اش رايكم بمدرسة دار السلام الهندية !!

[دخيل الله]

السلام عليكم ياجماعه وجماعات <<< يعني ياشباب وسيدات :)

ولدي الله يخلي لكم عيالكم يدرس بالقادة الخاصة اللي بالمعمورة وصراحة المدرسة بعيدة وايد عن بيتنا غير كذا الولد من النوع اللي يدوخ بالسيارة كل يوم راد البيت وجه معفوس من الباص والباص عندهم مايوصل للمنطقة اللي احنا فيها ( المنصورة ) وماخذه طلبيه خاصة وصراحة مستوى المدرسة جيد جداً وتعاملهم جميل وماشفنا منهم الا كل خير كأدارة ومحاسبة وغيرهـ طبعاً هالسنة زادو الرسوم صارت 12500 بدل 11 الف ماعلينا

انا ياسادة جنب بيتي يعني الجدار بالجدار حذاي على طول مدرسة دار السلام الهندية وجيتهم ولقيت قطريين وعرب كثير مسجلين فيها واللي اعجبني ان الانقليزية فيها اجبارية بحكم طاقم التدريس اجنبي 100 % وكذلك قريبة يعني الولد لو تاخر في القومة الصبح مايحتاج اتعطل اروح اوصله يروح على رجوله والمدرسة رسومهم معقولة ومبناهم جيد وفيه مسرح وملاعب سألت كثير لقيت الاعتراض الوحيد ان الولد راح يتكلم الانقليزية بلكنه ( هندية ) يعني مخارج الحروف قلت مب مشكلة الاهم يتكلم يعني مب مهم اللكنه لكن والله متردد وابي فزعتكم تكفون الولد مانقلت الى اللحين باقي ملفة بمدرسة القادة العالمية الخاصة

اش رايكم بهذه المدرسة وهل احد يعرف شخص قطري او عربي مسجل فيها وش يقول عن مستواها وهل هي معتمده يعني اخاف ادرس الولد بعدين يقولون مو معتمده الشهادة >>> اش دعوى جامعه الله يهداك :nice:

لقيت بالمنتدى هالرابط مدرسة دار السلام قطري بيسجل ولده فيها اضغط هنا (http://www.qatarshares.com/vb/showthread.php?t=266828)

لكن ارغب في الاستزاده ولكم كل الحب والتقدير

[ع.م]

لو أنا منج بادخله هالمدرسة دام إنها قريبة هالكثر من البيت و تعليمهم أوكي.. و بالمرة يتعلم الولد التواضع في التعامل مع الجاليات.. بتطلع شخصيته حلوة عقب..

[ع.م]

http://www.qatarshares.com/vb/showthread.php?t=309930

[khaleeji]

والله اعرف واحد صومالي انجليزيته توب كان يدرسفي المدرسه الهنديه

بل الاكسنت هندي لكنها مب مشكله كبيره .... والله يوفقكم

[دخيل الله]

معليش يالربع الموضوع مو عن المدارس الهندية انا حصراً وحصرياً اتكلم عن

مدرسة دار السلام الهندية

اللي يعرف منهجهم وهل عندهم منهج اسلامي او على اي منهج اخاف يكون لهم توجه ديني مسيحي او هندوسي ورسومهم وطريقة الدراسة عندهم انا ان شاء الله الاثنين اذا كانو شغالين بمر عليهم لانهم عند بيتنا بس مانستغني عن نصايحكم لهذه المدرسة

[XXX]

انشالله تلقى الرد الشافي والله يطرح في عيالك البركه

[دخيل الله]

انشالله تلقى الرد الشافي والله يطرح في عيالك البركه

ربي يوفقك ويسلمك ومشكور للدعوة الطيبة

[أبورودي]

هلا وغلا اخوي
اذهب للمدرسه واسال عن شهاده cbse
هذه هى شهاده الثانويه العامه المعتمده فى كل الجامعات اذا كانت موجوده لديهم
لا تتردد وادخل ابنكفورا
ابناء فى الهنديه الاسلاميه وكل المدارس الهنديه منهجهم واحد ويتبه وزاره التعليم الهنديه
العربي لغه ثانيه وتعليمه فوق ممتاز ويبدا تدريسه هو واللغه الفرنسيه من الصف التانى الابتدائي
تدريسهم للتربيه الاسلاميه ممتاز
لديهم التزام شديد وتحفظ على التربيه القويمه
لاتجدسباب او مشاجرات
يحبوبون الاطفال فى الدراسه جدا
توكل على الله وراجع موضوعى فى الرابط الاعلى عن المدرسه الهنديه لتعرف اكثر
هذ

[دخيل الله]

هلا وغلا اخوي
اذهب للمدرسه واسال عن شهاده cbse
هذه هى شهاده الثانويه العامه المعتمده فى كل الجامعات اذا كانت موجوده لديهم
لا تتردد وادخل ابنكفورا
ابناء فى الهنديه الاسلاميه وكل المدارس الهنديه منهجهم واحد ويتبه وزاره التعليم الهنديه
العربي لغه ثانيه وتعليمه فوق ممتاز ويبدا تدريسه هو واللغه الفرنسيه من الصف التانى الابتدائي
تدريسهم للتربيه الاسلاميه ممتاز
لديهم التزام شديد وتحفظ على التربيه القويمه
لاتجدسباب او مشاجرات
يحبوبون الاطفال فى الدراسه جدا
توكل على الله وراجع موضوعى فى الرابط الاعلى عن المدرسه الهنديه لتعرف اكثر
هذ

تسلم ( ي ) بس بخصوص شهاده cbse ما اظن الموضوع راح يطول للثانوية هي الابتدائية وعقب ربي يحلها اشكرك ماتدري متى دوامهم وطريقة الدراسة شلون

[دخيل الله]

للأسف ياجماعة اليوم رحت لهم قالو ناقلين المبني من حارتنا الى الوكرة :anger1::anger1:

يعني ماراح نستفيد شي قالو لي في وحدة عند المول ووحدة في المطار القديم

من يعطيني العناوين والاسماء وله دعوة بظهر الغيب

[أبورودي]

الدراسه فى المدرسه الهنديه تبدا اول ابريل وعباره عن 3 ترمات فاتكمنهم الترم الاول

[دخيل الله]

الدراسه فى المدرسه الهنديه تبدا اول ابريل وعباره عن 3 ترمات فاتكمنهم الترم الاول

والحل شلون عادي يسجلون الولد والا انطر السنه اللي بعدها

[الكــاســــر]

ما قتلنا الولد اي صف

رأيي أنا لو ليحن صغير يعني ابتدائي
أحسنله ما يروح مدرسة هندية أو خاصة
تؤثر على الشخصية

[الوان]

نصيحه مني لك

خل ولدك ي القاده

انا بناتي فيها .. تعليمهم ممتاز

و في تغييرات كبيره راح تصير في المدرسه

و في خطه ان يفصلون البنات و البنين بإذن الله

و الله المستعان

[دخيل الله]

نصيحه مني لك

خل ولدك ي القاده

انا بناتي فيها .. تعليمهم ممتاز

و في تغييرات كبيره راح تصير في المدرسه

و في خطه ان يفصلون البنات و البنين بإذن الله

و الله المستعان

اليوم انا رحت نور الخليج لقيت الاسعار نفس اسعار القادة

القادة السنه هذي الصف الثالث 12500 ريال

ونور الخليج 4150 كل ترم لثلاث مرات يعني 12450 ريال في السنه

والباص القادة ماتوصل لعندي ماخذهـ 4000 الاف السنه

نور الخليج 3000 ريال كل ترم 1000 ريال

نور الخليج فيها مسابح وملاعب وصالة العاب مكيفة مغلقة والقادة مافيها الا دريه برع

الهندية الاسلامية مريتهم اليوم وموقعهم ورى حجز بو هامور للسيارات بس قالو بكرة الاثنين يداومون برجع امرهم اشوف

[دخيل الله]

ما قتلنا الولد اي صف

رأيي أنا لو ليحن صغير يعني ابتدائي
أحسنله ما يروح مدرسة هندية أو خاصة
تؤثر على الشخصية

طالع الصف الثالث وانا اذا بحطة بحطه في الاسلامية ميس افضل مبنى متكامل وملاعب ومسابح ولغة انقليزية صح بس ما ادري القى مكان او لا لان يقولو الدراسة بادية عندهم من شهر 4

[دخيل الله]

لتعم الفائدة خريطة موقع المدرسة الهندية الاسلامية

اضغط هنا خريطة توضح موقع المدرسة (http://maps.google.com/maps?num=50&hl=ar&noj=1&safe=active&um=1&ie=UTF-8&q=mes&fb=1&gl=qa&hq=mes&hnear=%D8%A7%D9%84%D8%AF%D9%88%D8%AD%D8%A9&cid=0,0,10811019914516752920&ei=HqxyTNHdDM-PcaTuqJoN&sa=X&oi=local_result&ct=image&resnum=4&ved=0CCUQnwIwAw)




.

[أبورودي]

السلام عليكم اخوانى
بخصوص المدرسه الهنديه الاسلاميه
اولادي ملحقين بها
موعد التسجيل من 15 مارس حتى اول ابريل
وقد توقفوا عن قبول غير الجنسيه الهنديه
بنسبه للمدرسه الهندسه الحديثه ومقرها قبل الطب الوقائي عند محطه بترول ابوهامور
فهم يقبلون غير الهنود
ومصاريفهم لمرحله الرياض بالباص حوالى 10000 ريال فى العام
بخصوص التسجيل حاليا يجب مراجعه المدرسه قد يكون هناك اماكن خاليه

كل المدارس الهنديه مستواها متقارب
لكن تحتاج الى مجهود من ولى الامر للمتابعه والمذاكره مع الابناء

[دخيل الله]

السلام عليكم اخوانى
بخصوص المدرسه الهنديه الاسلاميه
اولادي ملحقين بها
موعد التسجيل من 15 مارس حتى اول ابريل
وقد توقفوا عن قبول غير الجنسيه الهنديه
بنسبه للمدرسه الهندسه الحديثه ومقرها قبل الطب الوقائي عند محطه بترول ابوهامور
فهم يقبلون غير الهنود
ومصاريفهم لمرحله الرياض بالباص حوالى 10000 ريال فى العام
بخصوص التسجيل حاليا يجب مراجعه المدرسه قد يكون هناك اماكن خاليه

كل المدارس الهنديه مستواها متقارب
لكن تحتاج الى مجهود من ولى الامر للمتابعه والمذاكره مع الابناء

يعطيك الف عافية موضوعك كان الدافع الاول للبحث في هذا الخصوص بكرة ان شاء الله يوم الاثنين رايح للهندية الاسلامية والهندية الحديثة وارد لكم الاخبار للي يهمه الامر ويبي يستفيد

للافادة هذا رابط خريطة موقع الهندية الحديثة اضغط هنا (http://maps.google.com/maps?hl=ar&noj=1&safe=active&um=1&ie=UTF-8&q=Doha+Indian+modern&fb=1&gl=qa&hq=Indian+modern&hnear=%D8%A7%D9%84%D8%AF%D9%88%D8%AD%D8%A9&view=text&ei=DABzTJmOD8yrceWgobwP&sa=X&oi=local_group&ct=more-results&resnum=1&ved=0CA8QtQMwAA)

[rashid11]

صل ركعتين استخارة قبل ماتنقله

[كازانوفا]

طيب كيف اسعارها للاطفال الاقل من 4 سنوات