جميع البنوك بدأت بعروض أشتر سيارة وخذملكية حره .. اليست هذه طريقة لزيادة الديون .

[سوق واقف]

السلام عليكم ورحمة الله وبركاته

أخواني أخواتي الأعزاء ... ألم تلاحظوا هذه الأيام بالعروض المقدمة من البنوك أشتر اي سيارة وخذ ملكية حره ( قصدهم خذ سيارة وبيعها وخذ فلوسها وزيد دينك ))


للأسف أعرف الكثير من الشباب شروا سيارات وباعوها على نفس الشركة وخذوا كاش .

اليست هذه طريقة جديدة للوقوع في فخ الديون لدى البنوك ...

بدون دفعه

بدون كفيل

والشباب طايحين شراء vxr والبيع على نفس المعرض والمعرض ياخذ 2000 ريال عمولة ويسلمك كاش ..


إيش رايكم بهذي الحركة من البنوك ..... دعوه للنقاش .

[The Watcher]

أنا ما اشوف ان الغلط على البنوك

الغلط في الشباب

ايش دخل البنك لو سوى تسهيلات ؟
الشباب ماعندهم عقول؟

مثل الشيسمونه اذا حطوله جبن في المصيدة؟

محد لزم على الشباب انهم ياخذون قروض

ولا هو بس من باب .. شي موجود واقدر آخذه .. يعني لازم اروح آخذه؟

[سوق واقف]

أنا ما اشوف ان الغلط على البنوك

الغلط في الشباب

ايش دخل البنك لو سوى تسهيلات ؟
الشباب ماعندهم عقول؟

مثل الشيسمونه اذا حطوله جبن في المصيدة؟

محد لزم على الشباب انهم ياخذون قروض

ولا هو بس من باب .. شي موجود واقدر آخذه .. يعني لازم اروح آخذه؟


صحيح أخي العزيز أنا مب قصدي البنك أنا قصدي الحين الكل راح ياخذ ويبيع وياخذ كاش ويصرف الفلوس عقب يخلي ديون على راسه .... هذا قصدي ..


أنا أقول يتم الغاء فكره الملكية الحره

[العقل الحر]

الديون وراكم وراكم ياهل قطر

[Rayane]

قلتها بنفسك..... شباب يعني طايش....

اذا انا توني مشتغل وباحصل فلوس بهالسهوله والله لاروح واخذها من دون ما احسب حسابها....

صحيح بعدين بيندم ولكنه أكيد ما فكر في هالشئ لانه ما حسب حسابه

وهذي صايره على كثثثثير من شباب قطر وانا أولهم.

يا ريت البنوك تتبع سياسة حازمه شووووي.

[hard to get]

صحيح أخي العزيز أنا مب قصدي البنك أنا قصدي الحين الكل راح ياخذ ويبيع وياخذ كاش ويصرف الفلوس عقب يخلي ديون على راسه .... هذا قصدي ..


أنا أقول يتم الغاء فكره الملكية الحره

وبعد ما يتسلف ويشربك نفسه
يجي المنتدى ويقول لك احنا مديونين
سددي الدين يا حكومة

هل تعتقد بان هالسفهاء يستحقون ان الواحد يسدد عنهم دينهم؟!!!
للعلم يا سوق واقف
انا اشتريت سيارة من عند واحد من هالسفهاء
سيارة موديل 2010 اصفار
خذتها اقل من الوكالة ب 22 الف

[العقل الحر]

قلتها بنفسك..... شباب يعني طايش....

اذا انا توني مشتغل وباحصل فلوس بهالسهوله والله لاروح واخذها من دون ما احسب حسابها....

صحيح بعدين بيندم ولكنه أكيد ما فكر في هالشئ لانه ما حسب حسابه

وهذي صايره على كثثثثير من شباب قطر وانا أولهم.

يا ريت البنوك تتبع سياسة حازمه شووووي.

صحيح 100%

[Rayane]

وبعد ما يتسلف ويشربك نفسه
يجي المنتدى ويقول لك احنا مديونين
سددي الدين يا حكومة

هل تعتقد بان هالسفهاء يستحقون ان الواحد يسدد عنهم دينهم؟!!!
للعلم يا سوق واقف
انا اشتريت سيارة من عند واحد من هالسفهاء
سيارة موديل 2010 اصفار
خذتها اقل من الوكالة ب 22 الف

يا زين كلمة طايشين بدل السفهاء.

ولا تخاف ياخوي ما راح يسددون ديونهم. ريح بالك.

[hard to get]

يا زين كلمة طايشين بدل السفهاء.

ولا تخاف ياخوي ما راح يسددون ديونهم. ريح بالك.

الله سبحانه وتعالى ذكرهم في القران بالسفهاء
لقوله تعالى
( ولا تاتوا السفهاء اموالكم)

والسفيه الذي لا يحسن التصرف في المال

[Rayane]

فيه كذا وصف اقدر اوصفهم فيه احقر من السفهاء. ولكن ماله داعي وانا أخوك.

يعني مهما كان هذيلا عيالنا وأخواننا. انت ما ترضى شئ أكيد.

[الجوكر90]

السلام عليكم
هاي اي بنك يعطيك ملكيه حره
ماخبر غير المصرف
اذا تعرف قولي

[حبر سري]

اشراينا بهالحركة من البنوك؟

اقول اخوي

لو كنت انت رئيس مجلس ادارة البنك , وشراح اتسوي؟ اكيد راح اتسوي عروض تجذب الناس

وسبحان الله البنك اللي مايسوي عروض الناس تنقد عليه , مايسوي ومايسوي

البنك هذا شغله , لكن ياخي دامك ماتبي اتحط على ظهرك قرض لاتاخذ

طبعا الكلام موجه للكل

البنك اكيد يبي يفيد ويستفيد , لكن اللي عنده عقل يعرف يوزن الامور , واللي ماعنده عقل ويمشي وهو مغمض , هذا ذنبه على جنبه , شيسشوي له البنك؟
وفي الحالتين البنك مستفيد

[سوق واقف]

أخي العزيز حبر سري . . .أنا لو كنت رئيس مجلس إدارة كان ما فكرت بهذي الفكره نهائيا

لأنه يوجد الكثير من الطرق لزيادة دخل البنك بارك الله فيك ...
تدري يالغالي شكثر شباب حوولوا رواتبهم بديونهم على هذي البنوك عشان ياخذون سيارة ويبيعونها ...

قصدي ليش نشجع شبابنا على الإقراض هذا هو القصد .... والشيء الآخر زيادة المديونيات على الأسر لماذا ؟

[بلوتنيوم]

معاك حق ياسوق واقف

الدعاية مغرية :)

[نتفـه]

بس هالعروض لين متى مدى الحياه يعني ؟؟والا مجرد فتره وخلاص !

[وطن]

كل واحد عقله براسه !!!

يعني اذا هو ما يفكر بمستقبله ومب هامه انه يحط دين على ظهره
ويبي يلعب بالفلوس الحين
هو اللي بيندم بعدين وبيتحسر

لا تلوم البنوك

لوم الشباب واللي ياخذون قروض ع اللي يسوى واللي ما يسوى

[بوحارب]

كل واحد عقله براسه ويعرف خلاصه

واذا الواحد صار غبي وكل يوم وهو شاري موتر ما راح يخلص من الديون ولا عقب 20 سنه !!

والقناعة كنز vxr موديل 96 ولا موديل 2011 :(