قادت السيارة وأنقذت زوجها .. فايدة الليسن للحريم

[maruuma]

في مغامرة مثيرة لإنقاذ زوجها من الموت بعد دخوله في غيبوبة سكر حادة مفاجئة

أثناء رحلة عودتهما من مكة المكرمة إلى محافظة محايل عسير قامت معلمة في التاسعة والثلاثين من عمرها

بقيادة السيارة التي كانت تقلها وزوجها لنحو عشرة كيلو مترات حيث سقط الرجل مغشيا عليه

واتجهت لمستشفى محايل العام الذي قام بإسعاف الزوج ليغادر بعدها المستشفى بصحبة زوجته ومنقذته.

اش رايكم؟ اعتقد ان الفايدة للرياييل أكثر من الحريم

[ام السعف]

شكلي بقدم على ليسن


وفي نفس السياق رب اسرة وهو عائد من الخور حس بألام شلت حركته
اوقف السيارة و تمدد على الطريق ،، ساعدوه بناته ردوه وقعدوه على الكرسي
وساقت بنته السيارة ووصلته لمستشفى حمد ،،طبعا بنته تسوق قبل الزواج وبعد الزواج
وقفت الموضوع بطلب من زوجها ،،

لذلك اقوووووووووووول ،، ان الأمور هذي كلها تدابير من رب العالمين
وربنا هو الحافظ وانا ضد سواقة المرأة ،،

[فلتة زمانها]

ياهيك نسوان يا بلا:victory:

[البارح]

هههههههههههه
عذر اقبح من ذنب
وسكران بعد !! لو انا منها تركته ومشيت عنه




اذا مش سكران اوكى :telephone:

[فلتة زمانها]

شكلي بقدم على ليسن


وفي نفس السياق رب اسرة وهو عائد من الخور حس بألام شلت حركته
اوقف السيارة و تمدد على الطريق ،، ساعدوه بناته ردوه وقعدوه على الكرسي
وساقت بنته السيارة ووصلته لمستشفى حمد ،،طبعا بنته تسوق قبل الزواج وبعد الزواج
وقفت الموضوع بطلب من زوجها ،،

لذلك اقوووووووووووول ،، ان الأمور هذي كلها تدابير من رب العالمين
وربنا هو الحافظ وانا ضد سواقة المرأة ،،
من صجج ما تسوقين بالعكس الليسن ضروري في هالزمن

[Dreamer]

هههههههههههه
عذر اقبح من ذنب
وسكران بعد !! لو انا منها تركته ومشيت عنه




اذا مش سكران اوكى :telephone:

الرجال مش سكران........عنده سكري و دخل في غيبوبة السكري ......

[انيقه]

ما قصرت صراحه وانا ما اشوف فيها شي اذا المره يكون عندها ليسن لان اكيد بيكون مفيد في المواقف

[ام السعف]

من صجج ما تسوقين بالعكس الليسن ضروري في هالزمن

الحمدلله ما اسوق بفضل من الله واصراري على اني اكون شيخة نفسي

مع ان هالشي مسبب الاستغراب لكثيرات من حولي اشلون ام السعف ما اتسوق
وخواتها ساقوا !!!

الاستغراب بحد ذاته يعطيني اصرار على التمسك برايي بأن المرأة مب للسواقة ،،
ما بين بو العيال و الدريول حياتي افضل كمرأة حاطة ريل على ريل و طلباتي توصل عندي
لين البيت من غير ما ادق سلف واحرك السيارة واتمرمط في الشوارع ،،

فلله الحمد ولله الشكر ،،

[جهام]

انا اويدسياقة المرأة بس بشروط

[البارح]

الرجال مش سكران........عنده سكري و دخل في غيبوبة السكري ......



اوكى .. انا رحت بعيد
على بالي الرجال ماعطيها :rolleyes2:
ان بعض الظن اثم :shy:

[فلتة زمانها]

الحمدلله ما اسوق بفضل من الله واصراري على اني اكون شيخة نفسي

مع ان هالشي مسبب الاستغراب لكثيرات من حولي اشلون ام السعف ما اتسوق
وخواتها ساقوا !!!

الاستغراب بحد ذاته يعطيني اصرار على التمسك برايي بأن المرأة مب للسواقة ،،
ما بين بو العيال و الدريول حياتي افضل كمرأة حاطة ريل على ريل و طلباتي توصل عندي
لين البيت من غير ما ادق سلف واحرك السيارة واتمرمط في الشوارع ،،

فلله الحمد ولله الشكر ،،

يعني الحين اللي يسوقون مبهدلين اعمارهم وفقدوا انوثتهم
والله اشوف اللي تسوق ارحم من انها تطلع مع اجبني
شرايج يا سعوفه:shy:

[ابو محمد7]

انا اعتقد ان المرأة يجب عليها ان تحصل على رخصة سواقة وبعد هالشي اذا ماتبي تسوق هذا امر مختلف
الفكرة هي انها تكون متعلمه ومستعده للضرورة اذا ماكانت تبي تسوق بشكل دائم

هذي مجرد قصة واحدة والحياة فيها ظروف كثيرة ومواقف قد تكون المرأة فيها مضطرة للسواقة

[سهم بن سهم]

الحمدلله البيت عندنا كلهم يسوقون وكل من عندها سيارتها الخاصة وتروح وتجي ولا عندها أي مشكلة ولله الحمد وتخصلنا من شيء اسمه ( سايق ) :)

بهدلنا الدريول .. بابا انا يبي معاش زياده .. بابا أنا يبي يروح بلاد .. بابا حمووود سوي جنجال ........الخ الفلم وقصص السواقين اللي ماتنتهي :anger1:

الحمدلله افتكيت منه وعلى اول طيارة للهند سفرته :)

[الرويـس]

مممممممم
في تصوركم هل كان يوجد حل آخر غير ان المره بطلة القصة تسوق السيارة ؟
:(
يعني لو كانت (البطلة) ما تعرف تسوق شلون كانت بتتصرف ؟


:(:(
لا تنسوا ابتسامتكم

[حقيقه]

مممممممم
في تصوركم هل كان يوجد حل آخر غير ان المره بطلة القصة تسوق السيارة ؟
:(
يعني لو كانت (البطلة) ما تعرف تسوق شلون كانت بتتصرف ؟


:(:(
لا تنسوا ابتسامتكم


ايه والله صادق اشلون لو ماتعرف اتسوق ومافيه حد يساعدهم .. كان ابو عيالها بيكون بخبر كان :rolleyes2:

[الرويـس]

^

حقيقة ٌ.. انا ما قصدت ان المره لا بد انها تسوق

أنا قصدت لو فعلا فعلا كانت المره ما تعرف تسوق .. شلون كانت بتتصرف في هذه اللحظة
هل بتستعين بالماره ؟ هل كانت بتتصل بالنجدة ؟ وهل وهل .. ؟

شلون كانت بتتصرف ؟:(

[هداف]

الليسن بالنسبه للمرأه ضروره ان توفرت الاسباب لا بأس بشرط متزوجه وام عيال اما
مثل ما نشوف الان في الشوارع بنات صغار بعضهم في عمر 20 و 22 وغير متزوجه
ويسوقون هذا اكبر غلط واصبح الليسن والسياره في يدها كماليات وليس ضروره وحاجه !!

ونشوف بعض البنات اللي يسوقون من كثر تبرجهم !! احس انها مسكينه ادور لها زوج ! ينعجب
فيها ويخطبها معا ان العكس هذا المظهر اللي طلعتي فيه يجمع عليج الذبان يا حلاوه يا مكشوفه
لكل من هب ودب ,,, ولكل ساقط لاقط

[قطر دزاين]

انا ما اشوف فيها شي لو المرأه عندها ليسن وتسوق وتسد احيجتها وفي الحلات الطارئه الزوج مو شرط يكون متواجد دايم بالبيت

واحسن من الدريول اللي يجي هندوسي ولا بوذي ولا مسيحي

[GAS]

هههههههههههه
عذر اقبح من ذنب
وسكران بعد !! لو انا منها تركته ومشيت عنه




اذا مش سكران اوكى :telephone:



:app2::app2::app2::app2::app2::app2::app2::app2:

[maruuma]

بالفعل وجود الليسن ضرورة

مب شرط الوحدة تسوق .. اهم شي تلقى المهارة وقت تحتاجها

وجزاكم الله خير على المرور والردود الطيبة
والله المستعان

[GAS]

الليسن بالنسبه للمرأه ضروره ان توفرت الاسباب لا بأس بشرط متزوجه وام عيال اما
مثل ما نشوف الان في الشوارع بنات صغار بعضهم في عمر 20 و 22 وغير متزوجه
ويسوقون هذا اكبر غلط واصبح الليسن والسياره في يدها كماليات وليس ضروره وحاجه !!

ونشوف بعض البنات اللي يسوقون من كثر تبرجهم !! احس انها مسكينه ادور لها زوج ! ينعجب
فيها ويخطبها معا ان العكس هذا المظهر اللي طلعتي فيه يجمع عليج الذبان يا حلاوه يا مكشوفه
لكل من هب ودب ,,, ولكل ساقط لاقط


:yu::yu::yu::yu::yu::yu::yu:

[الصريحه]

سبحان الله

[Bu Rashid]

معظمهم يسوقوووون وياريت يعرفوووون :anger1:
كل يوم يا داعميين يا راكبيين دواوووووير :eek5:
اشغال غيروا الدواوير الى اشارات والسبب الحررررريم :telephone:

[القلب المؤمن]

والله أنا مستغربة أن في عالم توهم يتناقشون في الليسن للحريم ؟ مادري عايشين كأنهم في الزمن الماضي :nice:

زين لو المرة كانت مسافرة مع زوجها وتعطلت السيارة وماكان في المكان غير موترسيكل ؟ لازم بعد ليسن للموتر ههههههه

أصلا مادريتوا آخر معلومة ..
يقولون لو الواحد مسافر للبر وبطارية السيارة اختربت ..أثبت العلماء أن مجرد أن الشخص يدفن البطارية نفسها في رمال الصحرا الحارة ولمدة ساعة ..ويرش شوية ماي على الرمل الساخن ..
.
.
.
.
.
.
.
.
.
بتنبت له بطارية جديـــــــــــــــــــــدة ههههههههههه

[OTOsan]

دام السالفه في السعوديه اكيد بيكون الامر مستغرب ان الحرمه ساقت السياره وانقذت زوجها !!


لكن اذا كانت السالفه في الدوحه .. فاعتقد ان السالفه بتكون عاديه جدا ..لانها لو تعرف تسوق حتى لو ماعندها ليسن فبتسوق عادي وتوديه المستشفى ولاحد بيحط عنها خبر في الجريده !!

ليسن المراه في قطر اعتقد انه اصبح امر مفروغ منه بجميع اثاره السلبيه منها والايجابيه ،،

[latty]

الصراحه هو ضروره لا بد منها نتمنى ان تتغيير النظره القبليه للنساء والليسن

[بوحارب]

امس واحد من ربعي طاح مريض الفجر وزوجتة اللي ودتة المستشفى :)

اكيد سواقة الحريم فيها فايدة للمجتمع كامل

بس الله يهدي البنات بعضهم بقر مايعرفون يستخدمون الليسن عدل

عيل وحدة واقفة عند الكرك الساعة 2 الليل حالها من حال الشباب !!!!!

حشى رجال مب بنت

[مطيع الله]

أخخخخخخخ يا عقليات ماهي راضية تتطور!
وللحين رافضين ان حريمهم يشمون الهوا:anger1:
ولا يحلمون في الليسن:weeping:

وانا واحد منهم:strong

[مطيع الله]

امس واحد من ربعي طاح مريض الفجر وزوجتة اللي ودتة المستشفى :)

اكيد سواقة الحريم فيها فايدة للمجتمع كامل

بس الله يهدي البنات بعضهم بقر مايعرفون يستخدمون الليسن عدل

عيل وحدة واقفة عند الكرك الساعة 2 الليل حالها من حال الشباب !!!!!

حشى رجال مب بنت
http://www.qatarshares.com/vb/image.php?u=14172&dateline=1282351814

لا تستغرب،

[بوحارب]

http://www.qatarshares.com/vb/image.php?u=14172&dateline=1282351814

لا تستغرب،

لاستغرب من شنو؟

من رفيقي:(

ولا من السحلية اللي صافطة عند الكرك مثل الخبلا !!!

وخل الصورة في حالها :shy:

[راية الفخر]

هذي قصه ألّفوها السعوديين علشان يقنعون حكومتهم بالسماح للمرأه بقيادة السياره ..

عموما انا ما أيد قيادة المرأه للسياره مادري احس انها مسترجله مادري ليش .. لحد يزعل هذا راي شخصي

[القلب المؤمن]

لاستغرب من شنو؟

من رفيقي:(

ولا من السحلية اللي صافطة عند الكرك مثل الخبلا !!!

وخل الصورة في حالها :shy:

يمكن جاي على بالها تتسحر بشاي كرك وانت شعليك يا التمساح هههههههههه يعني مب انت اللي صاف الساعة 2 بالليل بعد ؟
[Cأنا يا ما طلعت بالليل أشتري للوالدة دجاج مسحب للسحور ههههههههههه بس طبعا آخذ معاي أحد مب بروحي ![/:nice:

[Gh2o]

هههههههههههه
عذر اقبح من ذنب
وسكران بعد !! لو انا منها تركته ومشيت عنه




اذا مش سكران اوكى :telephone:

استغفر الله العظيم والله لا يبلاك

[Gh2o]

السواقه ماتعيب المره العيب العقول المتحجره عندنا وسوء الضن

[هداف]

السواقه ماتعيب المره العيب العقول المتحجره عندنا وسوء الضن


صدقت السواقه ما تعيب المرأه اللي عندها ضروره للسواقه العكس صحيح

بعض النساء اساءوا للسواقه من غير حاجه ولا ضروره وآيه ((( وقرن في بيوتكن ولا تبرجن تبرج الجاهلية الأولي ))) لا تعني لهم شي في الحياه يا حياه الندامه لهم

ماغير حاطه الاير باق في قمة الراس غادي راسها كنه مزهريه مقلوبه وعيونها اتلاقط على
خلق الله لا حيا ولا حشمه واخر الليل تزاحم الشباب عند محلات الكرك !!!!!! ومطوله على
الاغاني واشياء تدل على بيئة هذه النكره ونوعية اهلها واخوانها الخ من الدياثه والعياذ بالله

هنا هي المشكله اخواني ولكن السواقه للمظطر ماعليها خلاف

[بوحارب]

يمكن جاي على بالها تتسحر بشاي كرك وانت شعليك يا التمساح هههههههههه يعني مب انت اللي صاف الساعة 2 بالليل بعد ؟
[Cأنا يا ما طلعت بالليل أشتري للوالدة دجاج مسحب للسحور ههههههههههه بس طبعا آخذ معاي أحد مب بروحي ![/:nice:

شوفي دامها جات لين هالمكان وفي وقت متأخر فهي قليلة حيا ودييين :)

يعني ما حلا لها الا مكان كله شباب وفي اخر الليل :omen2:

من وين تشترين دياي مسحب اخر الليل عشان اطيرج بالجي لاشفتج :tease:

[Gh2o]

صدقت السواقه ما تعيب المرأه اللي عندها ضروره للسواقه العكس صحيح

بعض النساء اساءوا للسواقه من غير حاجه ولا ضروره وآيه ((( وقرن في بيوتكن ولا تبرجن تبرج الجاهلية الأولي ))) لا تعني لهم شي في الحياه يا حياه الندامه لهم

ماغير حاطه الاير باق في قمة الراس غادي راسها كنه مزهريه مقلوبه وعيونها اتلاقط على
خلق الله لا حيا ولا حشمه واخر الليل تزاحم الشباب عند محلات الكرك !!!!!! ومطوله على
الاغاني واشياء تدل على بيئة هذه النكره ونوعية اهلها واخوانها الخ من الدياثه والعياذ بالله

هنا هي المشكله اخواني ولكن السواقه للمظطر ماعليها خلاف

هالحركات ممكن تسويها وحده ماتسوق مالها شغل السواقه بقله الحيا

[هداف]

هالحركات ممكن تسويها وحده ماتسوق مالها شغل السواقه بقله الحيا



هذا نموذج من الاشكال اللي تسوق ونموذج منتشر يعني ممكن الكل شاف النماذج هذي
يعني السواقه لمثل هاالاشكال زياده انفلات كثر ماهي منفلته ومسويه فتنه للرجال
السواقه لغير المظطره العفيفه من بلاوي هذا الزمان !

قال رسول الله صلى الله عليه وسلم: (ما تركت بعدي فتنة أشد على الرجال من النساء)

[ســـهم]

هل تتفقون معي أن المرأه التي تسوق أن أغلبهم أمر خروجها وعودتها للمنزل بيدها ؟

يعني لها مطلق الحريه الكامله بما انها ملكت سياره هذا انا شفته بعيني حريم نشوفهم الساعه 2 وثلاث

الفجر في الشوارع والمطاعم وبدون محرم طبعا لا اقصد رمضان بل قبل رمضان .

[ام السعف]

يعني الحين اللي يسوقون مبهدلين اعمارهم وفقدوا انوثتهم
والله اشوف اللي تسوق ارحم من انها تطلع مع اجبني
شرايج يا سعوفه:shy:

ما تكلمت عن الأنوثة ،، تكلمت اني شيخة نفسي ،، ومرتاحة من بهدلة
تحريك السيارة والوقوف عند الجمعيات والخبابيز والدكاكين وغيره وغيره ،،

و اما بخصوص رجال اجنبي ،، عندي أفضل من اني امرمط نفسي في الشوارع

طبعا هذه وجهات نظر يا فلتة زمانج ومب شرط لج حرية اختيار اللي يناسبج،،

[ســـهم]

الحمدلله ما اسوق بفضل من الله واصراري على اني اكون شيخة نفسي

مع ان هالشي مسبب الاستغراب لكثيرات من حولي اشلون ام السعف ما اتسوق
وخواتها ساقوا !!!

الاستغراب بحد ذاته يعطيني اصرار على التمسك برايي بأن المرأة مب للسواقة ،،
ما بين بو العيال و الدريول حياتي افضل كمرأة حاطة ريل على ريل و طلباتي توصل عندي
لين البيت من غير ما ادق سلف واحرك السيارة واتمرمط في الشوارع ،،

فلله الحمد ولله الشكر ،،


خالتي انتي كده:nice:

[hxamad]

والله كفوا علية بس سواقة المرة فى السعودية ممنوعه وأفتكر فيها سجنوغرامة بعد

[ام شوشي]

والله كفو عليها بس عن نفسي مافكرت اني اسوق لاااااااااااوالف لااااااااااا لاني خوافة

[ابو محمد7]

مشكلة هالزمن ان اكثر الاراء اما تشدد واما افراط

يعني اما اللي نشوفه من حولنا من البنات اللي يسوقون ويطلعون على راحتهم لين 2 و 3 الفجر و بنات يروحون مع بعض يشربون كرك وسط الشباب

واما المرأة ماتحلم في السواقة و واحد يقول احس انها مسترجلة ! او ان سواقة المرأة كلها شر في شر

انا اقول في راي وسط معتدل

نعم المرأة تتعلم السواقة لان العلم بالسواقة مابيضرها بشي

وبعدها اللي ماتبي تسوق براحتها بس على الاقل ممكن تسوق عند الضرورة

واللي تبي تسوق بعد ممكن تسوق للحاجة ولتقضية مشاويرها

هذا احنا نشوف حريم شكثر يروحون دوامهم باحترامهم والبعض تساعد زوجها في توصيل الابناء للمدارس وغيره من المشاوير الضرورية

كل انسان وظروفه مب الكل يقدر يجيب سايق وحتى لو يقدرون في ناس ماتحب تتعامل مع مشاكل السواق

احيانا يكون في البيت بنتين او ثلاثة في الجامعة ومواعيد محاضراتهم مختلفة !

الامثلة كثيرة وسؤ استخدام وسيلة مواصلات مايبرر منعها

اللي مب حاب انه يسوق ومايبي اهله يسوقون فهذا شي راجع له ونحترم رأيه لكن ان احد يتكلم وينتقد سواقة المرأة بشكل عام او يستنكر هالحق على الناس فهذا شيء مرفوض

العالم تطور والناس في زمن الاختراعات والفضاء وعلم الجينات والخلايا الجذعية والطاقة النووية

واحنا بنقعد من الحين ولين بعد الاف السنين نتناقش في نفس المواضيع اللي شبه محسومة و واضحة وماتحتاج اعادة النقاش فيها لانه مافيها جديد ولانها خذت حقها وزيادة مثل سواقة المرأة وغيرها من المواضيع المعروفة للجميع

[Phenomenon]

ما تكلمت عن الأنوثة ،، تكلمت اني شيخة نفسي ،، ومرتاحة من بهدلة
تحريك السيارة والوقوف عند الجمعيات والخبابيز والدكاكين وغيره وغيره ،،

و اما بخصوص رجال اجنبي ،، عندي أفضل من اني امرمط نفسي في الشوارع

طبعا هذه وجهات نظر يا فلتة زمانج ومب شرط لج حرية اختيار اللي يناسبج،،


على كثر ما كنت احب اتابع ردودج عن بعد :) .. وعلى كثر ما كنت أأيدج في كل كلمة تكتبينها في مناقشاتج مع الاعضاء .. الا ان ردودج في هالموضوع ما أأيدها ولأول مره أختلف معاج

انا ما ادري ليش الناي تستحقر الدريوليه وما يعدونهم من ضمن هالرجاجيل
الدريول في النهاية رجال اجنبي غريب .. حاله حال اي قطري غريب

يعني عمركم سمعتوا عن مره ترضى انها تركب السياره مع رجال قطري غريب عنها تروح اتقضى معاه اشغالها واشغال البيت !!!! أكيد لأ

الرجال القطري الغريب يعتبر ( أجنبي ) ،، والدريول الهندي بعد يعتبر ( أجنبي ) ..
الدريول ياكل مثل ما ياكل القطري الغريب
يشرب مثل ما يشرب
يحس مثل ما يحس
يحزن مثل ما يحزن

لكن يمكن استحقارنا لبعض الجنسيات ادى بنا الى ان احنا ما نعد الدريول من ضمن الرجاجيل .. ونعتبرهم كائن حي مختلف عن البشر :secret:

[ضوى]

الموضوع وصل للصحف لانه حدث في السعودية ، اما لو انه حدث في اي دولة خليجية او عربية اخرى فالارم عادي ويحدث كثيرا

[maruuma]

مشكلة هالزمن ان اكثر الاراء اما تشدد واما افراط

يعني اما اللي نشوفه من حولنا من البنات اللي يسوقون ويطلعون على راحتهم لين 2 و 3 الفجر و بنات يروحون مع بعض يشربون كرك وسط الشباب

واما المرأة ماتحلم في السواقة و واحد يقول احس انها مسترجلة ! او ان سواقة المرأة كلها شر في شر

انا اقول في راي وسط معتدل

نعم المرأة تتعلم السواقة لان العلم بالسواقة مابيضرها بشي

وبعدها اللي ماتبي تسوق براحتها بس على الاقل ممكن تسوق عند الضرورة

واللي تبي تسوق بعد ممكن تسوق للحاجة ولتقضية مشاويرها

هذا احنا نشوف حريم شكثر يروحون دوامهم باحترامهم والبعض تساعد زوجها في توصيل الابناء للمدارس وغيره من المشاوير الضرورية

كل انسان وظروفه مب الكل يقدر يجيب سايق وحتى لو يقدرون في ناس ماتحب تتعامل مع مشاكل السواق

احيانا يكون في البيت بنتين او ثلاثة في الجامعة ومواعيد محاضراتهم مختلفة !

الامثلة كثيرة وسؤ استخدام وسيلة مواصلات مايبرر منعها

اللي مب حاب انه يسوق ومايبي اهله يسوقون فهذا شي راجع له ونحترم رأيه لكن ان احد يتكلم وينتقد سواقة المرأة بشكل عام او يستنكر هالحق على الناس فهذا شيء مرفوض

العالم تطور والناس في زمن الاختراعات والفضاء وعلم الجينات والخلايا الجذعية والطاقة النووية

واحنا بنقعد من الحين ولين بعد الاف السنين نتناقش في نفس المواضيع اللي شبه محسومة و واضحة وماتحتاج اعادة النقاش فيها لانه مافيها جديد ولانها خذت حقها وزيادة مثل سواقة المرأة وغيرها من المواضيع المعروفة للجميع

وانت صاج
اربع بنات يتامى يشتغلون
كل وحدة شغلها في مكان وله موعد محدد
الدريول بينتف شعره منهم .. وعمهم يقول مافي ليسن
الله المستعان

[maruuma]

:victory:

على كثر ما كنت احب اتابع ردودج عن بعد :) .. وعلى كثر ما كنت أأيدج في كل كلمة تكتبينها في مناقشاتج مع الاعضاء .. الا ان ردودج في هالموضوع ما أأيدها ولأول مره أختلف معاج

انا ما ادري ليش الناي تستحقر الدريوليه وما يعدونهم من ضمن هالرجاجيل
الدريول في النهاية رجال اجنبي غريب .. حاله حال اي قطري غريب

يعني عمركم سمعتوا عن مره ترضى انها تركب السياره مع رجال قطري غريب عنها تروح اتقضى معاه اشغالها واشغال البيت !!!! أكيد لأ

الرجال القطري الغريب يعتبر ( أجنبي ) ،، والدريول الهندي بعد يعتبر ( أجنبي ) ..
الدريول ياكل مثل ما ياكل القطري الغريب
يشرب مثل ما يشرب
يحس مثل ما يحس
يحزن مثل ما يحزن

لكن يمكن استحقارنا لبعض الجنسيات ادى بنا الى ان احنا ما نعد الدريول من ضمن الرجاجيل .. ونعتبرهم كائن حي مختلف عن البشر :secret:


:victory: :victory: :victory:
لا يسعني سوى ان انحني احتراما لتعليقك

بالفعل اي ذكر أجنبي ومن اي جنسية كان هو ذكر
ياكل ويشرب ويحس مثلنا

لكن شنقول ..

الله المستعان

[الوان]

سبحان الله

جدل حول ليسن المرأه


هههههه

قبل 15 سنه كان فيه جدل حول الجوال

هل يصير ان المرأه تستخدم جوال و تحتفظ فيه ؟؟؟!!!

ههههههه

و قبل 50 سنه كان فيه جدل حول تعليم المرأه

و اللي علموا بناتهم في ذاك الزمان صاروا مديرات و موجهات و امهاتنا جاهلات

انا اقول خلوا المرأه في حالها دام انها ما تسوي شي حرام

اللي تبي تسوق تسوق و مب غلطانه

و اللي ما تبي تسوق و زوجها يوصلها ولا سايق بعد على راحتها و مب غلطانه

[عنزي قطر]

سبحان الله

جدل حول ليسن المرأه


هههههه

قبل 15 سنه كان فيه جدل حول الجوال

هل يصير ان المرأه تستخدم جوال و تحتفظ فيه ؟؟؟!!!

ههههههه

و قبل 50 سنه كان فيه جدل حول تعليم المرأه

و اللي علموا بناتهم في ذاك الزمان صاروا مديرات و موجهات و امهاتنا جاهلات

انا اقول خلوا المرأه في حالها دام انها ما تسوي شي حرام

اللي تبي تسوق تسوق و مب غلطانه

و اللي ما تبي تسوق و زوجها يوصلها ولا سايق بعد على راحتها و مب غلطانه



مرحب للجميع صراحه افضل رد مناسب للموضوع تحياتي لكم :)

عنزي قطر

[ام السعف]

على كثر ما كنت احب اتابع ردودج عن بعد :) .. وعلى كثر ما كنت أأيدج في كل كلمة تكتبينها في مناقشاتج مع الاعضاء .. الا ان ردودج في هالموضوع ما أأيدها ولأول مره أختلف معاج

انا ما ادري ليش الناي تستحقر الدريوليه وما يعدونهم من ضمن هالرجاجيل
الدريول في النهاية رجال اجنبي غريب .. حاله حال اي قطري غريب

يعني عمركم سمعتوا عن مره ترضى انها تركب السياره مع رجال قطري غريب عنها تروح اتقضى معاه اشغالها واشغال البيت !!!! أكيد لأ

الرجال القطري الغريب يعتبر ( أجنبي ) ،، والدريول الهندي بعد يعتبر ( أجنبي ) ..
الدريول ياكل مثل ما ياكل القطري الغريب
يشرب مثل ما يشرب
يحس مثل ما يحس
يحزن مثل ما يحزن

لكن يمكن استحقارنا لبعض الجنسيات ادى بنا الى ان احنا ما نعد الدريول من ضمن الرجاجيل .. ونعتبرهم كائن حي مختلف عن البشر :secret:


Phenomenon الف مرحبا بردك او ردج وكلامك المذكور بخصوص متابعتك او متابعتج عن بعد لردودي ،،

من خلال ردي ذكرت اني افضل الركوب مع رجل أجنبي من إني امرمط نفسي في الشوارع
ولم أقل ان الرجل الأجنبي هذا ليس ذكرا او رجلا او ليس له قلب مثل الرجل القطري ،،

دريولنا ما اعده كائن بشري مختلف ،، اركب معاه من غير تبرج ومن غير عطورات
ومن غير سوالف مايعة او ضحك او غشمرة ،، وما اقعد خلفه في السيارة ،،


عديناه رجال مثله مثل أي رجل في هالدنيا ،، لذلك ممنوع يوصل البنات بروحه
ممنوع يوصل الصغير بروحه ،، ممنوعة عليه امور كثيرة ان دخل في الحوش ،،

إما بخصوص ان كان الدريول قطري ،، ما في دريول قطري ،، القطري له مكانة اجتماعية
ما اعتقد تسمح له انه يكون دريول ،، فإن صار يوم من الأيام لا سمح الله دريول
بيكون حاله حال أي دريول اسيوي عند معزبينه ،،

ما في مجال للمقارنة ما بين رجل دريول اسيوي ورجل قطري ،،
فالقطري لو كان جارنا مثلا وبيوصلني لمشاويري اي وسوسة شيطان في قلبه يشجعه
إنه يفتح الموضوع معاي ،، بينما الأسيوي لو وسوس له الشيطان بيفكر مليون مرة قبل لا يفتح أي موضوع معاي ،، لأن سهل جدا بشخطة قلم يتسفر ،،
فالمكانة الاجتماعية لها دور في رسم الحدود ما بين الدريول والحريم اللي يركبون معاه ،،
وهذا ليس استحقار للأدريولية ولكنه واقع معترف فيه منذ القدم ،،

لذلك وجود السائق عندي افضل من إني اقود سيارة واتبهدل في الشوارع
ويوم أقول اتبهدل الكلمة هذه مب مكلمتي بل هي كلمة الحريم اللي يسوقون ،،

[ام السعف]

خالتي انتي كده:nice:

تسلم يا ولد اختي :nice:

[Phenomenon]

phenomenon الف مرحبا بردك او ردج وكلامك المذكور بخصوص متابعتك او متابعتج عن بعد لردودي ،،

من خلال ردي ذكرت اني افضل الركوب مع رجل أجنبي من إني امرمط نفسي في الشوارع
ولم أقل ان الرجل الأجنبي هذا ليس ذكرا او رجلا او ليس له قلب مثل الرجل القطري ،،

دريولنا ما اعده كائن بشري مختلف ،، اركب معاه من غير تبرج ومن غير عطورات
ومن غير سوالف مايعة او ضحك او غشمرة ،، وما اقعد خلفه في السيارة ،،


عديناه رجال مثله مثل أي رجل في هالدنيا ،، لذلك ممنوع يوصل البنات بروحه
ممنوع يوصل الصغير بروحه ،، ممنوعة عليه امور كثيرة ان دخل في الحوش ،،

إما بخصوص ان كان الدريول قطري ،، ما في دريول قطري ،، القطري له مكانة اجتماعية
ما اعتقد تسمح له انه يكون دريول ،، فإن صار يوم من الأيام لا سمح الله دريول
بيكون حاله حال أي دريول اسيوي عند معزبينه ،،

ما في مجال للمقارنة ما بين رجل دريول اسيوي ورجل قطري ،،
فالقطري لو كان جارنا مثلا وبيوصلني لمشاويري اي وسوسة شيطان في قلبه يشجعه
إنه يفتح الموضوع معاي ،، بينما الأسيوي لو وسوس له الشيطان بيفكر مليون مرة قبل لا يفتح أي موضوع معاي ،، لأن سهل جدا بشخطة قلم يتسفر ،،
فالمكانة الاجتماعية لها دور في رسم الحدود ما بين الدريول والحريم اللي يركبون معاه ،،
وهذا ليس استحقار للأدريولية ولكنه واقع معترف فيه منذ القدم ،،

لذلك وجود السائق عندي افضل من إني اقود سيارة واتبهدل في الشوارع
ويوم أقول اتبهدل الكلمة هذه مب مكلمتي بل هي كلمة الحريم اللي يسوقون ،،


والله اختي انا لحد الحين مب عارفه انتي وش تقصدين بالـ " مرمطه " .. ولا ادري هالـ " مرمطه " هاذي وصلت عندج لأي مستوى ولأي مدى!! :) .. فإذا ما عليج أمر ممكن تشرحين لي وش تقصدين يوم قلتي ( أمرمط نفسي في الشوارع )؟ من باب العلم ليس إلا .. :)

هذا احنا انسوق ونروح ونجي بكل هدوء ولا " تمرمطنا " ولا شي ولا احد تعرض لنا ، نروح نقضي اشغالنا ونرد بيوتنا بكل هدوء

اما بخصوص ( الدريول القطري ) .. انا ما قصدت ان القطري يشتغل هالشغله .. انا كنت أقصد الركوب معاه بنفس وضعه الحالي وبنفس مكانته الاجتماعية الحالية

أما بخصوص الدريول اللي يخاف من شخطة القلم والتسفر .. ترى الدنيا ما عادت مثل قبل .. هالكلام ما عاد موجود .. واللي اتقولين عنه يخاف من شخطة القلم أمس .. تراه اليوم ما عاد يرده شي .. يسوي اللي يبيه ويشيل عليه ويشرد ويروح عند ناس غير اللي كان يشتغل عندهم وبيعطونه أكثر من اللي كان ياخذه اذا ما كان أضعاف اللي كان ياخذه .. وكأنهم يكافئونه على اللي سواه

واذا انتي من رايج ان ( المكانة الاجتماعية لها دور في رسم الحدود ما بين الدريول والحريم اللي يركبون معاه ) مثل ما قلتي ،، فأنا أقولج ( ترى الشيطان ما مات ، وتراه قادر انه يمسح هالحدود اللي رسمتها المكانه الاجتماعيه في لحظه وأسرع مما تتصورين ) .. :)

[Phenomenon]

:victory:

:victory: :victory: :victory:
لا يسعني سوى ان انحني احتراما لتعليقك

بالفعل اي ذكر أجنبي ومن اي جنسية كان هو ذكر
ياكل ويشرب ويحس مثلنا

لكن شنقول ..

الله المستعان


تسلمين اختي على الإشاده :)

[eXpert*]

الموضوع ماله علاقة بـ سواقة المرأة ..


لو فرضاً الرجال جاه هبوط في السكر و إمرأته لم تكن معه شلون راح يكون السيناريو !! ؟ ولا الواحد منّا ما يطلع الأ قالص جنبه مرته حق وقت الشدائد ؟؟

الدنيا ما خليت ولا كان خربت ،، عيال الحلال وايد .

[صاحبة إمتياز]

ههههههههههههههههه مالج حل يالبارح الصراحه إحراج ههههههههه بس تعجبيني
عرفتي ترقعينها <<<اتغشمرر هاااه لحد يحط بخاطره



وأنا أؤيد الليسن أو عالأقل تعرف ادق سلف الموتر وتروًًح والموضوع حده يبي له نقاش ماعليش أم سعف المسأله مش مسئلة تمرمط فالشوارع ودلع وما دلع الحمدلله كلنا عايشين حياة الرفاهية والدلع ويكون بعلمج الموتر لو تعطل والوحدة بالشارع تلقين زوجها أو أبوها ولا أخوها ولا بعد الفريج يصلح لها بنشر وهي قاعده بالسيارة...
ترى فعلاَ تمر مواقف لازم الواحد ياخذ إحتياطه فيها ومسألة الليسن لضرورة مش للعباطة وزيادة زحمة سير في شوارع الدوحة الضيقة..

<<وإلي ماصادته مثل هالمواقف ماراح يقدر الموضوع...

والعفوووو هذه وجهة نظري..

[HIGHNESS]

قاعدين تناقشون خبر قديم من كم سنه ههههههههههه

[الوان]

السالفه مب سالفة ليسن

الحرمه العدله تستحي حتى و هي تمشي على ريولها

و اللي بايعه الحيا .. .. ما تستحي حتى لو تمشي على ريولها

يا ما ناس مع سايق يتمشون نص الليل

و يا ما نسوان يسوقون بس للمقاضي و الضروريات

الحمد لله من زمااااااااااااان ما شفت مقفا الدريول

يا ابو العيال يوصلني .. ولا اروح بسيارتي بروحي

و الحمد لله كل شي قريب من البيت

و عسى ربي يستر على الجميع

[ام السعف]

والله اختي انا لحد الحين مب عارفه انتي وش تقصدين بالـ " مرمطه " .. ولا ادري هالـ " مرمطه " هاذي وصلت عندج لأي مستوى ولأي مدى!! :) .. فإذا ما عليج أمر ممكن تشرحين لي وش تقصدين يوم قلتي ( أمرمط نفسي في الشوارع )؟ من باب العلم ليس إلا .. :)

هذا احنا انسوق ونروح ونجي بكل هدوء ولا " تمرمطنا " ولا شي ولا احد تعرض لنا ، نروح نقضي اشغالنا ونرد بيوتنا بكل هدوء



اما بخصوص ( الدريول القطري ) .. انا ما قصدت ان القطري يشتغل هالشغله .. انا كنت أقصد الركوب معاه بنفس وضعه الحالي وبنفس مكانته الاجتماعية الحالية

أما بخصوص الدريول اللي يخاف من شخطة القلم والتسفر .. ترى الدنيا ما عادت مثل قبل .. هالكلام ما عاد موجود .. واللي اتقولين عنه يخاف من شخطة القلم أمس .. تراه اليوم ما عاد يرده شي .. يسوي اللي يبيه ويشيل عليه ويشرد ويروح عند ناس غير اللي كان يشتغل عندهم وبيعطونه أكثر من اللي كان ياخذه اذا ما كان أضعاف اللي كان ياخذه .. وكأنهم يكافئونه على اللي سواه

واذا انتي من رايج ان ( المكانة الاجتماعية لها دور في رسم الحدود ما بين الدريول والحريم اللي يركبون معاه ) مثل ما قلتي ،، فأنا أقولج ( ترى الشيطان ما مات ، وتراه قادر انه يمسح هالحدود اللي رسمتها المكانه الاجتماعيه في لحظه وأسرع مما تتصورين ) .. :)



هلا اختي ...
قبل كل شيء لابد ان نتفق ان لكل منا وجهة نظر خاصة بخصوص الحالات التي يمر بها في حياته
فيوم قلت مرمطة هذا لأنني ما بي اكون خلف المقود و اطلع على الجمعية او المخبز او اوصل عيالي المدرسة او اني اروح الخياط وانسى الكيس وارجع مرة ثانية اودي الكيس او اني اوصل مواعين بيت ابوي لأن امي تبي مواعينها هالوقت ،، او ولدي خاطره في ايس كريم ادق سلف اروح اشتري له ،، او اروح السوق ادور لي على موقف ،، او اني اعصب علا فلان فو فلتان وهو لاف علي او أأشر عقب ما وقف لي او ... او ...

فمثل هالأمور صارت تحدث مع الكثيرات ممن يسوقون السيارة ، بالنسبة لي اعتبرها مرمطة
و مثل هذا الرأي سمعته من الكثيرات من اللي يسوقون ،، فالموضوع مب متعلق بتحرش الرجال باللي تسوق ،، فاللي محترمة نفسها مستحيل يتمادى المتحرش معاها ،،

الدنيا ما عادت مثل قبل كلامج صحيح وسمعت عن الكثير ممن عانوا من هروب الدريول
فهل مثلا انا بحاجة الى هروب السائق حتى اثمن أهمية قيادة المرأة للسيارة ؟

بالنسبة لي أقول لا مب بحاجة لهروب السائق حتى أثمن أهمية الليسن في حياة المرأة مرينا في أيام صعبة جدا أجرنا سيارات بتوصيل شهري ولا رضيت اني اسوق و ابهدل نفسي (حسب وجهة نظري اللي مب شرط تلتزمين فيها )،،

ودام ان عندي سايق اطلب منه يقضي غالبية احتياجات البيت افضل لي مليون مرة من إني اسوق
فالخيار كان لي من اول يوم اني اختار السايق على اني اسوق ،، وهذا رايي الخاص النابع من قناعتي الخاصة اللي ما اتضر حد ،، فما اعتقد اني بغلط عليج يوم اقول ان اللي اتسوق تتمرط واللي ماتسوق تكون أكثر راحة ،،

فالموضوع مب متعلق بهروب الدريول او بقاءه الموضوع ما هو الأفضل والأريح في وجود دريول قايم بكل طلبات البيت الخارجية ؟ اقول اني ما اسوق ،،

واللي تبي تسوق وتفضل الليسن على الدريول حرة في قرارها و قناعتها ، وان شافت نفسها أكثر راحة جسديا ونفسيا فهذا بيكون نابع من قناعتها المتولدة من راحتها ،،

الشيطان اللي تتكلمين عنه ما مات بالفعل ممكن بكل سهولة انه يمسح كل شي في أول لقاء مابين
مريضة وطبيبها الوسيم ،، فالموضوع ان الله يعطي الإنسان على قد نياته وكل يجني على قد افعاله ،، فيوم اتساهل مع الرجل اللي يسوق بسيارتنا واقول لا والله هذا مجرد دريول
راح اجني ثمار تصرفي هذا ،،
لكن يوم اني احترم نفسي و الزمه بحدود يتعامل فيها معاي ،، ان شاءالله ربنا يوفقنا على حسب نوايانا ،، فهو عندنا من عشرين سنة وبفضل من الله مازال موجود عندنا و الله لا يغير علينا
قولي آمين ،،

[ام السعف]

الموضوع ماله علاقة بـ سواقة المرأة ..


لو فرضاً الرجال جاه هبوط في السكر و إمرأته لم تكن معه شلون راح يكون السيناريو !! ؟ ولا الواحد منّا ما يطلع الأ قالص جنبه مرته حق وقت الشدائد ؟؟

الدنيا ما خليت ولا كان خربت ،، عيال الحلال وايد .

الموقف بحد ذاته تشكر عليه المرأة لأنها تعاملت مع الموقف بشجاعة ،،
فكثيرات وان كانوا يسوقون يغمى عليهم من أبسط هبوط في كيان الانسان اللي يقابلهم ،،

[أبو مناير]

انا اويدسياقة المرأة بس بشروط






ما هي هذه الشروط ؟

[بلوتنيوم]

قاعدين تناقشون خبر قديم من كم سنه ههههههههههه

اذكر نفس القصة على نفس المنوال انتشرت في المنتديات السعودية قبل سنوات
والظاهر يعيدونها علشان يحركون قضية قيادة المرأة للسيارة في السعودية

[Just a Gurl]

السعوديات ميتين يبون يسوقون ومب حاصل لهم ههههههههههههههههههههههههههههه

القصه بايخه شوي،،، مع احترامي لناقل الموضوع

[Phenomenon]

هلا اختي ...
قبل كل شيء لابد ان نتفق ان لكل منا وجهة نظر خاصة بخصوص الحالات التي يمر بها في حياته
فيوم قلت مرمطة هذا لأنني ما بي اكون خلف المقود و اطلع على الجمعية او المخبز او اوصل عيالي المدرسة او اني اروح الخياط وانسى الكيس وارجع مرة ثانية اودي الكيس او اني اوصل مواعين بيت ابوي لأن امي تبي مواعينها هالوقت ،، او ولدي خاطره في ايس كريم ادق سلف اروح اشتري له ،، او اروح السوق ادور لي على موقف ،، او اني اعصب علا فلان فو فلتان وهو لاف علي او أأشر عقب ما وقف لي او ... او ...

فمثل هالأمور صارت تحدث مع الكثيرات ممن يسوقون السيارة ، بالنسبة لي اعتبرها مرمطة
و مثل هذا الرأي سمعته من الكثيرات من اللي يسوقون ،، فالموضوع مب متعلق بتحرش الرجال باللي تسوق ،، فاللي محترمة نفسها مستحيل يتمادى المتحرش معاها ،،

الدنيا ما عادت مثل قبل كلامج صحيح وسمعت عن الكثير ممن عانوا من هروب الدريول
فهل مثلا انا بحاجة الى هروب السائق حتى اثمن أهمية قيادة المرأة للسيارة ؟

بالنسبة لي أقول لا مب بحاجة لهروب السائق حتى أثمن أهمية الليسن في حياة المرأة مرينا في أيام صعبة جدا أجرنا سيارات بتوصيل شهري ولا رضيت اني اسوق و ابهدل نفسي (حسب وجهة نظري اللي مب شرط تلتزمين فيها )،،

ودام ان عندي سايق اطلب منه يقضي غالبية احتياجات البيت افضل لي مليون مرة من إني اسوق
فالخيار كان لي من اول يوم اني اختار السايق على اني اسوق ،، وهذا رايي الخاص النابع من قناعتي الخاصة اللي ما اتضر حد ،، فما اعتقد اني بغلط عليج يوم اقول ان اللي اتسوق تتمرط واللي ماتسوق تكون أكثر راحة ،،

فالموضوع مب متعلق بهروب الدريول او بقاءه الموضوع ما هو الأفضل والأريح في وجود دريول قايم بكل طلبات البيت الخارجية ؟ اقول اني ما اسوق ،،

واللي تبي تسوق وتفضل الليسن على الدريول حرة في قرارها و قناعتها ، وان شافت نفسها أكثر راحة جسديا ونفسيا فهذا بيكون نابع من قناعتها المتولدة من راحتها ،،

الشيطان اللي تتكلمين عنه ما مات بالفعل ممكن بكل سهولة انه يمسح كل شي في أول لقاء مابين
مريضة وطبيبها الوسيم ،، فالموضوع ان الله يعطي الإنسان على قد نياته وكل يجني على قد افعاله ،، فيوم اتساهل مع الرجل اللي يسوق بسيارتنا واقول لا والله هذا مجرد دريول
راح اجني ثمار تصرفي هذا ،،
لكن يوم اني احترم نفسي و الزمه بحدود يتعامل فيها معاي ،، ان شاءالله ربنا يوفقنا على حسب نوايانا ،، فهو عندنا من عشرين سنة وبفضل من الله مازال موجود عندنا و الله لا يغير علينا
قولي آمين ،،


أكيد لكل وحده فينا وجهة نظر مختلفه .. ويمكن هالمره ما اتفقت معاج في وجهة النظر
لاني كنت احكم على الموضوع من وجهة نظر ( دينية ) لا تتعلق في هروب الدريول او بقاءه وانما في الخروج معه وانفراد ربة البيت او البنت بالسائق في السيارة .. بغض النظر عن قائمة الممنوعات وبغض النظر عن الاريح بالنسبة لربة البيت ..

وانتي حكمتي على الموضوع على اساس ( الراحه ) .. فوجود السائق اريح بكثير بالنسبة لج من انج تسوقين بنفسج عشان ما " اتمرمطين " مع اني صار لي 9 سنين اسوق تقريبا والحمد لله ما واجهت اي نوع من الانواع اللي ذكرتيها في فقرة المرمطه :)

على العموم .. يبقى هذا رايج وهاذي وجهة نظرج .. وعلي احترامها :)

استمتعت بالنقاش معاج اختي ام السعف .. والله يحفظج انتي وعيالج من كل شر

[ام السعف]

أكيد لكل وحده فينا وجهة نظر مختلفه .. ويمكن هالمره ما اتفقت معاج في وجهة النظر
لاني كنت احكم على الموضوع من وجهة نظر ( دينية ) لا تتعلق في هروب الدريول او بقاءه وانما في الخروج معه وانفراد ربة البيت او البنت بالسائق في السيارة .. بغض النظر عن قائمة الممنوعات وبغض النظر عن الاريح بالنسبة لربة البيت ..

وانتي حكمتي على الموضوع على اساس ( الراحه ) .. فوجود السائق اريح بكثير بالنسبة لج من انج تسوقين بنفسج عشان ما " اتمرمطين " مع اني صار لي 9 سنين اسوق تقريبا والحمد لله ما واجهت اي نوع من الانواع اللي ذكرتيها في فقرة المرمطه :)

على العموم .. يبقى هذا رايج وهاذي وجهة نظرج .. وعلي احترامها :)

استمتعت بالنقاش معاج اختي ام السعف .. والله يحفظج انتي وعيالج من كل شر


اللهم آمين يحفظج ويحفظ كل من يعز عليج ،،

الشرع حرم اشيااء وحلل اشياء اخرى ،، حرم اشياء وفسح لها فسح بشروط وضوابط
وحلل اشياء دون انفلات و تسييب ،،

ما بين هذا وذاك ربنا يعطينا على قد نياتنا ويغفر لنا زلاتنا ،،

وكل عام وانت بخير

[wadha-qa]

قصه سخيفه و هذي الاخبار تارسه المنتديات السعوديه غصب يبون يسوقون خخخخخخخ بس حامض على بوزهم محترين من باقي الدول اللي عندها حريه بس صراحه بلادهم وعقليات شعبهم ما تشجع على الحريه

وخير ياطير لو ساقت و انقذت زوجها بس خاطري اعرف لو هي جايها هبوط حاد و بروحها بالشارع وش بتسوي هع والله ما ترد البيت الا و اللي بالشارع لاعبين في حسبتها السعوديه اهلها متخرعين المره مع محرم يضايقونها شلون لو لقوها بروحها