المساعد الشخصي الرقمي

مشاهدة النسخة كاملة : في احد يستعمل حبوب Sleep Assure للــنـــوم ، ، ، ؟



بـن عدوان
21-08-2010, 02:44 PM
السلام عليكم ورحمة الله وبركاته ..

مساء الخير للكل ..

يالغاليين انا أعاني من قلة النوم وشي بسيط من الأرق ...

ولما أنام ما أرتاح في نومي، يعني لازم اقوم، واذا قمت يبيلي ربع ساعه لين ما ارجع انام او ساعات ماقدر أرجع أنام ..

طبعا هالشي يرجع لأمور كثيرة ..

عموما ..

انا رحت الصيدلية وطلبت دوى وعطاني Sleep Assure

http://ecx.images-amazon.com/images/I/41KSJWAT09L._SL500_AA300_.jpg

وقالي انه هالدوى أعشاب ومافيه مواد كيماوية، وسويت بحث على الانترنت وفعلا لقيت انه أعشاب ...

سؤالي: في أحد يستعمل هالحبوب ؟

هل فيها أضرار ؟

هل تخلي الواحد يدمن عليها ؟

أرجو الإفــادة

وكل عام وانتوا بخير

بن كعدان
21-08-2010, 02:52 PM
وعليكم السلام ورحمة الله وبركاته

اخوي انا استعملتها فترة

ماشفت منها اي تاثيره وخذ حبة وحده
و دقايق وانت بنوم عميق:victory:

بـن عدوان
21-08-2010, 02:53 PM
وعليكم السلام ورحمة الله وبركاته

اخوي انا استعملتها فترة

ماشفت منها اي تاثيره وخذ حبة وحده
و دقايق وانت بنوم عميق:victory:

انا جربتها مرة وحدة وفعلا نمت نومه مب صاحية ..

بس ما أدري ، اخاف أدمن عليها ، او تسبب أضرار جانبية على المدى القريب او البعيد

Gh2o
21-08-2010, 02:54 PM
اخوي توجد حلول غير الادويه ليش ماتجربها ؟ مثل الحليب مع العسل والرياضه الشاور الدافي قبل النوم

تحداني
21-08-2010, 02:57 PM
أعاني من نفس المشكله
نتمنى مشاركه الجميع .. وإعطائنا تجاربهم مع هذا الدواء



بالإضافه الى اسأله اخونا " بن عدوان "

هل يجد الشخص بعد تناول هذا الدواء صعوبه في الاستيقاظ من النوم ؟؟




شكرا على هذا الموضوع .. وجملكم الله برضى الرحمن

بـن عدوان
21-08-2010, 03:02 PM
اخوي توجد حلول غير الادويه ليش ماتجربها ؟ مثل الحليب مع العسل والرياضه الشاور الدافي قبل النوم

جربت المذكور أعلاه ، بس للأسف مافادني ...

يعطيك العافية اخوي الكريم وماقصرت :)

العضو الماسي
21-08-2010, 03:05 PM
اخوي بن عدوان من اي صيدليه اخذته ؟

حقيقه
21-08-2010, 03:06 PM
الحل هو انو اتعب عمرك طول اليوم بس بشرط اذا رجعت من الدوام لازم ترقد لك ساعه او ساعتين وبعدين تطلع وماترتاح لين الليل

وبهالحاله بترجع للسرير تعبان ماتقدر تفكر ولا تعطي مجال للتفكير وترقد على طول

ANONYMOUS
21-08-2010, 03:06 PM
جربوها وعطوني خبر


نهاية كل ويكند يعتفس نومي..


يبي له حبه كل سبت 11 فليل عشان يتعدل النوم طوال الاسبوع

بـن عدوان
21-08-2010, 03:07 PM
اخوي بن عدوان من اي صيدليه اخذته ؟

اخوي الكريم هالدوى موجود في كل الصيدليات ..

عن نفسي خذته من صيدلية العزيزية :)

تقبل تحياتي

شمعة الدوحه
21-08-2010, 03:08 PM
انا جربت بنادول نايت واحسها عادي

ودي اشتري الحبوب اللي ذكرتها

بس هل بلاقي صعوبه في الاستيقاظ :telephone:

يعني لو حطيت منبه بحس فيه والا بكون في سابع نومه :rolleyes2:

بـن عدوان
21-08-2010, 03:09 PM
الحل هو انو اتعب عمرك طول اليوم بس بشرط اذا رجعت من الدوام لازم ترقد لك ساعه او ساعتين وبعدين تطلع وماترتاح لين الليل

وبهالحاله بترجع للسرير تعبان ماتقدر تفكر ولا تعطي مجال للتفكير وترقد على طول

جربت أتعب رووحي :weeping:

الحل بدون حبوب، هو إني اكون سهران ومواصل وانام الظهر !!

دوامي شفتات ومب طويل :nice:

شمعة الدوحه
21-08-2010, 03:09 PM
جربوها وعطوني خبر


نهاية كل ويكند يعتفس نومي..


يبي له حبه كل سبت 11 فليل عشان يتعدل النوم طوال الاسبوع

علشان الدوام :tease:

لان لو عدلته السبت انتظم طول الاسبوع ويرد يخترب الخميس :rolleyes2:
وهكذا .....

شمعة الدوحه
21-08-2010, 03:11 PM
الحل هو انو اتعب عمرك طول اليوم بس بشرط اذا رجعت من الدوام لازم ترقد لك ساعه او ساعتين وبعدين تطلع وماترتاح لين الليل

وبهالحاله بترجع للسرير تعبان ماتقدر تفكر ولا تعطي مجال للتفكير وترقد على طول

نومة الظهر موب حل لكل الناس
انا وحده اذا رقدت الظهر مايجيني نوم بالليل

بـن عدوان
21-08-2010, 03:11 PM
انا جربت بنادول نايت واحسها عادي

ودي اشتري الحبوب اللي ذكرتها

بس هل بلاقي صعوبه في الاستيقاظ :telephone:

يعني لو حطيت منبه بحس فيه والا بكون في سابع نومه :rolleyes2:

في إعتقادي اي تقدرين، على كلام الصيدلي هالحبوب مفعولها مب قوي وايد.

في انتظار التجربة بس انصحج بالاستشارة قبل لا تاخذينها عشان تكونين متطمنة ..

تقبلي تحياتي

المحافظ
21-08-2010, 03:15 PM
خذ من مجرب ، الحبوب مفعولها وسط يعني لا ترقد على طول و لا انها بدون مفعول ، لكن لازم تأخذها قبل موعد النوم بساعة ولازم ما تقوم باي نشاطات في هالوقت ، يعني تهيء نفسك للنوم ، مالها أضرار لأنها مستخلصة من أعشاب طبيعية (على كلام الشركة المنتجة).

وأنا أستعملها نادرا في الحالات اللي تضرب معاي كلش و ما أقدر أرقد ، ولكن نادرا يعني في الشهرين او ثلاثة شهور مرة وحدة ، وشخصيا حصلت أنه أفضل طريقة للنوم هي انه الانسان ما يرقد الظهر و يتعب نفسه لين الليل ، وبعدين النوم بيجيك كاش مرة وحدة ، وطبعا تنظيم وقت النوم مهم.

لكن للظروف أحكام و هالحبوب جيدة ، ولا تسبب إدمان ولا شي ، بس لا تكثر منها عشان ما تخرب النظام الطبيعي للجسم.

twilight
21-08-2010, 03:28 PM
نصيحة للي ماينامون ... جربو قبل ماتنامون.. تجون السرير بدري شوي وتقرون قرآن أو كتاب مفيد على السرير... مع القراءة العيون تتعب ويميل الشخص للنوم بسرعة ..

وطريقة أخرى فادتني بعد إنك لما تجي السرير حاول تستغفر أو تسبح على إيدك مئة مرة بتلاقي نفسك نمت قبل ما تخلص.

فارس الكلمة
21-08-2010, 03:47 PM
مشكلة بن عدوان .. في طبيعة عمله .. شفتات .. وقت النوم لديه غير منتظم .. بسيبب العمل ..

استشير طبيب قبل استخدام أي دواء .. و سلامتك ..

فلتة زمانها
21-08-2010, 03:48 PM
من صجك يا بن عدوان تاخذ هالحبوب بدون استشارة الدكتور:omg:
انت فيك sleep disturbance
يمكن يكون علامه من علامات امراض عصبيه او عضويه بعيد الشر عنك
لازم بالاول تروح للدكتور وتقوله وتفحص تالي اهوا يقررلك
وترا صح كلامك دوام الشفتات يخرب النوم ويعكر المزاج
انا جربت شغل الشفتات لمدة سنه اعوذ بالله كرهت نفسي ساعات
اروح وانا مواصله وتجيني النوده فالدوام ههههههه

العضو الماسي
21-08-2010, 03:53 PM
نومة الظهر موب حل لكل الناس
انا وحده اذا رقدت الظهر مايجيني نوم بالليل

:nice::nice::nice: نفسي بالضبط

بـن عدوان
21-08-2010, 04:00 PM
خذ من مجرب ، الحبوب مفعولها وسط يعني لا ترقد على طول و لا انها بدون مفعول ، لكن لازم تأخذها قبل موعد النوم بساعة ولازم ما تقوم باي نشاطات في هالوقت ، يعني تهيء نفسك للنوم ، مالها أضرار لأنها مستخلصة من أعشاب طبيعية (على كلام الشركة المنتجة).

وأنا أستعملها نادرا في الحالات اللي تضرب معاي كلش و ما أقدر أرقد ، ولكن نادرا يعني في الشهرين او ثلاثة شهور مرة وحدة ، وشخصيا حصلت أنه أفضل طريقة للنوم هي انه الانسان ما يرقد الظهر و يتعب نفسه لين الليل ، وبعدين النوم بيجيك كاش مرة وحدة ، وطبعا تنظيم وقت النوم مهم.

لكن للظروف أحكام و هالحبوب جيدة ، ولا تسبب إدمان ولا شي ، بس لا تكثر منها عشان ما تخرب النظام الطبيعي للجسم.


تسلم اخوي المحافظ على المعلومات والإفادة

رحم الله والديك :)

قطرية فذة
21-08-2010, 04:01 PM
مع قله النوم يستوي الواحد عصبي وعنده قلق واقل شي ينرفزه

المسأله نفسيه قبل لاتكون في قلة النوم

تخلص من اصل المشكله اللي مسببة لك الازعاج

يسر الله لك امورك يارب

ماتشوف شر

بـن عدوان
21-08-2010, 04:02 PM
نصيحة للي ماينامون ... جربو قبل ماتنامون.. تجون السرير بدري شوي وتقرون قرآن أو كتاب مفيد على السرير... مع القراءة العيون تتعب ويميل الشخص للنوم بسرعة ..

وطريقة أخرى فادتني بعد إنك لما تجي السرير حاول تستغفر أو تسبح على إيدك مئة مرة بتلاقي نفسك نمت قبل ما تخلص.


جزاك/ج الله كل خير يااارب

وجعله في ميزان حسناتكـ/ج يااارب

بـن عدوان
21-08-2010, 04:08 PM
مشكلة بن عدوان .. في طبيعة عمله .. شفتات .. وقت النوم لديه غير منتظم .. بسيبب العمل ..

استشير طبيب قبل استخدام أي دواء .. و سلامتك ..

هي ماعتبرها مشكلة رئيسية ..

لانه ساعات الداوم انا already اكون قاعد فيها وكلها كم ساعه بس ...

الظاهر اليوم بروح العيادة وبستشير ...

مشكور اخوي فارس الكلمة على الرد
:victory:

بـن عدوان
21-08-2010, 04:10 PM
من صجك يا بن عدوان تاخذ هالحبوب بدون استشارة الدكتور:omg:
انت فيك sleep disturbance
يمكن يكون علامه من علامات امراض عصبيه او عضويه بعيد الشر عنك
لازم بالاول تروح للدكتور وتقوله وتفحص تالي اهوا يقررلك
وترا صح كلامك دوام الشفتات يخرب النوم ويعكر المزاج
انا جربت شغل الشفتات لمدة سنه اعوذ بالله كرهت نفسي ساعات
اروح وانا مواصله وتجيني النوده فالدوام ههههههه
:weeping: :weeping: :weeping:

دوامي شفتات بس ترى راحات ومب طويل

المشكلة اني جايكم في الطريق الــ HMC وهناك الحكـ :weeping::anger1:

جرح الزمان
21-08-2010, 04:12 PM
بن عدوان الله يعينك واللي صاير معاك ان الشفتات خربت عمل الساعه البيلوجيه في عشبه تساعدك على التنظيم وعن تجربه وطعمها مقبول
العشبه اسمها ( بردقوش ، مردقوش ) وموجوده عند العطارين
سبحان الله هذه العشبه تعمل على تنشيط الجسم اذا شربت في الصباح والعكس اذا شربت في الليل بالاضافه الى فوائد اخرى حاولو انكم تبحثوا عن معلومات اكثر عنها

بن عدوان & تحداني الزمن جربوها ما راح تخسرون شي واعطونا رايكم بعد التجربه ....... عن نفسي انا احطها مع الشاي بدل النعناع والمراميه بس الشرط انها ما تنغلى على النار مع الماي

روح الاطلس
21-08-2010, 04:37 PM
زيت اللافندر مهديء ويساعد على الاسترخاء والنوم بسرعه

والتنفس ببطيء قبل النوم يخلص الدماغ من الشحنات السلبية ويساعد على الاسترخاء والنوم

محاولة السيطرة على عقلك وليس العكس (لاتجعل عقلك يسيطر عليك)
بمعنى لو كان سبب عدم النوم هو وجود افكار تروح وتجي وعودت نفسك لما تحط راسك على المخده تفكر باحداث اليوم او تفكر في اي موضوع او مشكلة احلالام اليقظة حاول تطرد اي فكرة بتغيير الوضعيه او القيام بأي شغلة تطرد الافكار المهم ماتعود نفسك ان وضع الراس على المخدة هو للتفكير بل للنوم فقط

نصيحة اخرى ممنوع تنام على السرير وتحاول تستجدي النوم يجيك اكثر من نص ساعه ان تعدت نص ساعه وماجاك النوم قوم على طول وسوي اي نشاط صلي ركعتين اقرا شي سوي بوش اب .. روح المطبخ اشرب شي ..المهم تتحرك

وبعدين ارجع ونام

**هـتــــــان**
21-08-2010, 05:02 PM
الحبوب اللي ذكرتها ماتجيب النوم ..مفعولها مب قوي بالمرة ..

بس ادول نايت يجيب النوم عدل ..بس سمعت انه بيمنعونه لانه ممكن يضر القلب ..
وعلى فكرة بعض المدخنين ماينفع معاهم الحبوب المنومه ...ويكون مفعولها ضعيف ..

العقل الحر
21-08-2010, 05:11 PM
انا عندي مشكله بنوم

واستخدم سليب اشور سار لي سنتين

الحبوب هذي ماتسبب ادمان ولا ترقد على طول بل يبيلها ساعتين

واستخدمها من السبت الى الاربعاء ولا استخدمها في نهايه الاسبوع

وانا من الناس مستحيل ارقد الظهر علشان اذا رقدت الظهر مارقد الليل

يعني ارقد الساعه 11 او 12 في الليل واقوم الساعه 5.30 او 6 واكون مواصل ولا يجيني نوم كلش الى 11 و12 في الليل ومع الحبوب

ويخترب نومي في نهايه الاسبوع وارجع اكل الحبوب في بدايه الاسبوع وهكذا

ابن قطر
21-08-2010, 05:20 PM
نصيحة وانا اخوك لا تجرب هالحبوب وتدمن عليها لا سمح الله

وبعدين في عوامل تساعدك على النوم بخر غرفتك وطفي كل الليتات وكثر ما تقدر زيد من المخدات وحط مخده

على جنبك الايسر وصدقني بتنام نوم العوافي

بوعلي2
21-08-2010, 05:30 PM
انا مانام الظهر على شان اقدر انام الليل


والله يعينك اخوي قل النوم يعفس المزاج ويتعب وينرفز والخ

a7medooo
21-08-2010, 05:47 PM
انا صادتني نفس المشكلة من فتره وتميت اسبوع بدون نوم واستعملت كل انواع الادوية حتى الي حاط صورته وما نفع معاي بعدين رحت الصيدلية وكنت شوي وبصيح عندها قالي خلاص خلاص جرب هالدوا شكله غريب واسمه غريب والحبه تقريبا ب 11 ريال بس مفعولة تفجييييير الدوا مب صاحي حتى انا اخذ ربع الحبه وانام 12 ساعه شلون لو كل الحبة بس مب زيين ان الواحد يتعود عليه

اسم الدوا
remeron

a7medooo
21-08-2010, 05:54 PM
وفي نقطة مهم انك لما تجرب الدوا ويكون مفعولة قوي وتنام نومة عدله ثاني يوم راح تنام بدونها بس لانك متطمن انك لو ما نمت في حل للمشكلة بتاخذ الدوا وبتنام يعني الموضوع نفسي والمشكلة الاكبر لما تتحاول تنام وانت قاعد تحاول تنام تنطر وتقول متى راح انام وتقعد تطالع الساعه كل شوي وتحط راسك وتفكر متى بنام اذا صارت يعني انسسسسسى تنام مافي غير الحبة او روح خذ لفة فالبيت وارجع جرب مرة ثانية بس بدون ما تفكر وخلي الدوا عندك علشان تكون مرتاح نفسيا

shmokh
21-08-2010, 10:37 PM
السلام عليكم

للتوضيح ادوية المساعده على النوم تنقسم الى نوعين اساسين

1- دوام منوم : وهذا يكون فيه تركيبه كميائيه ويستخدم بوصفة من الطبيب للناس الي تعاني من عدم القدره على النوم يعني لاسباب نفسيه ومفعولها قوي وفوري ولكن قد تحس بالتعب اثناء الاستقاظ من النوم.

2- ادوية مساعده على النوم :
. Helps Establish Normal Sleep Patterns
بمعني انها تساعد على النعاس وهي عباره عن اعشاب طبيعيه ومفعولها لا يستمر طول فتره النوم ، فقط تحس برغبه في النوم عند اخذها و مثل ماقلت عشبة طبيعيه و لاتحس بتعب عن الاستيقاظ صباحا ولا تسبب الادمان الا اذا اصبح عامل نفسي ما اقدر انام الا بهالحبه.

انا اخذها وانا مسافر اذا الرحله طويله

بالتحديد اخذ هالنوع
http://www.vitadiscount.com/vitasprings/melatonin-3mg-time-release-natrol.jpg

عبارة عن عشبة الملاتونين

قلم صادق
22-08-2010, 12:31 AM
السلام عليكم

للتوضيح ادوية المساعده على النوم تنقسم الى نوعين اساسين

1- دوام منوم : وهذا يكون فيه تركيبه كميائيه ويستخدم بوصفة من الطبيب للناس الي تعاني من عدم القدره على النوم يعني لاسباب نفسيه ومفعولها قوي وفوري ولكن قد تحس بالتعب اثناء الاستقاظ من النوم.

2- ادوية مساعده على النوم :
. Helps establish normal sleep patterns
بمعني انها تساعد على النعاس وهي عباره عن اعشاب طبيعيه ومفعولها لا يستمر طول فتره النوم ، فقط تحس برغبه في النوم عند اخذها و مثل ماقلت عشبة طبيعيه و لاتحس بتعب عن الاستيقاظ صباحا ولا تسبب الادمان الا اذا اصبح عامل نفسي ما اقدر انام الا بهالحبه.

انا اخذها وانا مسافر اذا الرحله طويله

بالتحديد اخذ هالنوع
http://www.vitadiscount.com/vitasprings/melatonin-3mg-time-release-natrol.jpg

عبارة عن عشبة الملاتونين


موجود هذا الدوا في الدوحه ولا جايبه من برا

shmokh
22-08-2010, 01:12 AM
انا ماخذه من امريكا

بس اعتقد موجوده العشبه اسمها Melatonin

اطلبها من الصيدليه ممكن تلاقيها من انتاج شركة ثانيه مثل شركة نتشرال

ANONYMOUS
22-08-2010, 01:18 AM
علشان الدوام :tease:

لان لو عدلته السبت انتظم طول الاسبوع ويرد يخترب الخميس :rolleyes2:
وهكذا .....



صحيح

دي لؤمة عيش

لازم نهتم بالعمل

:)

تحداني
22-08-2010, 01:21 AM
بن عدوان الله يعينك واللي صاير معاك ان الشفتات خربت عمل الساعه البيلوجيه في عشبه تساعدك على التنظيم وعن تجربه وطعمها مقبول
العشبه اسمها ( بردقوش ، مردقوش ) وموجوده عند العطارين
سبحان الله هذه العشبه تعمل على تنشيط الجسم اذا شربت في الصباح والعكس اذا شربت في الليل بالاضافه الى فوائد اخرى حاولو انكم تبحثوا عن معلومات اكثر عنها

بن عدوان & تحداني الزمن جربوها ما راح تخسرون شي واعطونا رايكم بعد التجربه ....... عن نفسي انا احطها مع الشاي بدل النعناع والمراميه بس الشرط انها ما تنغلى على النار مع الماي



الله يسعدك ويجزيك كل خير
ان شاء الله راح أجربها .. وراح نقول لك النتائج




جملك الله برضى الرحمن

ســـهم
22-08-2010, 01:24 AM
بن عدوان اتمنى لك نوما هنيئا ان شاء الله .. :)

اخوي هل هذا الدواء يصرف من غير وصفه طبيب ؟

المتألم
22-08-2010, 03:37 AM
الأفضل أن لا يعتمد الإنسان على المؤثرات الخارجيه لتضبيط وقته
لأن مهما كانت طبيعيه سوف تؤثر عليه من خلال أن تركها ربما يزيد من أرقه ..

الأفضل بكل تأكيد هو ممارسة الرياضة عصرا حتى تتعب العضلات ويرهق الجسم
ثم الإغتسال بماء دافىء قريب الحار قبل النوم لأن الماء الحار يقوم بسلب الطاقه من العضلات
ويسبب الإسترخاء ..

ومن المهم القضاء على نوم العصر إن كانت تنام العصر لأنها تؤثر في قدرة الإنسان على نوم الليل
كذلك ترك المنبهات أو التقليل منها لو كانت تؤثر

أنا أصاب بالأرق وبقلة النوم وبكثرة الأحلام ولكنني أبد لا أستعمل الحبوب أو أي مواد منومه
حتى بندول نايت رفضت إستعماله ..

أن تضبط ساعتك الداخلية بالرياضة أو بتنظيم وقتك هو الأفضل والأضمن ..

كذلك الإستغفار قبل النوم يساعد في الدخول في النوم بهدوء ودون أن تشعر ..

وأهم من كل ما سبق عندما تستلق من أجل النوم يجب أن تفرغ عقلك من الهموم لأنها
أشد الأسلحة لطرد النوم ..

ومنامات العافيه بإذن الله ..

ضوى
22-08-2010, 03:44 AM
انا ماخذه من امريكا

بس اعتقد موجوده العشبه اسمها melatonin

اطلبها من الصيدليه ممكن تلاقيها من انتاج شركة ثانيه مثل شركة نتشرال


جربت اخذها سببت لي الارق بزيادة :(

الموضوعي
22-08-2010, 04:02 AM
عن زيد بن ثابت قال شكوت إلى رسول الله صلى الله عليه وسلم أرقا أصابني فقال قل ( اللهم غارت النجوم وهدأت العيون وأنت حي قيوم لا تأخذك سنة ولا نوم يا حي يا قيوم أهدء ليلي وأنم عيني) ففعلتها فأذهب الله عز وجل عني ما كنت أجد .

دعاء اخر

عن خالد بن الوليد "رضي الله عنه" انه اصابه الأرق قال رسول الله "صلى الله عليه وسلم"
الا اعلمك كلمات اذا قلتهن نمت قل ( اللهم رب السموات السبع وما أظلت ورب الارضين
وما أقلت ، ورب الشياطين وما أضلت ، كن لي جارا من شر خلقك كلهم جميعا ان يفرط علي احد منهم ، او ان يبغي ، عز جارك وجل ثناؤك ولا إله غيرك ، لا إله إلا انت) فقالهن فنام

غزلان
22-08-2010, 04:06 AM
مهما يمدحون ويطمنون مافي حبوب مالها مضار

نصيحتي لك اكثر من الأستغفار واقرأ القرآن مع المداومه بيروح عنك الأرق

بما انك رجل تقدر تمشي على الكورنيش ساعه فاستغل هالشي واكيد بتتصلح كل امورك

اذا ماجاني نوم اواصل وبعد المغرب اخذ كم لفه في الحوش لين اتعب

زقرتي ومزاجي
22-08-2010, 05:20 AM
جرب بترتاح

http://www.encolombia.com/medicina/materialdeconsulta/images/publ-remeron-caja2.jpg

العساس
22-08-2010, 07:57 AM
خذ الخلطه
وضوء - صلاة وتر - سولك فلم وخلك البطل ولاتقطعه،واصل )
ودعيلي

Marriott
22-08-2010, 08:32 AM
انا صادتني نفس المشكلة من فتره وتميت اسبوع بدون نوم واستعملت كل انواع الادوية حتى الي حاط صورته وما نفع معاي بعدين رحت الصيدلية وكنت شوي وبصيح عندها قالي خلاص خلاص جرب هالدوا شكله غريب واسمه غريب والحبه تقريبا ب 11 ريال بس مفعولة تفجييييير الدوا مب صاحي حتى انا اخذ ربع الحبه وانام 12 ساعه شلون لو كل الحبة بس مب زيين ان الواحد يتعود عليه

اسم الدوا
remeron

مرحبا اخوي

الدوا اللي ذكرته مب مخصص للنوم ، هو خصيصياً لحالات الاكتئاب الحاد
والمفروض ينصرف بوصفة طبية ، حاسب وانا اخوك له آثار جانبية.

هذا تقرير مبسط عن الدواء
Remeron is a tetracyclic antidepressant. It affects chemicals in the brain that may become unbalanced and cause depression. It is thought to increase the activity of norepinephrine and serotonin which help elevate mood.

Remeron is used to treat major depressive disorder.

Remeron may also be used for purposes other than those listed in this medication guide



Read more: http://www.drugs.com/remeron.html#ixzz0xJGAFDKF

شسالفة...؟
22-08-2010, 08:35 AM
عن زيد بن ثابت قال شكوت إلى رسول الله صلى الله عليه وسلم أرقا أصابني فقال قل ( اللهم غارت النجوم وهدأت العيون وأنت حي قيوم لا تأخذك سنة ولا نوم يا حي يا قيوم أهدء ليلي وأنم عيني) ففعلتها فأذهب الله عز وجل عني ما كنت أجد .

دعاء اخر

عن خالد بن الوليد "رضي الله عنه" انه اصابه الأرق قال رسول الله "صلى الله عليه وسلم"
الا اعلمك كلمات اذا قلتهن نمت قل ( اللهم رب السموات السبع وما أظلت ورب الارضين
وما أقلت ، ورب الشياطين وما أضلت ، كن لي جارا من شر خلقك كلهم جميعا ان يفرط علي احد منهم ، او ان يبغي ، عز جارك وجل ثناؤك ولا إله غيرك ، لا إله إلا انت) فقالهن فنام


أخي الكريم ما أوردته أحاديث ضعيفة

الحديث الأول
قال الشيخ الألباني في "السلسلة الضعيفة" (3: 496 رقم 1328) : ضعيف جداً .

الحديث الثاني
قال الشيخ اللألباني في السلسلة الضعيفة " ضعيف جداً ( 2403 ) .

عاشق ميونخ
22-08-2010, 09:42 AM
ماتشوف شر اخوي
عليك بقراءة القرأن وكثرة التسبيح وبعدها خل غرفتك مظلمة حدها وبأذن اللة بتنام واحلام سعيدة

ضوى
22-08-2010, 09:48 AM
حالات الارق احيانا مايكون لها سبب معين ، سبحان الله تغير في نوع الاكل او الشرب ممكن يؤثر بشكل كبير في النوم ، شخصيا مريت بهالحالة وسبحان الله اقضي الوقت بقراءة القرأن والتسبيح والتحميد ابي انام مب قادرة ، ماخليت شئ مهدي ويريح الاعصاب مثل الينسون والنعناع والبانونج .. الخ مافي فايدة ، جربت حبوب منومة تعبتني ولا نومتني العين مغمضة والجفن ثقيل لكن واعية واحس بالخطوات الخفيفة جدا، ولا اي نوع حبوب عشبي او طبي اثر فيني للحين ، اتذكر عطوني في المستشفى فاليوم حتى انام وشوي شوي يزيدون الجرعة ولا في فايدة ، ايام صعبة اعوذ بالله الله لا يعيدها ، وحاليا اعاني من ارق ولكن الحمد لله على الاقل في سبب اعرفه بس وايد اخف من الارق اللي دخلت المستشفى منه

الجوكر90
22-08-2010, 09:48 AM
انا عندي مشكله بنوم

واستخدم سليب اشور سار لي سنتين

الحبوب هذي ماتسبب ادمان ولا ترقد على طول بل يبيلها ساعتين

واستخدمها من السبت الى الاربعاء ولا استخدمها في نهايه الاسبوع

وانا من الناس مستحيل ارقد الظهر علشان اذا رقدت الظهر مارقد الليل

يعني ارقد الساعه 11 او 12 في الليل واقوم الساعه 5.30 او 6 واكون مواصل ولا يجيني نوم كلش الى 11 و12 في الليل ومع الحبوب

ويخترب نومي في نهايه الاسبوع وارجع اكل الحبوب في بدايه الاسبوع وهكذا

اخوي انت لين الحين مصدق انك مب مدمن ع هالحبوب
عيل سنتين تاكلها ليش عشان شكلها ولا طعمها

ترى الادمان انك تحس انك ماتقدر ترقد بدون هالحبه
خذ لك اجازه اسبوع وكل يوم ادخل الغرفه الساعه 10 وارقد وحط منبه الساعه 10 الصبح واول يوم راح ترقد 2 وتقوم 10 ولا ترقد الظهر راح ترقد ثاني يوم 12 وخلك جي فهل الاسبوع وادعي لي

العقل الحر
22-08-2010, 01:58 PM
اخوي انت لين الحين مصدق انك مب مدمن ع هالحبوب
عيل سنتين تاكلها ليش عشان شكلها ولا طعمها

ترى الادمان انك تحس انك ماتقدر ترقد بدون هالحبه
خذ لك اجازه اسبوع وكل يوم ادخل الغرفه الساعه 10 وارقد وحط منبه الساعه 10 الصبح واول يوم راح ترقد 2 وتقوم 10 ولا ترقد الظهر راح ترقد ثاني يوم 12 وخلك جي فهل الاسبوع وادعي لي


ماشاءالله عليك اخوي تحسب انك عطيتني الحل !!

اخوي جميع التجارب سويتها بما فيها تجربتك

وبل عكس اخوي انا ارقد طبيعي بلحبوب وبدونها ولكن ماقدر ارقد بدونها في الوقت المحدد لنوم علشان اقوم الصباح فقط

واذا انا في اجازة ماعرف الحبوب ابد كل شي طبيعي نوم طبيعي بس النوم يكون عندي دوار مافيه ساعه معينه ارقد فيها واي وقت اقوم

بـن عدوان
23-08-2010, 02:28 AM
أشكر لكل من شارك في الموضوع على الإفادة والمعلومات ..

وجزاكم الله كل خير ...

البيرق
23-08-2010, 12:20 PM
اذا انك تتقلب تألما في نومك وتصحى على ذلك ونومك متقطع على الرغم من التمارين الخفيفة التي اقوم بها (مشي)
من الممكن انك تعاني من نقص بعض الفيتامينات كما حصل معي
واترك الادوية ثراها مضرة حتى لو كانت عشبية (الاعشاب ادوية اصلا)
وما عليك شر

بـن عدوان
23-08-2010, 04:06 PM
اذا انك تتقلب تألما في نومك وتصحى على ذلك ونومك متقطع على الرغم من التمارين الخفيفة التي اقوم بها (مشي)
من الممكن انك تعاني من نقص بعض الفيتامينات كما حصل معي
واترك الادوية ثراها مضرة حتى لو كانت عشبية (الاعشاب ادوية اصلا)
وما عليك شر

صحيح ياخوي على آخر فحص سويته طلع نقص في فيتامين د + كالسيوم

المشكلة اني اخذهم بس ماجفت فرق :weeping:

شمعة الدوحه
23-08-2010, 09:42 PM
وعليكم السلام ورحمة الله وبركاته

اخوي انا استعملتها فترة

ماشفت منها اي تاثيره وخذ حبة وحده
و دقايق وانت بنوم عميق:victory:

:waiting:صار لي ساعه وربع ماكلتها ومارقدت
لا وماكله حبتين بعد الصيدلاني قالي :(
حاسه بخمول بس

برزان
25-08-2010, 08:41 AM
مع قله النوم يستوي الواحد عصبي وعنده قلق واقل شي ينرفزه

المسأله نفسيه قبل لاتكون في قلة النوم

تخلص من اصل المشكله اللي مسببة لك الازعاج

يسر الله لك امورك يارب

ماتشوف شر



كلام سليم مئة في المئة omen

aldahnoon
28-08-2010, 09:52 AM
اخوي انا استعملها من فتره و كل فتره اغير من نوع لاخر يعني ما بينها و ما بين herbal sleep
و البنادول النايت و عادي لازلت على قيد الحياه مع العلم اني ما انام غير بالحبوب هادي من حوالي 3 سنوات

طارق
28-08-2010, 10:14 AM
انا خذتها ياخي 6 شهور
بديتها ب حبه وأنتهيت ب ثلاث وبدون تأثير لأنها فقط اترخي اعصابك ,واذا كنت قلق ماراح اتأثر فيك
في الأخير كان الحل الناجع هو الرياضه
اشتركت في بركه , وقمت اتسبح بعد المغرب 30 دقيقه متواصله بأي سرعه مش لازم سباحه قويه أهم شيء تاخذ بين الأشواط راحه 30 - 6- ثانيه راحه
بعدها النوم جاء من غير دعوه وماصرت استخدم هالدواء