المساعد الشخصي الرقمي

مشاهدة النسخة كاملة : ناوي أجيب نيسان 210 من السعودية(كيف الطريقة)


QATAR4EVER
22-08-2010, 03:41 AM
مساء الخير, قال الرسول صلى الله عليه وسلم(لايؤمن أحدكم حتى يحب لأخيه ما يحب لنفسه) اوانا ابي أشتري نيسان 2010 من السعوديه بحكم فارق السعر فل ابشن, وابي اعرف طريقة شرائه وتصديره من السعودية.
وينكم يالمؤمنين:) الي مرت عليكم التجربه هذي
Gh2o
22-08-2010, 03:48 AM
غلطاااااان اخوي بقطر ارخص والي بالسعوديه مب فل ابشن مثل الي عندنا راجع اوراقك بتدفع اكثر وبمواصفات اقل !!!
آهـات خـالـد
22-08-2010, 03:56 AM
الفول أبشن اللي عندنا بالسعوديه سعره 240 ألف وأنتو عندكم سعره 255 ألف

والفرق أن اللي عندكم فيه شاشات خلفيه يعني مواصفات قطر أحسن بكثير

وإذا بغيت الفول أبشن اللي فيه 5 كاميرات ونظام الرادار بـ 270 ألف

بس طبعآ هالنوع مب موجود بالسعوديه الوكيل للحين ماوفره !!

:)
QATAR4EVER
22-08-2010, 03:57 AM
غلطاااااان اخوي بقطر ارخص والي بالسعوديه مب فل ابشن مثل الي عندنا راجع اوراقك بتدفع اكثر وبمواصفات اقل !!!

عزيزي الفاضل, بخصوص السعر في الدوحه على 280 عرض رمضان للفل أبشن, في السعوديه 240 سعودي, مع فرق العمله بيطلع 233 الف, الفرق بين القطري والسعودي, ان السعودي مافيه 5 كيمرات ولا شاشات ورى فقط, يعني تتكلم عن فرق في السعر اب 47 الف.. وانا متاكد من الشي هذا
فتى قطر
22-08-2010, 04:02 AM
واحج من الربع توه ماخذ واحد فل اوبشن و مع الصدام اليديد ورنجات مطفيه يسمون الفئه (city) طلع عليه 282 الف ريال + تامين شامل.

انا اشوف سعر الدوحه حلو بالنسبه للخمس كيمرات واللحيه والرنجات..بس السعوديه اتنزل جلد و بس كيمرا وحده..بيكون اقل..

وعشان التصدير كلم الوكاله يطرشونه لك لين داخل قطر ..او يمكن يتعاملون مع شركه شحن
Index Signal
22-08-2010, 04:23 AM
محد بيفيدك إلا العضو (الهاجري) :)
ابن قطر
22-08-2010, 04:38 AM
خلاص وانا اخوك خلك مع vxr ما دام صار 5700

اعتقد النيسان ولد من جديد لكي يدفن
Gh2o
22-08-2010, 04:58 AM
عزيزي الفاضل, بخصوص السعر في الدوحه على 280 عرض رمضان للفل أبشن, في السعوديه 240 سعودي, مع فرق العمله بيطلع 233 الف, الفرق بين القطري والسعودي, ان السعودي مافيه 5 كيمرات ولا شاشات ورى فقط, يعني تتكلم عن فرق في السعر اب 47 الف.. وانا متاكد من الشي هذا

اخوي الفل ابشن الي تتكلم عنه اسمه ستي اوبشن ب 270 الف بالعرض وفيه واحد اقل منه الفرق بينهم الصدام بدون لحيه و الكشافات ماعليهم كروم ورنقاته غير بس نفس الموصفات الباقيه
وبعدين الخمس كاميرات بروحهم سااااالفه حرام عليك والله تقنيه مب طبيعيه مشاء الله وتنبهك للخطوط واعتقد وارد السعوديه بدون ردار بعد مب متاكد والله بس الستي اوبش مانزل السعوديه على حسب علمي واعتقد الفل ابشن الي مثل السعوديه ارخص من 270 يمكن اذا مب غلطان ب 260 وبخمس كاميرات وعلى فكره الشاشات الورى مب مجرد شاشات لا اخوي تقدر كل شاشه بالسياره يكون لها شي منفصل يعني انت جدام تشغل بالشاشه الرئيسيه النفجيشن والشاشه اليمين دي في دي واليسار بلي ستيشن او اي بود تشغل افلام منه
اذا عندك فلوس الفول ابشن اخذه والله ماتحسف ان شاء الله ونصيحه مر الوكاله وجرب الموتر عندهم
Gh2o
22-08-2010, 04:58 AM
خلاص وانا اخوك خلك مع vxr ما دام صار 5700

اعتقد النيسان ولد من جديد لكي يدفن

الريال يقول نيسان انت تقول كروزر يعطونك عموله ولا انت مبرمج تقول تويوتا :nice: :nice: صباح الخير يا 5,7 :victory:
qatar.com
22-08-2010, 04:59 AM
اخوي انا ماعندي بعلم بواصفاتهم واسعارهم هذا شي راجعلك اذا انت ضاربة براسك تجيب من هناك لاكن بعلمك الطريقة اول شي

1- فلوسك تكون كاش وسعودية

2- تروح الوكالة وتشتري الموتر وتقولهم ابية تصدير للدوحة مع ورقة مقاصة عشان مايخذون عليك جمرك الدحة

3- تجيب الموتر الدوحة عادي تسوقة ولا سطحة في كمن اجراء بجمرك ابوسمرة عقب مرور مدينة خليفة

4- تغسل الموتر وتاخذ العيال وام العيال فيه لفة على الكورنيش خلهم يستانسون وسلامتك
khaleeji
22-08-2010, 06:07 AM
خذ فلوسك وادفع وتمشى به علخفيف وكل الاجراءات تخلصها في مركز بوسمره
علي1
22-08-2010, 06:32 AM
السلام عليكم


اخوي الفاضل تفضل رقم الشركة في الاحساء

بداله0096635892222

جوال00966530830360جلال البقشي واذا اتصلت فيه قول له من طرف علي المري من قطر

وهو بيقوول لك كل الي تبي تعرفه وبالتوفيق ان شاءالله
الــهــاجـري
22-08-2010, 08:17 PM
اخوي خل الوكاله اللي عندنا تولي انا اعرف وكلاء موزعين يجيبونها من الوكاله ولكن سعر رخيييييص بسبب عدم الاقبال على النيسان عندنا ارسلت لك رقمي على الخاص اذا تبيها ابشر والله بالزين والسعر الزين .
Index Signal
22-08-2010, 08:29 PM
محد بيفيدك إلا العضو (الهاجري) :)




اخوي خل الوكاله اللي عندنا تولي انا اعرف وكلاء موزعين يجيبونها من الوكاله ولكن سعر رخيييييص بسبب عدم الاقبال على النيسان عندنا ارسلت لك رقمي على الخاص اذا تبيها ابشر والله بالزين والسعر الزين .




:nice:
القلم
23-08-2010, 12:47 AM
الريال يقول نيسان انت تقول كروزر يعطونك عموله ولا انت مبرمج تقول تويوتا :nice: :nice: صباح الخير يا 5,7 :victory:

:app2::app2::app2:
QATAR4EVER
23-08-2010, 01:59 AM
مشكورين على ردودكم وماقصرتوا
العساس
23-08-2010, 06:27 AM
اخوي قطر فور افر
انا سبق وخذت سيارة من السعودية
تودي معاك المبلغ كامل ومعاه كم الف
تدفع المبلغ كامل وتاخذ علية وصل بس نصيحه شوف السيارة لان بعض سياراتهم فيها ضربات وزلوق
وبعد ماتخلص الاجرات وتعطيهم صوره من الجواز وتوقع على اوراق عندهم
ترجع الدوحه وتدق ركبة اسبوع 10ايام بالكثير بتصلون فيك وتروح تستلم السيارة
او خذ لك سطحة مثل ماسويت وجابها لين سلوى 300ريال
وبعدين امورك طيبة تخلصها من سلوى رسوم250
ومن جمارك بوسمرة 400او جمارك ميناء الدوحه
وبعدين ع المرور وركب الوحات بس تاكد من طفاية الحريق لانها مش موجوده


اتمنى اني اكون فدتك.
هذلان
23-08-2010, 06:37 AM
السلام عليكم

اولا بالتوفيق


اخوي بغيت انبهك عن شغله .


اذا نويت تجيب موترك على سطحه و هذا افضل

انتبه لاتاخذ اي سطحه .. عندهم شركه في السعوديه شركه محترمه لنقل السيارات و يضمنون لك سلامه السياره .

شخص اعرفه خذا يوكن من الدمام و خذ له سطحه توصله لين سلوى .. طبعا سطحه عاديه من الي يوقفون في الشوارع و قال للشركه انهم يسلمون سيارته لصاحب السطحه عشان يجيبها الدوحه .

يوم وصلت سيارته سلوى لقى مناظر السياره الجانبيه مكسره و متعلقه بواير الكهربا و طول الطريق تحك في البيبان و مشمخه صبغ البيبان .

صاحب السطحه يقول انا استلمتها من الشركه بهالشكل
و الشركه في الدمام يقولون له احنا سلمناه السياره سليمه .. بس تلقى السواق استلم السياره و راح بيتهم يريح ولا ياكل له لقمه و عيال الفريج قامو يتعلقون بالسياره وكسرو مراياتها .

الفرق في السعر بين السطحه العاديه و الشركه الي تنقل يمكن مايتعدى ٢٠٠ ريال

بالتوفيق
سـ ع ـود
23-08-2010, 07:39 AM
اخوي خل الوكاله اللي عندنا تولي انا اعرف وكلاء موزعين يجيبونها من الوكاله ولكن سعر رخيييييص بسبب عدم الاقبال على النيسان عندنا ارسلت لك رقمي على الخاص اذا تبيها ابشر والله بالزين والسعر الزين .

سوري على المداخله في الموضوع عرض

ولد العم افزعلي ولاتهون وعطني المعلومات على الخاص :)
بوراشد77
24-08-2010, 02:53 AM
يالحبيب رفيجي توه ماخذله واحد من السعودية قبل كم يوم اذا تبي تكلمه اعطيك رقمه