ليه بعض الناس جى

[سالي 123]

:(:( ليه فى يعض الناس لين يدخلون على احد نازل بيت جديد ينسون ذكر الله قصدى يتناسون ليه شنسوى لهم نذكرهم ولاشنو لانه انا وحده صرت اخاف اطلع حق حد من الى يجونه لانى جربت العين كم مره يوم كنت اصغير ه :weeping: ودخلت العنايه بسبتها .

[(الفيصل)]

بقولج ليش الناس جي:)

إذا ُهجر القران من أهل البيوت لاسيما سورة البقرة
وإذا هجر الناس الاذكار والتحصين لأنفسهم ولابنائهم
وصدعت ببيوتهم الاغاني والمسلسلات الهابطه
وهجرت الملائكة هذه البيوت ، وسكنته الشياطين

لايلوم كلاً منا إلا نفسه ، ولايلوم الاخرين من (النضالين):)

[الدمعه]

الله يعينكم بس اكثري من التحصين واستودعي بيتج .. ووحطي عالباب الجهاز اللي يذكر

الله لين انفتح الباب ... يخليهم غصب يذكرون الله ... وبعدين خلج طبيعيه اي حد يقول شي

قولي بويهه اذكر الله لاتستحين ..

[ارين]

العين حـق ..

ولا بد للإنسان أن يحصن نفسه بالمعوذات والأذكار ..

والله يحفظ الجميع ..

[aljaber1]

الحمد الله بكل الاحوال
ومايصيب الانسان لايخطائه
ومايخطيه لايصيبه
وتوكل على الله مطلوب

[طويل النفس]

العين حق

بس مو كل الناس (جي)

فيه منهم (جي اكس)

[تحداني]

.. أول ما دخلنا بيتنا .. بعد الفقر إلي ذقناه والحمد لله ...
جزاه الله كل خير صديق الوالد عطاه غزال إصغير .. هالغزال وعليه عليه
ذنبه الوحيد إنه جميل وغالي .. وتدرين الفقر ساعات يعلم الواحد ما يسأل عن أشياء غاليه وكم قيمتها ..

قمنا على نياتنا إنربي هالغزال .. والوالده كل ما جاوا الحريم البيت قالت لهم
الله يهديه بو محمد .. ما أدري من ماعطه غزال .. وتغربلنا منه .. ما إنعرف شنأكله .. يوم نعطيه " جزر .. يوم نعطيه ملفوف ..


المهم

في يوم من الأيام الممطره
ما وعينه الا هالغزال ماكله الجلب .. والغزال الثاني صاده إسهال ومات عن الطبيب البيطري
وأخوي " عبد الله " الله يرحمه توفى بعدها


فالعين حق
والنفس الأماره بالسوء موجوده


إقري المعوذات دايما
وشغلي القرآن في البيت .. وسمي بسم الله على كل شئ
وان جى طاري البيت قولي الحمد لله وما شاء الله
بطريقه جدا لبقه .. ان كان هناك حوار او نقاش



ولا تطرين سعر الاشياء
ومعاناتكم في بناء هذا البيت


وعلى فكره أحيانا أصحاب البيت قد يكونوا سببا في حسد أنفسهم



عسى الله يهنيكم في البيت . ويسعدكم .. ويبني لكم رب العالمين قصرا في الجنه
وما إتشوفين الا كل خير في دربج ودرب أبو الإعيال ..



الله يسعدك .. ويجملك برضى الرحمن

[المليونير الفقير]

نصف اهل المقابر من العين عسى الله يحفظنا واياكم من كل حاسد

[نورالهدى]

انا أصبت بالشلل 3 شهور وما مشيت الا لما قروا علي
الله يحفظنا جميعا

[العودي V.X.R]

7 تمرااات + اذكااار الصباح والمساء .... = الامور طيبه وجميله