المساعد الشخصي الرقمي

مشاهدة النسخة كاملة : مساعدة لاهنتو


بوعلي-Qtr
22-08-2010, 02:16 AM
السلام عليكم ورحمة الله وبركاتة

الحمدلله والصلاة والسلام على رسول الله ..

ياجماعة الخير نويت اني ادرس لغة انجليزية في بريطانيا بعد رمضان لمدة 3 شهور
وحددت المدينة ..

بس للاسف دورت على مكان يسويلي اجراءات القبول والسكن مع العائله وغيره مالقيت
عكس باقي دول الخليج عندهم مكاتب يسون التجهيزات وغيرها


فبغيت محل يسوي التجهيزات ويرتب لي مع المعهد والسكن وغيره


لا تبخلون علينا
ولد الشحانية
22-08-2010, 02:18 AM
كلم السفاره
بوعلي-Qtr
22-08-2010, 03:04 AM
^^^
ياخوي انا ابي محل او مكتب يسويلي كل الترتيبات ..
كلمت المركز الثقافي البريطاني .. وطرشولي موقع في اسمامي المعاهد
بس انا ابي ترتيب كامل
بوحارب
22-08-2010, 03:07 AM
موفق خير يابوعلي

استفسر من تحداني الزمن لها خبره في هالأمور

ولاتنسى تودي معاك مصحف

و عدة الكرك ههههههههههههه
بوعلي-Qtr
22-08-2010, 03:28 AM
موفق خير يابوعلي

استفسر من تحداني الزمن لها خبره في هالأمور

ولاتنسى تودي معاك مصحف

و عدة الكرك ههههههههههههه

ماقصرت ياخوي بوحارب
وان شاء الله بتواصل مع تحداني الزمن ..
والمصحف والسجادة موجودين معاي في كل سفرة
وبناخذ منك كورس في الكرك قبل مانروح

وجزاك الله خير
Rashid554
22-08-2010, 03:50 AM
اخوي ليش تبي مكتب يسويلك الترتيبات
ليش مو انت الي تسويها ترى الامور سهالات وبسيطه مو مثل ماتتوقعها صعبه
اذكر اول ماسافرت بريطانيا لدراسه اللغه كنت متخوف من هالشي
انت الي عليك تبتدي بمراسلة المعهد واي شي تبيه انا بالخدمه موجود
حتى لو تبي المعهد والعائله الي درست عندهم بعطيك كل المعلومات
الامور بسيطة وسهله
بوعلي-Qtr
22-08-2010, 04:28 AM
اخوي ليش تبي مكتب يسويلك الترتيبات
ليش مو انت الي تسويها ترى الامور سهالات وبسيطه مو مثل ماتتوقعها صعبه
اذكر اول ماسافرت بريطانيا لدراسه اللغه كنت متخوف من هالشي
انت الي عليك تبتدي بمراسلة المعهد واي شي تبيه انا بالخدمه موجود
حتى لو تبي المعهد والعائله الي درست عندهم بعطيك كل المعلومات
الامور بسيطة وسهله

جزاك الله خير ياخوي
وانا الحمدلله حصلت كذا معهد وراسلتهم
بس اللي مخوفني السكن ..
لاني قريت انه يكون بعيد
يعني 30 دقيقه بالمواصلات

لاهنت ياخوي ممكن تذكرلي اسم المعهد .. ؟؟
وهل استفتدت منه ولا لا ؟ يعني فترة 3 شهور كفاية ؟
ابن قطر
22-08-2010, 04:44 AM
اخوي ادخل عى موقع بيل سكول من اشهر المدارس الانجليزية لتعليم اللغة الانجليزية وتواصل معهم بالنت

وراح يامنون لك العايله والمدينه

وانصحك لا تروح المدن الي فيها عرب

مثل برايتون واويلز وسوانزي

وفي مدارس ريجنت اسكول

وموفق اخوي
£عبدالعزيز£
22-08-2010, 05:45 AM
في مركز اعرف شباب تعاملوا معاه

بس الله اعلم اذا كان زين ولا لا

تفضل هاي موقعهم وفيه العنوان والرقم

http://qatarlc.net/Contactus.php

والله يكتب لك اللي فيه الخير
اكاديمي
22-08-2010, 07:18 AM
بالتوفيق انا اخطط بعد
الجوكر90
22-08-2010, 07:28 AM
السلام عليكم
اخوي ماحصلت الا بريطانيا
ترى صدقني راح تتعذب
لان مافي شي غير المعهد والبيت
اذا تبي تروح وتتعلم روح كندا او امريكا ارخص واحسن
وهاي نصيحه مجرب
وبالتوفيق ان شاء الله
mohd89
22-08-2010, 07:28 AM
اخوي كندا وبريطانيا برد .. وأمريكا اضن الفيزه مالتها صعبه
شوف أستراليا ممكن تكون انسب .. وتكاليفها معقوله بالنسبه للدول الاخرى

أقل من ثلاث شهور ما تحتاج فيزا .. تاخذها من المطار عند وصولك سيدني

وأذا فكرت تدرس اكثر من 3 شهور فـ الفيزا الاستراليه تعتبر من اسهل الفيز بظرف اسبوع تكون عندك .. وفي مكتب في الدوحه بيساعدك مع الفيز الاستراليه

بالنسبه للجو هنا بعد رمضان بنكون دخلنا ع الصيف ان شاء الله يعني الحراره بين 25-40 يعني تقدر تروح وتجي وتاخذ راحتك بينما في الدول اللي فيها برد بعد الساعه 5 المغرب تحصل الحياه ماتت ومافي حد في الشارع



بالتوفيق وعلى كل حال اذا ودك في استراليا ممكن ارسل لك بعض التفاصيل
تحداني
22-08-2010, 09:46 AM
.. عطني اسم المعهد .. ولن نقصر معاك ان شاء الله
عاده الكثير من المعاهد تتعامل مع عوائل يتم التعاقد معهم ..
او التعاقد مع مجمعات سكنيه
فقد يكون هذا الامر ينطبق على المعهد الذي إخترته




وسيظهر ذلك واضحا في موقعهم الاكتروني



الله يوفقك ويرضى عليك يارب
ANONYMOUS
22-08-2010, 10:22 AM
اذا لقيت معهد فيه طلاب عرب حط رجلك

بترد تتكلم عربي احسن من قبل

:)

شوف لك منطقه نائيه جدا.. ولا ترى بتخسر فلوسك عالفاضي
Rashid554
22-08-2010, 06:36 PM
جزاك الله خير ياخوي
وانا الحمدلله حصلت كذا معهد وراسلتهم
بس اللي مخوفني السكن ..
لاني قريت انه يكون بعيد
يعني 30 دقيقه بالمواصلات

لاهنت ياخوي ممكن تذكرلي اسم المعهد .. ؟؟
وهل استفتدت منه ولا لا ؟ يعني فترة 3 شهور كفاية ؟

من حقك تراسل مليون معهد لانك راح تدفع لهم فلوس واسعارهم غاليه وصحيح ان السكن يفضل ان يكون قريب من المعهد او يبعد عنه بمسافه 10 الى 15 دقيقه وطبعا اكيد بتروح المعهد بالباص تطلع لك بطاقه شهريه والله نسيت السعر بس سعر رمزي وزين اعتقد 40 باوند اذا كانت برى لندن
ومن الافضل انك تدرس بالمناطق الريفيه الي تبعد عن لندن بمسافات مثلا انا رحت منطقه تبعد عن لندن ساعتين بالقطار وكل ويكند اروح لندن سياحه مع واحد من الربع

من ناحيه الاستفاده يعتمد عليك انت مايعتمد على المعهد
المعهد عليه يعطيك انت الي عليك تدرس وتحاور ولاتتكلم عربي مثل ماضيعت وقتي انا هناك
والعائله الي كنت معاها جداً محبوبه لدرجه اني ليومك كل سنه اروح لندن لازم امر عليهم اسلم عليهم وارجع وتعرفو على الاهل كلهم
بوعلي-Qtr
23-08-2010, 02:29 AM
^^^

بيض الله وجهكم

وان شاء الله باروح مانشيستر
khaleeji
23-08-2010, 02:57 AM
'طيع الشور وخل عنك مانشستر يونايتد ياعرباوي :nice:
والله بتحسف بتلقى صفك نصه بوعراااااااب بروحك رايح 3 شهر