الظاهر بعض الخدم يجوون قطر للسياحة مب للشغل !!!!

[بوحارب]

السلام عليكم ورحمة الله وبركاته

بخصوص بعض الخدام الظاهر انهم يجيون للدوحة للنزهة وتغيير الجو فقط لا للشغل وتحصيل الرزق مثل ما كانوا الخدم في الماضي

الحين الخدامة تجي ومن اول يوم لين اخر يوم في الشهر الثالث <<< 3 شهور مدة ضمان المكتب !!!

تلاقونها تشتغل ومافيه احسن منها ابداااااا:strong

ومع اول يوم من الشهر الرابع تلاقي الخدامة تقول ماما انا يبي يروح بلاد انا مافيه مرتاحة:(

بابا في مريض:o
زوج ما انا في زعلان:o
انا يبي يشوف بي بي :o
ماما مال انا في مريزة :o

ومن هالأعذار اللي ما ندري هي صدق ولا لا !!!

هالشي لاحظتة على خدامتي الأندونيسية من بعد انتهاء مدة التأمين وكل يوم وهي تقول للمدام عذر على انها تبي تروح بلادها !!

مع العلم اني اعاملها مثل اختي تقريباً :) ومب مخلي عليها اي قاصر ولا نحملها اي شغل شاق ابدااااا

واعطيها اعلى راتب في البيت من بين الخدم

وفي الأخير تجي تقول ابي ارجع البلاد:sneaky:

طبعا من بعد ماوصلني الخبر انها تبي ترد فتحت الموبايل وبطلت الكولكليتر وحسبت كم صرفت عليها من اول يوم الى اخر يوم من تكاليف مكتب واقامة ورواتب .... الخ:rolleyes: وطلع مبلغ محترم :)

وقلت للجماعة يقولون لها تعطيني نص هالمبلغ ومن بكرة تستلمين التذكرة وتروح في سبيلها

وعندما سمعت هذا الخبر الحلو نست بلادها وكل شي

خدم ما يجون الا بالعين الحمرا :)

حد صارله نفس هالموقف ؟؟؟

والسموحة على الأطالة :D

[maruuma]

توك تدري يا بو حارب!!!
خاصة السيلانيات .. والدريوليه
جايين يصييفوون في الدوحة
زين لحقت اتسنعها .. احنا على طول يشردوون
الله المستعان

[طبعي كذا]

صدقت في كل كلمه قلتهاإخوي..وبعدين معروفه سياسة المكاتب يهددونهاتنظبط لمدة 3شهوروبعدهامالهم شغل ..
وبعدين موب شرط إنهم يجون باالعين الحمراءيمكن في رأسهاإنهاتشردوهذاالقهر...الله يعيناعلى بلاويهم ويكفينا
شــــــرهم

[Index Signal]

بإختصار .. يبون يشتغلون بالساعه ..!!

والسبب بعض المواطنين الله يهديهم ..

يشجعونهم على الهرب و يغرونهم بمدى ربح العمل بالساعه ..

و بعضهم الله يهديهم موجودين معانا بالمنتدى و يروجون لهالخادمات .

[بـن عدوان]

الله يعينك ياخوي ..

بس بغض النظر عن الشغلة او الجنسية، الترفيه والراحة مطلوبة لكل انسان في الدنيا

[هذلان]

السلام عليكم


مبارك عليك القرنقعوه بو حارب :nice:


بوحارب بخصوص الخدامه شكلك اول مره تجيب خدامه او من زمان ماجبت خدامه .

هذي حركه يسوونها كل الخدامات تقريبا الا من رحم ربي .

وخدامي انا سوتها و سويت نفس الي انت سويته بالظبط بس قلت لها تردين المبلغ انتي كامل او اوديج للمكتب تفاهمين وياهم و تشوفين من يرد علي فلوسي .

قلت لها فيه شي اسمه عقد بيني و بينج و بين المكتب انتي و انا موقعين عليه يضمن حقج و يضمن حقي .

يوم غيرت رايعها بعد سالفه الفلوس .. قلت لها شوفي بتنسين هالسالفه و الحركات الي كل الخدامات يسوونها و بتصيرين خوش مره يا مرحبا و مسهلا .. بتقعدين تلوعين جبدي و كل شوي مسويه لج قصه ترى عندي من الهموم و المشاكل اكثر من الي عندج ولاني ناقص.

من بعدها حبت العافيه ولا عاد جا الطاري
----------------

انصحك تحسن معاملتها ولكن بالعقل .. يعني تعاملها باحسان ولكن لا تزيد عليها الدلع او الراحه عشان ماتعنفص .

والله يعينك على تحويل الراتب كل شهر والله اني متسندر من هالسالفه :anger1:

[qatar1111]

بإختصار .. يبون يشتغلون بالساعه ..!!

والسبب بعض المواطنين الله يهديهم ..

يشجعونهم على الهرب و يغرونهم بمدى ربح العمل بالساعه ..

و بعضهم الله يهديهم موجودين معانا بالمنتدى و يروجون لهالخادمات .


كلام صحيح

وبعد الثلاث شهور بيوم اذا شردت

انت اتكفل في مصاريف رجعتها للبلاد


يعني بتخلص الثلاث شهور وبتشرد وبتشتغل سنتين ثلاث

وبيجيك اتصال من الابعاد تعال جيب تذكرة خدامتك الشارده

وانت حقك ضايع

[Realistic]

لازم خدامه يعني؟

دامكم ماتقدرون تعيشون بدون الخدم .. استحملوا الي اييكم :)

[JN000N]

وي من زمان مب تو


واكثر شي يكون اتفاق مع المكتب نفسه
لان عقب ياخذها ع اساس بيرجعها بلادها او ع اساس ان بيهديها عنده جم يوم يعلمونها شلون تصطلب لكن هو من وراك مستفيد منها
يطرشها تشتغل باليوميه او الساعات ويستفيد

[JN000N]

لازم خدامه يعني؟

دامكم ماتقدرون تعيشون بدون الخدم .. استحملوا الي اييكم :)


تتكلمين بمثاليه،،،
وبسياسة خالف تعرف

في بيت ف قطر مافيه خدامه؟؟؟؟؟؟

[Realistic]

تتكلمين بمثاليه،،،
وبسياسة خالف تعرف

في بيت ف قطر مافيه خدامه؟؟؟؟؟؟

خالف تعرف؟
مب خالف تعرف
+
في وايد بيوت من هل قطر مافيهم خدامه

لين الحين في امهات مايرضون ان بناتهم يقعدون ويخدمونهم الخدم
لين الحين في امهات تقول عيب ادخل امرأه غريبه لبيتي الي فيه زوجي واعيالي الشباب
لين الحين في امهات ماترضى ان الخدامه تنظف سريرها الي ينام عليه زوجها
لين الحين في امهات ماترضى ان الخدامه تمسك ملابس ريلها


ترى والله الحل بسيط جدا ..

إن المرأه تكون مرأه .. ويكون الرجل رجل

تكون مرأه بأنها تهتم في بيتها ويكون بيتها وزوجها اهم من دوامها

ويكون رجل بأنه يعاون أهل بيته كما كان النبي صلى الله عليه وسلم يعاون أهل بيته

[Index Signal]

كلام صحيح

وبعد الثلاث شهور بيوم اذا شردت

انت اتكفل في مصاريف رجعتها للبلاد


يعني بتخلص الثلاث شهور وبتشرد وبتشتغل سنتين ثلاث

وبيجيك اتصال من الابعاد تعال جيب تذكرة خدامتك الشارده

وانت حقك ضايع




لذلك الكفيل يكتفي بالتبليغ عن غيابها عشان يخلي مسؤوليته القانونيه و يتمنى إنها ما ترجع عشان ما يتكفل بتذكرتها ..

و ضعاف النفوس يستغلون هالنقطه و يغررون بالخدم للتكسب منهم بطريقه غير قانونيه عن طريق إغراءهم بالمردود المادي الكبير للعمل بالساعه .

[biz-qtr]

تحمل على بنتك منها

بعضهم يهونون عن السفر

وتسوي لها مصيبه عشان تسافر عقب

والله يكافيكم الشر .... وهالخدم شر لابد منه والله يعينا

[latty]

السلام عليكم ورحمة الله وبركاته

بخصوص بعض الخدام الظاهر انهم يجيون للدوحة للنزهة وتغيير الجو فقط لا للشغل وتحصيل الرزق مثل ما كانوا الخدم في الماضي

الحين الخدامة تجي ومن اول يوم لين اخر يوم في الشهر الثالث <<< 3 شهور مدة ضمان المكتب !!!

تلاقونها تشتغل ومافيه احسن منها ابداااااا:strong

ومع اول يوم من الشهر الرابع تلاقي الخدامة تقول ماما انا يبي يروح بلاد انا مافيه مرتاحة:(

بابا في مريض:o
زوج ما انا في زعلان:o
انا يبي يشوف بي بي :o
ماما مال انا في مريزة :o

ومن هالأعذار اللي ما ندري هي صدق ولا لا !!!

هالشي لاحظتة على خدامتي الأندونيسية من بعد انتهاء مدة التأمين وكل يوم وهي تقول للمدام عذر على انها تبي تروح بلادها !!

مع العلم اني اعاملها مثل اختي تقريباً :) ومب مخلي عليها اي قاصر ولا نحملها اي شغل شاق ابدااااا

واعطيها اعلى راتب في البيت من بين الخدم

وفي الأخير تجي تقول ابي ارجع البلاد:sneaky:

طبعا من بعد ماوصلني الخبر انها تبي ترد فتحت الموبايل وبطلت الكولكليتر وحسبت كم صرفت عليها من اول يوم الى اخر يوم من تكاليف مكتب واقامة ورواتب .... الخ:rolleyes: وطلع مبلغ محترم :)

وقلت للجماعة يقولون لها تعطيني نص هالمبلغ ومن بكرة تستلمين التذكرة وتروح في سبيلها

وعندما سمعت هذا الخبر الحلو نست بلادها وكل شي

خدم ما يجون الا بالعين الحمرا :)

حد صارله نفس هالموقف ؟؟؟

والسموحة على الأطالة :d

:)

بو حارب بس سؤال احنا عندنا ادار ة عمل او لا ؟

بو حارب احنا عندنا قانون يضمن حقنا او لا ؟

بو حارب حقوق الانسان اذا ما انصفنا اي حقوق انسان برى ديرتنا بينصفنا

احنا راح مالنا وصحتنا ووقتنا واحنا مجندين لراحة حالخدم حتى مكاتب الخدم مافيه عقود ولا يحزنون

يااخي افتح لها الباب وقلها شردي ابرك من انك تزيد على 8000 الاف تذكره لها

ياادار ة العمل هل شبعتي نوم ام بعد ؟

سؤال فيه وزير ادار ة عمل او هي بس اداره انا الصراحه مااعرف عنها شي ء


بو حارب العيد عليك مبارك مقدما

[شبح الصمت]

الخير عندك وعندنا

بس زين سويت فيها

ناس ما تجي الا بالعين الحمره

شوف مسكين رفيجي جاب الخدامه اليوم شلها من المكتب ثاني يوم شقت عليه وين راحت ما يعرف

على قولت اخوانا المصريين فص ملح وذاااااب

المهم انا حصل لي نفس الشيء خدامتنا نفس الشيء كانت تقول لنا اندونيسيه

ماما زوج مال انا واجد مشكل يبي يرجع داخل بلاد ( طنشنا )

ماما انا واجد تعبان ( يعني معناته تبي تشوف روميو زوجها )

ماما انا يبي راتب شهرين عشان بنيه يبي دراسة ( نعطيها )

ماما انا يبي زيادة راتب ( يوم شافتنا محتاجينها )

ماما انا ما يبي شغل ( وهذه اهي القشه الي قسمت ظهر البعير )

مسكينه ما مداه قالتها الصبح المغرب ( اهي على طايرتها )

وتترجانا شوف وحده تفلسف وتسوي لها سوالف ( قولها بلادج تنطرج ) وغيرج مليون وحده تبي تجي ترزق

ياخي لازم حل احنا نعاملهم احلى معاملة وما نقصر معاهم هم جايين يشتغلون وياخذون راتب اشله هالسوالف !!!


حسبي الله ونعم الوكيل

بس الحمد لله خدامتنا الجديدة الحمد لله جايبنها فرش فطفوطه عجينه قاعده نشكل فيها

:shy:

[بـــــــنت النوخـّــــذه]

السلام عليكم ورحمة الله وبركاته

بخصوص بعض الخدام الظاهر انهم يجيون للدوحة للنزهة وتغيير الجو فقط لا للشغل وتحصيل الرزق مثل ما كانوا الخدم في الماضي

الحين الخدامة تجي ومن اول يوم لين اخر يوم في الشهر الثالث <<< 3 شهور مدة ضمان المكتب !!!

تلاقونها تشتغل ومافيه احسن منها ابداااااا:strong

ومع اول يوم من الشهر الرابع تلاقي الخدامة تقول ماما انا يبي يروح بلاد انا مافيه مرتاحة:(

بابا في مريض:o
زوج ما انا في زعلان:o
انا يبي يشوف بي بي :o
ماما مال انا في مريزة :o

ومن هالأعذار اللي ما ندري هي صدق ولا لا !!!

هالشي لاحظتة على خدامتي الأندونيسية من بعد انتهاء مدة التأمين وكل يوم وهي تقول للمدام عذر على انها تبي تروح بلادها !!

مع العلم اني اعاملها مثل اختي تقريباً :) ومب مخلي عليها اي قاصر ولا نحملها اي شغل شاق ابدااااا

واعطيها اعلى راتب في البيت من بين الخدم

وفي الأخير تجي تقول ابي ارجع البلاد:sneaky:

طبعا من بعد ماوصلني الخبر انها تبي ترد فتحت الموبايل وبطلت الكولكليتر وحسبت كم صرفت عليها من اول يوم الى اخر يوم من تكاليف مكتب واقامة ورواتب .... الخ:rolleyes: وطلع مبلغ محترم :)

وقلت للجماعة يقولون لها تعطيني نص هالمبلغ ومن بكرة تستلمين التذكرة وتروح في سبيلها

وعندما سمعت هذا الخبر الحلو نست بلادها وكل شي

خدم ما يجون الا بالعين الحمرا :)

حد صارله نفس هالموقف ؟؟؟

والسموحة على الأطالة :d

بوحارب ترى بعضهم وعليه مايدرون شالطبخه اتحصل صاحب مكتب الخدم في ابلادهم ماخذهم من الشوارع يلقطهم ويقول لها تبغين تشتغلين في الخليج فيه فلوس واجد وعاد اهي وعليه شتسوي اتوافق ولما تجي تنصدم بالواقع المرير انها بتنظف او بتطبخ او 000الخ فتطلب السفر 00ترى العيب الاكبر على بعض مكاتب الخدم الي يعشمونك بشي ولما تجي الشغاله تستغرب من كل شي كأنها جايه من عالم اخر 000

عموما" خوش تصرف تصرفك لان اغلبهم يحسبون جايين ببلاش 000

[كازانوفا]

بالفعل انا هذه مقولتي للعندهم خدم ويشتكون منهم
ما اقول غير حسبي الله ونعم الوكيل فيهم

[wadha-qa]

هههههههههههههههه والله هالايام الخدم جايين يغيرون جو خبركم الجو عندنا عليل
احنا العله خدامتنا اول ما جات قالت اف احر ابي ارجع المشكله مشتغله قبل بالرياض يعني متعوده ع الحر

و ترى بعض الحريم يخلون الخدامه تستقوي بطيبتهم الزايده امي كانت طيبه معاها لابعد الحدود و الشيخه تتدلع زياده غسلت شراعها انا و اختي بس ردت امي من صلاه التراويح الا تقول ودوني المكتب استانسنا صراحه هذا اللي ناقص تبي راتب و هي وصخه ولا تنظف شي جايه تنام و تاكل الاخت

[بـــــــنت النوخـّــــذه]

هههههههههههههههه والله هالايام الخدم جايين يغيرون جو خبركم الجو عندنا عليل
احنا العله خدامتنا اول ما جات قالت اف احر ابي ارجع المشكله مشتغله قبل بالرياض يعني متعوده ع الحر

و ترى بعض الحريم يخلون الخدامه تستقوي بطيبتهم الزايده امي كانت طيبه معاها لابعد الحدود و الشيخه تتدلع زياده غسلت شراعها انا و اختي بس ردت امي من صلاه التراويح الا تقول ودوني المكتب استانسنا صراحه هذا اللي ناقص تبي راتب و هي وصخه ولا تنظف شي جايه تنام و تاكل الاخت

كان قلتي لها ماتبغين نحجز لج في الشاليهات كمن يوم اتغيرين جو ويتعدل مزاجج !!!!!!! مادري طويلة العمر اتحسب جايه من القطب الشمالي ولا الاتحاد السوفيتي مستنكره الحرّ

[جوال 11]

في أحدى السنوات أستقدمت خادمة هندية عن طريق أختها اللي تشتغل عندنا دفعنا التذكرة بس وبعد وصول الخادمة بأسبوع قالت ما أقدر أشتغل أنا جيت لعمل عملية في مستشفاكم وأرجع الهند مثل ما قالت لي أختي .
وأول طيارة وهي في بلادها .
والمكاتب يذكرون للخدم بعد ثلاثة شهور تقدرونتسافرون على حساب الكفيل لكن خلك حمش وأول ما توصل البيت قول لها خلال الثلاث شهور تقدرين تسافرين على حسابنا وبعد مدة الثلاث شهور تسافرين على حسابج واقلب مقولة مكتب الخدم ،هذا ما أعمله حالياً

[مضاربه]

والله لاتزيد المواجع يابو حارب انا عندي اندونيسيه مريحتها ماتطبخ ولاعندها يهال ولا كوي الا ثلاث مرات قي الاسبوع شغلها بس تنظيف ومسح من اقول لها ليش كسرتي والا يش خربتي والا ليش هذا وصخ قالت بسافر شايفه في نفسها مساكين هالخدم خاصه اذا لقو حد يدلعهم في البيت انا امي تخديهم علي من كثر الدلع ومكاتب الخدم نار امس رحت مكتب الورد يجيب الاندونيسيه 7900 نهبه وين وزراه العمل وين الناس مايحتجون والا الخدم الي عنده ياربي مافيهم وحده ارتحت لها حسبي الله ونعم الوكيل

[دانة الدنيا]

ههه ذكرتني خدامة اهلي اول ماجات ماصار لها اسبوع الا تقول حق خدامتي ترا انا جاية هني سياحه
لانه ريلي يشتغل هني واذا ماعجبني الشغل بروح وعلى فكره بعد قالتها حق امي علني
وماكلمت شهر الا وهي تحن تبي تسافر
وتم ابوي يماطل ويقول لها ردي الفلوس ووو الخ
وبعد 8 شهور كاهي الحين فبلادها ولاتبي ترجع

[قطرية فذة]

ماكان الرفق في شيئ الا زانة

الاحسان مطلوب

واذا الخدامة مرتاحه مع اهل البيت مابتطلب تطلع منه

يسر الله لك الخير

[الصريحه]

الله يعينا عليهم

[البدع]

سؤال ... هل الخدامة هذي مسلمة؟

[ام شوشي]

اخوي بوحارب ترى بعض المكاتب تتفق مع الخدم بمعنى المكتب يقول للخادمة اذا انتي موعاجبك الشغل عنفصي ولكن عقب ماتنتهي المدة وهي 3شهور

[Bu Rashid]

جبتها صح اخوي بوحارب
والمشكله انهم يبووون يوووم اجازه :anger1:
ويرحووون البحر ويسبحووون بالبكيني .. بل بل مش خدم :)

[حراير قطر]

هههههههههاي

الله يقطع ابليسك يا بوحارب

انا اسوي لهم نفس الشيء

بس انا اقولهم المصاريف كامله

من دفعي للمكتب والاقامه والمعاش

واقولها التذكره عليج بعد ...

وقبل ما اتخلص المده

احفظهم هالكلام عشان ينسون بلادهم مره وحده ...

[**هـتــــــان**]

في أحدى السنوات أستقدمت خادمة هندية عن طريق أختها اللي تشتغل عندنا دفعنا التذكرة بس وبعد وصول الخادمة بأسبوع قالت ما أقدر أشتغل أنا جيت لعمل عملية في مستشفاكم وأرجع الهند مثل ما قالت لي أختي .
وأول طيارة وهي في بلادها .
والمكاتب يذكرون للخدم بعد ثلاثة شهور تقدرونتسافرون على حساب الكفيل لكن خلك حمش وأول ما توصل البيت قول لها خلال الثلاث شهور تقدرين تسافرين على حسابنا وبعد مدة الثلاث شهور تسافرين على حسابج واقلب مقولة مكتب الخدم ،هذا ما أعمله حالياً

:nice: اعجبتني هالفكرة ..

وانه اشوف لو يحطون عقد بين الطرفين يكون افضل ..عقد سنتين ..لو حبت ترد خلال هالسنتين تتحمل كامل تكاليف رجعتها ..وينخصم منها راتب اخر شهر ..وفي حاله معزبها مايبيها ..بعد مرور ال 3 شهور اهو يتحمل تكاليف التذكرة ..
ويكون ضمن العقد ..شرط في حاله قامت تستهبل عشان تطفر اصحاب البيت ويرجعونها على حسابهم :rolleyes2:
الشرط في حاله مصختها ..ترفع شكوى عليها للمكتب ..وهو يتصرف وممكن يرجع المكتب نصف التكاليف اللي خسرها راعيها عليها ..وبنفس الوقت يدفعها المكتب حق استقدامها ..مع ضمان الحقوق لكلا الاطراف .
:( سوري طولت .

[دانة الدنيا]

وتين الورد

والله خدامة اهلي مافي احد مثلها مرتاح
بيت مافيه يهال وشعبي ومايبي لها تنظيف وايد
واهل البيت 4 اشخاص بس
والوجبة الرئيسيه الغدا بس والعشا من مطاعم ولا خفايف من الثلاجه
شنو اريح من جي شغل يمكن لو بيتي ماجيب خدامة حتى
بس امي الله يطول بعمرها لولا تعبها ماجبناها لها
جبناها وعلت جبودنا مالت بس

[بوحارب]

السلام عليكم

منورين الموضوع جميعا ولي عودة لجميع الردود

بس هذي رسالة جاتني على الخاص من واحد جزاه الله خير وحبيت تشوفونها معاي


السلام عليكم ورحمه الله و بركاته


بوحارب شلونك عساك طيب .
ياخوي بغيت اوجه لك كم نصيحه لوجه الله .



.............

الشي الثاني يخص الخدامه .

حركه الخذامه عاديه و يسوونها كلهم و نصيحتي لك لايصير بينك و بين الخدامه اي كلام و خل كل شي عنطريق زوجتك هذا افضل لعده اسباب

الشي الثاني اتمنى انك فتشت الخدامه اول ماجات من المطار تفتيش دقيق جدا .. طبعا عنطريق الاهل .. و اقصد بتفتيش دقيق يعني حتى الملابس الي انت خابر يفتشونها (تفتيش جسمها يعني)

ولازم حد يقرا عليها الدعاء المعروف الي نقراه على الزوجه .

و انصحك تبلغ الوالده كانك ساكن مع هلك ولا تبلغ المدام بين كل فتره و فتره تسوي حمله تفتيش سريه جدا على غرفه الخدامه و تفتيش كل داعوس فيها حتى تحت سريرها و داهل مخدتها و فوق الكبت و بالاخص تفتيش شنطتها .

اذا الخدامه مسلمه ترى مصيبه خصوصا انها اندنوسيه اذا مسيحيه ترى اهون .

انا جبت خدامه فلبينيه مسلمه و وحده خريجه جامعه و صغيره في السن و فنانه و كل حد يحسدني عليها من هلي و مؤدبه و خجوله جدا و كل الصفات الزينه فيها

و بعد ماقعدت عندي سنتين و نص صدفه الاهل كانو داخلين غرفتها يجيبون شي لاني مسوي خرفتها شبه مخزن :nice:
المهم ان الاهل مادري وش الي خلاهم يمسكون مخدتها ولاحظو في داخل المخده شي يابس مع ان المخده نظيفه و مخيطه و مش مشقوقه .

بطلو المخده و الله لايراويك طلع عمل الله يكفينا وياك الشر و خذته و وديته لشيك و بطله قدامي و انصدمت من الاشياء الي شفتها فيه .. دم و شعر و كتابات و اكياس و بلاوي .

في نفس اليوم خذت الخدامه و وديتها لبيت الوالد و قلت للوالده السالفه و اني فكيت بفضل الله السحر الي مسويته مع اني والله ما اشك فيها ابد .

المهم ان الوالده قالت لي روح اشتر لها ملابس جديده .. و سبحوها هههههههههه و لبسوها كل شي جديد و الوالده قصت من شعر الخدامه خصله و قالت لها شوفي والله لو صار في ولدي شي ترى هذا شعرج عندي ... بلفيت تهددها

الامهم مابي اطول عليك احسن معامله الخدامه و التفتيش في غرفتها من فتره لي فتره زين جدا و حتى في المطبخ او الاماكن الي تدخلها الخدامه اذا فيه دواعيس و مواعين ماتنحرك فتشو فيها من فتره لي فتره .

ترى نسوانا على باب الله و متوكلين على الله و الخدم و خصوصا الاندونيسيات السحر عندهم شي عادي ولا حتى ينظرون له على انه حرام و كثير منهم يجيبونه وياهم اهاليهم يعطونهم اياه .

سالفه سريعه ... بيت ابوي جاتنا مره خدامه ... اول يوم و ماصار لها ساعات ولا الخدامه بلفيت سوالف مع الوالده و تبي تظبط ولا تقول حق امي .. تصدقين صدفه غريبه انا اشتغلت في الامارات و الكويت و كل بيت اشتغل فيه يكون فيه شخص اسمه خالد @@

خالد اخوي الصغير ... قالت لها امي بسم الله شدراج انه عندنا ولد اسمه خالد و انتي ماصار لج ٤ ساعات من طبيتي بيتنا .
اعوذ بالله منج يالله برى بيتي و رديناها للمكتب .

تخيل اعترفت للوالده و هي رايحه انهم في بلادهم قبل لا نروح لاي بيت نروح لشخص يسمونه ( ملا ) طبعا هو ساحر .. يعطونه صوره بطاقه الكفيل او صوره جوازه لانها تكون موجوده في تاشيرت الخدامه و هو يقولهم كل شي عن البيت .

اي ما اطول الا طولت ههههههههه
الامهم الله يحفظك و هذا شي في خاطري و قلته و اتمنى تستفيد منه و الله يحفظك انت و اهل بيتك من كل شر
والله كلام مهم :(

[الدمعه]

لايفوتكم بس ..كان عندي خدامه فلبينيه قبل سنتين ونص مسيحيه واسلمت في الكويت

ولاتعرف شي عن الاسلام .. المهم قعدت عندي ثمان شهور شنو تنظيف وشنو ترتيب

وعيالي شالتهم شيل وكله تبيني مرتاحه كنت حامل وانا اقول كسرت خاطرها لاني اروح

المستشفى اخذ ابر حديد واقعد بالساعات في المستشفى .. وانا بطبعي انا اللي اغسل الثياب

وارتب غرفتي بروحي .. وانا اللي اطبخ بعد .. المهم كان ريلي مسافر عنده اجتماع

اشوف هالخدامه تخلص كل شي بسرعه وتغب بالساعتين واكثر في المطبخ اللي برا اللي

هو مطبخ ام ريلي .. شكيت في الوضع ورحت خذت سلة الثياب اني بغسلهم وغرفه الغسيل

جنب المطبخ الا اشوفاللي ماتمنيت بعمري اني اشوفه خفت وشلت شلايلي ورجعت غرفتي كاني

ماشفت شي ومن خوفي دزيت مسج حق ريلي خفت اكلمه وتسمعني وقلت له اول ماترد

تسفر الخدامه والدريول ..

طبعا ماخذت الادقايق ويتصل لي عسى ماشر وشصاير ..خبرته باللي شفته وانا عيني

عالباب اخاف تسمعني وتسوي في عيالي شي ..

المهم حجزنا وخلصنا وتمت تقول حرام عليكم انا عندي عيال والله مايرضى تسوون فيني

جيه وانتم ظالميني وحطت عالريل في السياره وذمت فيني وفي امه وان احنا كذبنا عليه

ومن هالكلام .. طبعا هو اذن من طين واذن من عجين .. هاي كله وهي ماتدري اني شفتهم ..

عقب سنه اتصل المكتب حق ريلي يقول له انه الخدامه رافعه علينا وعلى المكتب قضيه

وتطالبنا بحقوقها وتعويض ..(شينها وقوات عينها ) قال له ريلي اقلب ويهك انت وياها

وخلني اشوفها وين بتوصل .. :victory:

وماقلت لكم حبيب الغفله شسوى يوم سفرناها دعم بالسياره وحطمها تحطيما .. :tease:

حسبي الله عليهم من خدم ودريوليه..

طولت عليكم بالسالفه ..

[موضي قطر]

والله العظيم من 5 ساعات خدامة اختي القديمة اللي تعاملها برحمه وخايفة الله فيها وعنفصت متصلة

من الكويت تترجى تردها وتصيح وتكلم الوالده عشان تقنع اختي وهي ميته من الصياح وهالخدامة سالفتها

سالفة منها سالفة قاهرتني كل ماتذكرها كنا في الشتا قامت اختي شرت لها ملابس ودلاغات الله يعزكم

تدرون وش سوت ؟؟؟؟ احذفتهم في وجه اختي وقالت لها ليش ماشريتي لي دلاغات لونهم وردي ؟؟!!

[الدمعه]

والله العظيم من 5 ساعات خدامة اختي القديمة اللي تعاملها برحمه وخايفة الله فيها وعنفصت متصلة

من الكويت تترجى تردها وتصيح وتكلم الوالده عشان تقنع اختي وهي ميته من الصياح وهالخدامة سالفتها

سالفة منها سالفة قاهرتني كل ماتذكرها كنا في الشتا قامت اختي شرت لها ملابس ودلاغات الله يعزكم

تدرون وش سوت ؟؟؟؟ احذفتهم في وجه اختي وقالت لها ليش ماشريتي لي دلاغات لونهم وردي ؟؟!!



حسبي الله عليهم .. خلها تولي عشان تعرف ان الله حق ..

تدرين انا شريت حق خداماتي قمصان طويله من شهرين لي يومج ماشفتهم عليهم ..

يوم قلت لهم لبسوهم قعدوا بالعبايات ببيت هلي .. طايحين لي ببديهات مادري من وين

جايبينها ....

[بوعلي2]

تتكلمين بمثاليه،،،
وبسياسة خالف تعرف

في بيت ف قطر مافيه خدامه؟؟؟؟؟؟


اي بيتنا مافي خدامه :this:


جبنا خدامه ثاني يوم تحافص بالصاله وتفل شعرها تستنزل مادري شفيها وسفرناها omen

وجبنا ثانيه وصدتها تطحن قلاص زجاج وتحطه بالشكر لان مابي اسفرها :(


تبي ترد بلادها من رابع شهر مب سالفه ذي ؟ فبلا خدم وبلا عوار راس

وبيتنا مافي حد شوي الحمد الله هلي يطبخون وقايمين بالواجب وخارج البيت مثل الحوش وقفص الحمام => ههههه على عامل البلديه اجيبه ينظف وياخذ كروته والسلام عليكم :thumbup:



بوحارب لاتشد على الاندونسيه ماتدري عنها تخاف الله او لا اخرتها تسوي لك سحر تخليك تجي الشمال عندي بالريوس ههههههههههههههههه وتقعد تغني على خط الشمال انا سبب نفسي بنفسي جبت صبعي صوب عيني وياليل مطولك

خلك وسط


وشكرا

[maruuma]

اذا على سوالف ومصايب الخدم
تراها ما تخلص
الله المستعان

[455]

خالف تعرف؟
مب خالف تعرف
+
في وايد بيوت من هل قطر مافيهم خدامه

لين الحين في امهات مايرضون ان بناتهم يقعدون ويخدمونهم الخدم
لين الحين في امهات تقول عيب ادخل امرأه غريبه لبيتي الي فيه زوجي واعيالي الشباب
لين الحين في امهات ماترضى ان الخدامه تنظف سريرها الي ينام عليه زوجها
لين الحين في امهات ماترضى ان الخدامه تمسك ملابس ريلها


ترى والله الحل بسيط جدا ..

إن المرأه تكون مرأه .. ويكون الرجل رجل

تكون مرأه بأنها تهتم في بيتها ويكون بيتها وزوجها اهم من دوامها

ويكون رجل بأنه يعاون أهل بيته كما كان النبي صلى الله عليه وسلم يعاون أهل بيته

كلام سليم وعين العقل ، وبالفعل ، هناك الكثير

[455]

السلام عليكم

منورين الموضوع جميعا ولي عودة لجميع الردود

بس هذي رسالة جاتني على الخاص من واحد جزاه الله خير وحبيت تشوفونها معاي


والله كلام مهم :(


السحر ابيزه عندهم

عليكم بالاذكار صبح ومساء ، وقراءه القران وتشغلون اذاعه قطر للقران على طول ، والتفتيش مهم كل فتره ، ياما بلاوي صارت من الخدم خصوصا ايام الخميس والجمعه محد في البيت ، وخذ لبس وتصوير في الحوش والبيت والسيارات ، ومب بعيد السحر او الحسد ، لانهم فقراء جدا وياتون مره وحده يشوفون الخير الحمدلله

[فلتة زمانها]

تتكلمين بمثاليه،،،
وبسياسة خالف تعرف

في بيت ف قطر مافيه خدامه؟؟؟؟؟؟. أنا ماعندي خدامه مع اني ساكنه بروحي بس لي خذنا بيت كبير وقتها احتاج وحده تساعدني صح يا جنون

[الطيبة كلها]

عليكم بالاستخاره قبل ماتجيبونهم وشوفوا اذا ما ربي عطاكم احسن خدم ولله الحمد ما احسد نفسي

[حليتان*]

اااي والله صادق


اول امس مسفرين وحده وطالبين غيرها .... لانه .......اذا تبي بقولك عل الخاص

[Qt.1]

الااندونيسيات مال دلع يابوحارب وش لك فيهم

[مستقلة]

الخدامة اللي كانت عندي تقولي مدام متى بتجيبين خدامة ثانية؟ مع ان ماعندي شغل وايد في البيت
اتشرط الشيخة
لا و سالفة الخدم و السواقيين اللي يسافرون على ان بيرجعون عقب كم شهر و يعطونا بمبة؟ و القهر ان مرتاحين اخر راحة و مكرمينهم اخر كرم
لكن الطمع
الله يكافينا شرهم

[Qa10]

المشكلة ان بوليوود تطورت ... فتطور تفكيرهم وحيلتهم

[احمد1]

بصراحه اقترح يتم تركيب جهاز تتبع الصقور على الخدم عشان نعرف وين يروحون ووين يجيون ونقدر نصيدهم وممكن واقتراحي نسوي ان اول ما تجي الخدامه او السائق نعطيه هديه تيلفون جوال ونحط فيه جهاز تتبع واول ما يشرد نطيح عليه بسكن العزوب وهو يلعب ورقه طبعا مع الشرطه ههههه وتقبل الله طاعاتكم

[Realistic]

بصراحه اقترح يتم تركيب جهاز تتبع الصقور على الخدم عشان نعرف وين يروحون ووين يجيون ونقدر نصيدهم وممكن واقتراحي نسوي ان اول ما تجي الخدامه او السائق نعطيه هديه تيلفون جوال ونحط فيه جهاز تتبع واول ما يشرد نطيح عليه بسكن العزوب وهو يلعب ورقه طبعا مع الشرطه ههههه وتقبل الله طاعاتكم

في ذمتك هذا كلام ينقال عن الانسان ؟
في الاخير هذيل بشر مثلنا مثلهم ..

اشرايك بعد نحط وشم على خدهم مثل ايام العصور الوسطى ؟

متى استعبدتم الناس وقد ودلتهم امهاتهم احرارا ؟

مثل هذا الكلام المفروظ انه مايصدر من انسان صائم

[captin]

بوحارب شكلك منتشب مع الخدم ولدريولييه :yes:

المشكلة ان هاذول صاروا عنصر اساسي في المجتمع
ومن مكونات النسق الاجتماعي عندنا في قطر والخليج
لهم مشاكلهم وهمومهم وسوالفهم واحتياجاتهم .

شنسوي مالنا الا الصبر نخسر فلوسنا ونعلم ونشتري سيارات جديدة
ونبنى لهم غرف في بيوتنا وفي الأخير لا حمد ولاشكر
بكل سهولة يقولون لك مع السلامة بابا انا يبي مسافر

وبعد كم يوم بتبتدي السنة الدراسية وبترتفع اسهمهم والطلب عليهم
بيزيد وبيصير السايق والخدامة مالهم غناة في البيت .

وحدة من الأمور المطلوب التفكير فيها ان لازم يكون هناك عقد فيه تفاصيل
العلاقة بين الطرفين مثل ماهم يطالبون بحقوقهم بعد عليهم واجبات والتزامات
وهاذي لازم تذكر في العقود معاهم مثال ذلك الراتب ونسبة الزيادة السنوية او كل سنتين مرة مثلا وايضا السفر بعد مرور سنتين واذا سافر اوسافرت قبل يتحملون تذاكرهم وبالنسبة للسواقين تصليح السيارة في حالة التسبب في حوادث لاسمح الله او مخالفات مرورية وكذلك العلاج ومصروفات الهاتف الجوال والملابس الخ من نقاط تنظيمية بين الطرفين .

[بومبارك505]

الاصول وزارة العمل تشوف حل مع هالمهزله اللي صايره الخدامه ماتكمل مدة الضمان الا تطلعك بمليون عذر والسبع الاف ريال طارت مع الهوى لاحسيب ولارقيب والمستفيدين هم مكاتب الخدم الاصول الضمان يكون بمدة عقد العمل اللي هي سنتين وين حماية المستهلك وين الجهات المختصه وين حق الكفيل ولا حقوق الانسان مش فالحه الا الحدم مظلومين ومتعبينهم وكلام فاضي ماله اول ولااخر طلعونا حنا يالكفلا مجرمين
في خلال سنتين مشيت اربع خدامات وكل خدامه ماكملت اربع شهور وكل وحده بسبع الاف
ماقول الا حسبي الله ونعم الوكيل

[احمد1]

في ذمتك هذا كلام ينقال عن الانسان ؟
في الاخير هذيل بشر مثلنا مثلهم ..

اشرايك بعد نحط وشم على خدهم مثل ايام العصور الوسطى ؟

متى استعبدتم الناس وقد ودلتهم امهاتهم احرارا ؟

مثل هذا الكلام المفروظ انه مايصدر من انسان صائم

اولا عزيزي انه كاتب التعليق وانه فاطر مب صايم خخخخخخخ وثانيا شدخل العصور الوسطى في الي قلته انه قلت نجيب جوال ونحط فيه جهاز تتبع ماقلت نجيب سلسلة كلاب تكرمون ونحطها في رقبته بعدين اتمنى تقرى الكلام عدل قبل لا تعلق وقبل لا ترد بدون لا تعرف انت وش تقول خلك تنقرص مثل غيرك بالبلاوي الي يسوونها الخدم والسواقين وبتعرف شقصد شكلك مانقرصت يوم خدامه تسوي لك سحر ولا دريول يسود وجهه بتعرف وش اقصد عافانا الله....

[بوحارب]

مشكورين على المرور كلكم

ولاتنسوا زكاة الفطر بارك الله فيكم :(

[dream~qa]

عموما الاندونسيات ما يحبون يطولون غير أنهم يتفنون في أعمال السحر اللي ما يقدرون يسغنون عنه بدون استثناء وهذا كلام وحدة من الخدامات تقول احنا أصلا نتعلمه في مدارس عندنا يعني عادي ..

وإذا قعدتوها تسكت شوي بس ادور لها طريقة ثانية تخليكم تسافرونها بنفسكم من غير ما تصرف ولا ريال .

[باسكن روبنز]

شكلك تعاني وايد يا بوحارب ،
الله يعينك ،