان الزوجه هي برضى تام منها اتساهم .....

هذا ايضا ليس من الرجولة بشئ فالرجل له القوامة وبالتالي عندما يحدث ذلك تنتفي عنه صفة القوامة حسب مفهومي المتواضع عن القوامة

6) اذاكانت الزوجة متضايقه في بعض الازواج لايهتم يقول يالله وبترضه ..... ولكن على الزوج ان يزيد الاهتمام فيها ويبين لها ان اهوه حاس فيها ....

نقطة صحية اوافقك عليه ، ولكن يجب ان تسير المركب ، اذا بتزعل كل مالهى عنها او نسى يخفف عنها الحياة مابتمشي بهم

8) في بعض الاحيان اذا خدمة الزوجة امها او اختها هالشي تينرفز االزوج.... ليش! لازم ياخذها على ان الي اتسويه اجر ...

ما له حق ، اللي مافيه خير في اهله مافي خير في الناس وبالعكس هالشئ لازم يفرحه ويسعده

9) ذكر سلبيات الماضي في اي شجارلو هوشه .... انتي سويتي كذا او قلتي كذا ....

فتح الدفاتر القديمة من اسوأ النقاط التي تضعف العلاقة الزوجية يجب اغلاقها وعدم مناقشتها اطلاقا بعد انتهائها

10)عدم اسماع الزوجة الكلمة الطيبه او ارسال رساله جميله من فتره او اخر او هديه اتعبر لها باهتمامك لان هالشي جدا مهم للحريمم....

الرومانسية بعيدةعنهم للاسف الشديد مع كل الطيبة والحنان اللي فيهم الا انهم يفقدون روح الرومانسية

تحياتي لك عزيزتي

[القلب المؤمن]

فعلا أنا أؤيد كل كلمة قلتيها ..الزوج لازم يكون انسان واعي وفاهم لهذي الامور بس للأسف مافي توعية اجتماعية أسرية ولو يبدون هالشي كمحاضرات الزامية بالمدارس أبرك بصراحة !

الزوج على عاتقه مسؤولية كبيرة وتصرفاته ممكن ماتهدم بيته بس وتهدم بعد بيت أسرته واخوانه وخواته!
والمشاكل تجر بعضها البعض وماتنتهي ..

اسم رب الاسرة أطلق على الزوج مب من قليل ..لان دوره كبير جدا وفعال ..
وبعدين المرأة بفطرتها مهما وصلت لمستوى عالي من التعليم والحكمة دائما تتطلع الى رجل يكون قدوة لها في كل الامور !!

بس في زمننا الحالي ويا للأسف المرأة صارت هي تقوم بدور الزوجة والاب والام والمصلح والدريول والمربي والمرشد والواعظ في العلاقات الاسرية سواء في بيتها او في بيوت اشقائها من الرجال !

الرجال اليوم مشغولين بشهواتهم وياريت لو المسألة فيها التعدد الا معاصي ومجاهرة فيها بالخليلات اللي معاهم عيني عينك جدام الناس .

الله يهديهم ويصلحهم :secret:

[ام عاليه]

1) التدخل في شؤؤن واعمال الزوجة هي الي تكون مسؤؤله عنها....

ياريت يتم توضيح هذه النقاط لانه احيانا تدخله يكون نوع من انواع المساعدة والمشاركة الوجدانية

الامثله كانت مثل امور البيت والمطبخ والزيارات وهالاشيه الي الزوجه اتحب تثبت نفسها فيهم

2)الثناء على اختك او على امك او على احد القريبات ومدحها امام الزوجة مثل تصرف عجبك او عمل اتسوييه هالشي يشعل المشاكل في البيت.....

بالعكس ليش هالشئ يزعل ؟؟ بالذات امه وخواته ليش ازعل اذا مدح شئ صحيح قاموا فيه ؟؟ ماعتقد هالنقطة صحيحة وممكن تسبب مشاكل الا اذا هي في حالة حرب داحس والغبراء معهم

بالعكس انا معاه لان هالشي يفتح باب للمقارنات والهشي يخلق باب للمشاكل3)
كشف الاسرار ممكن الزوجة اتقوله سر وتكتشف يعد فتره ما عاد سر الي حولها درو فيه.....

هذا هنا مب رجولة انه يقول سر قالته له زوجته معناها هو مش محافظ ولا امين على تفاصيل حياتهم ونعم هذا وايد ياثر على العلاقة بينهم

4) ان الزوج ما يتكلم ويحاور زوجته في اي موضوع يعني برع البيت يضحك ويسولف بس في البيت مافي كلام ايقوله....

ابحثي عن السبب في الزوجة ، كلما هرب الزوج من البيت فاكيد هناك سبب يدعوه لذك والاقلية استثناء يكون الزوج ولاءه وحبه لمن هم خارج بيته

5) اخذ ريال من معاش الزوجة ووضعه في البيت قال انا ما انصح لان هالشي يخلق مشاكل في المستقبل بس ممكن ان الزوج يشارك زوجته بفلوسها ممكن بمشروع او اي شي خارج البيت.... او ان الزوجه هي برضى تام منها اتساهم .....

هذا ايضا ليس من الرجولة بشئ فالرجل له القوامة وبالتالي عندما يحدث ذلك تنتفي عنه صفة القوامة حسب مفهومي المتواضع عن القوامة

6) اذاكانت الزوجة متضايقه في بعض الازواج لايهتم يقول يالله وبترضه ..... ولكن على الزوج ان يزيد الاهتمام فيها ويبين لها ان اهوه حاس فيها ....

نقطة صحية اوافقك عليه ، ولكن يجب ان تسير المركب ، اذا بتزعل كل مالهى عنها او نسى يخفف عنها الحياة مابتمشي بهم
تم ذكر هالنقطه عشان ينتبه لها الزوج

8) في بعض الاحيان اذا خدمة الزوجة امها او اختها هالشي تينرفز االزوج.... ليش! لازم ياخذها على ان الي اتسويه اجر ...

ما له حق ، اللي مافيه خير في اهله مافي خير في الناس وبالعكس هالشئ لازم يفرحه ويسعده

9) ذكر سلبيات الماضي في اي شجارلو هوشه .... انتي سويتي كذا او قلتي كذا ....

فتح الدفاتر القديمة من اسوأ النقاط التي تضعف العلاقة الزوجية يجب اغلاقها وعدم مناقشتها اطلاقا بعد انتهائها

10)عدم اسماع الزوجة الكلمة الطيبه او ارسال رساله جميله من فتره او اخر او هديه اتعبر لها باهتمامك لان هالشي جدا مهم للحريمم....

الرومانسية بعيدةعنهم للاسف الشديد مع كل الطيبة والحنان اللي فيهم الا انهم يفقدون روح الرومانسية

لوووول مش كل الرجال لكن الاغلب نعم:nice:

تحياتي لك عزيزتي

شاكره لج مرورج وردج :victory:

[قهوة الضحى]

صراحة نقاط حلوة كل نقاط ذكرها اول شئ مزين ردج حقيقه

[ام عاليه]

فعلا أنا أؤيد كل كلمة قلتيها ..الزوج لازم يكون انسان واعي وفاهم لهذي الامور بس للأسف مافي توعية اجتماعية أسرية ولو يبدون هالشي كمحاضرات الزامية بالمدارس أبرك بصراحة !

اقتراح حلو ممكن من الثانويه يقدمون نثل هامحاضرات للطلاب والطالبات

بس في زمننا الحالي ويا للأسف المرأة صارت هي تقوم بدور الزوجة والاب والام والمصلح والدريول والمربي والمرشد والواعظ في العلاقات الاسرية سواء في بيتها او في بيوت اشقائها من الرجال !
هالشي المراه هي الي تجيبه لنفسها صراحه لازم من البداية اتحطط حدود وتبين لزوجها ان هالشي مب انا الي مسؤؤله عنه وما اتسوي ويا بلفيت اتخفف عنه وبعدين اهيه الي تاكلها


الرجال اليوم مشغولين بشهواتهم وياريت لو المسألة فيها التعدد الا معاصي ومجاهرة فيها بالخليلات اللي معاهم عيني عينك جدام الناس .

الله يهدي الجميعالله يهديهم ويصلحهم :secret:
شكرا على المداخله الحلوه:nice:

[technical]

زين ايه دور الزوجه من القائمه التي تفضلت الأخت الفاضله بها ..
ونتوقع كرجال ان تكون قائمتنا اكثر كرماً من قائمه حقوق الزوجات .

[شاهيناز]

2)الثناء على اختك او على امك

هذي النقاط مختصره :nice:
انتوا اشرايكم في النقاط ؟؟؟؟

الزوجه الي تغار من مدح زوجها لاخته وامه مافيها خير

[bu abdulla]

انا كنت حاضر المحاضره ... ما شاء الله عليج اختى كفيتى و وفتى نفس النقاط

[رنج سبورت]

جزاك الله خير على نقل الموضوع وجزى الله الشيخ ابراهيم بوبشيت خير الجزاء

[OTOsan]

اعتقد ان اكبر خطأ قد يرتكبه الزوج هو ان يجعل زوجته تشعر بأنه (بعيد عنها) ..او في طريقه للابتعاد عنها !

واقصد هنا (الابتعاد النفسي ) !

لكم جزيل الشكر ،،

[الدمعه]

1) التدخل في شؤؤن واعمال الزوجة هي الي تكون مسؤؤله عنها....

هالشي يسعدني بس كل شي يزيد عن حده ينقلب ضده..

2)الثناء على اختك او على امك او على احد القريبات ومدحها امام الزوجة :omg:مثل تصرف عجبك او عمل اتسوييه هالشي يشعل المشاكل في البيت.....

مب كل شي يزعل بس كنت اتضايق اذا سويت شي قال لي فلانه تسويه احلى وانتي

ماتعرفين تسوينه .. او كلناه في البلاد الفلانيه وكان الذ وخصوصا اذا كان هالكلام جدام حد ..

وطبعا هالكلام اول ماتزوجنا ..اللحين كل شي تغير وكلن عرف طبيعة الثاني ..

3) كشف الاسرار ممكن الزوجة اتقوله سر وتكتشف يعد فتره ما عاد سر الي حولها درو فيه.....

الحمدلله هالشي مب عندنا ..

4) ان الزوج ما يتكلم:secret: ويحاور زوجته في اي موضوع يعني برع البيت يضحك ويسولف بس في البيت مافي كلام ايقوله....

اذا الشي مضايقه من برا مايتكلم الا عقب فتره .. اما من ناحيه سوالف وغشمره ومقالب ..الحمدلله موجود هالشي بيننا ..

5) اخذ ريال من معاش الزوجة ووضعه في البيت قال انا ما انصح لان هالشي يخلق مشاكل في المستقبل بس ممكن ان الزوج يشارك زوجته بفلوسها ممكن بمشروع او اي شي خارج البيت.... او ان الزوجه هي برضى تام منها اتساهم .....

مع اني اشوف ان هالشي المفروض من الزوجه بنفسها تنعر بماانها بتقصر من واجباتها تجاهه عالاقل تشل شوي معاه وماعليه ملام ..

6) اذاكانت الزوجة متضايقه في بعض الازواج لايهتم يقول يالله وبترضه ..... ولكن على الزوج ان يزيد الاهتمام فيها :shy:ويبين لها ان اهوه حاس فيها ....

احيانا تصير واحيانا لا على حسب الموضوع..

8) في بعض الاحيان اذا خدمة الزوجة امها او اختها هالشي تينرفز االزوج:anger1:.... ليش! لازم ياخذها على ان الي اتسويه اجر ...

9) ذكر سلبيات الماضي في اي شجارلو هوشه:eek5: .... انتي سويتي كذا او قلتي كذا ....

10)عدم اسماع الزوجة الكلمة الطيبه او ارسال رساله جميله :telephone:من فتره او اخر او هديه اتعبر لها باهتمامك لان هالشي جدا مهم للحريمم....

كل شي يتغير مع الزمن وتتآلف القلوب وتزيد المحبه ..


جزاج الله خير ومشكوره اختي ..

[منهم وفيهم]

تعليقي على النقطه 2
ترى بعض الريايل يكون هذا اسلوبه لتوصيل ملاحظه يعني لو مدح طبخ اخته هو يبيج تتعلمين مثله وهكذا يعني فلا تاخذينها على إنها نقطة سلبيه ..هذا مسج مشفر:)

[unless]

بصراحة عجيــــــب امر هالنسوان
ما أدري ايش يبون إذا تزوجوا
ودائـــــــماً يحبون يعيشون في الخيال والحلم
مابــــــقى إلا نتزوجهم ونرزهم على منصة
ونتسمر تحتها هيام وغرام ومدح وثناء
وفي المقابل ايش قدمتي انتي حقوق للزوج
انا على قناعة تامة بالمعادلة :
تقصير+ عدم اثبات وجود+انانية=كثرة شكوى على الزوج

[فارس الكلمة]

زيدني شكر .. أزيدك حلاوة .. :)

[ام شوشي]

) التدخل في شؤؤن واعمال الزوجة هي الي تكون مسؤؤله عنها....

طبعا احنا تفاهمنا منذالبداية الخادمة من اختصاصي

2)الثناء على اختك او على امك او على احد القريبات ومدحها امام الزوجة مثل تصرف عجبك او عمل اتسوييه هالشي يشعل المشاكل في البيت.....

على العكس اذا مدح امي فهذا يسرني اما اذا كان اختي او احدى القريبات فااحب ان يكون هذا بيني وبينة



3) كشف الاسرار ممكن الزوجة اتقوله سر وتكتشف يعد فتره ما عاد سر الي حولها درو فيه.....
الحمدلله متفاهمين بهذا الشان كل منا يحفظ سر الاخر

4) ان الزوج ما يتكلم ويحاور زوجته في اي موضوع يعني برع البيت يضحك ويسولف بس في البيت مافي كلام ايقوله....

لا والحمدللة بكل امانة يخبرني بكل صغيرة وكبيرة اصلا اذا جاء البيت وهو مشحون او مضغوط لايهنى لة بال الا ان يفضفض الا ومسندرني الله يحفظة يسولف لي حتى عن دوامة



5) اخذ ريال من معاش الزوجة ووضعه في البيت قال انا ما انصح لان هالشي يخلق مشاكل في المستقبل بس ممكن ان الزوج يشارك زوجته بفلوسها ممكن بمشروع او اي شي خارج البيت.... او ان الزوجه هي برضى تام منها اتساهم .....

حقيقة انا مااشتغل وحتى لوكنت اشتغل احب ان اصرف على بيتي بمزاجي وزوجي ليس لة دخل بذلك
6) اذاكانت الزوجة متضايقه في بعض الازواج لايهتم يقول يالله وبترضه ..... ولكن على الزوج ان يزيد الاهتمام فيها ويبين لها ان اهوه حاس فيها ....
جدا انا حساسة بتلك النقطة لانة هو اكثر شي يبدا با المشاكل يعني يزعلني فلازم يراضيني اما من ناحية انة اذا انا متضايقة مايحس فيني لا حرام يحس فيني

8) في بعض الاحيان اذا خدمة الزوجة امها او اختها هالشي تينرفز االزوج.... ليش! لازم ياخذها على ان الي اتسويه اجر ...
بل العكس يفرح وهو دوووم يقولي اللي مافية خير لهلة مافي خير لزوجتة

9) ذكر سلبيات الماضي في اي شجارلو هوشه .... انتي سويتي كذا او قلتي كذا .
...بكل امانة نعم لاني انقهر مثلا هو فية عادة يعملها تضايقني واقولة لاتكررها لانها تضايقني فيكررها فاانا ازعل واذكرة با اللذي مضى

10)عدم اسماع الزوجة الكلمة الطيبه او ارسال رساله جميله من فتره او اخر او هديه اتعبر لها باهتمامك لان هالشي جدا مهم للحريمم.
...لااسمع كلمة حلوة بين فترة واخرى

[خليفـة]

بارك الله فيج اختي الكريمة على نقل هالنقاط المهمه
واسأل الله ان يصلح حال كل بيت مسلم
وان يعامل كل زوج زوجته بما يرضي الله

:)

[Bu Rashid]

نقاط في محلها ...
مشكووووره اختي ما قصرتي