اليله القرنغعوه احد يعرف كيف دخلت هذي العاده الخليج

[نون]

من معلوماتكم نستفيد اش هل العاده ومن وين هل هي خليجيه خليجيه ام فارسيه او هنديه وبعد:deal::nono:

[بومحمد911]

تفضل

http://www.qatarshares.com/vb/showthread.php?t=135695

[انتر ميلان]

في ناس يقولون بدعه وحرام

بس من وجهة نظري الشخصية مااقدر أفتي في هذا الموضوع
ويكفي نشوف فرحة الكبار والصغار وتجمعهم
واحنا في هالزمن نحتاج لمثل هالتجمعات الأسرية

[نون]

تفضل

http://www.qatarshares.com/vb/showthread.php?t=135695

:nono:

[نون]

هذي مش في العبادة هذي العدات الخليجه ولا يدخل فيها اي عباده

[نون]

في ناس يقولون بدعه وحرام

بس من وجهة نظري الشخصية مااقدر أفتي في هذا الموضوع
ويكفي نشوف فرحة الكبار والصغار وتجمعهم
واحنا في هالزمن نحتاج لمثل هالتجمعات الأسرية


هذي مش في العبادة هذي العدات الخليجه ولا يدخل فيها اي عباده
ميعرفها للا قطري او خليجي

[نون]

فرحة اطفل من العادات الخليجه

[بـــــــنت النوخـّــــذه]

قرنقعوه قرقاعوه..

عطونا الله يعطيكم بيت مكة يوديكم

يا مكة يا معمورة ياأم السلاسل والذهب يا نورة

عطونا من مال الله سلم لكم عبد الله

عطونا دحبة ميزان سلم لكم عزيزان

يا بنية يالحبابة أبوج مشرّع بابه

باب الكرم ما صكة ولا حط له بوابة


من الكلمات اختي عاده موروثه وكل ديره لهم طابع خاص

ياريتني ارد صغنونه عشان اروح اقرقع في الفريج :looking:

http://t1.gstatic.com/images?q=tbn:WMfNvD2NYL_JSM:http://forums.3roos.com/uploaded/148973_01247608231.jpg

[نون]

هذي مش في العبادة هذي العدات الخليجه ولا يدخل فيها اي عباده
فرحة اطفال فقط اش الي فيها حرام الاطفال يفرحون في النصف من
رمضان انا اشوف مافيها شي وفي من اجازها من المشايخ والله اعلم

[مستخبي]

يا جماعه مب كل من افتى ركضناااا وراه .... ياما علماء افتوى فتاوي وكانت غلط
الصراحه انا اشوف ان القرنقعوه فرحه للاطفال وفيه يتم اجتماع الأسره واحياء المجالس الأهليه ... يعني وين البدعه الي فيه ؟؟؟ أّذا احنا نزور اهلنا في الشهر مره وساعات مانزورهم ... ليش ما نخليها في رمضان وفي وقت القرنقعوه ونوزع المكسرات والحلويات ونرسم البسمه على وجه كل الناس

اخبر لما كنت صغير يدتي كانت تقعد عند باب الصاله بالطشط الحمر المليان مكسرات وحلويات واليهال يجون بكياسهم ويغنون وتعطهم (الله يرحمها انشاْالله) ... وكله تقول هذا يوم نفرح فيه عيالنه نفس ما كانو يفرحونه ابهاتنا وامهاتنا ....

واسمحولي على الأطاله ...

[بوخالد911]

كل قرنقعووه وانتوا بخييير

[بوعلي2]

الله المستعان

[ريــــــــان]

من سن سنة حسنه له اجرها واجر من عمل بها

وهذه عاده اجتماعيه تحث على العطاء والالفه وين الحرام فيها ؟؟

[بوعبدالله2005]

السلام عليكم ورحمة الله وبركاته
القرنقعوة يوم يفرح فيه الأطفال لأنهم يحصلون فيه على بعض المكسرات و الحلويات فقط .
و الأطفال يعتبرونه من الأيام المشهودة و التي تستحق الانتظار و الترتيب له .
يوم في ليلية النصف من رمضان للأطفال فقط فقط أيش دخل البدعة و الدين في توزيع المكسرات و الحلوى للأطفال
ومن قال أن القرنقعوه من الدين ومن قال انه عيد .
يا ناس ترى هناك أمور اكبر و اخطر و ابشع من تحريم و تبديع يوم يوزع فيه المكسرات و الحلوى

[بنت شيوخ]

من تراث الخليج

توارثوه جيل بعد جيل