قدرك على حسب موترك

[khaleeji]

السلام عليكم يالربع نبي نتحاور حوار بناااااء في هالموضوع
في الحقيقه عندي سيارتين جي اكس و كامري والشي الملاحظ اني لا طلعت في الكامري يكثر الي يلفون علي سواء شباب ولا دريوليه بل وحتى المازدات:omg:

ولكن في الجي اكس اموري طيبه خاصة ان علية بالون :victory:

واذا طلعت في مرسدس مع واحد من الربع الغالبية يفتحون الطريق ويعطونه الاولوية

فليش الناس عندنا في الدوحه تعامل الناس على حسب سياراتهم وكيف نغير هالظاهره؟؟

[أبورودي]

ثقافه فى القياده بعيده كل البعد عن الاداب العامه
مثل قيادتك لسياره تيدا بسرعه 100 كيلو وياتى من خلفك كروزربسرعه 100 ويعطيك الليت العالى كانك حشره على الطريق ويتخطاك ويكون على سرعه 100

[خليفـة]

موضوعك جميل اخوي
واسمح لي اعطيك رايي فيه بشكل موجز حسب الاستطاعة :)

انا من وجهة نظري ان قدرك على حسب شخصيتك
انا عن نفسي كانت سيارتي السابقة عادي للغاية .. وما كنت اشوف اي حد يشوف نفسه علي او ما يفتح لي الطريق لو كان المجال لي ومن حقي .
وحاليا سيارتي افخم شوي واشوف الناس تتعامل معاي في الشارع بنفس الطريقة من غير زيادة او نقصان .

صحيح فيه ناس تمشي على المظاهر .. وتتعامل مع الاخرين حسب ما يمتلكون
ولكن .. لما يكون لك الحق في الطريق .. ولا اكبر شنب يقدر يتعدى على حقك هذا
وخصوصا خصوصا لما يكون شكلك انسان صارم

انا عن نفسي اتسامح مع الي يتعدى على حقي في الشارع بدون قصد وامشيها له
من طيب خاطري .. واتسامح كثيرا مع الي يتعدون حدودهم معاي من الناس الي على قدهم بحكم سيارتهم المتواضعه ... وامشيها لهم بكل رحابة صدر .

ولكن .. لما يتعدى احد بطران على حقي في الشارع بس لانه راكب سيارة غاليه ومستهين فيني عشان سيارتي الارخص .. ماعندي اي مانع اني انزل من سيارتي واسحبه من خشمة على الشارع .. واسمعه كلام اخليه يندم على فعلته معاي ( والحمدلله ماصار معاي مثل هالموقف حتى الان )

في النهاية اخوي الكريم .. الانسان المحترم بتصرفاته وبشكله وبأسلوبة الكل يحترمه والكل يعمل له الف اعتبار .. والانسان الي ما يبالي ولا يحترم الاخرين تلاقي المشاكل تتحاذف عليه من كل جهة وصوب .

واخيرا : احب ان اذكرك يالغالي واذكر نفسي واذكر الجميع بالعبارة الي كنا نشوفها على اللافتات في الشوارع ايام الثمانينات والي تقول :

السواقه فن .. وذوق .. ومهارة

وسلامتك

[khaleeji]

الدوحه ومالكم امل شكرا على اثرائكم للموضوع

بس هل البطره مايعيلون علي الا وانا في السياره الصغيره وانا والله ما اخليهم لكن الواحد يبي يبعد عن النشبه

وبعدين الي يجون طايرين ويحرقون الي قدامهم باليتات مايفكر باللي قدامه هل هو شايب او دريول معاه شوفات او امرأه سواقتها ضعيفه

اشلووون نغير ثقافه السواقه عند الشباب وخاصة ( الصيه)

[captin]

تخلـــــــف عندنا في مجتمعاتنا

يحترمون الجماد والحديد و السيارات والآلآت والاكسسوارات
والثياب الأحذية والشنط والأشكال

في العالم المتقدم اروربا وامريكا واليابان يحترمون العقول

المخترعين والأطباء والمهندسين والعلماء والباحثين

تلاقي دكتور جامعي رايح الجامعة على سيكل ومدير بنك يدير مليارات الدولارات
في القطار وقاضي يحكم في مصير الناس متواضع في سيارة صغيرة متواضعة

[ANONYMOUS]

غالبا كلامك صحيح

بس لكل قاعده شواذ


انا مايقهرني الا " البجم " اللي يلفون من غير مايسوون اشاره

يعني ليش حاطين اشاره في السياره !! مادري نشيل الاشارات من السياره ونلصقها بعلباه مثلا !!

[تحداني]

.. ليت القدر إقتصر على الموتر على قولتك ..
إلا وصل لأبعد من هذا .. قدرك على حسب لبسك ... وإكسسواراتك الشخصيه
ومنصبك .. وشجره عائلتك .. وعنوان بيتك ..
والمنطقه الي إنت ساكن فيها .. وعلى حسب سفراتك
وطلعاتك .. والمطاعم إلي تاكل فيها
والأماكن إلي تتمشى فيها


يعني أتوقع لو كنت إنسان فقير
مالك مكان إبوسط هالعالم


ما عندك الا حل من الإثنين :)
يأما تعيش فقير ونفسك عزيزه
أو إنك تدعي الغنى .. وإنت إمفلس



جملك الله برضى الرحمن

[شيط ويط]

كنك تتكلم عن (اثنين) من ربعي من الطبقة (الألمعيه) المقرمشه :p

[تحداني]

:happy::happy:
أما " الألمعيه " هاذي مالها حل
الله يقطع إبليس المخرج إمركز عليها وايد

[بوحارب]

بعض الناس يحسبون للمواتر حساب

يفكرون اذا واحد عنده موتر كشخه ورزة انه من الطبقة الفلانية اللي لااااااااازم نفتح له جميع المسارات

وفي الأخير تلاقية يرهن بطاقته في محطة البترول ههههههه

والله ياخوي الوضع عادي واللي يلف عليك لف عليه

الواحد بأخلاقة مب بموتره والسلام

[حليتان*]

صج والله

وخاصه الحريم والهنود:( اذا جافوك في عراوي عادي عندهم اما اطلع في موتر كشخه بيحترمونك ...


كان عندنا سيارة ماخذينها عشان تعليم السواقه دايو صغييره قير عادي 3 سلندر ..والله حتى الهندي مال شيشه البترول يطقع لك لين ما تحرق الهرررن

[تحداني]

رجاءا .. لا إدخلون الحريم في السالفه
.. خلكم في صلب الموضوع .. رجاءا ..


:(

[ابن قطر]

السلام عليكم يالربع نبي نتحاور حوار بناااااء في هالموضوع
في الحقيقه عندي سيارتين جي اكس و كامري والشي الملاحظ اني لا طلعت في الكامري يكثر الي يلفون علي سواء شباب ولا دريوليه بل وحتى المازدات:omg:

ولكن في الجي اكس اموري طيبه خاصة ان علية بالون :victory:

واذا طلعت في مرسدس مع واحد من الربع الغالبية يفتحون الطريق ويعطونه الاولوية

فليش الناس عندنا في الدوحه تعامل الناس على حسب سياراتهم وكيف نغير هالظاهره؟؟

كلامك اخوي فيه جانب من الصحه بس مب اذا طلعت في جي اكس هههه

اضحك معاك

صدقني اخوي الاشكالية ان اغلب الي يسوقون نيباليين وهنود واخوانا ؟؟؟؟

والاجانب حتى ما يعرفون المواتر اذا راكب لمبرجيني او لكزس او بنتلي الخ الخ

او راكب هايونداي او اي سيارة تحت 50 الف مثلا صدقني يسوقون ولا يدرون ايش الطبخه

والدليل الشباب اول ما يشترون موتر رزه راح صوب النصر السد فلاجيو عشان هل قطر الي

يفهمون بالمواتررررر يشفون

تحياتي

[بوحارب]

صج والله

وخاصه الحريم والهنود:( اذا جافوك في عراوي عادي عندهم اما اطلع في موتر كشخه بيحترمونك ...


كان عندنا سيارة ماخذينها عشان تعليم السواقه دايو صغييره قير عادي 3 سلندر ..والله حتى الهندي مال شيشه البترول يطقع لك لين ما تحرق الهرررن

مب عراوي بس

حتى لو في جي قديم :weeping:

امس قدامي يوكن وماسك الخط السريع ويمشي 80 طبعا على خط الشمال

وانه اكبس واكبس وماوصف لك الزنن التجاري ما شاء الله عليه :eek5:

واشوف يد تأشرلي وش تبي وش فيك لحظة

ويوم مريت من احذى الموتر الا سحلية :eek5:

طبعا رحت كانه مالي خص في السالفة خبرك راعيات مشاكل وانه في حالي :)

لعوزونا السحالي:(

[khaleeji]

تخلـــــــف عندنا في مجتمعاتنا

يحترمون الجماد والحديد و السيارات والآلآت والاكسسوارات
والثياب الأحذية والشنط والأشكال

في العالم المتقدم اروربا وامريكا واليابان يحترمون العقول

المخترعين والأطباء والمهندسين والعلماء والباحثين

تلاقي دكتور جامعي رايح الجامعة على سيكل ومدير بنك يدير مليارات الدولارات
في القطار وقاضي يحكم في مصير الناس متواضع في سيارة صغيرة متواضعة

كلامك سليم 100%
نحن شعب يحترم المظاهر اكثر من العقول
شلون نتغير؟؟

[khaleeji]

اشكر جميع من اثرى الموضوع من الاخوان و الاخوات

بس ماحد اقترح حل للمشكله باستثناء الشيخ بوحارب وحله العملي :nice:

ولا آخذ سلفيه واطلع لي موتر سنع

[تحداني]

الشهاده لله أنا أعطيتك الحل بدون ما تطلب
بس إنت ما عجبك كلامي إيش أسوي :(

راجع الردود وسترى الحقيقه بأم عينك :)

[هذلان]

السلام عليكم


من تجربه شخصيه ،، ااكد على كلامك و هو موجود على ارض الواقع .

عندنا في البيت كورورلا اعتقد موديلها ٢٠٠١ مافيه دريول الا و تعلم عليها السواقه .

في يوم من الايام دخلت سيارتي للصيانه و استخدمت الكورولا ... بدون مبالغه احسيت اني عاله على الناس في الشارع و في الدوار انا و الرصيف واحد :rolleyes2:

كل من يكبسلك و يلزق فيك من ورى و كل من يلف عليك ولا يظرب لك هرن على اتفه سبب .

زين ليش ؟

اعتقد لانه غلبا تكون هالسيارات سيارات هنود او عوايل يسوقونها دريوليه و في الغالب انه سواقتهم في الشارع تعبانه جدا .
و لهذا السبب الواحد لاساق سياره مش ولا بد يعتبر كانه عاله في الشارع

[عضو نشيط]

موضوعك جميل اخوي
واسمح لي اعطيك رايي فيه بشكل موجز حسب الاستطاعة :)

انا من وجهة نظري ان قدرك على حسب شخصيتك
انا عن نفسي كانت سيارتي السابقة عادي للغاية .. وما كنت اشوف اي حد يشوف نفسه علي او ما يفتح لي الطريق لو كان المجال لي ومن حقي .
وحاليا سيارتي افخم شوي واشوف الناس تتعامل معاي في الشارع بنفس الطريقة من غير زيادة او نقصان .

صحيح فيه ناس تمشي على المظاهر .. وتتعامل مع الاخرين حسب ما يمتلكون
ولكن .. لما يكون لك الحق في الطريق .. ولا اكبر شنب يقدر يتعدى على حقك هذا
وخصوصا خصوصا لما يكون شكلك انسان صارم

انا عن نفسي اتسامح مع الي يتعدى على حقي في الشارع بدون قصد وامشيها له
من طيب خاطري .. واتسامح كثيرا مع الي يتعدون حدودهم معاي من الناس الي على قدهم بحكم سيارتهم المتواضعه ... وامشيها لهم بكل رحابة صدر .

ولكن .. لما يتعدى احد بطران على حقي في الشارع بس لانه راكب سيارة غاليه ومستهين فيني عشان سيارتي الارخص .. ماعندي اي مانع اني انزل من سيارتي واسحبه من خشمة على الشارع .. واسمعه كلام اخليه يندم على فعلته معاي ( والحمدلله ماصار معاي مثل هالموقف حتى الان )

في النهاية اخوي الكريم .. الانسان المحترم بتصرفاته وبشكله وبأسلوبة الكل يحترمه والكل يعمل له الف اعتبار .. والانسان الي ما يبالي ولا يحترم الاخرين تلاقي المشاكل تتحاذف عليه من كل جهة وصوب .

واخيرا : احب ان اذكرك يالغالي واذكر نفسي واذكر الجميع بالعبارة الي كنا نشوفها على اللافتات في الشوارع ايام الثمانينات والي تقول :

السواقه فن .. وذوق .. ومهارة

وسلامتك



مالكم أمل ،،،

الله يعطيك العافية وكلامك مضبوط ،،،


ولا هنت

[المتألم]

تخلـــــــف عندنا في مجتمعاتنا

يحترمون الجماد والحديد و السيارات والآلآت والاكسسوارات
والثياب الأحذية والشنط والأشكال

في العالم المتقدم اروربا وامريكا واليابان يحترمون العقول

المخترعين والأطباء والمهندسين والعلماء والباحثين

تلاقي دكتور جامعي رايح الجامعة على سيكل ومدير بنك يدير مليارات الدولارات
في القطار وقاضي يحكم في مصير الناس متواضع في سيارة صغيرة متواضعة

:nice: :victory:


معاك في كل ما قلته

وأزيدك
يقولون السواقه " فن وذوق وأخلاق وتعاون مع الآخرين " <<< بس من تكلم

حد يكلم بجم زي ما قال الأخ انونيموس ..

[م. عبدالعزيز]

ههههههه اشوف الكل يعاني من هالمشكله مو بس انا يعني.. وللأسف ماندري شلون نحلها !؟ تهقون المرور يقدرون يسوون شي ؟؟

وحبيت اقتبس هذا الرد لانه عجبني :victory:



تخلـــــــف عندنا في مجتمعاتنا

يحترمون الجماد والحديد و السيارات والآلآت والاكسسوارات
والثياب الأحذية والشنط والأشكال

في العالم المتقدم اروربا وامريكا واليابان يحترمون العقول

المخترعين والأطباء والمهندسين والعلماء والباحثين

تلاقي دكتور جامعي رايح الجامعة على سيكل ومدير بنك يدير مليارات الدولارات
في القطار وقاضي يحكم في مصير الناس متواضع في سيارة صغيرة متواضعة

[بعيد النظر]

اي والله صادق وعن تجربة ..

جرب اركب كروزر وبيشردون منك العالم خخخخ
كاامري يلفون عليك ويلتهونك !

اي موتر قيمته فوق الـ 200 الف ..
يفتحونلك الطريق ومحد يديملك ولا يهرنلك !





يعطييك العافية

[khaleeji]

الله يعطيكم العافيه ولا يهينكم عالردود الهادفه

تحداني الزمن اشكرك على ابداء رايك ياطويل العمر يعني( مالك امل )

[ريم المدينة]

قدرك من رقم جوالك وسيارتك ووووو....

الله يهدي الجميع....

[JN000N]

السلام عليكم


من تجربه شخصيه ،، ااكد على كلامك و هو موجود على ارض الواقع .

عندنا في البيت كورورلا اعتقد موديلها 2001 مافيه دريول الا و تعلم عليها السواقه .

في يوم من الايام دخلت سيارتي للصيانه و استخدمت الكورولا ... بدون مبالغه احسيت اني عاله على الناس في الشارع و في الدوار انا و الرصيف واحد :rolleyes2:

كل من يكبسلك و يلزق فيك من ورى و كل من يلف عليك ولا يظرب لك هرن على اتفه سبب .

زين ليش ؟

اعتقد لانه غلبا تكون هالسيارات سيارات هنود او عوايل يسوقونها دريوليه و في الغالب انه سواقتهم في الشارع تعبانه جدا .
و لهذا السبب الواحد لاساق سياره مش ولا بد يعتبر كانه عاله في الشارع



نفس اللي صار مع اخوي

احنا بعد عندنا كوكو حق المندوب مال ابوي ماخذينه عاد ذاك سافر وخلاها فالبيت
صادف ان السيايير اختفت من البيت كل واحد قبض له موتر وطار
قام وركب الكوكو وراح يقضي شغله
عاد يقول شنو حسيت نفسي دعله ههههههههه
يقول واحد يلف عليوالثاني يزوقرني يبيني اوخر وحتى الاجانب مستصغريني ههههههه

مره طلبت منه شغله وما كان في غير الكوكو قال لو اجوف روحج تطلع وتدش والله ماروح فيها هههههه


احنا فمجتمعنا عندنا ناس ""بلشتيه"" بالاصح

يعني يحسب موتره بيخليه ريال ذو شأن ومقام
وهو تلاقيه بالدين ماخذها وقاص ظهره

ويمشي ويطالع العالم من فوق وكل هذا يدل على نقص

اوكي عندك موتر يديد وكشخه ورزه عليك بالف عاافيه والله يعطيك خيره ويكفيك شره
لكن انك تستصغر من حولك وتجاكرهم فالشوارع عشان عندك الموتر اللي!! هذي انا اقول عنه معقد ودعله :) ويبي يغطي ع اشيا وايد ناقصه فيه بحديده

[العضو الماسي]

قدرك من رقم جوالك وسيارتك ووووو....

الله يهدي الجميع....

سالفه رقم الجوال هذي مرت علي واجد ... بس سالفه السياره ورقم السياره هذي للي شايف خير عادي عندي عنده ... وفي ناس تطلع بلاندكروزر ولا لكزس فورويل كل يوم للاستخدام اليومي والمرسدس ولا البورش ولا البي ام يمكن أذا جا على باله طلع فيها مره فالاسبوع ولا مرتين ... وعلى طاري الارقام يعني تتصل تسال عن شئ مثلا . بتشتري ساعه أي شيخ أأمرني شوبدك الي فيها دايموند تقوله لا الرولكس الي بدون دايموند (( مثلا )) يقول لا هذا ماهب مريش . :nice: . ولا مثل مره من المرات أتصلت على وكاله النيسان كنت أبي أستفسر عن النيسان العراوي الجديد نفيترا أو نيفيرا . قلت له أخوي بغيت أسالك عن النيسان الجديد قالي أي بطل الدروب . هاي بيجي ... وتم يقولي الفئات ولاسعار . وعقب ماقالي الانواع وخلص . قلت له بس أنا كان استفساري عن البيكب الجديد . كنت أبيه لغراض الزرع . قالي أيه دقيقه بحولك على قسم البيكب . :rolleyes2::telephone::(

[الخاتم]

السلام عليكم يالربع نبي نتحاور حوار بناااااء في هالموضوع
في الحقيقه عندي سيارتين جي اكس و كامري والشي الملاحظ اني لا طلعت في الكامري يكثر الي يلفون علي سواء شباب ولا دريوليه بل وحتى المازدات:omg:

ولكن في الجي اكس اموري طيبه خاصة ان علية بالون :victory:

واذا طلعت في مرسدس مع واحد من الربع الغالبية يفتحون الطريق ويعطونه الاولوية

فليش الناس عندنا في الدوحه تعامل الناس على حسب سياراتهم وكيف نغير هالظاهره؟؟



الشيخ انا تميت سنين في موتر اقل من الكامري بكثير محد غلط علي مب الى هالدرجه واذا حد يغلط عليك تلاقيهم الاجانب وخاصه في المنطقة الصناعيه اذا كنت حاصر اذا كنت لابس الغتره محد يقرب صوبك

[طموحي مبدع]

الي يفكرون بهالسوالف هاي عندهم نقص

عشان جي مستحقرين العالم

[qatar00974]

صباح الخير
هذولا عندهم نقص في التفكير
يازين بو حوض موديل 82 قطعه وحده من الصدام لين الصدام
خل واحد يلف عليك
ويروح يصلح سيارته وانت مرتاح تروح المغسله تسوي بولش

[فكتوريه]

السالفه هاي مرت علي بصراحه ... وخصوصا ايام ماخذت الليسن

اول ماسقت سقت اسبوع في الكامري وكلن يغلط علي حسبالي اني عشاني جديده في السواقه ويمكن اكون صدق انا الغلطانه ..
بعده باسبوع اخوي سافر وخذت سيارته الرنج :strong لاحظت انا العالم تعملي حساب
والكل يوخر عن الشارع .. طلع السالفه اني كنت اسوق كامري !! وانا علي بالي عشاني توني ماخذه الليسن.. :secret:

للاسف هذا واقع صعب تغييره ،،

[منصوربن حمد]

صج والله

وخاصه الحريم والهنود:( اذا جافوك في عراوي عادي عندهم اما اطلع في موتر كشخه بيحترمونك ...


كان عندنا سيارة ماخذينها عشان تعليم السواقه دايو صغييره قير عادي 3 سلندر ..والله حتى الهندي مال شيشه البترول يطقع لك لين ما تحرق الهرررن

مالك حل في كلمة (يطقع لك)

[بيانو]

موضوع حلو وواقعى

بس ياريت بعد النقاش نطلع منه بإستفاده - واللى فعلاً بيقدر الناس على حسيب سيارتهم يغير هذه الفكره

وما أسهمل من انك تمتلك سياره كشخه بالدوحه ---------------------------------أقساط

فياريت الناس تعامل بعض على الطريق بإحترام والامثله فى الواقع كثير

[منصوربن حمد]

سالفه رقم الجوال هذي مرت علي واجد ... بس سالفه السياره ورقم السياره هذي للي شايف خير عادي عندي عنده ... وفي ناس تطلع بلاندكروزر ولا لكزس فورويل كل يوم للاستخدام اليومي والمرسدس ولا البورش ولا البي ام يمكن أذا جا على باله طلع فيها مره فالاسبوع ولا مرتين ... وعلى طاري الارقام يعني تتصل تسال عن شئ مثلا . بتشتري ساعه أي شيخ أأمرني شوبدك الي فيها دايموند تقوله لا الرولكس الي بدون دايموند (( مثلا )) يقول لا هذا ماهب مريش . :nice: . ولا مثل مره من المرات أتصلت على وكاله النيسان كنت أبي أستفسر عن النيسان العراوي الجديد نفيترا أو نيفيرا . قلت له أخوي بغيت أسالك عن النيسان الجديد قالي أي بطل الدروب . هاي بيجي ... وتم يقولي الفئات ولاسعار . وعقب ماقالي الانواع وخلص . قلت له بس أنا كان استفساري عن البيكب الجديد . كنت أبيه لغراض الزرع . قالي أيه دقيقه بحولك على قسم البيكب . :rolleyes2::telephone::(حلوة لاغراض الزرع

[مناحي السادس عشر]

حلوة لاغراض الزرع


:thumbup:

دخلنا بالمهايط صح

[almaf1a]

الله يهداك بس الكامري نفس الجي اكس
انت يمكن مركز على تصرفات الغير ويوحيلك ان الجي اكس مالك غير

[انتر ميلان]

انا ماتفرق عندي عراوي ولا رنج الغلطان اهرررررن له واحششششره بالهرررررن

بس ياجماعة الخير والله عندي مبدأ وخصوصا مع النوع اللي راكب الرنج ولا المرسيدس ومب شايف خير
اذا حاول يلصق في موتري من ورى ولا يلف علي ولا يتجاوزني وربي ادعمه ولا افتكر

وخله يصيح في شركات التأمين ويتعطل مع الكراجات علشان يعرف شلون يناحس ويتكبر

[G0LD]

كلامك سليم 100%
نحن شعب يحترم المظاهر اكثر من العقول
شلون نتغير؟؟



البعض وليس بالكل

شكرا على الموضوع المميز

[منصوربن حمد]

:thumbup:

دخلنا بالمهايط صح انا شاري لكزس للسواق حق مشاوير السوبرماركت اشرايك يامناحي

[gamal503]

والله كلام 100 % اغلب اصحاب الكروزر كدة بصراحه

[الجوكر90]

هههههههههههههههههههههههههههههاااااااااي
والله انك صادق
اقولك مره كنت اسوق مرسدس والله محد يلف علي ولا شي ويوم اديم يفتحون لي
واذا كنت ابي اطلع من موقف هم يوقفون لي
فنفس الدقيقه رجعت المرسدس وخذت الشفر موتر الدريول
والله كنت واقف غلط عند بيت رفيجي ابي انزله جاك واحد شحفني
يوم رحتله قلت عسى ماشر تشحف ليش ان شاء الله
يقولي انت ليش واقف غلط
وتميت اخذ واعطي معاه اشوفه مب صاحي مرجوج هديته وحركت عنه

بس سبحان الله الناس مظاهر

[منصوربن حمد]

احس ان في مبالغة بالكلام ترى المرسدس والرنج واللمبرغيني والبي ام مب سيارات موكب علشان يوقفون لهم واللي يوقف لهم صحيح انة يستاهل اللي يصير لة انا اشوف كل شي عادي وياناس لاتحجمون من السالفة ترى اللي محترم نفسة محد بيغلط علية سواء سيارة غالية اوسيكل

[الجوكر90]

احس ان في مبالغة بالكلام ترى المرسدس والرنج واللمبرغيني والبي ام مب سيارات موكب علشان يوقفون لهم واللي يوقف لهم صحيح انة يستاهل اللي يصير لة انا اشوف كل شي عادي وياناس لاتحجمون من السالفة ترى اللي محترم نفسة محد بيغلط علية سواء سيارة غالية اوسيكل

لا والله اخوي
قبل كنت اسوق موتر عادي واقل من عادي
والله يمكن فاليوم 3 يلفون علي
وانا من النوع الي اذا سلم علي اسكت عنه
بس يوم سقت مواتر كشخه حسيت بالفرق

بس الي يطلع موتر ويشوف نفسه ع غيره
احب اقول حق المغرور
ترى اذا انت عندك مرسدس او بورش او بي ام راح تحصل دريول عنده احسن من موترك
وياكثرهم الدريوليه الي يسوقون بنتلي وروز
يعني اشكر الله ع النعمه الي انت عايش فيها والله ان في ناس كبار فالعمر يسوقون كامري موديل 2002 وانت الله رزقك بسياره وايد ناس يحلمون فيها

وبالتوفيق ان شاء الله

[QATAR 4 EVER]

والله الي بيسوق سيكل والا الي بيسوق فانتوم محد درا عنه

بس ساعات فيه ناس يحسون بهاالشي اذا ركبو سيارات اقل مستوى من سياراتهم الفعليه

وكأن لسان حالهم يقول للناس الي حواليهم في الشارع

(( ترى هذي مب سيارتي ، احترموني اكثر لان عندي السيارة الفلانية بس في الوكاله !!!!))

والناس والله مادروووو عنه ولاعن سيارته

[الحره]

كنك تتكلم عن (اثنين) من ربعي من الطبقة (الألمعيه) المقرمشه :p

ههههههههههههههههههههههههههههههههههههههه حسبي الله على ابليسك خاطري مره اشوفك اتكلم من جد

توني من شوي كنت معصبه ولما شفت ردك ضحكني مشكورhttp://www.qatarshares.com/vb/images/icons/icon10.gif

[الصريحه]

الله يعين اصحاب المواتر القديمه والتعبانه

[دروب]

الحل إنك تسوق السيارة القطرية والعملية (كروزر) لها قدر كبير ف الشارع
لحد ما تتغير عقول البشر للأفضل

[بوخالد911]

هههههههههه
تذكررت موقف رفيجي
رايح لمكان عنده اجتماع

مدير رفيجي عنده كروزر ؛ والبواب ما فتح له الباب

ولما جا رفيجي وعنده لكزس صالون 460l؛ ع طوووووول فتح له الباب

:)

[بـــــــنت النوخـّــــذه]

ولكن .. لما يتعدى احد بطران على حقي في الشارع بس لانه راكب سيارة غاليه ومستهين فيني عشان سيارتي الارخص .. ماعندي اي مانع اني انزل من سيارتي واسحبه من خشمة على الشارع .. واسمعه كلام اخليه يندم على فعلته معاي ( والحمدلله ماصار معاي مثل هالموقف حتى الان )

السواقه فن .. وذوق .. ومهارة

وسلامتك


:eek5: بل تسحبه من خشمه في الشارع :looking: اههه

عموما" اخر جمله عجبتني:
السواقه فن .. وذوق .. ومهارة واضيف عليها كلمه اخلاق

ومثل ماقالو الي بيحترم نفسه بيحصل الاحترام والتقدير حتى لو راكب سيارة تكتك ^_^

[GENIUS]

القيادة فن و ذوق و أخلاق .

[بنت قطريه]

لا والله كلامه صح .... للاسف هالفكرة اللي براس الشباب بقطر للاسف يشوفون الشخص بسيارة أو موتره مثل ماتقولون .... يعني في ذمتكم في واحد صاحي اللي هو زوج أختي تخيلوا دارس ماجستير ولما رجع لقى ترقيه وصار مدير وراتبه 45 ألف وطبعا رجع ولقى الزن من ربعه انه هو مدير تكون سيارته عاديته ومثل الناس ليش ... وراح الاخ خذ له سيارته اخر موديل وكشخة واخرتها اختي تجيه أول الشهر يابوفلان اذا ممكن تاخذ اغراض البيت يقولها اسمحي لي مابقى من راتبي غير 5000 ريال .... وعنده طبعا اقساط الفيزا وبطاقه امريكان ..... ومايصفى شي من الراتب للاسف صج اذا قالوا العقل نعمه .... يعني مب حرام يقصر على عياله علشان هالشكليات ولا اذا بالشارع مر مرسيدس يقعد يهرن ولازم نفتح له المجال وبالذات اذا بالسيارة دريول مع حريم يعني استح على وجهك احترم المرة اللي بالسيارة يعني مرة والله بغينا ندعم والسبب واحد عنده بي أم ... عاد أنا تخرعت خخخخ وراح الدريول تخرع وخااااااف جان يلف على السيارة اللي جنبنا وبغينا ندعم مااقول غير حسبي الله ونعم الوكيل

[ابو خولة]

الحمد لله والشكر...

ما يفكر بالشكل هذا الا اصحاب العقول الفارغة..

اللهم لا تجعل الدنيا أكبر همنا

[khaleeji]

الله يهداك بس الكامري نفس الجي اكس
انت يمكن مركز على تصرفات الغير ويوحيلك ان الجي اكس مالك غير

الله يهداك يالمافيا انا ما اقول ان الجي اكس كشخه لكنهم ما يعيلون عليك لانها من مواتر الشباب :strong3:

[khaleeji]

البعض وليس بالكل

شكرا على الموضوع المميز

ولا تزعل يا قولد الغالبيه وليس الكل

ولا شكر على واجب

[khaleeji]

والله كلام 100 % اغلب اصحاب الكروزر كدة بصراحه

شفتوا ازاي حتى الاخ جمال شايف كده

ربنا يهديكم يا اصحاب الكروزر:nono:

شكرا اخ جمال

[khaleeji]

انا شاري لكزس للسواق حق مشاوير السوبرماركت اشرايك يامناحي

ما شاء الله عليك يابوحمد

ممكن اصير صديقك:thumbup1:

[ابو محمد7]

تخلـــــــف عندنا في مجتمعاتنا

يحترمون الجماد والحديد و السيارات والآلآت والاكسسوارات
والثياب الأحذية والشنط والأشكال

في العالم المتقدم اروربا وامريكا واليابان يحترمون العقول

المخترعين والأطباء والمهندسين والعلماء والباحثين

تلاقي دكتور جامعي رايح الجامعة على سيكل ومدير بنك يدير مليارات الدولارات
في القطار وقاضي يحكم في مصير الناس متواضع في سيارة صغيرة متواضعة






.. ليت القدر إقتصر على الموتر على قولتك ..
إلا وصل لأبعد من هذا .. قدرك على حسب لبسك ... وإكسسواراتك الشخصيه
ومنصبك .. وشجره عائلتك .. وعنوان بيتك ..
والمنطقه الي إنت ساكن فيها .. وعلى حسب سفراتك
وطلعاتك .. والمطاعم إلي تاكل فيها
والأماكن إلي تتمشى فيها


يعني أتوقع لو كنت إنسان فقير
مالك مكان إبوسط هالعالم


ما عندك الا حل من الإثنين :)
يأما تعيش فقير ونفسك عزيزه
أو إنك تدعي الغنى .. وإنت إمفلس



جملك الله برضى الرحمن


موضوع حلو وواقعى

بس ياريت بعد النقاش نطلع منه بإستفاده - واللى فعلاً بيقدر الناس على حسيب سيارتهم يغير هذه الفكره

وما أسهمل من انك تمتلك سياره كشخه بالدوحه ---------------------------------أقساط

فياريت الناس تعامل بعض على الطريق بإحترام والامثله فى الواقع كثير

شكرا لكم اختصرتوا كل اللي ابي اقوله وفعلا هذي ثقافة المظاهر والتخلف اللي نعيشه

الانسان صار مايقدر يتميز بعلم او شهادة او منصب او اخلاق او انجاز يفيد الناس صار يبحث عن التمييز بشكل مضحك برقم مميز او سيارة سعرها مرتفع

[بوحارب]

الله يعين اصحاب المواتر القديمه والتعبانه

:no::no:

ترى الموتر القديم له فوايد كبيرة

منها اذا تناحست مع واحد ادعمة دعمة خفيفة وخله يندم على اي غلطة سواها معاك :looking:

[بـن عدوان]

والله شي غريب

انا عندي كامري وبنتلي فاتح لي ههههههه

[الفولاذ]

السيارة لها دور في الاحترام
بس انا والله ماافتكر , والي مايحترمني شبيسوي بيلف سجل رقمه

[رياني qtr]

والله كلام 100 % اغلب اصحاب الكروزر كدة بصراحه


اشفيهم اهل الكروزرات مافهمت شتقصد ب 100%

[قلم محايد]

والله كلامكم صحيح ..

انا بعد عندي سيارتين كورلا و عندي اف جي كروزر ..

لما اطلع بالكورلا تجاوزات و عدم احترام و يلفون علي سواء الاجانب الهنود الشاحنات !!! و حتى بعض الشباب القطريين يلزقون من ورا و يشغلون الديم عشان اتحرك .. و غيره عند المنعطفات و الدوارات ماينطرون ابد على طول يشلخك بالهرن عشان تتحرك حتى لو في سيارة جاية من الجهة الثانية و بندعم لو طلعت و بصراحة اتنرفز وايد ! و بصراحة يفرق وايد اذا كنت حاسر ولا لابس الغترة .. اذا حاسر الوضع لا يطاق حتى الهنود و غيرهم مايحترمونك و لكن اذا لابس غترة يحترمونك !

و لكن بالاف جي الامور احسن في احترام و احيانا احصل يعطوني فرصة بعد للمرور و نادرا جدا احد يهرن لي !

[CH Engineer]

والله صح كلامك اخوي
انا اذكر مره كنت اسوق كامري 2002
وكنت مستعجل رايح لاخوي يبي البوك....
المهم ع الخط تلعوزت محد يبي يوخر لك اديم تكبس تهرن مافي امل...


بس اذا تطلع بموتر محترم ورقم محترم الناس تحترمك وتوخر لك على طول ..


انا عندي الحل لك خلك مثلي!!
خذلك بلاك بيري وتعبث فيه وامسك الخط اليمين وامشي على راحتك ولا عليك من حد ههههههههه
هذا الحل المثالي

[حليتان*]

رجاءا .. لا إدخلون الحريم في السالفه
.. خلكم في صلب الموضوع .. رجاءا ..


:(

انا قلت حريم وهنود بس



مب عراوي بس

حتى لو في جي قديم :weeping:

امس قدامي يوكن وماسك الخط السريع ويمشي 80 طبعا على خط الشمال

وانه اكبس واكبس وماوصف لك الزنن التجاري ما شاء الله عليه :eek5:

واشوف يد تأشرلي وش تبي وش فيك لحظة

ويوم مريت من احذى الموتر الا سحلية :eek5:

طبعا رحت كانه مالي خص في السالفة خبرك راعيات مشاكل وانه في حالي :)

لعوزونا السحالي:(

اتهقى اسوي الديم زنن :eek2:

هاي حركاتهم ... الله كريم يا ابا حروووب


همسه خارج الموضوع >> جان زين ماعطو السحالي لياسن






مالك حل في كلمة (يطقع لك)

ترا ماعرفك بس ما حبيت اطقع لك :looking:

[الرايــق]

الحمد لله على نعمة العقل
اللي بيحترم نفسة بيحصل الاحترام سواء راكب سيكل او بنتلي

[الرايــق]

انا ماتفرق عندي عراوي ولا رنج الغلطان اهرررررن له واحششششره بالهرررررن

بس ياجماعة الخير والله عندي مبدأ وخصوصا مع النوع اللي راكب الرنج ولا المرسيدس ومب شايف خير
اذا حاول يلصق في موتري من ورى ولا يلف علي ولا يتجاوزني وربي ادعمه ولا افتكر

وخله يصيح في شركات التأمين ويتعطل مع الكراجات علشان يعرف شلون يناحس ويتكبر

سويتها مرة في واحد امريكي حاسب نفسه فوق القانون
مسكين شكله كان مشغول يومها قعد 3 ساعات ينطر الشرطة .. وانا كنت رايق رايح اشرب كرك :d

[Index Signal]

الله يعز السلفيات و الإكتتابات إللي رزّت البعض ..!!

أما إللي فعلا شايف خير عمره ما يفكر بهالطريقه ولا ينظر للناس بهالنظره المتخلفه ..

و بغض النظر عن تصرفات هالفئه .. المفروض ردة فعلنا تجاههم تكون متطابقه مع أخلاقنا مب أخلاقهم .

[fsl_qa]

عادي بتشوف منها وايد
عنده موتر يديد ومستانس ابو الشباب ولا توه ماخذ الليسن ومب مصدق وصاير مايكل شوماخر
وتلاقي الشارع زحمه و الاخ لاز بالصدام لين ما يدعمك وبالاخير بيقولك ليش ما تفتح لي الطريق ويبي العالم يطيرون علشان الاخ يمر
فاللي اشوفه عقليات صعبه تتغير وفي وايد منهم وكل يوم يزيدون

[العساس]

الحل اخوي خليجي
اذا عندك موتر قديم اكتب علية ورى (مايهزك ريح) او (مافيا تيم)
ودعيلي

[مـحـمـد]

والله ياخوي الوضع عادي واللي يلف عليك لف عليه

الواحد بأخلاقة مب بموتره والسلام

أحسنت بالنصيحة ..
اللي يلف عليك ، لف عليه ..
:(

[روضه الجنة]

والله صح كلامك اخوي
انا اذكر مره كنت اسوق كامري 2002
وكنت مستعجل رايح لاخوي يبي البوك....
المهم ع الخط تلعوزت محد يبي يوخر لك اديم تكبس تهرن مافي امل...


بس اذا تطلع بموتر محترم ورقم محترم الناس تحترمك وتوخر لك على طول ..


انا عندي الحل لك خلك مثلي!!
خذلك بلاك بيري وتعبث فيه وامسك الخط اليمين وامشي على راحتك ولا عليك من حد ههههههههه
هذا الحل المثالي

حل مثالي هههههههههه واذا صادك شرطي يعطييك مخالفة وغيير انك توصل متأخر وفووق هاي كله محد يتعبث فالبلاك بيري ويسوووق :eek2::eek2::eek2: اخرتها حادث ى قدر الله بعييد الشر عنكم

[الشقيان]

:playball::tomato:

[إنتعاش]

كلامك الحقيقة منطقي واوافقك عليه 100%
مجتمعنا ككل كقطريين وكمقيمين ايضا
ثقافة ( قدرك على حسب موترك ) موجودة وبشكل ملحوظ وكبير ..

واقع لا نستطيع إنكاره

طبعا قصدي ( كسلوكيات سائقين بالطريق ) مع سيارة كشخه وسيارة عادية ..

[PoBox]

والله الي بيسوق سيكل والا الي بيسوق فانتوم محد درا عنه

بس ساعات فيه ناس يحسون بهاالشي اذا ركبو سيارات اقل مستوى من سياراتهم الفعليه

وكأن لسان حالهم يقول للناس الي حواليهم في الشارع

(( ترى هذي مب سيارتي ، احترموني اكثر لان عندي السيارة الفلانية بس في الوكاله !!!!))

والناس والله مادروووو عنه ولاعن سيارته


كلام سليم:thumbup1:


-

اما بخصوص العنوان " قدرك على حسب موترك"
تذكرت نقطة امس ولاقبله قالها عائض القرني في قناة الرسالة بوسط كلامه

معاك 1000 ريال تسوى الف ريال
معاك 5 ريال تسوى عند الناس 5 ريال بمقاييس الناس المريضة
omen