المساعد الشخصي الرقمي

مشاهدة النسخة كاملة : @@ ما معنى العمولة ..؟؟ @@


بنـ الدحيل ـت
22-08-2010, 07:00 PM
السلام عليكم

اخواني .. اخواتي


من قبل حصلت على شقة واعجبتني لكن الأخ قال لي لازم تدفعين عمولة علشان تصير الشقة لج ودفعت له 2500

لكن في النهاية صارت لي ظروف ما قدرت اخذ الشقة فكنسلتها

فقلت له رجع لي فلوسي

قال لي : راحت عليج :(

هذا حصل من خمس شهور

واليوم حصلت على شقة جديدة ايضا طلب مني عمولة

وعطيته 2250

لكن الناس قالوا لي أنتي غلطانة والمفروض ما تعطينه . لأن عنده مكتب يعطيه عمولة وانتي ليش تعطينه ..؟؟


صراحة ما عرفت وش الحل

وش تنصحوني ..؟؟
أميرااالذوق
22-08-2010, 09:12 PM
العموله:هي فايدة المكتب الوسيط

في حالة الربط معاه

لانه العموله تربط الزبون واذا ماالتزم اتروح عليه

وبالتوفيق ان شاء الله!
خطوة
22-08-2010, 09:19 PM
الله يساعدج
adell
22-08-2010, 10:23 PM
في فرق بين عربون وعمواله الي دفعتيه عربون مو عمواله مشان تحجزي العقار لفتره معينه واذا لم تاخذي العقار العربون بيصير من حق المكتب او المالك او حسب ذوقهم ممكن يرجعوها الك مرعاة للظروف
لكن العمواله غير اذا تم العقد بياخذ المكتب عمواله الي متفق عليها ونصيحه مني لا تدفعي عربون او عمواله الا بعد لما توقعي العقد قبل لما توقعي العقد لا تدفعي شي او ادفعي شي رمزي 500 ريال اذا واثقه ومتاكده ميه بالميه انك راح تاجري
شكراً
technical
23-08-2010, 12:09 AM
ضحكوا عليك وخذوا فليساتك ! نقطه اولى لا تأجرين من مكتب ما عنده مفاتيح الشقه او العقار في المكتب , عشان تكونين متعامله مع راعي العقار مباشره وعشان ما يزيدون عليك الأجار في النص وانتي ما تدرين , لأن احياناً يعملون كذا عشان يغطون سمسره شربكه المكاتب او الدلالوه في النص !

نقطه ثانيه اي مسئله متعلقه بفلوس تكون متسجله في عقد الأيجار !

سماها عموله او اي اسم ثاني ! ويكون التسليم عند حضور راعي العقار للتوقيع . عجبهم , عجبهم !

ما عجب راعي المكتب هذا الكلام دوري على الي يعجبه ويا كثر الأرقام المباشره لصاحب العقار في الدوحه !

قالك بتروح وما ادري ايه قولي كلها قسمه ونصيب !
بـن عدوان
23-08-2010, 04:29 AM
العمولة تكون حق اللي يطلع لج العقار واعتقد ياخذها في حالة اذا انتي خذتي العقار سواء استئجار ولا بيع ..

وان شاءالله الاخوان يفيدونج اكثر ..
MBI
23-08-2010, 05:47 AM
:nice::nice:

ضحكوا عليك وخذوا فليساتك ! نقطه اولى لا تأجرين من مكتب ما عنده مفاتيح الشقه او العقار في المكتب , عشان تكونين متعامله مع راعي العقار مباشره وعشان ما يزيدون عليك الأجار في النص وانتي ما تدرين , لأن احياناً يعملون كذا عشان يغطون سمسره شربكه المكاتب او الدلالوه في النص !

نقطه ثانيه اي مسئله متعلقه بفلوس تكون متسجله في عقد الأيجار !

سماها عموله او اي اسم ثاني ! ويكون التسليم عند حضور راعي العقار للتوقيع . عجبهم , عجبهم !

ما عجب راعي المكتب هذا الكلام دوري على الي يعجبه ويا كثر الأرقام المباشره لصاحب العقار في الدوحه !

قالك بتروح وما ادري ايه قولي كلها قسمه ونصيب !


:nice::nice::nice: