المساعد الشخصي الرقمي

مشاهدة النسخة كاملة : حابه اخذ ايفون 4 من بريطانيا


سكر_قطر
22-08-2010, 04:47 AM
السلام عليكم

شلونكم ياجماعه

بغيت اشتري ايفون 4 من بريطانيا
بغيت اعرف وين ممكن اشتريه لاني بوصي ناس
وكم بيكون السعر؟ هل يستاهل اخذه من بريطانيا ولا نفس السعر في قطر؟

بشكل عام شرايكم فيه يقولون ارساله تعبان ويفضي وفي ناس مدحوه
اوصي عليه من الحين ولا انطر كم شهر لين يحلون مشاكله؟
وهل ممكن نستخدمه مع شبكة كيوتل او فودافون
ولا بيكون مشاكل من حيث التعريب والشبكه؟

وحبيت اعرف مواصفاته من حيث استقبال رسائل الوسائط والبلوتوث؟

هل في امكانيه اضيف حد من البلاك بيري عالايفون؟ سمعت ان فيه برنامج اسمه وس أب صج يفيد ولا لا؟

هل في امكانيه انزل مسنجر الهوتميل العادي عليه؟

وشلون وضع مكالمات الفيديو وكذا؟ يعني صار يشبه النوكيا ولا للحين يعور الراس؟

وشنو افضل حجم 16 ولا 32؟

مشكورين وايد

لكم تحياتي
Gh2o
22-08-2010, 04:53 AM
اخذيه يا سكر عادي ينباع في محل الابل ستور بشارع الريجنت ومافي مشاكل لا بالارسال ولا بالعربي ولا بالشبكات وسعره ٥٠٠ باوند لل١٦ جيجا وال٣٢ ماعرف بكم
Dream Team
22-08-2010, 04:54 AM
تشترينه من متجر أبل نفسه

وسعر الـ ٣٢ قيقا حوالي ٣٤٠٠ ريال (٥٩٩ باوند)

والـ ١٦ قيقا ٢٨٠٠ ريال تقريبا (٤٩٩ باوند )

وشغال على كيوتل وفودافون عادي

وبخصوص الارسال هو ساعات ينزل وساعات لا ولكن مايوصل لدرجة انه يقطع الاتصال أو ان الارسال يكون صفر

والجهاز فيه عربي لأن العربي في السوفتوير .. والسوفتوير هو نفسه اللي ينزل في العالم كله على أجهزة الآيفون

والجهاز متوفر باللون الأسود فقط والأبيض تم تأجيل نزوله بسبب مشاكل في التصنيع

وعندي واحد صارلي تقريبا اسبوع استعمله ولحد الحين مانقطع أي اتصال
سكر_قطر
22-08-2010, 05:05 AM
مشكورين عالرد ياجماعه
الـكـواري
22-08-2010, 05:05 AM
موجود في شركة الايفوون
اللي في اخر اكس فوورد ع شارع اليمين
غناتي1
22-08-2010, 05:07 AM
تشترينه من متجر أبل نفسه

وسعر الـ ٣٢ قيقا حوالي ٣٤٠٠ ريال (٥٩٩ باوند)

والـ ١٦ قيقا ٢٨٠٠ ريال تقريبا (٤٩٩ باوند )

وشغال على كيوتل وفودافون عادي

وبخصوص الارسال هو ساعات ينزل وساعات لا ولكن مايوصل لدرجة انه يقطع الاتصال أو ان الارسال يكون صفر

والجهاز فيه عربي لأن العربي في السوفتوير .. والسوفتوير هو نفسه اللي ينزل في العالم كله على أجهزة الآيفون

والجهاز متوفر باللون الأسود فقط والأبيض تم تأجيل نزوله بسبب مشاكل في التصنيع

وعندي واحد صارلي تقريبا اسبوع استعمله ولحد الحين مانقطع أي اتصال





توكلي على الله واخذي بنصيحتهم -- تونا ماخذين 2 وتمام التمام .
سكر_قطر
22-08-2010, 05:12 AM
تسلمون عالرد يا جماعه

ياليت حد يفيدني بتساؤلاتي لاني قريت ان مكالمة الفيديو ماتصير الا مع ايفون
وان البلوتوث والوسائط ما تصير مع باقي الاجهزه
مسدس ماي
22-08-2010, 06:06 AM
صحيح مكالمات فيديو ماتظبط مع تلفون غير الايفون ٤
لكن مع الوقت اعتقد راح يكون في برامج تدعم هالخاصيه بشكل اوسع .. مجرد اعتقاد

بخصوص الحجم .. حسب استعمالج
تنزلين افلام او مقاطع صوت بشكل كبير .؟
يعني حاولي تقدرين المساحه اللي بتستعملينها
البرامج والالعاب ماتاخذ ذاك الحجم الكبير .. لو تترسين التلفون ١٠ صفحات برامج والعاب ماظنتي يعد ٣ او ٥ قيقا ..

بخصوص الوسائط
لا يدعم وكل شي طبيعي

بالنسبه للواتس اب .. لازم الشخص اللي عنده بلاك بيري يكون منزل البرنامج نفسه عنده فالتلفون
وانتي منزلته
وتلقائي راح يكون فيه اضافه عن طريق الاسامي
يعني انا مسجل رقم الشرطه ٩٩٩ .. وهم مسجلين رقمي ١١١
انا نزلت البرنامج على جوالي وهم نزلوا على جوالهم
بمجرد ماني سجلت اسمه عندي فالاسماء .. راح ينظاف عندي في الواتس اب بشكل مباشر .. واقدر اراسله وارسل صور والخ وفيه برودكاست وحركات حلوه ..
سكر_قطر
22-08-2010, 06:38 AM
^^

مشكور اخوي عالرد
افا ليش مايدعم الوسائط؟ قريت من شوي في القوقل ان ممكن نغير الاعدادات ويضبط
بس مادري مع ايفون 4 ولا 3؟

زين والبلوتوث فيه ولا؟
S A L M A N
22-08-2010, 09:46 AM
تلفون تصميمه عجيب
وبرامجه خياله
واللعابه تونس في كل مكان
والصوت والفيديو والوضوح وتصفح الانترنت شي رهيب

عيبه الوحيد البلوتوث ويمكن الكيمرا !
توكلي على الله .. التلفون مسوي ضجه في كل مكان فالعالم .. وسابق عصره
يوسف الحمادي
22-08-2010, 05:07 PM
بـــــــالــتــووفيـــق
سكر_قطر
23-08-2010, 02:50 AM
مشكورين ياجماعه
Gh2o
23-08-2010, 02:52 AM
^^

مشكور اخوي عالرد
افا ليش مايدعم الوسائط؟ قريت من شوي في القوقل ان ممكن نغير الاعدادات ويضبط
بس مادري مع ايفون 4 ولا 3؟

زين والبلوتوث فيه ولا؟

فيه وسائط وفيه بلوتوث ماعرف ليش يقولون مافي !!!
haalhama
23-08-2010, 03:01 AM
سكر شلونج هذا الرابط راح يعلمج شلون تشترين من موقع ابل مباشرة الي في بريطانيا
http://www.traidnt.net/vb/showthread.php?t=1638018

باي باي سي يو
سكر_قطر
23-08-2010, 03:02 AM
فيه وسائط وفيه بلوتوث ماعرف ليش يقولون مافي !!!

البلوتوث يشبك مع كل الاجهزة ولا ضروري ايفون؟
haalhama
23-08-2010, 03:04 AM
عادي مع كل الاجهزه
فارس قطر333
23-08-2010, 03:07 AM
بصراحه جهاز ما عليه كلام
airbus
23-08-2010, 03:07 AM
عادي مع كل الاجهزه

!!!!!!!! :eek5:

الا ببرنامج من السيديا مادري الحين يشتغل ولا لا لان من زمان قاطعت شي اسمه بلوتوث
سكر_قطر
23-08-2010, 03:57 AM
شجعتوني على الجهاز

مشكورين